世記咖啡

Open Now

Now Closed

必食必食必食，重要的事要說三次。咖啡好香，必飲豬扒飽即製，拎上手熱辣辣，又夠香，豬扒好大塊，好入味，面包亦烘得好脆，法包，兩日非常之夾，一定要食。仲有係個奶油多士，第一啖食落去好有驚喜，整得非常脆，好甜好好味，鐘意食甜野既會好岩，佢毫不吝嗇咁加好多奶油落去，食到袋底仲淨返好多，我鐘意食甜野但都建議2-3個人share黎食，因為去到袋底會因為太甜而食唔到太多舊，好鐘意食甜野既都可以挑戰下自己食哂一袋既。

每次到澳門一定會食豬扒包, 今次又找到一家備受好評的餐廳, 一於試試!在誠昌吃過水蟹粥後, 就來買個包當小食。它的氹仔分店跟官也街很近, 就在的士站旁邊, 下午時段人流較多, 看來頗受歡迎呢！看了看餐牌, 各款包款平均約20多元左右, 價位上尚算親民。聞說它的辣魚芝士肉鬆包好美味, 所以今次放棄豬扒包, 另外再加一個花生奶油方塊。店內雖有提供少量座位予客人用餐, 但有點擠逼, 所以我們選擇站在店外空地進食。辣魚芝士肉鬆包包的餡料只有芝士, 辣魚肉和肉鬆, 卻意想不到的美味! 辣洋蔥魚肉其實有點像吞拿魚肉的味道, 辣魚配上甜甜的肉鬆和烤至微脆的麵包, 甜中帶辣, 又香又惹味!花生奶油方塊吐司烤得外脆內軟, 再切成大粒狀, 配合大量粗粒花生醬和奶油, 花生味超香濃, 雖然有點邪惡, 但確實很美味! 另外還很欣賞它那厚實的紙袋, 即使全程把奶油方塊拿在手上食, 醬汁也不會穿透紙袋, 不會弄污手, 吃起來方便不狼狽。由於太美味, 所以第二日自動把它再次編入行程內, 今次買了一個辣魚芝士肉鬆包, 一個豬扒包和一個朱古力方塊。辣魚芝士肉鬆包水準依舊, 不錯!豬扒包包烘得香脆, 但略嫌豬扒不夠入味,

上次在澳門新馬路那間沒買到，今次來到管也街附近又見到這間店舖，二話不說即買！ 今次買到了一支咖啡，一支奶茶，好味！味道香濃！ 奶茶茶香奶香，咖啡亦非常香滑，值得推薦！

籌備左好耐嘅澳門兩日一夜美食之旅，之前已經响澳門嘅OpenRice度揀左幾間食肆，但係因為時間實在太短啦，所以就諗住揀啲朋友都話好嘅食！當日我們一行6人，4大兩小，坐金剛飛航11點半船到達澳門氹仔已經12點半跟住就立即去我哋下榻嘅酒店，check in 搞得嚟都2:30！首先我地諗住去官也街食啲小食，一落的士就發現咗呢間美食！2:30呢個時間唔使排隊，但係聽朋友講，早上8、9點排長龍十幾廿人響度等瓦煲咖啡真係好香，有啲燒焦嘅咖啡味，真係好香、我地4個咖啡愛好者，都覺得好好飲呢個辣魚包，2個朋友不停話好好味呢個豬扒包，小朋友暈緊船車浪，都追住食仲要追加多一個整體價錢都唔算貴，其實呢間好食過之前好出名嘅豬扒包好多，因為我地之前覺得澳門嘅豬扒包好難食，而家改觀晒

早前買左package 去澳門玩，於是開始爬文睇下有無好西食啦，見到好多人都推呢一間世記咖啡，難得過大海點都要抽空去試一試。先叫左佢出名嘅凍瓦煲咖啡，由於天氣實在係太熱，真係唔可能試佢嘅熱咖啡。凍咖啡味道夠濃，加上佢係成枝雪入雪櫃而唔係加冰，所以凍咖啡飲到尾都唔會覺得淡晒。另外叫左花生奶油方塊，$25好足料，醬料俾得好大方，完全可蓋過晒入面嘅厚吐司粒粒。吐司切成一粒粒用叉食真係好方便，個紙袋又夠厚，好多醬都唔怕個紙袋會穿。雖然係肥仔野但都好值得！

上網搵到好多人推介既世記豬扒包...但我最期待都係樽仔奶茶！ 一入到去 環境好懷舊呀...有幾張舊年代既木櫈...舊式既照片...食客可以坐係到食同埋等...個樽仔奶茶落左好多奶 但依然有好濃厚既茶味..係香港茶餐廳普遍都係得奶...無咩茶味...呢到竟可以搵到！Like!!👍🏻👍🏻至於呢個豬扒包..就無咩驚喜...都係普通豬扒包...但係係好食既..不過我略嫌塊豬扒有啲肥.. 如果無咁肥就好！ 如果再黎澳門一定再買奶茶

官也街開完餐，經過呢間外賣店，見佢鋪頭細細但不停有人出出入入，咁實係有好嘢食啦！門口有個呀叔不停剪豬扒。話就話係外賣店，不過入面都有幾個位坐的。睇番餐牌，食物唔貴，$2x蚊一份方塊有好大的一袋！我中意食花生醬，於是買左份花生奶油方塊再加一枝凍咖啡落單後要等大約10-15分鐘，食物都係即叫即造的凍 炭燒瓦煲咖啡 - 味道小小苦，咖啡味濃厚，一向唔中意好甜的凍咖啡，呢枝好啱我口味花生奶油方塊好似有8件左右，件件都沾滿花生醬、煉奶同好多的脆脆片，口感豐富又好味！不過真係超級飽肚，食完佢就惟有停止繼續掃街了

2016聖誕節澳門之旅真係食唔停！第三日一早又到官也街搵食，呢間咖啡店嘅食評不錯，去到店面好細，舊花紋圖案，鐵框圍欄，好有舊式茶欄嘅感覺，但因為係外賣店關係，所以無桌子，只放好多款式不一嘅櫈比食客，另牆壁有張面壁小桌！小朋友多真係唔太適合！好在我哋啲馬騮都大！可以將就！落單後有張號碼票，等叫號碼攞食物，自助式！豬扒豬仔包（$28）個豬仔大個，外脆內軟，豬扒厚身之外，熱辣辣好多汁，而且鬆軟唔韌，好驚喜！簡簡單單但好味！香腸公仔麵（湯）（$23）膠碗，湯麵熱辣辣，香味攻出來引死人！湯底正常味精湯，難得麵淥得煙韌，雞肉香腸切半，煎得香，整體好味！香腸公仔麵(撈）（$23）用方型淺兜盛載，香腸一樣煎得香，撈麵係印尼撈麵嘅味道，微辣好惹味花生奶油方塊（$25）紙袋內將切塊奶油多士撈晒奶油花生醬，醬料杰身，味道香濃，多士香脆！正！咖哩辣魚豬仔包（$26）呢個因爲啲食家讚而叫，本身無乜祈望，點知有驚喜，麵包鬆軟，芝士正常，驚係啲辣魚蓉醬，調味酸酸微辣，魚味濃郁！正！凍檸茶（$18）膠杯上，大杯，切角檸檬好難篤，茶味濃而唔澀！好味！炭燒瓦煲咖啡（$18）一杯加奶，一杯走奶，夠熱，我飲加奶嘅咖啡味濃，偏

兩日的澳門行程，到氹仔乘船前到官也街買手信及吃下午茶。妹妹介紹了這間店，於是我們便去看一看。老公看了看便立即去下單，他點了瓦煲咖啡 (已經最後數支了...)。另外，還點了奶油豬仔包，而且是最後一個~妹夫本來想點豬扒或雞扒多士，可是星期一的下午五時都已經賣光了，想吃真的要趁早呢...瓦煲咖啡顏色非常深，一口喝下去，非常香濃，不酸也不澀，甜度剛剛好，而且質感幼很滑，真的非常好喝。奶油豬仔包超級香脆，咬一口就碎得滿口都是。練奶的份量挺多，還有一些掉到紙袋裡面，所以最好還是打橫放。我非常喜歡瓦煲咖啡和香脆的豬仔包，下次一定要試其他厚蛋的系列！

黎到澳門美食之旅最後一日既行程啦！雖則我地冇Plan過，但係都係偶然之下同世記相遇，既然係咁，一於再食佢啦！呢間世記比大三巴果間闊落好多，可以慢慢坐低堂食啦，雖然都冇枱咁濟 （得1張），但有地方坐總比冇地方坐好！因為世記既野真係要趁熱辣辣放入口品嚐嫁！經過賴生同屈小姐既兩司會議之後，發現原來大家都對澳門另一美食 — 辣魚包有興趣！今次就趁呢個機會就試下你啦！ （就決定食你啦！出黎啦！辣魚包！）而且今次呢，我地終於見到世記既老闆啦！呢位老闆細微到會好認真咁砌番好電箱上面果d磁石貼個pattern  見微知著~ 我地估計世記啲野食咁好味都係同個老闆事事上心，仔細用心去整野食同埋管理間鋪有關~  (除非砌磁石係佢個人興趣啦XDDD)入番正題啦⋯⋯我地初試既辣魚芝士肉鬆包究竟係點既呢？評分：4星 - 個包入面有肉鬆，芝士，咖哩洋蔥辣魚！材料都好多！- 其實佢個辣魚就係用咖哩洋蔥整既，質感就好似罐頭吞拿魚咁，但味道呢就比吞拿魚好食好多！咖哩好香，辣度剛好！而且用呢隻魚肉可以令個包每一啖都有魚食！加上無骨！！！唔錯- 芝士就比包既熱度熱溶左，黏住甜甜地既肉鬆同辣魚&洋蔥，令你每啖都可以食足晒所有料

上次係澳門朋友帶我嚟，試過佢地既奶茶之後就成日想飲多次。今個中秋假期嚟左澳門再次探訪世記，可惜星期五無開白行一趟，好彩星期日終於有開，但只有飲品出售而無食物提供。唯有只買杯奶茶走。我好少飲奶茶所以無咩研究同比較，但我覺得呢間既奶茶好香濃細滑，岩我口味～

經歷過數次的澳門之旅，憑經驗所得，澳門的地道美食一般都不會太差。而能稱得上是名物的，十居其九都是實至名歸的。  早就聽聞氹仔世記有好喝的瓦煲咖啡，只是每次也是遲來一步，又或是店方休息。這天到店時已過七時，店員正在忙於收拾，膽粗粗的上前探問，好心的店員竟讓我們買外帶。 幸運地買到兩瓶樽仔咖啡($20)，跟勝記一樣同是以瓦煲煮的咖啡，但顏色卻是深邃得多。友人喝一口，空氣中啡味久久不散。咖啡濃香帶點甘苦，甜度剛好，很棒的咖啡！ 本打算帶進新濠影滙慢慢享用，可惜場內不准自攜食品，只好入場前「自隊」一口氣把它乾了。

Located in Taipa old village, this cafe was started in 1965 and throughout the years have been famous for its milk tea and pork chop bun. The decoration was kind of in the oldies but very clean and bright, with the small tables and chairs bringing good memories of such furniture at home when we were still young.I ordered a cold milk tea and a pork chop bun, their signature offering. The milk tea was rich and got the right sweetness for me, and you could taste the charcoal fragrance. Really a nic

12月黎澳門除左睇2015澳門光影節之外,梗係要去發挖下d地道美食😍9點半船到澳門去左galaxy賭左幾鋪之後,就行去官也街對面既世記咖啡到食早餐😂其實我係比佢個瓦煲咖啡吸引左,見住店員將d咖啡係瓦煲度倒出黎,有姿勢又有實際👍我叫左樽凍瓦煲咖啡($20)同埋厚蛋咸牛肉三文治($25),嗯,價錢吾平,不過都幾值得去食😂咖啡飲落順口無過酸,甜度雖然無得揀不過佢都調得適中,哈哈但我飲吾出瓦煲既特別😛厚蛋咸牛治,塊蛋真係超級厚應該有2cm高,厚蛋入面充滿蛋汁,影影下相佢已經流到周圍都係,好滑同埋足滿蛋味😍咸牛正常,麵包烘得岩岩好,只係食好呢hea😂下次要去試埋厚蛋豬扒包!!!

試過澳門賣草地街的世記，今次住氹仔的酒店，知道氹仔區官也街開左分店，所以黎左新店。地方比澳門店大很多，雖然冇左小店的感覺，但坐得舒服左。店內只有一些小櫈子給客人坐著吃。這是餐牌。今次試左凍奶茶同豬扒包！凍奶茶茶味超重，甜度己經調好，但分量岩岩好。豬扒包唔記得影相，好大塊豬扒，比豬仔包仲要大。個包好鬆軟，外面是脆的。而豬扒好入味，塊扒好juicy 同林身，我同其它friend 都好鐘意。可能係星期六，豬扒包要等成15分鐘，但係佢係即叫即做，所以所有野出黎都熱辣辣，好正！