Soi Eat Thai Cuisine

营业中

休息中

最近發現長沙灣有間隱世泰式料理，佢啲嘢食好正宗，係由泰國人煮既，所以質素非常好👍 佢門口出邊都擺咗啲泰式甜品同埋蝦片，有泰式千層糕同埋椰汁西米糕，全部都好吸引，可以買返屋企食🍮 泰式鳳爪沙律 🥗首先頭盤試咗個泰式鳳爪沙律，佢用咗好鮮甜嘅醬汁調味，少少辣辣地，幾開胃🤩串燒拼盤 🍢自己本身都好鍾意食泰式串燒，當然就叫拼盤啦，有豬、牛同埋雞串燒，仲有沙嗲醬點添，啖啖肉好好食😋炸黃金菜（通菜） 🥦呢個菜比較特別，會建議試吓，炸黃金菜有兩款，通菜同埋芫荽，佢個通菜脆卜卜幾好食，食落都唔會覺得好煎炸，同平時齋食菜會比較特色啲😛正宗泰式牛頸脊金邊粉 🍜至於泰式粉麵就一定要試佢嘅招牌牛頸脊船麵啦，佢有幾款粉麵揀，任君選擇，湯底非常之香濃，必試菜式之一！