金鶴拉麵 (閩街)

营业中

休息中

聽說佐敦有間隱世高質日式小店本人雖在附近上課多年，但朋友不說也不知店位置於內街，的確頗隱蔽但在門口便感受到濃濃日式風情還未1900已到達，驚訝的是幾乎座無虛席店內有一幅雅緻的日式掛畫，令店的格調也提升被安排坐在吧枱，看著廚師料理也是種享受秒計的聲音此起彼落，感受到料理人對烹調時間控制的精準性筷子是兩邊均可用，沒有分頭尾筷子套印有浮世繪的富嶽三十六景精緻在於細節，令人欣賞雞白湯拉麵 $98牛蒡薄脆很香脆，捲花形狀令整碗麵彷如藝術品慢煮雞肉的嫩滑度令人震驚湯雞味濃厚，口感很CREAMY有在飲忌廉湯的錯覺麵為中太麵，口感帶點煙韌粗度和質度均是我所愛的活鰻蒲燒飯 $198套餐包涼拌微辣墨魚前菜和鰻魚內臟煮成的清湯微辣墨魚前菜惹味；而湯口味確實頗清淡飯粒粒分明，外軟內煙鰻魚肥美，燒得很香脆即使魚腩位亦不覺得腥，只有魚油的甘香元祖煎餃子 $33雖然見不到面層薄脆是有小失望但餃子外皮煎得頗脆，豬肉餡新鮮，美味的總括而言，本人只可以無可挑剔來形容在香港很少能夠食到出色的鰻魚飯此店還要鰻魚飯和拉麵兩者均做得出色服務態度亦不俗，列入飯堂名單無疑

見很多平台都有介紹過這間金鶴拉麵，今日下午就和男朋友一齊去試試，下午兩點仍然有十數人在門外等待。幸好趕在last order前進場，裝修幾有用心，有一個吧枱，可以觀望着廚師製作拉麵和串燒。活燒蒲燒鰻魚飯是店內大力推薦的菜式，本見到價錢真是嚇一大跳，完全沒想到要點，不過聞到燒鰻魚的味道香味撲鼻，十分吸引，而且濃濃的鰻魚汁亦又甜蜜的感覺，忍不住點了一客。鰻魚本身的特別鮮味濃郁，而且魚肉燒得剛熟，燒汁又鹹甜相宜，配軟熟的日本米一流。雖然極盡奢華，但真是一分錢一分貨，絕對值得一試。醬油拉麵湯頭夠清，鰹魚高湯加日本醫油的鹹味有回甘，真係幾出色，麵質就一搬，少少掛湯，叉燒肥厚剛好，還有雞肉都算鮮嫩。雖然今餐價值不斐，但食物真是好吃，而且發現店鋪在各大平台都有優惠，下次應該會來試其他拉麵。

今日同女友人行過佐敦想揾野食，但附近全部都係d西餐廳啊小菜煲仔飯咁。 但就竟然比我地揾到金鶴呢間拉麵店 完全撻著晒我地既🇯🇵控。鋪子外表係高檔次既日本餐廳，入面既服務員都好細心有禮 野食方面我地因為太肚餓關係叫左好多野食... 小弟叫左個活鰻浦燒飯我想講睇住廚師燒嗰陣我已經流晒口水，食落條鰻魚好厚實好濃郁活鰻果然非同凡響... 女友人就叫左個雞白湯拉麵 , 佢話個拉麵湯底好特別，有別於坊間既醬油湯我試左淡真係唔錯佢係自家制既雞湯底好濃味鮮甜.. 之後仲叫左d小食，醬漬日本糖心蛋，元祖煎餃子，燒雞泡魚乾同埋追加左個浦燒活鰻魚串因為真係太正, 所以整睇黎講都好高質素好滿意... 最後就飲返支清酒作個完滿既句號

今次帶朋友食黎食呢間隱世既日本🇯🇵餐廳，佢店舖位置唔算係大街，所以可能未必每個人都識黎到！店舖唔算太大，20個座位左右，店員好窩心咁倒左2杯熱茶同毛巾及安排我地坐係bar檯位置，可以睇住師傅整野食既過程，食得都好放心！聖誕節is coming ,餐廳內仲佈置左好有聖誕節🎄氣氛既吊飾。我地叫左佢地既招牌菜式：雞白湯拉麵🍜，另外再加個期間限定既火炙沖繩阿古豬飯，再配多2款小食：元祖煎餃子🥟同日本明太子雞翼！看到師傅好用心咁製作碗拉麵🍜，把雞肉慢煮，之後熱騰騰咁放係我面前！溫馨提示咁話食左個牛蒡片先，雞白肉唔好放係湯食，咁會影響到個味道質素，我就一口食左塊牛蒡片，好脆口，再一啖品嚐左個雞白肉，好鮮甜，完全唔un，再再食啖拉麵🍜好彈牙爽口，碗湯先係重點！超濃郁既雞湯味！回味無窮！之後到阿古豬飯，連埋個飯盒都賣相一流，芬香樸鼻，急不及待咁將塊厚厚既阿古豬放係口中，肉質好唸，口感唔錯，彷彿有d食煙鴨胸既味道！仲配埋個味噌湯，oishi!😋😋 而個餃子🥟都好皮薄料靚，相對個肉汁會比較熱，食個陣要小心啊！唔好燙親個櫻桃小咀！最後到日本明太子雞翼，師傅將明太子肉好有心思咁釀左係雞翼裡面，就咁睇真係以為係

拉麵店雖然位置有啲唔就腳，但離佐敦地鐵站其實只不過係十分鐘內既路程～ 係橫街中見到好搶眼既招牌同日本式裝修，就係金鶴拉麵啦！店內既設計比起一般既拉麵店較為舒適，坐得鬆動唔會逼住晒咁～坐係bar枱仲可以睇住師傅炮製拉麵一入到店鋪職員就好快速咁問左我地要熱茶定凍茶，比籃我地擺個人物品，仲同我地介紹有咩好推介，好好服務聽佢講鰻魚係每日即燒，可惜我地去到既時間已經賣晒，下次有機會要再試！最後我地叫左一白一黑拉麵，可以交換食唔同既湯底雞白湯拉麵配料有黑豚，牛蒡，溏心蛋同慢煮赤雞～雞白湯係waiter最推介既湯底，話係用左日本空運既赤雞熬製出黎～食拉麵第一口一定係要先試下個湯底，依個湯底好濃郁！佢並唔係味精湯味，可以食到好濃既雞味，係creamy既感覺唔係好稀既湯～師傅係上菜前會grill下黑豚，所以食落係有陣香氣～雞肉十分嫩滑，唔係鞋sup sup個啲！牛蒡係輕輕炸過，我本身普通牛蒡既味，但炸左食落又幾特別黑蒜醬油湯拉麵配料同雞白湯拉麵大致上一樣，但冇牛蒡～依個拉麵上菜時第一個反應就係：好香啊！淡淡既黑蒜香，令人急不及待要食！飲落去黑蒜味唔係太重，唔會蓋過左其他食材既味道相比起雞白湯依款冇咁特別

今日專登同男朋友黎到佐敦一間拉麵店，店鋪位於一條偏僻既小巷，店內卻有數之不盡既美食，依間拉麵店就係金鶴拉麵。店內的裝潢設計很有日式風味，店員亦非常貼心有禮，幫我地將背囊放好，有熱茶和冷茶任君選擇，每個座位都提供濕紙巾抹手，非常全面，我地既位置剛好可以看到師傅的烹調功架，真係大飽眼福。我地叫左非常出名的雞白湯拉麵，拉麵主要係由黑豚、牛蒡、溏心蛋和慢煮赤雞合製而成，牛蒡高高在上，保持脆脆的口感，兩片慢煮赤雞放左碗邊，避免雞湯浸軟，黑豚和溏心蛋配合上蔥花置中，麵條較為粗身，最底部則有香濃鮮甜的雞湯，仿似一件藝術品。這個雞白湯拉麵非常非常好吃，我把湯都全部喝光，這個拉麵真的非常出色，值得一讚。 元祖煎餃子，皮薄餡靚。燒雞泡魚乾，配合沙律醬一流。日本明太子雞翼，少骨多肉多明太子。沖繩阿古豬燒肉串，脂肪分佈平均。

朋友最鍾意食拉麵，成日都周圍試麵。不過，唔係間間都做到係日本食嗰種質素。今次聽聞金鶴拉麵的雞白湯選用日本赤雞每兩至三日由日本送黎，同傳統湯底好唔同，咁就決定黎試試。店舖係佐敦地鐵站附近，行大約5分鐘到就到。未入去已經俾佢個門口吸引左，真係勁靚，好有日本畫的風格。店內的裝璜感覺高級，而且係開放式廚房，睇晒師傅的烹調經過。待應送上餐前的濕紙巾，連紙巾都係日本製，朋友覺得好有去日本旅行時去的麵店感覺，而我就幾欣賞佢地咁細緻的用心。我地揀左雞白湯拉麵、活鰻蒲燒飯同餃子。講真平時食開都係豬骨湯底多，好少食到雞白湯底。店員送菜時好細心講牛蒡即炸，可以先食。而雞係凍凍地咁食，話可以食到雞肉質的細嫩味道。果然真係冇令人失望，牛蒡入口爽口唔油膩，慢煮的赤雞肉質嫩滑，凍食又有令人種口感。而最令我驚喜的係佢個湯底，平時拉麵湯底飲第一啖覺得好正好濃，但飲多左就覺得好油。但金鶴的雞白湯係完全冇依種感覺，我係成碗湯飲晒！！佢湯底質感濃厚，但好清甜，飲完唔會口渴，會令人想繼續飲！而佢火炙叉燒好香口，值得推介！活鰻蒲燒飯一打開見到活鰻好肥美好大條，食落口魚皮的甜味滲落去下面的魚肉到，口感juicy，配菜同湯跟鰻魚好夾

在佐敦官涌體育館對面，入到去好似去咗日本咁，感覺別緻高雅。品嚐麵食之外，這裡的裝潢設計都好吸引。牆壁以黑色為主調，突顯金鶴的貴氣。冰滴咖啡的裝置放在吧枱上簡單優雅。坐在吧枱仲可以看到師傅煮麵。雞白湯．拉麵 $98（黑豚、牛蒡、溏心蛋、慢煮赤雞）擺盤十分精緻，炸成一團的香脆牛蒡亦好有趣。平時食的拉麵多數都係豬骨湯或者魚湯，金鶴拉麵的湯底係用雞肉熬製。雞白湯是用日本赤雞弓、鰹魚、素菜等材料熬製。加入拉麵前用blender打滑，令湯底入口幼滑。此外，雞白湯清澈不油膩，味道香甜。慢煮赤雞十分嫩滑，好耐無食過有咁濃郁雞肉味的雞。黑豚表面用火槍烤過，入口多份香烤的惹味。加埋彈牙的拉麵成為一碗完美的拉麵。雞白湯．沾麵 $138沾麵的賣相更驚喜，濃郁的雞白湯以小火爐熱住，保持麵湯的溫度。湯底較湯麵的較濃稠一點，掛湯程度更高，味道更濃厚。配料同樣有黑豚肉、溏心蛋、慢煮赤雞。拉麵爽口彈牙。元祖煎餃子香脆的餃子皮包著富肉汁的饀料。食到最後，還有抹茶甜品。店員細心提供包裝精美的日本濕紙巾。

活鰻蒲燒飯($198)-鰻魚嘅份量有好多，而且仲要好肥美好juicy，飯都唔會好dry，呢個真係大力推薦！雞白湯拉麵($98)-拉麵相比起沾麵較為軟身，豚肉入口即溶，真係好正，而雞肉都好入味，真係口味無窮，仲有半隻溏心蛋！雞白湯沾麵($98)-沾麵好有質感，個麵雖然係凍嘅，但係tim落個熱辣辣嘅湯汁到真係好出色，湯味夠濃，而且凍咗之後仲可以加翻熱，入面有溏心蛋之餘仲有豚肉同雞肉，個人比較中意沾麵，極力推薦！元祖煎餃子($33)-total有4隻，熱辣辣仲要好新鮮，每啖都覺得好juicy。抹茶蕨餅-可能係新開張嘅緣故，店長非常好人，請我地食呢個日式甜品，凍凍地又唔會太甜，真係幾好味架！--呢度環境好舒服，可以坐好耐，廁所仲要好大有電視，好有日本嘅感覺，而且慶祝生日都唔洗收切餅費，店員仲要好好咁幫我地影咗好多相，而且每一款菜式都會同我地介紹翻點食。--限時優惠: 依家只要download佢地嘅app，係30/9之前都可以有麵類買一送一優惠，真係好抵！