肉骨皇 (已結業)

這天天氣寒冷，仲落住毛毛雨，放工後同友人來到大坑一趟，每次黎到浣紗街一帶，眼睛只集中在拉麵來、民聲冰室、龍鳳冰室等一帶。其實再行入少少仲有間頗有特色，食肉骨茶和星馬菜的店子「肉骨皇」。.店子用上深啡色的餐檯椅子及前方的格仔牆壁，還頗有一貫星馬餐廳的感覺。.食物的種類也不少，包括招牌肉骨茶、沙律/頭盤、小食、主菜、咖哩/喇沙和海鮮等，有好多都想試呢!.桔仔酸梅 $35入口酸酸甜甜帶有梅的味道，雖然梅味不算重，但也頗好飲。.檳城肉骨茶 (細/大) $82/$148講事實小妹都係第一次食肉骨茶，一直好怕藥材味道會好濃，不過聽好多朋友話好好味，所以都想試下!.呢度既肉骨茶有分大同細，今次叫左個細既試下，兩個人每人分到約兩碗，另跟上一小碟油條放湯用。「檳城肉骨茶」熱辣辣的用爐熱著，份量都唔少，主角「肉」煮得夠腍身，入面仲有金菇和豆卜，深啡色的湯底有濃而香的藥材味，甘甘醇厚的味道，不錯。.麥皮蝦 $98新加坂地道菜式，簡單又美味。一碟五隻麥皮蝦，用上虎蝦沾上麥皮再拿去炸，所以可以連蝦帶殼同食。第一次食麥皮蝦的小妹覺得很特別，入口先帶來麥皮的香甜，食落去係香口的，但略嫌蝦殼炸得未夠鬆脆，咬落某些位置

作為好食之徒，大坑是不能不到的地區，當區食肆臨立，款式多樣化，泊車亦算便捷。是晚光顧網評不俗的肉骨皇，主打星馬菜式。餐廳正門不算起眼，只靠一個小巧座地燈箱作招來。店內裝潢東南亞風味亦不重，地方也算整潔。在正門一邊的兩個角落，放置了兩部顯示屏，放影著門外街道的影象，對駕駛人士是一項貼心的安排。翻開餐牌，參考過當中的食物相片及餐廳推介，先點餐飲，後點美食。一杯凍薏米水，甜度輕盈合心，口感滑溜，滋潤不俗。友人點選熱香茅茶，淺嚐一口，香茅口味不算濃烈，因當中加入一片檸檬關係，另帶有一點清新酸香味道，是冬日合適熱飲。美食方面，先來一客海鮮柚子沙律作前菜，海鮮食材有海蝦、青口、魷魚、魚片等，份量合理，質素食味普普通通喇！沙律醬汁以甜酸味道為主，輔以花生碎等調味，質感稠身，味道略鹹及稍稍過於剛烈。儘管有柚子的清甜食味稍作調和，還是差了一點點。接下來是招牌菜式檳城肉骨茶，三人食用一客細的份量剛好。肉骨茶以瓦煲盛載，並以明火保溫，另配上一小碟油條片作放湯用。待肉骨茶煮滾開蓋後，頓時藥材香氣四溢，白煙四起。煲內材料放得滿滿，除肉排外，還有枝竹、豆卜、金菇等等。先啖一口湯汁，藥材力度剛好，甜味中又帶點回甘，

馬來西亞、新加坡，聽好多人講去幾日玩吓就夠，不過，唔知何解，都幾鍾意依兩處地方，前後每個地方都去過兩次，都仲未厭，就好似年初去咗9日大馬自由行（檳城、浮羅交怡、馬六甲、吉隆坡），被人話去9日咁多，我反而答話唔夠玩喎。可能鍾意佢個環境，亦鍾意佢哋啲食物，所以，睇見食友晌「肉骨皇」嘅食評，就搞到我都躍躍欲試。憑著門口個小燈箱「星馬餐廳」，你就知「肉骨皇」主打星馬菜，即時令小弟回想返晌星、馬兩地唔少「大排檔」式美食廣場或食街，檳城嘅新關仔角、紅園，吉隆坡嘅阿羅街、肉骨茶集中地，以及新加坡嘅老巴剎、史密斯食街……等等，真喺多到不得了。除咗門口幾扇大百頁窗木門，店內雖然無乜太多大馬風情，但裝修雅致整齊，橙襯黑，令人感覺幾醒目。牆上掛有數張食物相及推介菜式木板，平實精簡。翻開菜牌，首先肉骨茶喺必然選擇，跟手再晌沙律、咖喱、主菜……等等揀幾款，點個菜，都差不多好夠食。菜牌內，部份菜式圖文並茂，影得非常吸引。如唔想點諗，亦可考慮店方嘅廚師推介。海鮮柚子沙律 $88本來喺個肉骨茶先上場，不過需要座番滾，而個沙律就正正攝上依個等待嘅空檔期。海鮮柚子沙律嘅柚子拆得好大嚿，又爆汁，清新鮮爽，只喺澀味稍稍重；而