火間土 (已結業)

同朋友嚟呢度慶生本身想卜包廂但已full晒😭咁都有要求窗口位叫左個$888 2人餐啲嘢都上得幾慢個餐分別有蟹子沙律、刺身拼盤、壽司拼盤、串燒拼盤、蒜香軟殼蟹、鰻魚石鍋飯、甜品前後都食左2.5小時蟹籽沙律不過不失 唔係特別好食，都唔係難食，冇乜特別刺身拼盤冇腥臭味 但又唔係話好新鮮 擺得落口嘅質素壽司拼盤算係真係最好食嘅嘢 舊飯好多紫菜 而且唔係好大舊蒜香軟殼蟹唔熱的，小腥鰻魚石鍋飯焗耐小小有飯蕉 鰻魚多汁 唔算腥 幾食串燒拼盤有雞翼、蝦、多春魚、雞皮、五花肉整體來講都係一般般 唔難食但唔係好好食甜品雪糕係益力多、朱古力、綠茶、士多啤梨、雲呢拿整體來講 只建議去包廂 食物質素好一般 但景係靚嘅

今日打電話訂位，得番獨立房間，可以訂正合我心意。可以同女朋友二人世界。即刻訂咗一間獨立房間，最低消費$800元，$800可以嗌到好多嘢食一定夠飽我哋嗌左壽司拼盤，刺身，螢光墨魚，牛肉烏冬，燒三文魚同埋清酒。值得一讚嘅係佢嘅刺身，$450相入面咁排得好靚有煙噴出黎影相一流同埋刺身好新鮮拖羅好多油，入口即溶。牛肉烏冬天台都好友牛肉味佢應該係用上安格斯牛，螢光墨魚一咬入去就好似有啲嘢係個口到爆出黎一樣個感覺好正。反而個壽司拼盤就正常冇乜特別嘢可以講 。如果去拍拖二人世界呢個係一個值得推介嘅地方望住美景食美食。

幾年前開始，便常常與媽媽的一位好朋友一同來這兒吃晚飯。他是一位日本人，十分富有，一年會來香港公幹幾次，每次都會相約我們來這兒吃飯。他鍾情於這餐廳的Yakisoba（日式炒面)，每次來必會點這道菜，而他總是客氣為我們點了一整桌的食物，自己卻只吃炒面。每次和他吃飯都會飽到撐，最後打包回家（除了刺身，餐廳不允許外賣刺身，擔心有細菌）。這兒的服務很好，特別令我印象深刻的是一位操流利日語的店經理，他該是日本人，每次聽著他和媽媽好友用日語聊天，都會有種去了日本的感覺。雖然媽媽的這位好友已經離開了，但是種種相處的點滴，都成為了我們美好的回憶。

朋友生日食飯、選擇了未去過的北京道一號火間土。記得當年餐廳落戶尖沙咀、生意超勁！對上一次來食飯，應該是餐廳開業初期。大伙人食飯、各自點了自己喜歡的食物、有刺身、沙律、卷物、串燒、燒物、日式薄餅和石鍋飯等。整體食物質素幾好、勝價比高！幾款刺身夠鮮味、特別是三文魚、入口鮮甜又夠油。沙律菜新鮮、沙律汁帶小小酸味好開胃。加洲卷料足、飯入口都算鬆軟。串燒一點都冇燒過火，特別是豬肉串燒、好香口。燒粟米及蕃薯份量足、蕃薯燒得外脆內軟。燒三文魚頭質量好好、入口油脂重、魚汁多又香脆。更加上燒烤時有小小鹽作為調味、更加加強了三文魚頭鮮味。日式薄餅唔使一分鐘就消失了、只可以用四個字形容、十分口味。牛肉石碢飯、飯比較油膩、勝在夠熱騰騰。食物基本上就幾好味，餐廳裝修都可以、價錢大眾化、難怪有生存空間。

周日有朋自遠方來,小弟開心地擔當旅遊大使,努力地幫手推動香港經濟.於尖咀血拼至晚餐時份,於是便至電火間土定位,8:30得完街醫肚.8:30準時到達,預留的座位令我和友人非常驚喜,原來是面對維港絕色佳景,終於明白到地王的值錢之處,開飯!枝豆:好新鮮,你知啦,枝豆一定是空運貨,新鮮才是好味的源頭.刺身:牡丹蝦,帶子,油甘魚,Toro,旗魚腩,赤貝,海膽樣樣都新鮮,當中海膽同油甘魚最好味.牡丹蝦大隻又有蝦膏,正到暈,鵝肝壽司:外型一流,鵝肝大大件,可惜未能做到入口即容,甘香四益的感覺,好想知道舊鵝肝是來自哪一國?鹽燒油甘魚頭:魚頭最怕腥,但今次無,原來魚頭也可以啖啖肉,又唔腥,綠茶lichi酒:好味道,綠茶又香又濃味,lichi酒香甜.Mach 到爆,正!雪糕芭菲:日式甜品,外表100分,味道60分.都算過骨.日本料理,最緊要食材新鮮,這裏做到啦.今次最開心係望到個勁靚View.