掌壽司 (已結業)

相約觀塘做嘢嘅朋友食lunch，我話畀佢聽想食日本嘢，佢話絕對冇問題🤗餐廳地方寬敞，坐得舒服。牆上掛滿日本Saka做裝飾，夠日本風。定食由$78起，包前菜，蜆肉味噌湯，茶碗蒸，甜品，飲品。前菜喺有營食品枝豆，跟住蜆肉味噌湯，裏面有豆腐，海帶，蜆肉，鮮甜，唔會死咸。茶壺蒸夠嫩滑，裏面還加上蟹柳。我點咗精選刺身定食，一共六款刺身，包括三文魚，入口即溶 ; 油甘魚，紋路分佈均勻，肉厚肥嫩 ; 赤蝦，大大隻夠新鮮 ; 帶子 ，鮮甜美味 ; 劍魚，不油膩 ; 海膽，好甘香，全部新鮮美味，刺身厚切， 還配上一大碗飯朋友嘅七色丼，包括三文魚，油甘魚，帶子，赤蝦，熟蝦，北寄貝，碎拖羅，碗底配上日本飯 。刺身同樣新鮮甜美加咗少少錢配特飲，熱黑糖冬瓜茶，自家製不會過甜，啖啖冬瓜肉。凍荔枝梳打，清甜解渴甜品一人一粒雪糕糯米糍工廈裏面有這樣高質素的日本刺身做lunch，真係估佢唔到多得喺觀塘返工嘅朋友好介紹。

到官塘工廈尋寶後，來到掌壽司這間隱沒在工廈內的日式料理餐廳。午市定有多款可選擇，另可加錢轉飲特飲。定食附茶碗蒸、前菜、蜆肉味噌湯；熱辣辣的茶碗蒸和味噌湯，十分暖胃。七色丼材料新鮮，最上面的海膽很鮮味，配上珍珠米，令人食指大動！刺身定食，片片厚切的新鮮刺身，不論視覺和味覺都大滿足。+$5的餐飲養生蜂蜜柚子密和冷萃荔枝伯爵茶，伯爵茶意外地很出色，甜甜的荔枝味過後有淡淡清香的伯爵茶香味留在口腔，引人回味。甜品雪糕糯米糍在OpenRice 上訂座，午市定食享7折優惠，性格比高！

妹妹又去觀塘探班揾我💓話說駱駝漆大廈真係好多人但裏面，但又真係好多地方行，又好多又平又抵嘅好嘢食，呢度係其中一間，所以就帶咗細妹嚟呢度食嘢。呢間日本餐廳環境闊落，裝修係簡約休閒風，畀人一種舒適賓至如歸嘅感覺。我哋叫咗兩個午餐，送一杯飲品，係好香嘅蘋果茶。妹妹叫咗個火炙魚生丼($118)，裏面有三文魚、鰻魚、帶子等海鮮。燒過之後嘅魚生好甘甜，特別係帶子，燒完可以去咗陣腥味，但係依然十分滑嫩。我就叫咗七色丼($148)，顧名思義，有七種魚生，包括帶子、魷魚、海膽、油甘魚、三文魚、海蝦（仲有一種唔太肯定😂），都好靚好新鮮。特別鍾意佢嘅海蝦同埋帶子，真係好滑好滑，好好食。隨餐附送沙律、茶碗蒸、蜆肉味噌湯。蜆肉味噌湯特別足料👍另外，甜品係雪米糍，呢兩粒係芝麻味，都幾好食。總括而言，日本餐廳嚟講，呢度嘅價格適中，雖然套餐基本上都over 100，但因為環境幾舒適，同埋啲嘢食都好新鮮，套餐又十分齊全，所以都係物有所值嘅，好值得試。

星期日相約朋友來觀塘區行街食飯，現今觀塘既工廈有好多樓上既店舖，形形色色不同既商店，食店同workshop，所以星期日觀塘工業區依然咁人多依然咁熱鬧。午飯時間當然都在工廈內覓食，今日來到呢間叫掌壽司既日式料理，門口招牌所見可容納百多個座位，入內睇睇果真地方寬敞，空間感大，完全無壓迫感。看看餐牌先，叫了兩個午市套餐定食，基本上跟餐都有前菜，蒸蛋，味噌湯，白飯和特飲。我點了刺身定食~有三文魚，油甘魚，吞拿魚，金目鯛，帶子，牡丹蝦，每一件都厚切肥美，牡丹蝦大隻爽口，鮮甜味美蒸蛋滑溜溜的，味噌湯唔太鹹，味道適中朋友要七色丼~有7款魚生，包括三文魚，鯛魚，劍魚，墨魚，牡丹蝦，帶子及海膽。朋友食得滿意又滿足是日特飲~冷萃熱情果茶，茶味較淡，飲唔到有熱情果味！

係觀塘想食日本野原來都幾少選擇, 今日抽起條根想食丼, 但又唔想去APM, 就揀左呢度喇.呢度最煩係排LIFT, 應該冇得解......真係要慢慢排~SET LUNCH $78- $168~我叫左七色丼,  朋友叫刺身定食.跟餐有茶碗蒸, SALAD, 同湯~七色丼 $148, 有鯛魚, 三文魚, 劍魚, 墨魚, 海膽, 甜蝦, 帶子~D 魚生都幾新鮮, 唔會有怪味OR 腥~朋友既刺身定食$ 168 呢度冇FIX 死係食咩.睇個日有咩貨,就安排咩魚生出黎, 咁樣都幾有驚喜, 可以KEEP 住黎食會有新鮮感嘛~跟餐既是日特飲係冷萃檸檬冰茶. XDDDDDD 但我覺得細杯左少少~同埋呢.SET LUNCH 可以加$5 有茶揀, 但係冇綠茶揀家!如果跟餐可以揀綠茶好似會日本D~食完重有雪米滋做甜品~

平時lunch會揀四十蚊左右嚟食，今日食左個百幾蚊嘅刺身定食嚟舒緩情緒不適，食完心情好轉，所以得閒豪下，令自己開心，都係值得既！唔係第一次嚟，但每次都好鍾意欣賞個罩入面嘅雕刻圖案吃不到的是日推介是最好吃的兩點嚟到已經賣晒⋯⋯唯有揀午餐定食啦！都好吸引每個定食套餐都跟前菜、茶碗蒸（即係蒸蛋）、蜆肉味噌湯、甜品及是日特飲。甜品係雪米糍，是日特飲係冷萃檸檬冰茶。刺身定身定食好豐富下，前菜係雜菜沙律，蜆肉味噌湯唔會過鹹，茶碗蒸調味適宜，滑滑的～～哇～～～～好肥美呀，每件刺身都係厚切！有六款刺身，帆立貝、牡丹蝦、三文魚、金目鯛、油甘魚同拖羅。食刺身首先唔點豉油，嚐魚本身的鮮甜味，之後再點少少豉油，提昇鮮味～尤其係件拖羅，入口半溶，油香滿溢，正到不行～淨係食碟刺身已經好滿足，但既然佢跟咗個飯我都要食，唔好浪費食物。個飯都唔錯喎，軟熟帶點黏度七色丼朋友嘅七色丼，都唔輸蝕，有佢至愛嘅海膽，佢都食到好滿足～是日特飲-冷萃檸檬冰茶開頭唔知，以為冰茶係有冰，叫小冰，跟著侍應話係無冰既一笑置之平常茶記的檸茶膽都幾濃，檸檬放久了會苦澀，這杯冷萃茶的檸檬味及茶味都淡淡的，沒有苦澀，而且無糖，喝下很清新～#食得開心

又去觀塘工業大廈覓食,今次又比我符符碌碌食到間有質素嘅日式餐廳。餐廳裝修簡約為主,仲有刺身吧枱可以見到師傅係面前製作。每個午市套餐都會有日式蒸蛋,入面仲有蔥同蟹柳,個蛋蒸得啱啱好,好嫩滑。仲有加左蜆肉同海帶嘅麵豉湯,飲落鮮甜。有7款新鮮刺身,有齊三文魚,帶子,吞拿魚,八爪魚,海膽,油甘魚同牡丹蝦。每款刺身食落夠冰凍,而且亦夠新鮮,特別係海膽夠晒鮮甜完全唔會有腥味,牡丹蝦亦夠大隻同爽口。有足足半條鰻魚係飯上,鰻魚上仲有紫菜同大豆芽作為配菜。鰻魚亦算厚肉肥美,配上甜甜嘅蒲燒汁,越食越開胃。