616牛肉火鍋專門店 (皇后大道西)

营业中

休息中

今晚去左間牛肉專門店，餐廳環境別具特色，一入門口就見到部街機，客人可以坐係度打機呢！行入啲仲精緻，好似返左六十年代，好有風味！但設備一啲都唔落後，佢哋落單係用ipad，環保又快捷！入面食物選擇唔多，差唔多全部都係牛肉，但就將成隻牛分到好仔細，每個部位都有簡介，大家可以因應自己嘅口味而點！每碟價錢唔貴，由$48-68，而且份量剛好，可以點多幾款一齊食～我地點左牛骨清湯，入面有粟米、白蘿蔔同幾舊牛骨，湯頭較清淡，唔會好油膩，之後再落牛肉，湯底就會變得較重牛味！牛肉方面，我地點左牛柳、三花腱、牛舌、熟板筋、封門柳、金花趾、牛駝峰。當中我個人覺得最正係熟板筋，睇佢黃黃白白咁，唔似平時台灣牛肉麵嗰啲滷牛筋，但味道口感一啲都唔輸蝕！味道吸收左湯底嘅濃香，而口感非常軟滑！軟糯嘅牛筋真係超正，但煮牛筋需要一啲時間，建議一開始就放落去滾，煮得越來越軟糯！第二愛係金花趾，食落其實係牛𦟌。我鍾意筋夠多，口感彈牙又爽脆！而牛肉較濃味嘅有牛柳、三花腱同封門柳，三款牛肉嘅脂肪比例都唔高，但牛味同口感相比之下，明顯係封門柳較為優勝！牛柳食落肉味都OK，但就較另外兩款鞋口。牛舌口感爽口彈牙，但我就麻麻地呢個部位，友人

-又係牛🐮❤️今次係西環搵到嘅牛肉火鍋店☺️店內嘅擺設，裝潢都充滿懷舊特色👍🏻店內環境好寬闊，打邊爐唔洗迫埋一齊，而且用iPad 點菜😎十分方便☺️-1. 湯底：牛骨清湯 （$38）（清湯湯底比較健康，湯料有牛骨，粟米🌽同蘿蔔，味道清甜，清湯更加突出牛肉味💛）2. 三花腱❤️（$48) （依部分係牛前腿的肌健，食落有咬口，多筋少脂肪，十分有口感，好彈牙）3. 封門柳☺️（$68）（依部分係橫隔膜下面的一條柳，每隻牛只有兩塊，係罕有部分，牛肉味十分重，有口感💙）4. 匙皮（$68）（依部分係牛上肩胛肉，肉質柔軟😀）5. 金花趾😍（$68）（依部分係多筋部分，十分彈牙，口感爽脆，正👏🏻）6. 匙柄($48)（依部分係牛下肩胛肉，肉質柔軟，口感鮮嫩🤗）7. 滑尾龍🤤（$48）（依部分係牛的後腿肉，脂肪比較少，與生蛋🥚拌勻再煮，肉質柔軟，食落好滑又有蛋香😋）8. 豆漿🥤（$9）9. 醬料費（每人$10)10. 4片西瓜🍉（生果😂）-依間牛肉火鍋店🐮有好多分店，又有唔同部分嘅牛肉可以選擇，每碟牛肉價錢大約$48-$68，價錢不會太貴，而且分量頗多👍🏻環境都唔錯，係一班朋友打邊爐食牛肉嘅好地方🙆🏻‍♀️-

冬天真係要瘋狂打邊爐，牛肉係我最愛既其中一樣。人人都食和牛，唔通人人都淨係食和牛咩？！中式邊爐既牛肉從來唔分和唔和，只有新鮮、刁鑽位置都食到先係永恆既真理。616就〈庖丁解牛〉，將牛既各個部位都拎晒出黎俾客人揀！聽返店員講，原來師傅每日去拎剛屠好的牛，牛肉全部都係下午十二點一點先返到，非常新鮮。順帶一提，中式火鍋都係有西式節日氣氛架！先叫個牛骨清湯清湯底感覺健康，湯料除左大大舊牛骨，更不乏粟米同白蘿蔔，清香潤燥熟板筋真係要中國人先會食。份量非常多，今次既筋由頭滾到尾都仲好有咬口，要點勁先食到。女仔想要既骨膠原係晒度，但如果想要溶溶地，膠住個口個種就唔係呢款喇。封門柳店主特别推介。由於一頭牛只有兩條封門柳，所以相當矜貴。呢一盤只係$68，重覆，係$68！好抵食！牛肉柔軟之餘有香濃肉味，啖啖都係享受！果然好推介！脖仁就係牛頸肉，係肩胛肉最近牛頭，因為成日活動，雖然脂肪含量在牛的前身肉中較高，但肥瘦相間，油花佈遍肉片，滾8秒左右就食到鮮、甜、爽、嫩。匙皮緊接脖仁下的肉，屬於肩胛里脊肉外層，日式烤肉中為上佳的肩肉。看上去更似匙柄，因只有中間有一大筋而瘦肉較多，口感結實。牛腩心腩頭既位置，可以見

西環越黎越多特色小店，616出左名靚牛肉又抵食(靜靜地話你知，每款牛都係48/68咋！)，係西環插旗就梗係有所唔同啦！有咩？！去片！首先係門口一入去就見到牛牛不同既部位如果唔記得都無問題，座位有檯紙行入d就有更多有特色既懷舊裝修山珍海味，士多等等仲有小小的裝置同雜誌係陸壹陸店內又會有咩呢登登！就係調味啦！冇分坐係間隔好既懷舊商店內？唔緊要！有大廳，同樣充滿風味。入正題：牛牛牛牛！先黎牛雜湯底：有牛肺，牛肚，牛膀同牛大腸，當然唔少得蔥同白蘿蔔啦牛肚可惜唔係金錢肚)): 不過有大量蔥，好香喔！呢個鍋都係＄78，有成份牛雜（＄48)，好抵丫！三花腱，有咬口，皆因多筋，少脂肪，口感十足。匙柄既油花分佈平均，令牛肉唔會鞋，少少既油脂已經做到提鮮既作用。牛板筋，本身已經熟左，只要輕輕一滾就食得，鍾意較軟身既朋友可以滾到尾。日尾龍，少之又少既脂肪，但肉味香濃。牛朴心姐係韓燒時大家為之動容既牛胸腹，有適當既脂肪但食落0油膩！牛腩心又稱挽手腩，脂肪包住腩肉，咬落去軟淋淋又香口，入口即溶既感動，完全係一種說不出既幸福。