川滿居 (京都廣場)

营业中

休息中

要食得夠川，第一步要知自己究竟鍾唔鍾意食辣，鍾唔鍾意同食唔食到，又係兩回事，不過辣呢樣野係可以培養返黎，一開始我都唔明D人點解鍾意食辣，但當食過兩三次，我竟然愛上左，而且愈食愈辣，到今日已經沉左呢隻辣船了。👇🏻📌招 牌 推 介 - ▪️ 夫 妻 肺 片- $66▫️ 涼拌識食一定係嗌「夫妻肺片」，口感爽彈，又夠惹味，送酒一流。▪️ 水 煮 魚 - $188▫️ 跟住就黎招牌菜「水煮魚」，淨係睇個份量都知猛料，大量花椒豐富成個香味，魚片滑溜無比，辣得黎帶住麻香後勁，而且仲有D青瓜、豆芽、雲耳，底部仲有d麵條，吸收哂大量辣汁，過足口癮！▪️ 京 蔥 羊 肉 - $98▫️ 最後呢說「京蔥羊肉」亦有驚喜，事關佢炒得夠哂鑊氣，羊肉有淡淡既羊香味，但唔會太膻，加左大量京蔥，令成件事更加惹味；仲有6塊麼麼皮夾埋一齊食，口感更豐富。

想系銅鑼灣搵間性價比高啲，份量又多，味道較正宗，而朋友更是無辣不歡，又可以慢慢吹水，我同佢揀左呢間#川滿居 ！餐廳嘅位置都算十分方便，行過對面地鐵站都不用3分鐘。❇️招牌香鍋HK$ 260配料有豬大腸、肥牛、田雞、雞翼、木耳、薯粉，,上枱陣陣香味已從香鍋發出，薯粉份量都好多，豬腸切開一片片，洗得乾淨，雞翼大舊得黎一d都唔韌，抵食加惹味！❇️京蔥羊肉HK$ 98羊肉厚度屬薄切中又軟淋，洋蔥非常香甜，去左羊騷味，用麼麼皮夾著吃，增加了獨特口感，味道亦很不錯😋❇️干煸四季豆HK$ 66夠鑊氣！同辣椒拌炒，鹹香又夠味，唔太油，配飯一流!❇️Suntory Gold白啤（380ml)HK$ 38❇️金桔檸檬茶HK$ 28可以揀冰塊份量以及甜度，金桔味道清新又解膩！❇️白飯 (碗)HK$ 15

呢間裝修得好有中國風專嘅川菜，食物選擇好多。入到嚟唔知揀咩，店員都好有禮貌詳細講解菜單，好貼心。涼拌黃金皮蛋：啖啖皮蛋嘅滑嫩，加上啲辣椒油同蒜末，鹹香又帶點辣，開胃得嚟又唔會太重口味，正！京蔥羊肉配麼麼皮：呢度菜炒得好香，麼麼皮就似食片皮鴨嗰種，可以包埋羊肉食，呢個組合真係冇得輸，羊肉嘅香味同京蔥嘅清新味道好搭。水煮魚都係必食嘅一道。魚片新鮮，湯底辣中帶麻，辣得嚟但又唔會蓋過魚肉嘅鮮味。當中仲有其他配菜有金菇同埋薯粉，而且份量都好多。

第一次喺銅鑼灣食呢間川菜，味道質素都唔錯～香辣魚皮($68)辣度係小辣，魚皮好爽口，份量都幾多，配上紅蘿蔔絲同芫茜食好清爽👍🏻金湯酸菜魚($188)上到嚟都幾大兜，湯底真係金黃色，酸度好夠✨，魚肉大大塊，肉質嫩滑，冇骨，食唔到泥味，配料有基本嘅薯粉、芽菜等等，亦都有少見嘅冬菇、杏鮑菇，食到原粒嘅花椒，對我嚟講酸辣度足夠，好送飯👍🏻👍🏻京蔥羊肉($98)羊肉份量都幾多，唔會好騷，京蔥好香，炒得好惹味🤤🤤附上有6塊麼麼皮，可以包住啲京蔥羊肉一齊食，正～回鍋肉($78)啲菜好甜！唔會好辣，腩肉又唔會好肥，唔洗食到成口油～又大送飯之選，唔會太咸，好好味😋😋紅糖糍粑($58)第一次食，糯米團軟糯，面頭煎得金黃色，夠香脆，點黑糖漿食好正，好似有種魔力咁食唔停口✨

宜家流行食川菜，好多身邊朋友都鍾意食，而我自己都越來越食得正宗，今次就同朋友來到銅鑼灣的川滿居品嚐川菜風味。餐廳都係第一次來，皆因朋友話銅鑼灣來講，川菜做得正宗得來又抵食。我們上到來，經服務員介紹，點了三個皇牌菜式，分別係：金湯酸菜魚，京蔥羊肉（加上6塊嬤嬤皮），藤香雞。首先金湯酸菜魚做得十分地道，酸酸媚媚好開胃，魚肉大大舊又多又夠新鮮，而且口感彈牙，原來係用新鮮魚肉，不是用冰鮮的魚，難怪做到這麼好的水準。藤香雞就有少少似醉雞，無醉雞咁冰同咁重酒味，麻麻香香的味道果真做到另一款口感，前菜必選。另外就係京蔥羊肉，如果唔鍾意食羊肉的可以選擇牛肉，而我就覺得羊肉無選錯，好有羊蘇味，平時不喜歡吃蔥的 但配在一起，蔥就好似中和左羊肉，絕配，包係嬤嬤皮一起食，更為有口感。幾款招牌用來送飯就絕對一流，飯都可以食多碗，喜歡食川菜的不容錯過啦。

和朋友太耐未食過川菜，所以想找間專食四川菜的中餐館。上網看到銅鑼灣有一間新開的「川滿居」，就決定一試。川滿居位於銅鑼灣 ，地鐵站行過去非常方便。可能由於餐廳新開關係，環境比較新淨，如果坐到窗邊位就會更加舒適。其實，之所以找到這間餐館的主要原因是它的價錢相當合理，亦有我想食到的菜式。既然川滿居新開張，亦是有一個理由可以去試試吧。⧓ 1. 金湯酸菜魚（少辣）實在太耐冇食過酸菜魚，可以看看新開的川滿居煮成如何。菜式取名金湯，嚐一口湯果然寧捨入味，我們選了少辣，在酸菜、辣椒及其他配料之下，即使飲數口湯亦不會覺得嗆口，反而更加開胃。酸菜魚份量足夠供兩人享用，厚度適中，沒有過多魚骨，一啖魚肉配配少少湯食就最好不過。另外，酸菜魚亦有薯粉伴上，所以我覺得可以不用額外點白飯，有薯粉亦都足夠。不過，如果你是白飯愛好者，其實金湯加酸菜魚亦是非常好送飯的。⧓ 2. 京蔥羊肉（配6張麼麼皮）原本只是想食蔥爆羊肉，但看清楚原來還有6塊麼麼皮伴隨，我都是第一次食皮包羊肉。麼麼皮將羊肉包裹後，會將其香濃味稍為化淡一些，而且會更加容易入口，如果只食羊肉可能會有點滯。餐館這個想法實在有心。不過，這麼惹味的京蔥羊