琥酌 (已結業)

吉列牛人氣一直高企，說真的，我係第一次試，今次係朋友推介一定要黎試。餐廳座位不算太多，大約20多個座位，裝修簡約但充滿心思，天花有日本紙扇做裝飾，非常有和風的感覺。前菜前菜係關東煮，蘿蔔煮牛舌，牛舌有別於平時爽脆口感，這款已煮到好腍好入味。頂級美國安格斯吉列牛期待己久的主菜，果然冇令我失望，店員先上一個爐，然後再細心地教我們怎樣烹調，生熟可以隨個人口味而定，吉列牛外層沾滿了炸粉，外皮香脆， 肉質鮮嫩，燒熟後牛味香濃，肉汁鮮甜，配以三款不同的調味醬，芥末蛋黃醬、岩盬和盬燒汁，每種口味各有不同。琥酌吉列盛合 (吉列廣島蠔兩件、吉列大蝦兩件、吉列和牛薯餅一件)這裡的吉列確實做得很出色，炸粉夠薄，吉列蝦非常新鮮、鬆脆，和牛薯餅亦好香。琥酌丼丼飯的黑松露醬入口好香，配以和牛和安格斯牛肉粒，真係可以食幾碗。芝士焗松葉蟹蓋芝士味超濃，超香，鍾意食芝士的一定要試這個。

是日預約了這間居酒屋和朋友慶生，坐下點了菜就緊上送上免費的前菜。前菜是類似關東煮的東西，包括紅、白蘿白和牛舌，蘿白很清甜，牛舌也爽脆，很不錯。喜歡明太子的我們叫了明太子玉子燒和明太子燒雞翼。明太子玉子燒味道較淡，雞翼比較香口，辣味和咸味都比玉子燒突出。刺身就比較普通，沒什麼特別，吃上去也算新鮮。吉列牛套餐是我們最期待的，子了吉列牛套餐還包括和牛、安格斯牛和牛舌！個人覺得牛舌不太適合自己燒，因為生熟度難掌控，過熟口感就會太硬，相對來說和牛和安格斯很好吃，吉列牛也不錯，輕輕燒一燒再吃可以燒熟牛肉也吃列脆脆的口感。串燒我們叫了燒牛舌，鹽燒雞軟骨和醬燒雞脾肉，但因為當日雞軟骨賣剩一枝，其餘都轉成雞胸肉。因為突然被通知要轉菜或取消，我們沒多想就直接轉成雞胸肉，其實雞胸肉非常不適合鹽燒，另外醬燒雞脾肉也很普通。燒牛舌就非常爽口，值得一試。最後點了燒魷筒，沒有燒得過熟，味道不錯，但有點不夠新鮮的感覺因爲沒有煮過熟或過生但吃上去口感較軟。

琥酌嘅吉列牛一直係香港都好出名，想試好耐今次終於可以去到！我同男朋友都滿懷希望咁去試。入面個環境都幾靚，雖然唔係好大，但個裝修都幾似居酒屋，輕輕鬆鬆，感覺好舒服。<前菜，$20>前菜係類似蘿蔔炆牛腩，估唔到連個前菜都咁好食！蘿蔔好入味，而且牛腩好腍，食完都唔係好夠喉。<明太子手羽燒(2隻)，$48>燒得好香，而且係外面脆卜卜，入面滑嫩滑又多汁，明太子有少少辣，好惹味。<燒茄子，$48>燒茄子係原條再加左木魚，個賣相好得，而且食落好香口。<明太子燒厚揚，$48>呢個見到幾特別，所以想試下，係明太子燒豆腐。燒既程度岩岩好，外脆內軟，豆腐仲好嫩滑。<安格斯盛合，$368>終於到左個重點菜式，一睇個樣已經流哂口水。店員好細心咁同我地講定要每邊燒15-20秒，仲配有芥末，岩鹽同鹽燒汁三款調味料。牛肉好腍又有咬口，而且好香牛肉味，好好食。果然名不虛傳！<野菜牛肉泡飯，$138>最後試埋個特式泡飯，有湯送飯，好足料，而且個味道香濃，有牛味又有野菜味男朋友連少少都無淨，大家食得好滿足。呢間咁出名嘅吉列牛果然

是隔一個月，友人又搵列一間食吉列牛既餐廳同我食！今次呢間位於太子，交通便利！餐廳不算很大，燈光柔和，有bar枱亦有二人枱！我們點了些小食、還有鍋物，當然還有吉列牛！店員先為我們上了前菜！前菜是日式蘿蔔牛腩，兩者都煮得好淋，很入味！白飯魚乾($68)，口感就似食緊薯片咁，很見口，有淡淡的魚味！名古屋雞翼($68)，雞翼既醬汁跟我在名古屋食的差不多，如果雞翼可以再大隻啲會更美味！地獄蕃茄安格斯牛肉鍋($118)，話明係地獄，所以個湯底係辣的，加上蕃茄，所以湯底是酸辣味！牛肉厚薄適中，牛肉味濃！津白菜都有好多，熱辣辣又吸了湯的味道，特別惹味！鍋中還有生雞蛋，令湯底更滑！配埋白飯當湯飯食！安格斯盛合($368)，吉列牛出場了！這裡的吉列牛基本上可以一啖一口，炸粉不多，可以自行煎到自己喜歡的熟度，而個人覺得熟啲個牛會更鬆軟同埋牛肉味會較濃！總括黎講，餐廳主要以吉列牛為主打，但其實鍋物同小食都好樣出色，可以再來！

之前去過尖沙咀的琥酌覺得還不錯，於太子正好見到一間分店，便帶著朋友到訪。餐牌好像與尖沙咀分店有點分別。點了2款主食和小食一同分享。前菜 ($10)Appetizer前菜是蘿蔔燘牛肉，兩者都燘得軟腍入味。明太子玉子燒 ($48)Japanese Omelette with Cod Fish Roe一客🍳大約有6-7件，玉子燒口感軟身，中間加入明太子，明太子咸中帶辣，十分惹味！燒茄子 ($48)Grilled Eggplant燒茄子🍆口感軟綿，入口即融，入量合理，加上柴魚絲吃清清淡淡，還算不錯。吉列牛盛合（$188）吉列牛外皮炸至金黃色，非常香口。店員提醒牛肉要每邊煎10-12秒，大家可以自由控制生熟程度。經過香煎的牛肉，散發濃濃的牛肉香，加上沒有筋位，味道不錯👍🏻。店方提供2款醬汁配送牛肉一同吃，草根還是認為配搭岩鹽最為好吃👅。雖然牛肉味道不錯，但只有一排牛肉，份量較少。北海道海鮮鍋($148)Hokkaido Seafood Hot Pot海鮮鍋🍲內有2隻蝦🦐、蠔、帆立貝、豆腐、菇類🍄和雜菜🌿。湯底🍲是麵豉味，食材還算入味🍴，海鮮種類不算多，尚好的是帆立貝夠大件，蠔肉新鮮肥美，帶甜味，

小時候未到過日本已愛吃日本菜，長大後出遊過日本更是愛得不能自拔。縱然在香港的日本菜餐廳定價偏高，但仍是無阻筆者覓食的決心。今晚來到位於太子的「琥酌」出席飯局，餐廳走日本居酒屋設計，非常雅緻。翻開餐牌看看，「琥酌」的重點推介顯然是吉列牛系列。不得不說的是，最近筆者留意到坊間出現越來越多吃吉列牛的日式餐廳，看來又是一波飲食新潮流的來襲。甫點餐不久，店員便親切的遞上圖中小碟，並表明這是前菜。筆者估計這應該是蘿蔔燜牛肉。蘿蔔入口清爽帶甜，有少許像關東煮的味道；牛肉亦燜得非常軟腍。雖然只是一碟普通的前菜，但餐廳也沒有馬虎。第二道菜是健康的明太子焗野菜。翻開錫紙，蔬菜包有著翠玉瓜、西芹、紅蘿蔔、西蘭花還有冬菇。蔬菜非常清甜，估計餐廳並沒有放過多調味料以為保存菜蔬的原汁原味。當中翠玉瓜和西芹頗為爽口。而明太子相信就是主調味料了。明太子的微辛感從菜蔬的鮮甜中慢慢散發出，2者頗為配搭。看似是大阪燒，原來是和牛薄餅。薄餅底塗上了茄膏，配以洋蔥粒；上面再舖了一塊和牛肉。但略嫌薄餅面放了太多沙律醬，賣相雖美，但沙律醬的味道已蓋過了其他食材，未能吃出牛肉的香味。燒多春魚惹味香口。隨碟附有一小塊青檸，把青檸汁榨出

四牛🐮御膳 一燒入魂？ 價格略高 味道尚可。隨意走就走入這家主打日式牛肉燒烤。點了一份特選A5黑毛和牛御膳。特選A5黑毛和牛御膳($568)此餐除了A5黑毛和牛之外，亦有三份不同產地或部位的牛各四件及少量蔬菜。調味方面有柚子檸醋，和風芥末，海鹽三款。前菜-牛舌炆蘿蔔($20/2碟)店員在沒告知前菜需另收費的情況下送上兩小碟前菜。蘿蔔炆得入味軟腍，而由於牛舌整個呈現在我眼前，當下有點影響我想一試的心，所以未有進食。建議切片或改切其他形狀，會增加食慾。A5黑毛和牛日式和牛中，以為主，佔和牛的95%。吉列的粉漿緊黏着牛肉，經小鐵板上燒後，外邊鬆脆。唯一敗點是此和牛的油脂過多，牛花分佈不均及不細緻，經燒熟後略有少量肉筋，和牛香及牛味有點不足，與我期望有點出入。和牛三角厚切和牛，燒熟後肉質鮮嫩，但牛味偏淡，牛香不足。建議點一下海鹽及芥末醬，令味道提升。牛舌芯薄切牛舌芯，燒熟後有咬口，但同樣牛味較淡。安格斯肩胛總括，四款不同部位的牛，肉質感鮮嫩，但唯獨牛味略淡，和牛香味不足，尤其對A5黑毛和牛有點失望。食物價格略高，店員未有提及前菜另需收費。-特選A5黑毛和牛 $568-前菜2碟 $20-白飯1碗

今晚約了好姐妹吃晚餐，特意前來試試這裏的炸吉列牛排。餐廳面積不大，勝在座位寬敞，設有卡座和多人座位。燈光幽暗，石泥牆配搭石泥地板，為這裏添加了一抹神秘感。翻開餐牌，有不同價位的炸吉列牛肉選擇，也有前菜和小食。⭐️前菜$10/碟燜牛，切成一小塊，入口爽口彈牙，口感不錯喔！⭐️味噌松葉蟹蓋$48/個蟹蓋上還灑上黑魚子點綴，入口啖啖蟹肉蟹膏，不過不算鮮甜滋味。⭐️清酒煮蜆$88蜆挺多的，蜆肉雖然不大，但隻隻飽滿，入口清甜。⭐️燒牛肉串$38/串在牛肉表面刷上一層甜甜的醬料，牛肉烤得香嫩，入口柔嫩Q彈，口感就像軟糯的牛肉乾呢！⭐️珍珠白飯$30⭐️安格斯盛盒$368店員端上安格斯盛盒，賣相很吸引呢！炸牛肉呈嫩紅色，一片片厚度適中！牛肉已經有一到兩成熟，烤盤的火候足夠，只須放上烤盤煎數十秒，然後翻過去另一面再煎，千萬別烤太長時間，不然牛肉韌了就不好吃。炸衣帶點微焦，夾起來不會跟牛肉剝離，再蘸點海鹽和醬油。入口，炸衣很香脆，嚼起來牛肉非常嫩滑，唯一缺點是缺少了牛肉的香味。▫️炸吉列牛排頗有新意，而且牛肉也很嫩。美中不足是價錢不太親民，哈哈！

—一入到餐廳 已經聞到好香嘅烤肉味今日嘅前菜係洋蔥牛肉仲有d菇 入哂味好啱送飯味增松葉蟹蓋($48)滿滿嘅魚子醬鋪面 撈埋蟹膏蟹肉 鮮味突出明太子手羽燒($48/2隻)好鍾意食有stuffing嘅嘢脹卜卜嘅雞翼 輕輕一咬肉汁已經湧出明太子少少辣 食起嚟幾惹味白飯魚乾($68)脆卜卜 飲酒個陣可以做下酒菜燒茄子($48)每次見到餐牌有茄子就想嗌連皮都處理咗 淨返腍腍嘅茄子肉終於到今晚主打出場店員提醒大約每面燒15秒就可以食安格斯盛合($368)和牛油脂豐腴 嫩滑不再話下 安格斯牛相對肉味濃郁 牛舌較爽 有嚼勁 吉列牛 又係另一番風味 燒完仲係好多肉汁有芥末 鹽 燒汁蘸 不過我哋就鍾意食原味蔬菜類有蕃茄仔 甜番薯 南瓜片 蘆筍燒完和牛之後 滲出油份可以用嚟燒蔬菜冇咁易燶 同快d熟—————————————————————琥酌太子西洋菜北街159A號地舖

相信吉列豬扒對香港人並不陌生，但吉列牛又有幾多人聽過?近年吉列牛由日本火紅傳入香港，有幸食過其中2間，而今餐正正是第3間。琥酌係香港首間以吉列牛為賣點居酒屋，吉列牛元祖!雖然琥酌一共有2間店，而我地選擇了比較方便太子店。門面有典型日式裝潢。入座後店員會送上前菜 – 蘿蔔牛腩牛腩同蘿蔔都煮得好淋好入味。清酒煮蜆呢道清酒煮蜆比平時日式餐廳食到嘅好唔同，清酒味道帶甜好易入口，而且蜆肉份量十足。味噌松業蟹蓋汁燒魷筒魷筒切為多件後再配上燒汁原隻上碟。值得一讚係魷魚入口爽而不韌，出色之處在於師傅火候控制同時間把握好。安格斯盛盒本來想點2份吉列牛，不過男友話想食多幾款唔同嘅牛所以叫左安格斯盛盒。除主打吉列牛外，盛盒有牛舌﹑安格斯牛及A5和牛。為配合燒牛肉，盛盒亦提供芥末﹑岩鹽及海鹽燒汁3種醬料。吉列牛做法係以麵包糠沾上牛肉後，再用高溫炸熟外皮鎖住肉汁。吉列牛 – 味道比較出眾，外邊鬆脆麵包糠再加上內里熟嫩牛肉口感一流!牛舌 – 雖然比較肥，但肉質爽口。安格斯 – 盛合當中，牛肉最厚。有別於其他在安格斯肉汁最多，個人覺得最正!A5和牛 – 因為和牛油脂分佈平均，放上爐上燒後變薄，入口即溶。作為香港元祖

是日用openrice book左位，但去到因為前一枱人未走，都要等大概15分鐘先入得，但都ok，唔算好耐。地點都好方便，太子站A出口一出行兩步就到啦～一點完菜，佢會俾左果免費前菜先。我諗未必次次果前菜同一樣，而我今日係汁煮牛腩加白同紅蘿蔔。我同朋友每人都有兩舊牛腩，見其他枱都係甘上下。味道不過不失，偏鹹，同埋白蘿蔔好多根，咬唔爛。但免費既都有食下。甘叫左杯特飲，藍蝶花特飲。本來睇圖都期待左一下，以為會好靚。點知一黎就係一杯紫色野飲，好似同圖完全不符。。。不過老實講唔計令人失望既外觀，味道係唔差既。叫左兩個小食，其中一個係明太子玉子燒。甘擺得都幾靚，岩哂相機食先既我。圖片都見到佢啲明太子俾得都好大方，好足料，食落去係一半明太子一半蛋既程度，明太子味好出。蛋都整得岩岩好，唔會太老，配埋側邊柴魚鬆食，味道好夾好好食，推介大家點既小食！另一個叫左既小食係名古屋雞翼。其實唔計端爐燒，佢另一個餐牌上既雞翼小食係明太子雞翼，但果個得兩隻同埋我地玉子燒都係有明太子，免得太重複，就叫左呢個有4隻既名古屋雞翼。甘問左店員話係鹹鹹甜甜醬汁燒出黎既雞翼。食落係偏鹹多啲，燒得岩岩好，唔會好鞋口，汁都好惹味既。