Video
Telephone
+853 2880 8888
+853 8860 6128
Opening Hours
Today
10:00 - 15:00
18:00 - 23:00
Mon - Fri
11:00 - 15:00
18:00 - 23:00
Sat - Sun
10:00 - 15:00
18:00 - 23:00
Above information is for reference only. Please check details with the restaurant.
去澳門出席壽宴，場地好大，樓底高，好典型大飯店格局，粉金色主色不俗氣鮮什果海蝦沙律：擺盤好靚，蛋糕🎂造型，有壽星公糖公仔，都唔捨得拆散佢，大蝦爽口，芒果皮酸甜開胃，入面什果粒爽甜多汁，不會太多沙律醬包裹，好味的開胃菜，醬燒琵琶乳豬全體：有配埋薄饅頭片（我唔知呢啲點叫）乳豬皮脆，肥膏不多，配饅頭皮減少油膩感，好味松露拌水芹香炒桂花蚌：好多蚌肉（幾乎遮晒啲菜）蚌肉落了好多松露油炒，好香！蚌肉清爽爽脆，蔬菜都不失禮，有蜜糖豆、馬蹄、西芹片、蓮藕片，都是我喜歡的爽脆蔬菜！配松露油好味！乾煸什菌炒雪花牛柳粒：豉油王竹媽媽的，牛柳粒炒得鹹香，有點點筋可接受，配料是我喜歡濃味有𡁻口的茶樹菇，蜜糖豆爽脆正常松茸螺頭燉花膠去皮雞湯：又濃又清甜，花膠嫩滑，好滋補！唔喜歡中湯嘅我都飲咗兩碗清蒸珍珠龍躉：細龍躉幾嫩滑，魚眼都突晒出來（新鮮）甜豉油吊味剛好，唯一是點解青蔥絲咁少？上湯波士頓龍蝦伊麵底：龍蝦肉爽口，上湯不會太鹹，薄薄的獻汁，伊麵正常！蒜香吊燒雞：食了雞胸肉，肉質正常不嚡，ok蠔皇荷葉飯：我只食了點飯，飯粒索晒啲蠔油味，幾香又飽滿，好味雙色壽包：無食陳皮紅豆沙湯丸：紅豆大粒，起晒沙夠濃，丸子煙韌，不會過甜！好味生果盤：擺盤靚，西瓜🍉甜，哈蜜瓜爽脆！好味！以平常不喜歡圍菜的我，都覺得今晚菜式有特式又好味，用料幾靚店員有禮勤快！食到有驚喜的圍菜
continue reading
已經不是第一次到凱旋軒，為什麼一再光顧？因為點心好吃，另外這兒的燒腩仔實在不可錯過。先說說不可不吃的燒腩仔，皮脆肉嫩，吃時加少許糖和芥辣，簡直是人間極品。雖然邪惡指數極高，但實在吃到不能停口。至於其他的點心，也味道好質素高。最愛吃這兒的各式餃子，如蝦餃，蝦肉爽口彈牙，其他類型的餃子也很出色，相信是因為食材質素高。這次我們便一共點了三款餃子，除蝦餃外，其餘兩款的名字忘記了，但都好吃。煎腸粉和釀青椒也不錯，唯一覺得不太好吃的是滷水雞神豆腐，雞神很硬，而且不太入味。這兒環境舒適，是一家人喝茶吃點心的好選擇。
continue reading
颱風前夕，一家人飲茶先顧及車位問題，因酒店有代客泊車服務，因此就選這家試試。在眾多點心當中，必選應該是蝦餃吧！這裏的蝦餃，其饀內鮮蝦爽口彈牙，惜澄麵皮略厚了點，但仍稱得上合格。鮮蝦脆脆腸粉，內脆不韌，蝦新鮮，比合格再好一點。鹹水角，淡而無味，而且饀少，它竟然近乎空心的。奶黃包，用甘荀汁做皮，而流沙做到流而不膩，可是包的皮質有點實和乾，真的失敗。醃青瓜，明顯沒有用拍刀手法處理，青瓜缺少坑紋以吸收更多的醋液，加上吃得出用上平價陳醋，再加沒有辣味的辣椒油以取代指天椒，未免差得太遠吧！啫啫通菜，上菜時蝦醬味撲鼻而來，可惜入口淡而無味，應該蝦醬貨色次劣，敗筆！蚝仔烙，是全桌最成功的菜，蠔仔鮮味再加蛋香，不俗！紫薯桂花糕，上層桂花啫喱還可以，下層紫薯糕無味，不吃無損失！由於價錢中等，不想花時間等位置的也可考慮！
continue reading
因為假期，買到太遲的船票，到達澳門碼頭已是二時幾，我們計劃去凱旋軒，一來未去過，二來永利軒及美高梅金殿堂一定無位，我們先上永利專車，到永利門口過對面，就是凱旋門酒店。一般中式裝飾，因沒有訂枱，要等一張枱，坐不到大廳，要往隔隣FUNCTION ROOM，當日天氣幾冷，但裏面又熱又焗，我們脫掉所有外衣，只剩T恤，問侍應，佢話空調壞咗，正在修理中。拿過點心紙，無特別的點心，所以叫二個小菜加白飯-XO醬豬肉炒翠玉瓜，蒜香春筍炒班粒(每碟約$70幾元)，小炒幾香口，有鑊氣，春筍以為是竹筍，不知是是菜莖或是瓜是一種，但爽口及甜; 再叫三文魚批$38，有洋蔥裏面，幾鬆化。
continue reading
本來想去永利軒、但太肚餓、因入住凱旋門關系、就去試試。叫了三樣點心：$30野菌素餃 — 超好食、起初以為素會無咩味、點知好鮮好好食。$30鮮奶雪影飽 — 都好食、新鮮又熱。$30蟹肉撻 — ok啦、無乜印象。最後叫左個清湯牛坑腩窩河($98)、影唔到相、因為D待應要分開上比我地........... 牛腩係坑腩、味濃有咬口、湯竟然有藥材味，好食。順帶一提、無叫蝦餃燒賣係因為呢間酒樓無！問過夥計佢話係成日轉點心款的、大廚跟時令做、小弟當日食只有約十種點心提供。待應服務可以、會同你斟茶(睇到個陣)。p.s.最後一提食滿$300會有$50現金卷一張、剛好鄰桌埋單位靚仔遊客主動比左張現金卷我地、真係多謝佢。
continue reading
You may be interested in