韓舍 (已結業)

年初開始同兩個朋友話約食飯, 約到5月大家先得閒, 大家都中意食燒肉同刺身, 所以其中一個朋友就提意去食韓舍。約星期二食, 點知到果日朝早竟然紅雨, 大家都係到諗:點解今日先黎落大雨, 都係想好好地食餐飯嘛。好彩到左晏就雨開始停, 唔洗改期, 再改就唔知到何時何月了。7:30準時到左, 入到去, 尼間係旺角韓舍環境令我眼前一亮,坐位好寬敞, 空間好大, 非常舒服, 仲有大玻璃窗可以望到出面既景。7:30既時候都未係有好多人, 仲有好多卡位, 到左8點幾左右就開始坐滿。韓舍唔同既地方就係佢唔係寫紙落單, 而係自己出去拎, 所以我地一放低袋, 就馬上出去拎野食。食物款式非常之多, 除左主角燒肉之外, 仲有海鮮, 刺身, 熟食, 甜品………先講下肉類先, 豬頸肉同雞腎都好正, 好爽口, 食左好多。豬腩片切得夠薄, 唔洗燒好耐就食得, 蘸d千島醬食, good 呀。刺身方面, 我就主攻三文魚刺身。炸物方面, 我覺得就還好, 有一個比較特別既就係炸生蠔上面蓋左一層飯同芝士, 不過可能係凍左既關係, 所以d飯一夾就散開。海鮮呢, 青口同蝦都唔錯, 蝦既肉質都幾爽, 夠鮮甜, 青口配辣醬好match

正所謂「食飽先有力keep fit」細心一諗，其實不無道理。今朝有酒今朝醉；今晚有肉今晚食，決定呢晚同朋友黎食韓燒食番餐飽 等位時都已經有爆谷做小食serve大家。成本低，但帶俾顧客既感覺就好正面，係好聰明既決定 內在環境相如上。有唔同既area，甜品區、DIY區、魚生區、海鮮區、熟食區、炸物區，最後梗係唔少得係燒肉區 可見呢間主打韓燒既餐廳，事實上各類食物應有盡有，貪新鮮既我當然係乜都食D，又可以全面D寫呢間餐廳既食評 三文魚頭盤先黎份我的至愛－－三文魚！作為一間韓燒店（好似講左呢句幾次）魚生有呢個水準，絕對收貨。有冰塊keep住保持魚生既低溫，呢幾片厚切三文魚無根，令成個口感好嫩滑 燒物因為食物種類繁多，所以今次食韓燒，反而燒物食得唔多，但特別要推介而下兩款食物 多春魚好易掌握時間，唔會好易就overcook，燒肉必點至選（一）－－多春魚 放上爐大概7分鐘，香噴噴既多春魚就可供享用 個人喜歡係將魚煎到微燶。絕對唔只係為左香口咁膚淺，真正既原因係... 可以95%確保佢係熟。火候控制得宜得話，骨都脆得可以直接咬開，原隻多春魚入口都無問題 豬腩肉燒肉必點至選（二

朋友生日 , 想食韓燒 , 之前表弟一直向我推薦韓舍 , 終於黎一探究竟。上禮拜想食但人太多於是放棄 , 今次五點半就入場 , 唔洗等。無油煙烤肉 , 啲食物味道淹得剛好 , 可惜種類少咗啲。推薦雞腎 , 好脆好爽口, 豬肉也是。仲有辣雞翼都正 , 燒三文魚肥油好多 , 都算香 , 牛同金沙骨就一般。蝦幾甜幾新鮮 , 食咗唔少。試咗豬腳薑 , 稍微酸咗少少。小食Ok強力推薦三文魚 ! 够肥够香 , 切得也厚。一次只可以攞四件 , 為此而走咗好多轉。甜品也令人驚喜 , 尤其是木糠杯 , 我同朋友每人食咗兩三杯 , 欲罷不能。細細件嘅cake都好味 , 咖啡蛋糕够濃味 , 苦甘苦甘 , 藍莓同士多啤梨都唔錯。芝士波麻麻地 , 泡芙還可以。朋友食完覺得好飽且滿意 , 美中不足的是 , 一係用餐時間太短 , 得一個半鐘 , 而燒野食本身就需要時間。二係凍飲太淡 , 茉莉花茶又太甜。三係服務態度差。四係衛生一般 , 好多碗碟睇起身好似無洗乾淨咁。埋完單有50蚊coupon送 , 四人或以上同行先可用 , 限期20日 , 可以考慮再黎。