Terrace in seaside (海運大廈)

营业中

休息中

近排海港城有間經常排隊嘅韓式餐廳成為打卡熱點🔥Terrace in seaside來自韓國，本身喺當地已經係唔少旅客的打卡聖地，未到香港水平如何？今日等我哋帶大家去睇吓佢水平如何先！.分店位置好方便，位處尖沙咀海港城嘅海運大廈，食完飯可以同朋友上多兩層對住過海Selfie返幾張相📸.餐廳環境裝修，我覺得算係走小清新、簡約嘅風格，唔算話有啲咩好特色嘅地方可以拎嚟打卡，但係就會比到一種好親切舒適嘅感覺食嘢既你。.今天我同朋友兩位就食咗以下菜單🍝青醬大蝦意粉🥢傳統紫菜飯卷 🐣香脆芝士有骨半份🍍仲夏清甜菠蘿忌廉三文治🍰士多啤梨提拉米蘇蛋糕.當中既香脆芝士有骨炸雞尤為出色外面酥脆香口、裏面軟嫩滑爽，外酥里嫩，一個字正！而呢間餐廳主打嘅韓式輕食之一既忌廉三文治味道都相當唔錯.飲品方面，我哋就叫咗兩杯🍍柑橘乳酪同🍊熱情金菠蘿沙冰。呢兩杯嘢打卡都一流，但係飲落去我哋就會推薦飲菠蘿沙冰，真係超好飲！

Terrace in Seaside係一間新派嘅韓式餐廳，其實之前已經嚟食過一次，覺得味道唔錯而且位置夠方便打算Encore再食😛但每次收工經過晚飯時間都會大排長龍，今日收工同朋友經過見到難得唔洗點排隊，所以二話不說就入去食喇😋。。🔘蜂蜜牛油炸雞(半份) | $108評分: 🌕🌕🌕🌕🌑評語: 上枱時嚇親我哋🤣有炸雞之餘仲配左薯條同埋年糕，兩個人食都覺得份量好多。炸雞表面灑上左牛油糖粉，再加入蜂蜜作調味，味道唔會好濃恰到好處。炸雞的確好出色保持到外脆內軟，肉汁鮮嫩而且彈牙，咬落去啖啖肉😛。。🔘傳統紫菜飯卷 | $72評分: 🌕🌕🌕🌗🌑評語: 飯卷用料好足，一口係絕對食唔晒一嚿🤣韓式牛肉、蛋、蘿蔔絲、青瓜等等都會有，係一個比較傳統嘅韓式飯卷。好食又抵食用嚟填肚就啱晒。。。🔘青醬大蝦意粉 | $112評分: 🌕🌕🌕🌕🌑評語: 一上枱嘅時候以為嗌錯野，想食大蝦意粉點知嚟左個沙律咁😂但事實係呢款青醬大蝦意粉係配上沙律菜，沙律同青醬意粉撞色所以視覺上全部都係沙律菜🫢青醬意粉味道煮得啱啱好，每一啖都有香草味。而且意粉唔會煮得太耐而失去彈性👍🏼仲有一大隻大蝦，蝦肉亦非常爽口彈牙㗎❤️。。🔘士多啤梨Tir

Terrace in Seaside🏖無骨炸雞半份 ($108)Total 有6隻味可以揀，我哋就試咗蜂蜜牛油炸雞🍯如果叫一份嘅話就可以一次試兩隻味，睇落柑橘炸雞都好特別，有機會下次再試🫶🏻炸雞上枱嘅時候熱辣辣脆卜卜🔥脆得黎雞肉保持到好滑嫩，係優秀嘅炸雞🍗 同時有薯條同煎年糕做配料，兩者配埋蜂蜜牛油🧈真係冇得頂🤟🏻佢隻味其實好似蜂蜜牛油薯片嘅味道，而雞件都可以沾得好均勻，唔會唔夠味，亦都唔會太重口，幾唔錯👍🏻青醬大蝦意粉($112)本身青醬呢個item都好難脫離有啲油膩嘅問題，餐廳幾貼心咁配咗唔少沙律菜去令到成個意粉冇咁heavy🤰🏻 沙律菜有配埋沙律醬，食落酸酸甜甜幾開胃🥗而意粉本身都煮得唔錯，軟硬適中得黎又保持到彈性同咬口🍝而大蝦亦都真係大蝦，蝦肉結實得黎唔會霉，有好輕微嘅調味，整體黎講都好match個意粉🦐傳統紫菜飯卷($72)紫菜飯卷嘅份量都幾多，而且料都好足，有紅蘿蔔、牛肉、蛋、青瓜、酸瓜，再加埋芝麻，香得黎又唔會太重口，而且好飽肚😙但我哋今次個飯卷有少少鬆散，好難完整咁夾得起，如果包實少少就更加好🤏仲夏清甜菠蘿忌廉三明治 ($68)個菠蘿甜到爆炸🍍忌廉就偏向結實，但其實加埋

餐廳裝修行簡約風，米白色為主調感覺幾舒服，但係位置唔多同埋坐得比較密🥺/傳統紫菜飯卷 $72/飯卷好足料😳牛肉同埋菜比例幾好🤣/蜂蜜牛油無骨炸雞(半份) $108/炸雞好有驚喜😍皮脆肉嫩，好juicy👌🏻無骨炸雞真係啖啖肉🙈 蜂蜜牛油嘅鹹味甜味balance唔錯，食落唔會覺得好油膩！薯條同埋年糕都好好食🤣/濟州柑橘乳酪 $68/飲品賣相吸睛😳有半個橙係上面😂 個人覺得佢味道偏酸🤔可能係咁啱個柑橘唔夠甜之後加埋乳酪就更加酸🫢整體黎講性價比幾高，炸雞最值得推介🤩 食野仲要冇限時😲可以慢慢食👌🏻

好耐冇約朋友見面，趁住疫情放緩，週末約咗朋友出嚟食餐飯，揀咗海運嘅呢間人氣韓國菜，每次行過都有長長嘅人龍。今日時間尚早，大概等咗幾個字就可以入座。點菜後店員為我哋送上泡菜，份量唔多但非常開胃。柑橘炸雞半份嘅份量亦唔少，配搭韓式年糕同炸薯條，我哋揀咗無骨炸雞，食起上嚟更方便。炸雞非常香脆，咬落仲帶有肉汁，透住好清香嘅柑橘味，食多幾舊都唔怕膩。紫菜飯卷超級吸引，即叫即卷，飯嘅口感煙韌得嚟唔會太硬，簡單嘅食材都可以令人有滿滿嘅幸福感！蛋包飯外表平平無奇，上菜之後店員會喺蛋嘅表面輕輕𠝹一刀，湧現眼前嘅係鮮嫩嘅滑蛋，配上鮮美嘅明太子醬，一流！Tiramisu原盒上，感覺乾淨衛生，口感濕潤軟綿，甜度適中，係幸福嘅感覺。終於嚟到一直想食嘅忌廉水果三文治，賣相精緻誘人，水果新鮮不在話下，麵包嘅口感非常軟綿，同鮮忌廉一齊食毫無違和感，難怪一直係鎮店名物！柑橘味道清新，配搭乳酪一齊飲，竟然出奇地合襯，與其話係飲品，話佢係甜品亦不為過。菠蘿沙冰味道同樣清爽，甜度適中，鮮甜解渴。餐廳嘅食物賣相精美，好適合打卡，味道亦非常唔錯，難怪能夠成為熱店！