百味鮮辣蟹專門店 (已結業)

百味鮮呢間餐廳係我哋同學每年食生日飯都必定嚟嘅地方，加上平時一、兩個月都會同其他朋友嚟食一次，可以算係常客😆所以對佢哋餐牌同埋預訂嘅菜式都大概知道晒🤪但係食評就真係第一次寫🤣🤣，因為掛住食同傾計，所以有好幾樣餸菜都冇影到~但呢度真係好多嘢都好好食，特別係凍螺，蟹，水煮魚😋😋~仲有個叫黑松露蝦多士嘅特式菜，不過唔記得咗訂，所以食唔到😅服務方面比起其他餐廳已經算好好，而且仲要唔收加一，如果真係要講嘅話，我只能說收加一嘅地方都冇未必有呢度嘅服務質素，呢個真係純粹個人意見~

今日去左住係西環既朋友到，所以朋友就一早預訂左呢間餐廳比我地一盡地主之誼。芥香雲耳仔同蒜香凍螺 : 個醬汁調較得好出色，而凍螺個醬汁甜甜地之剩又有蒜香，而且螺肉好爽口 ; 椒鹽魷魚鬚都好食，呢三樣食物重點推介。冰鎮咕嚕骨 : 本店生招牌人氣菜式，上枱時已經好吸睛，咕嚕骨底下放了乾冰，而咕嚕骨表面則用上了麥芽糖，睇落晶凝通透。口感特別不過有點癡牙同稍為偏甜，不過都係一道特別既菜式，值得一試。海鮮賽螃蟹 : 雖然幾大碟但味道欠奉，加左餐廳既酷食後味道重奇怪。櫻花蝦醬四季豆炒牛肉 : 味道不錯，可惜牛肉太少。黑松露蛋白炒飯 : 睇落平平無奇，但食落口松露味都幾濃，而且啲米都炒得幾乾身粒粒分明，無出現好黏既感覺 ; 櫻花蝦炒飯就中規中。濃湯龍躉浸菜芯 : 龍躉食落幾爽口彈牙，不過味道偏淡普普通通。

7-1 回歸日，港島北一帶的交通比較混亂。為了避開車龍人潮，特意避走西區享用晚膳。「百味鮮辣蟹專門店」是一間以辣蟹作招牌美食的中菜館。即日午膳時間訂枱，準備晚上七時入座，獲告知要 90 分鐘內還枱，並鼓勵提早抵達。小編明白小店難處，也不介意接受這些條件。不過，當小編提早半小時到場後又未能安排入座，實在令人有點不滿！ 返回正題，小編一行六大兩小，共點選了七餸一湯。飯菜以海鮮為主，先來的「胡椒酸菜骨腩湯」，味溫辛辣，有點胡椒豬肚湯的影子。湯中投入了魚骨腩，雖不太適宜直接享用，但對湯汁添甜有一定功效。 「金銀蒜蒸蟶子皇」用上的蟶子都算大隻肉厚，口感爽彈，只可惜金銀蒜汁調味稍鹹，影響了最終評分。「砵酒酥炸蠔」是全晚最佳之作，蠔肉飽滿，經炸煮後食感外脆內軟，蠔味濃鮮。再加上點滴酒香，令人回味。到訪辣蟹專門店，小編當然對其招牌「避風塘炒蟹」有點期待。只可惜蟹肉肉質很「削」，不論鮮味及避風塘風味也力有不逮，評分不及格。 桂魚片本味清淡，所以不要寄望「濃湯泡桂魚片」有濃香的魚味，單論軟滑感都算對辦。「冰鎮咕嚕骨」聽聞是餐廳的招牌菜，以冰鎮配以乾冰煙霧方式呈上，富不俗的視覺效果。吃這道菜最緊要盡快享用

每次搭叮叮經過呢間辣蟹店都話想試, 趁住同朋友聚餐, 提議下黎一試, 畢竟食中菜都係多人一齊食比較好。先黎前菜~涼拌青瓜送上檯既時候已經聞到好清新既青瓜香，加埋醋香，開開胃先。窩燒野菌蟹肉豆腐 滑滑既豆腐配合濃湯既芡汁 ,  加埋野菌營養豐富又有纖維, 不過略嫌蟹肉不足~豆酥蒸黃花魚黃花魚蒸得剛好唔過火, 肉質幼滑, 加埋炸香左既豆酥 , 增加層次。期待既主角出場啦~黎到緊係要點招牌蟹啦 , 呢度有十多款煮法 , 最後揀左香葉黑胡椒炒蟹。諗起去新加坡時食過, 真係令人點回味~ 加上黑胡椒性溫, 補脾腎, 可減低蟹既寒涼性。而呢度都有八九成做到果種風味, 如果再多D 黑胡椒就更加香更正了~肉蟹夠哂新鮮, 先食蟹鉗, 一咬落去肉汁連埋黑胡椒, 香中帶辣, 起左提鮮作用 。豬頸肉炒通菜  冰鎮咕嚕骨呢個賣相杷當吸精, 一出場吸引埋隔離檯用乾冰做出既煙霧效果,真係人人都中意。大大舊既咕嚕骨下面有冰鎮住,食既時候既熱又凍,又甜甜的。炸漿多左D, 不過好鬆脆  都係推介之一

是晚我俩同表哥两公婆一齊食晚飯，我地約左系佢地屋企附近，表哥話呢間野吾錯，我地梗信佢啦😁我地7點未夠來到，餐廳已經坐滿曬食客，好彩表哥已訂位，我地好快入座😁餐牌上有好多款式供應，揀左一輪後終於揀左👇🏻👇🏻👇🏻👇🏻話梅醉豬手🐽店員一送上時就聞到一陣日本梅酒既香味，食落質地好爽口彈牙，而且好入味，都有5,6件，$38來講好抵食😋👍🏻蒜香牛仔粒感覺炒得好夠鑊氣，又系未食就先聞到香味😆 好豐富既蒜蓉爆得好香，啱曬我呢個鍾意多蒜蓉既人😁洋蔥爽口特別紫洋蔥，主角牛肉粒都好軟腍，一d都吾韌，而且仲有牛味呢個菜配飯一流👍🏻杞子豬潤浸菜芯菜心軟硬度啱我食，我好怕食d好生既菜心，因為好難咬，但呢個啱啱好😊豬潤都幾新鮮，個浸湯都有味，我裝左半碗來飲🙈。野菌自家豆腐呢個豆腐好特別，廚師於制作時於豆漿面篏入海苔絲，食落時帶出海苔味，頓時豐富左味蕾😍😋 小女從來未食過的，而且佢個豆腐質感有d似玉子，下次來呢個要再食。豉油皇海蝦蝦都幾大隻，蝦殼炸過之後變得薄左軟左，部份蝦殻我𡁻𡁻下覺幾香口順便食埋🙈😆蝦肉彈牙，醬汁幾惹味得來帶甜，食完一隻仲想食多隻。冰鎮咕嚕骨呢個壓軸登場，送上時好驚喜，賣相好靚，色彩又豐富，小女我

自從大家都成家立室後, 中學同學愈來愈難約, 今日難得我地4個收工都得閒, 就先搞一個小型的中學同學聚會先。我地間中學係西營盤, 果陣大部份同學都係住附近, 到而家仲住係呢邊嘅就已經唔多, 不過我地今晚4個入面有2個仲住係呢頭, 今晚我地食呢間百味鮮都係佢地推介的。百味鮮係香港大學站B2出口行過去都好近, 我到果陣只係7點, 不過已經坐滿食客。餐廳裝修簡單企理, 店外貼左好多雜誌對餐廳嘅介紹。今晚菜式全部交俾地膽同學仔揀, 我地唯一要求係唔想食辣野。同學仔揀左6款菜, 分別係話梅醉豬手, 杞子豬潤浸菜芯, 野菌自家豆腐, 蒜香牛仔粒, 豉油皇海蝦同佢極力推介嘅冰鎮咕嚕骨。😁話梅醉豬手酒味好香但入口完全冇苦澀味, 肉質好爽口, 份量都唔少但只係$38碟, 好抵食。👍杞子豬潤浸菜芯呢個配搭唔錯, 豬潤好爽脆。我地幾個都係牛魔王, 不過對呢個蒜香牛仔粒讚不絕口, 牛仔粒油脂感重肉味濃, 肉質軟腍多汁, 配上香濃嘅蒜粒非常惹味。😋野菌自家豆腐呢個菜好有特色, 豆腐質感好軟滑, 口感好似蒸蛋, 面層仲有紫菜絲同菇絲增加口感同鮮味。😁豉油皇海蝦好大隻, 蝦膏都唔少, 唔會太咸蝦肉夠爽, 唔錯。👍今

親戚黎到香港，叫我帶佢去食地道嘅中國菜，我就帶左佢去呢間以辣蟹聞名嘅百味鮮到食 一入到去環境都幾唔錯幾舒服，座位寛闊，環境乾淨。我地點左兩餸一湯，包括必食嘅避風塘炒蟹，燉湯同埋冰鎮咕嚕肉。等左冇耐就有湯飲喇，好大煲入面亦都好足料，有好多種唔同嘅菇、瘦肉同雞腳。店員同我地講個湯燉左十個鐘，飲落真係非常解甜同入味，又冇味精，非常有住家感覺。之後就到我最期待嘅避風塘炒蟹喇，我地係叫左少辣嘅。炒蟹係普通嘅肉蟹，好大隻，上面鋪滿左炸蒜，非常惹味。平時食蟹最怕就係麻煩，但係呢間店嘅廚師非常細心，幫我地預先行剝左殼，省卻好多麻煩之後就到冰鎖咕嚕肉，呢道菜係我同家人好奇之下叫嘅，因為平時食開嘅咕嚕肉都係熱嘅，究竟冰鎮嘅咕嚕肉會係點嘅呢？好奇之下就叫左黎試下，點知非常有驚喜!咕嚕肉係用乾冰冰鎮嘅，賣相非常吸引，佢嘅做法同一般嘅咕嚕肉唔同，反而有啲似拔絲蕃薯咁，食落外層甜甜地非常香脆，而入面就係熱辣辣嘅咕嚕肉，口感非常特別，值得一試!呢餐飯我同親戚都食得非常滿意，佢菜單上仲有好多好吸引嘅菜色，下次要試埋佢😄

約左朋友西環影日落同天空之境，影完行出黎係電車總站對面既呢間餐廳，聽佢講堅尼地城除左樓價之外，餐廳都堅離地，呢間食物水準同價錢都算貼地，所以一早訂左位，行出黎唔使等位就可以入座。冰川凍鮑，口感一流，上面個個唔知咩汁，冰底塾住，買相好嘩嘩嘩，呢個一上，第一時間相機食先，上枱時隻貓識噴煙，應該係加左乾冰，外脆內暖，值得一試。黑白芝麻雞，呢個呢，好似比較少地方有得食，成隻雞外面沾滿晒黑白芝麻，但食起黎好香，雞都唔會太乾，好味道。主角黎啦，避風塘炒蟹，啲蒜蓉勁好食，我用黎餸飯，食完先知有二食可以炒米粉，蟹好大隻實肉，加埋枝ASHAI ，爽爽爽。由於同行有人唔食得辣，所以叫左隻薑蔥傳統既味道黑松露蛋白炒飯，飯乾身，雖然齌齌地，只有菇粒菜粒同蛋白，但加埋啲黑松露醬又幾好食喎，上枱已經聞到好香了。成枱呢個比較遜色小小，唔係因為唔好味，係因為佢一上枱個賣相差左少少。總括黎講，味道好好，價錢都唔算好貴，下次再黎希望可以保持到水準。

訂位時已FULL, 話要試試walk in, 7點黎到，等左差唔多十分鐘，店內光鮮企理乾淨，入到去侍應有禮貌地主動問茶同介紹食品，選左苿莉綠菜，又幾香喎~ 先黎2 個前菜小食先芥香雲耳，好開胃，有陳醋既味，仲有小小日本芥辣，感覺好似好健行康涼伴三鮮，青瓜，皮蛋，蕃茄，三樣好似唔啦更既嘢放埋一齊，後果出其地好喎，好清新，加埋一個撈乜都好食既日式芝麻醬，幾好食。主角係避風塘炒蟹，個侍應一攞黎已經聞到好香，隻蟹好新鮮，啲蒜炸得夠乾身，我地只係叫左小辣，最後都忍唔住落手食，值得一讚細心位係當我地食到隻手油淋淋時，店員主動攞左一兜檸檬水俾我地洗手，我個人好buy 呢個服務用左避風塘啲劣炸蒜炒左個二食新竹米食，好得，加左蛋絲，唔會太咸，一陣就清晒。金銀蒜蒸蟶子皇，超大隻，好新鮮，岩岩好，唔會蒸到太老，食落口爽口，$48一隻，抵食，記得上次係佐敦樓上鋪食，都要$78隻，相比下呢度抵好多。嘩，呢個直係今餐既驚喜，冰鎮咕嚕骨，原本唔知的，店員話呢個只係閒日先做，咁岩今日係星期四，所以有出，一上枱，不得了，淨係個勢都嬴晒，賣相好靚，用左碎冰粒做底，放左隻招財貓係度噴煙，好迷幻，應該係乾冰，全部人即刻相機先