牛角日本燒肉專門店 (德福廣場2期)

营业中

休息中

Honey一向鍾情日式燒肉，知道又有過江龍新店，其他人貪新鮮的熱情稍為退卻之後，當然要去試一試啦。一早都已經知道牛角係人龍店。早幾日打電話訂位，已經話BOOKING去到十月（我重意為自己聽錯）。冇得訂位唯有WALK-IN，星期五一收工就飛撲去德福。下午五點八到，已經有長長的人龍等入座／拎籌。不料，頭輪入唔到，要等第二輪的第二張細檯，入座時已經係七時半了。終於可以坐低，見呢期用東亞信用卡有優惠，就試個二人套餐先來牛角沙律，個麻醬幾好味。幾清新。OK啦。豆腐ok，不過我唔係太接受生雞蛋作醬汁。好在隻雞蛋都幾靚，冇鯹味。我地兩公婆都係洋蔥怪，雖然服務員話洋蔥易燶，我地點了露笋及洋蔥。掃上醬汁放在爐邊慢慢燒，都幾好味。如果燒得耐，洋蔥的辛辣味退卻而變成甜甜地腍腍地，加埋醬汁燒，水份得以保存，唔錯。露笋就冇乜特別。可能我係飯筒，碗飯有少少醬汁，加些少海苔及蔥花，淨食都好好食，未有燒肉送飯就已經食哂。OK。燒完之後錫紙都係魚油，不過魚肉都唔覺嚡口。至於一眾主角燒肉，就有勞Honey炮製，不要讓我暴殄天物。 網燒一口牛香蔥牛舌，好薄，燒一燒反一反就食得豬頸肉上級牛肋肉腹胸肉 包4杯$39或以下的飲品

一行4人，都知要等好耐先有枱。於是點咗其中一個fd5:45去攞飛。點知咁早去都無用，第一輪都係入唔晒，要等第二輪。第五張枱，都唔知要等幾耐，問個派飛姐姐，佢話「好難答你嗰wor!」答完=無答，日日都係有咁嘅現象架喇，點會答唔到呀，我地又唔係要個exact time，大概都知啦掛！咁嘅態度！最後，7:45有位，真係等到人都傻，如果好餓嘅話去等，真係等到餓暈都未有枱。其實佢枱唔算少，但可能大部份人都食好耐，而個main point 唔係客人食得耐，而係服務根本配合唔到。仲有一樣令人氣頂的事...未叫到我地number 嘅時候，我地已經行定去。但個櫃枱度圍咗一大堆心急的客人，講真我地已經好快。點知當我地遞張飛嘅時候，個waitress竟然話「唔該你地下次快d！」呢D咩態度呀！我地已經好快，但係因為有人圍住嘅個櫃枱丫嘛，唔通我地批肘呀！仲要串番我地轉頭，唔通要好似劉翔咁快丫！預先已看好點甚麼，食物不多，不會太難選擇。我地都係揀十大食物。醬汁有魔法之鹽、燒汁同辣醬。三個醬味道不算特出，辣醬仲搞笑，完全唔辣，甜甜地，似甜醬多點。落單後，明明聽到個waitress話幫我地開咗爐，但turn out

去年底，日本燒肉店牛角首度進駐香港，設店於九龍灣德福廣場二期，開業之初曾試過 walk in，七點到達，以為時間尚早，點知二人細檯竟要等超過 30 個號碼，我們沒可能癡癡的等，唯有即場跟店員訂座，但 booking 也排至 2011 年 1 月，看來人氣並不下於中環豚王，結果等了近三星期，終於可以一試了！牛角雖以美而廉的燒肉作賣點，但論環境也不比價錢高一個檔次的盛八差，抽風系統一流，完全沒有煙霧迷漫的感覺。這晚我們二人獲安排坐在四人檯，空間感十足，超繁忙的晚市時段也不設限時，客人不用吃得頻頻能能，絕對值得嘉許。甫坐下，女友主動提出要吃麻香椰菜 ($19)，這冷菜很爽脆，看起來沒甚麼特別，但入口卻傳來一陣麻油香，令人欲罷不能。第一回合先要了四款肉，分別是王樣！腹胸肉-蒜蓉味噌 ($69)、上級牛肋肉-燒肉汁 ($59)、厚燒牛舌-鹽醬 ($49) 及牛胃 ($39)，再加香蔥溫泉玉子飯 ($25)。餐牌列出了牛不同部位的燒烤方法，但我並沒有跟足指示，個人認為最重要是反肉不能多過一次，厚身的肉可以烤得燶身一點，那份焦香更可口，薄身的肉就講求快狠準，放在爐上約十多秒便反轉，但往往不是太熟就是

十二月十六日﹙木﹚突然收到OPENRICE的來電誠邀小弟來試食這間剛登陸香港不久但分店遍佈日本及世界其他地方的日式燒肉連鎖店，聽起來蠻有興趣，既然不用自己掏荷包，我這種有便宜必貪的人又怎會放過呢？說回來自己平日甚少吃這類日式燒肉，數盡也只吃過伊呂波的午巿，始終不像壽司拉麵等隨時隨地獨行俠也可以盡情地吃。早了半小時到達，食友紅叮已一早久候，先看看門外提供的餐牌，肉食價錢大多也是三十至六十多元不等，最貴也只是九十九元的和牛，相對起香港其他燒肉店，這絕對是相宜的平民化價錢。入座的號碼還是個位數字，但等位的號碼已到達七十多八十號，有食客向經理查詢大約要等多久，答案是兩小時左右。可以不用掏錢又不用等位像VIP式入座，忽然覺得自己得幸福。今晚的標準菜單準備了六個菜式，上級牛肋肉，王樣腹胸肉，豬頸肉，王樣豆腐，牛角冷麵及礦物沙律，大多都是店方的推介菜式。先說說前菜類的礦物沙律，其實是一點普通的蔬菜加上一碗店方所說是骨膠原的汁，汁與蔬菜混好後成了一粒粒啫喱狀的物體，蔬菜的質素不錯，清新的感覺帶些少酸味，用作前菜相當不錯。之後的王樣豆腐，一大件白滑的豆腐配上據聞用了十二種材料作成的醬汁，面上再加一隻溫泉