Video
Telephone
+853 88062358
Awards and Titles
Michelin 1 Starred Restaurant (2023-24)
Opening Hours
Today
11:00 - 15:00
18:00 - 23:00
Mon - Sun
11:00 - 15:00
18:00 - 23:00
*Bar: 11:00-23:00
Above information is for reference only. Please check details with the restaurant.
RELATED ARTICLES
在一周前我已在網上訂座，要求餐廳替我準備8個壽桃。上周日，我們一行八人在蜀道吃一頓晚飯順便慶祝我太太的生日。首先在大門入口處門口的支客非常有禮地迎接我們及 帶領我們到 已訂咗的枱，到達張枱後，服務員很有禮貌地替我們拉開椅子就座及替我們舖好餐巾。服務員首先很有禮貌地介紹蜀道餐廳的名字由來。當我們正在看餐牌時，在場的女經理/部長很樂意地詳盡解釋每款菜式，更介紹他們餐廳的辣椒醬是由他們廚師秘製出來。我們點了菜後，服務員隨即奉上餐前小吃這是餐廳放送給各位顧客的陳皮牛肉皮牛肉，非常濃郁的陳皮味，牛肉也很爽滑， 非常開胃。期後其他我們所點的餸菜陸陸續續送上服務員也會為每一道菜作出簡短的介紹。當第一，第二道菜上菜後，服務員就問我們對於辣度是否需要調整呢？他們可以作出調整辣度，若覺得太辣，可以將稍後的餸菜減辣 ，或若果我們需要加辣，他們可以將其後的餸菜加辣。到飯局中段時，由於他們知道當天是我太太生日，他們給我太太一個驚喜。從後拿出一碗長壽麵，碗內有壽字的雞蛋伴麵，還有用一條長壽橋器皿盛載麵的配料。非常窩心😁😘到用餐尾段，服務員拿出8個新鮮出爐的壽桃。原來餐廳餐牌沒原壽桃的，今次是廚房特登親自為我們而做，仲要係免費送上的，真是感動呢。最後還奉上精心炮製的甜品，陳皮糕點，花椒朱古力，非常特別。再值得一讚是所有女性服務員 ，大多笑容親切，很有禮貌，服務殷勤，每道餸菜都會很詳盡地介紹。現在很少服務員會有這樣的招呼的。整餐晚飯感覺如貴賓的招待。我覺得餐廳的服務分值200分，食物質素都值99分，值得推介給大家。
continue reading
今日有機會去澳門美獅美高梅酒店試下酒店入面既米芝蓮一星餐廳 - 蜀道。餐廳位於酒店大堂地下，門口設計特別，非常之有傳統氣息。餐廳6點先開門，但門口特登設有一個茶廊，客人早到嘅話可以係茶廊品嘗功夫茶同各種特色茶製酒釀。不過我因為太肚餓嘅緣故，亦都冇去茶廊品茶，下次一定要試吓入門口經過茶廊之後就係餐廳內部，裝修非常之有特色同優雅，好似去咗仙境一樣。店員安排咗一個角落俾我哋兩位，之後就簡單介紹餐廳嘅特色、主廚嘅背景& 主打菜式。其實單憑裝修，就知道餐廳定位係高級川菜。店員表示主廚有超過三十年經驗，主打民國時期係成都公館大宅内，名流權貴既川式府邸宴會佳餚體驗，因此講求名貴食材、精細技藝同烹調技巧。呢度嘅菜式非常之特別，而且種類繁多，同普通食開嘅四川菜好唔同。經過店員細心嘅介紹，我哋點咗餐廳內比較有特色，而又鍾意嘅菜式。店員亦都極力推介佢哋餐廳嘅茶，同出邊嘅唔同，亦都用上古代專門飲茶嘅杯，四種顏色分開春夏秋冬。最後我叫左黑枸杞菊花茶，味道清香，亦可以去油膩。餐前小食：帶子 - 不過不失，帶子尚算鮮甜配菜：自家製香麻花生 - 入口唔會好辣，有少少麻辣味，唔算太鹹，香口嘅花生令人一而再想食之後終於到今日點嘅主菜：老傳統夫妻肺片：餐廳用左優質既牛腱肉、金錢肚、牛舌，切至非常薄，再配以自家製嘅辣椒醬同花椒油，再灑上花生。整個菜式口感豐富，辣香味濃郁，帶有微妙嘅麻辣風味四川醉蟹：店員介紹係四川地區特色菜之一，食材就用咗水蟹。同一般餐廳唔同嘅係，呢度係用熟醉嘅方式烹調，先將蟹蒸熟，再用四川五糧液、特有嘅辣椒、花椒等調味料泡浸全隻蟹，所以蟹嘅每一啖肉，都吸收咗各種嘅調味料，肉質嫩滑鮮味，十分推介四川煳辣炒龍躉 - 餐廳必食菜之一 亦係米芝蓮套餐入邊嘅其中一道菜，店員極力推介。通常四川菜入邊就係用水煮嘅方式，好少聽到有煳炒。呢道菜同辣子雞嘅做法有啲相似，餐廳先將龍躉球炸起，再同四川大紅袍乾辣椒同花椒一齊炒。入口外酥內嫩，亦都越食越辣。因此餐廳亦準備咗特製飲品古道清風 - 用百香果、青檸、菠蘿，特製而成嘅解辣飲品。值得一提嘅係，因為餐廳位於大灣區，因此食材亦因此有調整，呢度菜式用嘅係花尾龍躉，肉質亦特別鮮嫩鍋貼豆腐 - 總廚推介菜式 呢道菜絕對係一個工序繁多既手工官府菜，用雞胸肉同豆腐一起做，做完以後將佢還原成豆腐，再放入鍋入面煎。入口焦香酥脆，賣相亦都一流，好似麻雀🀄️入邊嘅一索一樣麻婆豆腐 - 同一般麻婆豆腐做法有少許不一樣，就係豆腐有鹵過。因此每一粒豆腐都好入味得黎又唔太鹹，送白飯一流甜品紅糖糍粑 - 成都特色小食，表面炸至金黃色加上紅糖，入口鬆脆但內裏煙韌。配合紅糖一齊食，清潤解辣。總括嚟講，今日嘅體驗非常唔錯，餐廳嘅服務也非常出色，店員會詳細解釋每道菜既特色同食用方法👍🏼 仲推介我哋下一次試吓佢嘅水煮菜式，睇嚟要諗吓幾時book下一次
continue reading
最近，週末去澳門一日遊，到處人山人海，名勝更加人迫得水洩不通。以免向隅，吃飯更加要預早book 定位，但平時最心愛及必食的餐廳，全部fully booked ! 正徬徨之際，有朋友大力推薦此四川菜館，居然可以訂到位，大家抱住姑且一試的心情去呢！此四川菜館位處於氹仔美高梅酒店內，門面很有特色！ceiling 特別高，令人不會有侷促的感覺！高掛的水晶燈飾十分璀璨，營造氣氛很cosy 及relaxing ! 食物非常有特色，辣度可以自由挑選，很不錯！前菜- 杞子萵筍，清爽可口口水手撕雞 - 麻辣味適中，吃落有回甘。回味無窮….鷄肉柔輭滑嫩，食到停唔到口！最後要留番麻辣汁，用來撈擔擔面….香辣雲吞，皮薄餡靚，滑溜溜，容易入口和牛蘿蔔絲酥餅- 和牛味美，酥餅外層不油膩，非常鬆脆！燒鴨手抓餅 - 手扒餅好好食，燒鴨亦鮮嫩可口，兩樣味道都很夾！米通鍋貼 - 外型特別，外層的薄脆又薄，又香，又脆口，鍋貼煎到金黃色，肉汁很豐富，有爆汁的危險！絕對值得推薦！因為，篇幅及相片關係，精彩相片不能盡錄，可惜！
continue reading
作為香港人，除了粵菜，川菜亦是自己所愛。很多人聯想到的川菜就是麻辣火鍋🍲和重麻重辣的江湖菜，其實川菜的世界大得很。之前在成都的「軒軒小院」就嚐到一頓傳統老川菜，其中的「雪花雞淖」更是精彩，想不到能在 澳門重遇。環境:餐廳在「美狮美高梅」內，走的是高端 fine dining路線。奢華風的裝修風格跟精緻出品非常撘配。服務:服務非常貼心，每個菜式上來侍應都會細心講解，也會細心給我們分菜。侍應們雖然都戴著口罩😷，但隱約能看出都是高顏值的😻「芙蓉燕液雞豆花」可說是「雪花雞淖」的變奏版，也可算是中式分子料理。把雞肉打碎，加入蛋白再以高湯慢煮做成豆腐的模樣。這裡的版本還加上燕窩，又高一個層次。看著吃豆腐，嘴裡卻嚐到雞的鮮味；以為是創新菜，卻原來是傳統巴蜀名菜。誰說分子料理是外國發明的😄「傳統牛肉焦餅」外皮焦脆，内裡肉汁豐富，微微的麻辣味可說是畫龍點睛👍🏻 唯一要注意是不要心急，因為剛上桌的時候還是很燙，小心燙咀😛相比牛肉焦餅隱約的麻辣，「老麻龍抄手」就是直拳重擊，麻辣控肯定會愛上。「雞汁鍋貼」也是水準之作，打卡一流「清炒菠菜苗」用作緩衝一下味蕾，要是想繼續刺激的可點熗炒的。「擔擔麵」很精彩，麻辣味不停衝擊味蕾。跟以前吃過帶湯的不同，這裡的是屬於乾拌型的，因為沒有湯，所以味道濃郁很多。這裡的担担麵能輕易把大部分的名店出品都比下去，強力推介👍🏻已經撐到吃不下甜品🍮，餐廳還是奉送了一小分「四川涼蝦」作結。冰涼爽甜，要是有「胃」置值得一嚐。埋單2個人一共800大洋，以這裡的規格來說價錢合理。雖然在今年的「米其林指南」只評為「米其林餐盤」級別，就這次用餐體驗來說各方面都無懈可擊，摘🌟相信只是遲早的事，加油💪🏻
continue reading
「蜀道」，有別於現今嘅一般川菜，一改以往嘅舊印象，唔係一味得個「辣」字。老川菜實則以「七分不辣、三分辣」為主，而「蜀道」亦希望可以將傳統嘅川菜風味重現，所以餐牌嘅菜式都係以辣與不辣各佔一半架。小JM媽雖然不嗜辣，但今趟卻食得好滋味，辣得過癮！而且仲有女茶藝師表演添。 川鹵鮮鮑、嬌玉嫩竹筍尖、饞嘴粒粒香川鹵鮮鮑：鮑魚鮮味肉彈，醬汁麻而不辣嬌玉嫩竹筍尖：味道清新，竹筍尖夠嫩而且爽脆饞嘴粒粒香：外層脆口無比，內裏辣得過癮 開水白菜係四川名菜之一，由川菜名厨黄敬臨係清宮御膳房創制，亦係國宴嘅其中一道菜餚，同時亦深得慈禧太后所喜愛。 開水白菜嘅雞湯顏色淺白如開水，但味道卻鮮甜無比，令蔬菜更覺香甜。 山珍炒牛肉眼粒山珍爽口清甜，無草青味，而且吸收咗牛肉嘅油份更覺可口。牛肉味濃郁，肉質夠軟滑。兩者可以絕佳嘅配搭。 蝦餃藕盒拼田園時蔬蝦餃釀於細薄嘅藕片之中實屬心機及功架嘅表現。再配以醒胃醬汁進食，更加恰到好處。^ 擔擔麵、雞湯麵、特色茶 ^ 糍粑冰粉
continue reading
You may be interested in