Next Station Dessert (已結業)

甜品店愈來愈多，好食的卻不多，之前食過呢間覺得很不錯，今晚和妹妹途經，立刻帶她來試下。夜還未深， 人流也不算多， 所以今日好快就等到位，牆壁上的黑板食寫滿了 ，介紹了很多的精選甜品款式。今晚有我最喜愛的焦糖燉蛋，當然要先食而後快啦！ 50多元的價錢一次過試足三隻口味 ， 平均計每一杯都不過十數元。 包括酸酸地好fruity下的熱情果味，茶味濃郁的伯爵紅茶味和香甜的雲尼拿味♡♡心心眼發射中！My favorite caramel brûlée, now a surfeit even three different flavors, including passion fruit sour under good fruity, full-bodied flavor Earl Grey flavor and sweet taste ♡♡ cloud Nepalese take heart in mind launch!焦糖烤得十分香脆，甜度亦夠， 先試了熱情果味發覺都幾酸下， 和焦糖的香甜形成了強烈的對比 ， 感覺都幾新鮮！芒果伴碟的是正宗的雲呢拿味， 金黃色的燉蛋裡面可以清楚看見有很多雲尼

同朋友去旺角食完晚飯，一定會去黑布街食甜品，朋友今次就選左呢個試試，外表裝修很吸引，一行四人去到唔需要等位就可以入座。我地一人點選一款點品再share食，每一款甜品擺設都好花心思，討人歡喜。栗香紫薯山$56友人一點了栗香紫薯山，唔喜歡食紫薯既我被呢個造型吸引，試一口後，很有紫薯味道，所以還是留給友人品嚐。三色焦糖燉蛋$53我點了三色焦糖燉蛋，包括熱情果味、伯爵紅茶味、雲呢拿味，熱情果少少酸很開胃，伯爵紅茶味的茶味濃但不苦澀，雲呢拿味相比其他兩隻味道比較淡，所以我建議先食熱情果味，再試雲呢拿味，最後到伯爵紅茶味就能夠食出每隻味的特色。法式朱古力班戟配青檸雪葩$65班戟包住朱古力，咬落去原來有碎花生粒，令到外表平平無奇既甜品有點驚喜。朱古力心太軟配曲奇雪糕$58壓軸係朱古力心太軟配曲奇雪糕，有四款自選酒心，包括朗娒酒、干邑橙酒、百利甜酒同埋士多啤梨忌廉甜酒。我地選百利甜酒，平日朱古力心太軟都係配雲呢拿雪糕，今次配上曲奇雪糕出奇地夾，唔會搶朱古力味，又有淡淡既百利甜酒酒味。

岩岩一開嘅時候，個個都為左個Test Tube而黎。當然自己都黎食都唔例外喇 一共有3枝，有濃有淡 最淡係左邊嘅青瓜山葵沙冰，味道係幾特別，好fresh，不過我就麻麻地。之後右邊就係Mojito，最頂係淡淡嘅薄荷啫喱，之後就係青檸Mousse，又滑又清香！到最底就係White Rum Jelly。 最濃嘅當然係中間嘅伯爵奶凍配特濃咖啡泡沫，不過我只係食到好濃郁嘅咖啡味，完全蓋過左伯爵奶凍嘅味道 3種唔同味嘅燉蛋，熱情果、伯爵紅茶、雲呢拿(由左至右)！熱情果味嘅酸酸甜甜，都幾開胃。伯爵紅茶味燉蛋，有淡淡嘅伯爵茶香味，而且唔係太甜，燉蛋面仲有一層焦糖，又簿又脆，好正啊 最後到雲呢拿味，雖然比較甜，但都幾夾，有好香嘅雲呢拿香味，唔錯唔錯。

完了工作日，既要有個豐富晚餐，更要加個甜絲絲Dessert先叫完滿。於是旺角黑布街找到了燈光幽雅的一間，Openrice 推介而賣相比較高雅，叫人放膽一試! 原以為店內客滿，但服務生有禮地領我跟幾個朋友入內，原來舖裡有更多位子，裝潢精緻，座位頗闊落，亦與其他甜品店不同的即時送上清水。雖然是朱力迷，但少有的紫薯較吸睛，便點了栗紫薯山 $65栗子蓉加上炒香的杏仁粒，香甜細滑又有咬感，一絶!可惜紫薯就比想像中味道較淡， 不會太膩但未見突出，而VANILLA雪糕本身亦不太CREAMY亦缺奶味。聞說雪糕是自家制的，感覺味道會較淡一點。三色焦糖燉蛋 $53 三色分別為熱情果，伯爵紅茶再加雲呢拿味，都有配以香脆焦糖及少許生果或香脆粒。第一口的熱情果是令人醒胃的，我欣賞它適度的酸甜以刺激味蕾;而EARL GREY茶香獨特，清淡得又帶有香濃奶味，最得人歡心;所以餘下的雲呢拿就顯得平淡，只會食出蛋味。朱古力心太軟配以BAILEY $58從未試過帶有酒味的心太軟，插上小小的BAILEY吸管，配上曲奇雪糕，樣子很可愛呢! 食時先將小吸管中的酒注入，將其用刀切開見朱力漿流心，心太軟外層實中帶脆， 而酒會滲入蛋糕

住係呢度附近 係NEXT STATION新開張既時候已經黎過幾次好鍾意呢度既環境同裝修 俾人一種好舒服的感覺 入左鋪頭就好似離開左嘈雜的旺角今次 點左三色焦糖燉蛋 店員哥哥一放低 就會指示我地要由左至右咁食em.....其實我都唔係好知點解 可能係跟住個甜度既低高 順住食就唔會蓋過個味賣相好靚 味道口感都唔錯好少食到熱情果味的甜品 味道好特別 唔識形容 但是好食的！雲呢拿味 最大路我最鍾意！好香 好鍾意男友點左綠茶心太軟我先前都試過 綠茶味好香 紅豆的配搭緊係冇死啦不過我略嫌奶味強了點（我好怕奶味） 但男朋友就好鍾意：）

女生對甜品就係難以抗拒，以我都唔例外成日去旺角既我竟然唔知依邊有間甜品店，位置有啲偏僻，不過今次朋友帶我去過之後，簡直冇介紹錯，會再次光臨～環境優雅，有歐陸風格的味道，下午不太多人，可以一邊品嚐甜品一邊享受寧靜的一刻欣賞佢地會為食客準備一杯水，食完甜品再食第二個都唔會影響味道點左一個平時好少食既三色焦糖燉蛋，味道由左至右數分別係雲呢拿、伯爵茶、熱情果，店員特別吩咐我地食既次序係熱情果＞雲呢拿＞伯爵茶成個熱情果燉蛋味道有啲似柚子，整得幾滑，帶微微酸甜既味道雲呢拿燉蛋比熱情果更滑，而且可以睇得出係用雲呢拿籽製成，擁有香濃既雲呢拿味，感覺清新伯爵茶燉蛋焦糖味較重，燉蛋口感較澀，可以整體偏甜但仍食出少少茶香味芒果拿破倫，吉士好幼細而且同樣係雲呢拿籽製成，再配合鬆脆酥皮，口感滿分整個吃著都唔會太膩，賣相亦相當討好，如果雲呢拿味再重少少就更完美～

以test tube出名的NEXT STATION一早已經聽過其大名, 不過同時都知道經常有條長長的人龍, 一直都沒機會一嘗...  今晚又是打完波的時候, 都差不多10點人潮應該少了點, 所以就去碰一碰運氣~遠看都見到有一條龍仔, 再看看人數跟枱的數目, 好像有機會要等一輪... 點知突然店員叫左幾張2人枱, 原來bar枱後面仲有4張大枱既! 有點不高興的是面積不大的枱要逼下6個人, 先不要說坐中間那對被人夾在中間, 就算我坐旁邊都有半個身在枱出面=='  算了... 都是食甜品比較重要!第一樣點的三色焦糖燉蛋, 因為朋友earl grey好味所以揀的! 三隻味分別是雲呢拿, 伯爵茶, 青檸(上至下), 店員特別吩咐食的次序應該是青檸>雲呢拿>伯爵茶~ 青檸帶酸, 入口感覺清新, 亦較開胃! 雲呢拿甜甜地, 有陣奶香... 伯爵茶就是帶少許茶香, 甜與澀的混合剛剛好, 真是不錯的推介!  最好都是每食完一款飲一啖水洗洗口中的味道, 不然會影響下一款的味道~~另一款是栗子窩夫, 看食評不少人都推介那一條栗蓉, 一於試試! 其實我本身就不是很喜歡栗子, 這個栗蓉我覺得味道

早前已拜訪過Next Station Dessert，對其甜品印象頗深，唔單只味道有水準，食材配搭亦見心思，令每一道甜品味道紛陳，部份更喺喜出望外！有次飯聚，幾位老友異口同聲話想試好耐，我就梗喺舉腳支持掹住車邊跟埋一齊嚟啦，所以，下一站，又喺甜品！雖然名正言順喺一間甜品店，但環境、氣氛絕對唔淨止嚟食甜品咁普通。整個鋪位呈深而長嘅長方形，鋪中間喺開放式廚房，可以見到多位師傅晌度整甜品，一目了然；頭尾都喺用餐區，近門口一截有點酒吧嘅影子，以高腳枱櫈為主，幾組射燈，加埋懷舊吊扇，添幾分情調；而鋪尾另一個用餐區，則以一般餐枱為主，燈光亦調得較明亮，感覺跟鋪前有啲唔同。因為此行目的喺嚟嘆甜品，所以，用不著急急腳。大家先嚟點杯凍飲，好驅驅暑氣，並慢慢研究試邊幾款甜品。Red Light $38深紅色嘅Red Light，喺一杯以士多啤梨汁、菠蘿汁、橙汁、青檸汁、石榴糖漿溝成嘅非酒精特飲Mocktail，色澤有份迷人醉紅，味道喺點？朋友嘅回應喺豐富而清新果香，散發微微酸味，有種消滯嘅感覺，所以，配甜品應該好適合。Virgin Mojito $38朋友好欣賞佢嘅色澤，清綠得叫人感到有份冰涼清爽嘅感覺。

****因之前刊登的一篇放錯在己搬遷的佐敦舖, 故現再刊登回旺角店****夏日炎炎, 真的令人感到又悶熱又心煩, 胃口馬馬, 最好就是吃一些甜品令自己開心一下, 開開我的小胃子, 難得有愛吃甜品的友人相伴, 那更要快快埋站, 早一點來到這間「下一站……甜品」, 那就不用久等, 果然越坐就越多人, 大家開始要在門外排隊.......門外已放了一張大大的易拉架海報和一張硬咭的大型菜牌, 上面印滿多款精緻甜品的相片, 未食都已把我吸引着, 真的忍不住走進內裏一試。店子的設計在那條街上較時尚和突出, 配有燈光的英文店名以米白的磚頭形狀疊成的牆身襯托着, 優雅得體。其採用落地玻璃的拉門, 途人經過都可清清楚楚看到內裏的環境。內裏以深啡色和墨綠色為主調, 燈光昏暗, 頗有情調。左邊是普通的木鐵枱配木鐵椅, 右邊是高身的木枱木椅, 還有吧枱位, 再走進去竟然還有四張六人枱, 地方相當闊落, 枱與枱之間亦有頗多空間, 令客人可坐得舒適地享受這裏每站的甜品。還有數塊畫了甜品圖案的黑板, 亦採用了懷舊的吊扇, 坐在矮的木鐵椅上, 面對着黑板, 有點回到學校上課的感覺。看着深色封面的硬皮菜單簿, 以為簡單和