薈麵館

营业中

休息中

竹昇姨甥女過境三日兩夜，特意帶他到灣仔玩具街閒逛，黃昏時分問他想食什麼，佢竟然話想Yam Cha ，即時想起薈麵館，轉過彎合和中心，電梯按7字就到了水墨的竹葉畫，懸垂的雀籠都非常中國風，半開放式的設計擺脫了傳統酒樓嘅老氣，傳統得來又有點西餐廳的格局。我的ABC姨甥就好鍾意，未坐定就指定要食叉燒包。即叫即蒸，輕輕揭開，滿滿的义燒破壁而出，流出甜甜的密汁，這時必須手口並用，將整個包摺合咀嚼，哈哈😄真係好好食呀幼滑的蔥花蝦米腸，沾上均勻的蛋漿，煎得香脆微黃，軟心內層夾著蛋香、蔥香、蝦米香，QQ彈牙，係大熱點心之一圓圓的、滿滿的充滿着整個蒸籠，肥嘟嘟的很有團圓的感覺，軟綿綿的口感，回彈力強，味道不會太甜，雖是簡單的食材，就是愛吃。我們點了套餐，除了點心之外還有自選油菜，特色小食，最後當然還有炒粉麵飯，整個配搭完整，只要選好心水食物，輕輕鬆鬆的飲下茶、傾吓食吓， 完全係港人嘅飲茶文化。呢個絕對係廣東小食嘅皇牌，酥炸鯪魚球碌滿米粉再炸，脆脆外層包着彈牙鯪魚球，足料魚肉不會一口粉漿，而當鯪魚球遇上蜆芥，一牒六粒、兩個人食實在唔多夠呢個時候再來碟乾炒牛河，係飲茶嘅完美終結，牛河係改良咗嘅少油版，令立立

灣仔返工幾年，其實出名既食肆已經開始食到厭。 最近嘗試發掘新食堂，竟然俾我搵到呢間聞所未聞既零負評中菜。1點左右黎到，意外地唔洗等位，一坐低就鎖定左2-3位用既自選套餐 ($258)，由於包炒粉麵、點心三款、小食、油菜同飲品/甜品，價錢又唔太貴，岩哂我同同事兩個人黎又想試多d唔同野。香煎蘿蔔糕大約係平時蘿蔔糕分成四等份既一口尺寸，煎得香口亦保持完整，大大啖、熱辣辣點埋甜醬、辣醬好滿足。 蘿蔔糕幾煙韌，仲食到蘿蔔既軟腍，加埋芽菜、香蔥同炒，份量足又唔太油，十分抵食。蘿蔔絲煎蝦餅見個個都大讚所以好高期望，食落雖然明顯有大塊蘿蔔絲既清甜，但上菜時已經攤凍左，亦冇乜蝦鮮味，感覺上同蘿蔔糕差唔多，比較失望。蟹籽燒賣皇彈牙嫩滑有肉鮮味，因為加入左冬菇粒，所以比坊間食開既燒賣多左一種獨特既香味，但我唔係太食得慣。 值得一讚既係新鮮出爐，出哂煙既點心好加分。五柳醬酥炸雲吞雖然係岩岩炸起，但酥脆得黎好乾爽。 較厚身鞋口既雲吞皮每一處都炸得透薄鬆化，鮮蝦內餡爽口鮮甜，點埋酸酸甜甜既五柳醬好開胃。可以一口接一口唔覺意食哂成碟，個人覺得係最高質既一款。唔知係我叫得差定整體菜式設計既問題，雖然樣樣水準都唔錯，但

灣仔合和中心是該區的老牌大型商場商廈，隨著附近環境的不斷變遷，近年該商場亦靜靜地起革命，由很久以前只有馳名的旋轉66旋轉靚景餐廳，變到現在食肆林立，而最近當中的七樓亦由原本的傢品專賣層變身成飲食層，有多間餐廳進駐其中，而當中一間以點心麵食為主打的小店，筆者最近就和家人一起去試過。小店採用了開放式設計，裝修時尚中帶點中國風，枱與枱之間空間充足，環境寧静 坐得舒適。據店家介紹這裡的點心全部都是當天製作，即叫即蒸，保證新鮮，就今次所見點心的質素果然不俗，蟹籽燒賣皇彈牙有肉香，流汁叉燒包包身鬆軟，醬香流心，懷舊馬拉糕鬆軟甜香，蘿蔔絲煎蝦餅略為鬆散油膩，還好算鮮甜軟糯，而鮮蝦腐皮卷和五柳醬酥炸雲吞均做到酥脆鬆化，鮮味爽彈。其中個人最喜愛的是那爽脆薑蔥鯇魚皮、正宗海南文昌雞和瑤柱鮮龍躉粒薑米炒飯。鯇魚皮爽彈帶嚼勁，佐上薑蔥醬油鮮香清爽；海南文昌雞皮爽肉嫩，雞味濃郁；瑤柱鮮龍躉粒薑米炒飯，瑤柱和龍躉粒用料十足，薑味不太重，飯粒飽滿炒得乾身，粒粒分明，很有驚喜。其他如乾炒牛河也很夠鑊氣，只是略嫌色澤和醬油不夠濃香；炸醬撈麵的麵質略為不夠彈牙，未能呈現出舊式雲吞麵舖那梘水麵的彈牙爽口，雖然這樣說，但其實