星廚 (已結業)

收左工之後就即刻趕黎呢間太子扒房，730先收工但我地訂左8點！好彩地點就腳，一出地鐵站轉個彎就望到，值得一讚！坐低左就點左餐，先黎既係呢個非常之creamy既磨菇湯，味唔算濃但我好耐無飲過咁creamy既湯啦！一口牛脷都十分足料，本身以為$38貨仔真係得一兩粒，點知每碗2粒total有8粒，究竟佢會唔會蝕本架😂跟住就到主角牛排啦，我地就點左5成熟，因為唔希望肉質太熟，果真cut開仲有粉紅色，靚到呢！另外份量都十分巨型，我地兩個人先岩岩好食得哂，留意番佢仲有薯角同埋意粉，正常人跟本唔會食得哂。係寫番呢篇食評既時候，我仲好掛住呢塊牛排，因為好耐無食過外脆內軟，肉汁鮮甜既牛排啦，價錢仲只係＄168咁親民。

同朋友食飯唔知食咩好，又醒起講左好耐話去試呢間，今次終於食到喇。首先有個一口牛脷，其實有四舊不過有一舊比個朋友食咗。佢個牛脷好好味，整得好腍好似食緊牛腩咁，佢個牛汁好特別，兩者加埋食落就好好味。蒜蓉包就比較普通，不過佢係烘到個麵包好脆但係咬落係唔會刮口嘅。同埋佢每一塊包都搽左薄薄既牛油加蒜蓉，搽得好均勻。而且啲牛油都係好香嘅，唔係好平好cheap嗰啲。焗豬扒飯，個汁你以為佢係一般嘅蕃茄斗，點知佢係一個好特別嘅蕃茄汁。特別在於佢加左啲唔知香料同黑椒，令到佢變成一個好特別嘅蕃茄汁。個豬扒就普普通喇，整得好腍，但個豬扒本身唔係好新鮮。呢個牛肋骨整到好腍好好味，個牛汁都好香。佢配既炸薯角同沙律菜都好好味。炸薯角炸得好香脆，一啲都唔乾，一咬落去好粉好正。然後沙律菜好新鮮，配少少黑醋都好好味。呢個牛扒都不錯，有好香既牛肉味，又唔韌。呢個雲吞好特別，有別於一般食嘅港式鮮蝦雲吞同法式雲吞，有少少似係兩者嘅mix版。蟹雲吞我係第一次食，有好香既蟹味，配埋個忌廉汁係無得彈。三個人食到捧住個肚走，由好肚餓食到好飽都係百幾蚊，抵到喊。平價抵食又好味，絕對推介。

聽聞星廚都有一段日子,上次去開食餃子嗰陣無意中發現原來就晌附近,趁呢日就去試試.佢係間西餐廳,裝修就比較港式風味.聖誕同新年啱啱過冇幾耐,所以餐廳入面仲有唔少相關嘅節日裝飾.午餐餐牌係手寫嘅,字體非常秀麗.參詳過後都係對主餐牌嘅主菜更感興趣,另外仲叫咗兩份小食一齊試試.芝士焗蟹蓋個蟹蓋入面釀咗一絲絲蟹肉,同埋混合咗啲洋蔥粒同煙肉粒,上面鋪咗層芝士,再焗香而成,唔會焗得太乾太濕,口感爽脆,都幾juicy甜香.伴碟嘅雜菜用咗黑醋調味,都幾清新.一口牛脷拎到嚟嗰陣已經稍涼,厚切嘅牛脷肉香軟熟而嫩滑,唔濃但夠惹味,感覺都唔錯.是日餐湯係南瓜湯,湯入面有少少南瓜蓉,每口都係淡淡甜香,蒜蓉多士亦算脆口.主菜方面起初想試安格斯西冷扒或穀飼法式豬扒,最後都係試咗香煎加拿大比目魚,煎得魚皮焦脆,魚肉唔鬆散,食起嚟軟綿,烹調時用咗鹽嚟調味,鹹度濃郁.用嚟蘸嚟食嘅醬汁酸酸甜甜,魚身底下仲有炒雞髀菇,香菇,炸薯角,雜菜等等,食多啲蔬菜可以中和肉類嘅膩感.餐飲我就叫咗熱檸茶,檸檬清香又可以消滯.雖然餐廳嘅陳設同風格係走港式西餐廳路線,但食物嘅質素算唔錯亦唔頹.下次再嚟嘅話會試試呢度馳名嘅烤焗鹹豬手,聽聞性價比好

在openrice搵食搵到呢間好像不錯價錢又相宜，於是星期天和老公看完電影後來到這裡，吃個early dinner。因為keep fit晚上禁吃澱粉質，叫的全是肉和海鮮。傳聞的豬手果然不錯，對長期要捱餓的老公簡直是大解放。雖然皮沒有想像中的脆卜卜，但咸度剛好，這個價錢都幾抵。白酒煮蜆，好有酒味，不過肉質稍淋，新鮮度不夠。一口牛脷，整得很淋身，賣相也不錯。初試感覺，比起海鮮，這店烹調肉類稍為優勝。還有其他菜式想試，會再來。

朋友今天到大帽山行山尋芒草，回程途中會經過我家，邀約筆者共進晚餐，一於簡簡單單到離家不遠的星廚吧！星廚於區內薄有名氣，平凡的裝潢格局如普通港式餐廳，主打的食物卻是西式料理，作風低調。除了牛扒、豬扒類過百元，其餘主食都是數十元，連餐湯及熱飲，十分經濟。蘑菇忌廉湯是日餐湯是蘑菇忌廉湯，稀稠適中；但蘑菇用量略嫌不多，菌香味不足，而且胡椒味偏重。凱撒沙律為了多攝取纖維，一於來個凱撒沙律。沙菜十分新鮮，脆身爽口。沙律醬汁酸酸的很開胃；但芝士碎稍不夠香。加上了麵包粒、煙肉碎、巴拿馬火腿，更加豐富；但巴拿馬火腿稍稍過咸。一口牛脷牛脷一夥一夥放於大匙內，切得一口的大小。牛脷煮得十分入味，質感軟腍，口感不錯。芝士焗蟹蓋蟹蓋一隻，伴有一些黑醋沙律菜，中和蟹蓋的膩感。蟹蓋即叫即焗，十分辣手。餡料有蟹膏、蟹肉絲、煙肉，將蟹蓋釀得滿滿的，舖上一層芝士，味道豐富香口。原條慢煮牛肋骨這道菜真的是大堆頭，原條牛肋骨十分大條。以慢煮方式烹調，即使十分厚肉，仍然煮得非常入味，而且軟腍卻不會鞋。牛肋骨中中間有點筋位，軟中帶彈牙感。配菜有煎蘑菇及炸薯角，蘑菇軟軟的吸了醬汁；薯角炸得香口。牛油果大蝦酥皮盒配長通粉大蝦酥皮盒跟長

鐘意食西餐但又不想花太多錢的我昨天和媽媽去了一間位於太子的平食西餐廳。這兒的午市套餐很抵食, 平均約$39-$48, 這個價錢還奉送餐湯、飲品、雪糕。店員先呈上意大利粉, 意大利麵的黑松露味沒有石油氣味, 意粉亦帶點黑椒味, 入面的蝦也有大隻。一口牛脷炆得很淋身，帶點燒烤汁味。牛肋骨也炆得很淋身，很多汁。但個人認為燒汁味道可以再濃一點。

星廚是我Bookmark良久的小餐廳，本來位於長沙灣，某天打算去試試那放在wishlist一段日子的豬手，怎知餐廳卻突然在開飯apps內消失了。今個月在找太子晚餐的地方，卻看到它重投新餐廳之列，既驚喜又振奮，於是晚上上課前與媽來這裡早點吃晚飯。舊店還沒有去過，這裡的格局其實像港式茶記差不多，裝潢還很新，應該是剛開不久。看到餐牌上精選的咸豬手，已經不作他選，一心打算試的就落單吧。店員說小食份量不太大，難得跟媽吃飯，吃豐富一點吧。蘑菇湯，不是茶記那個例牌又水又淡的忌廉湯，這個是用鮮菇打爛成蓉再煮，吃得出細細的菇蓉，不會咸。薯蓉焗田螺，田螺都去殻放在面頭很有趣，薯蓉挺滑溜，歡士味奶味都出，不過略微有點乾身。一口牛脷，本以為只是過口癮的小吃，誰不知店員的口應該比我大得多吧，這一口對我來說足以填滿我整個口！牛脷很軟腍，可以媲美牛腩，而且牛味重，很好吃。主菜賣相一點也不兒戲，豬手有木盤奉桌。用木盤奉桌的大大份咸豬手，用烤焗的手法保持到未食過咁幼嫰的肉質，豬手皮脆卡卡，但中間油脂層卻軟綿綿，不乾身的肉質很容易把豬手拆肉起骨。自家製酸椰菜有點中式路線，但酸得來醒神開胃，配上燒汁芥末和甜黑醋，其實兩個人