NENE CHICKEN (朗豪坊)

营业中

休息中

知道咗nene chicken有$99炸雞任食放題好耐一直都好想嘗試，平平地任食一款口味炸雞和薯條。如果食$99炸雞放題就只有一隻味可以揀就係韓式甜酸炸雞，想食多幾款味道就要揀$158啦餐廳提供前菜有韓式泡菜同白蘿蔔。醃蘿蔔的味道較淡，酸少少會較為合適。炸雞嘅肉汁豐富 ，炸雞外脆內嫩，甜酸醬嘅配合啱啱好，就算係放題都同平時單點質素差唔多，但係炸粉比較多。薯條既味道較為淡，鹽味不足夠。餐廳環境不錯，職員有禮。唯一不足的地方係水樽倒水位置，易漏水，請小心。

琴日同朋友行朗豪坊，行到咁上下又係時候搵野醫肚～鐘意韓國炸雞既我見到呢間NeNe Chicken，無慮即決！我地去個時仲係早，所以唔算多人。佢地掛牆既decoration都幾特別幾得意前菜係醃蘿蔔同泡菜，非常開胃而且解膩（本身仲以為食完就冇叫人收走，但原來有得refill，好野又有得食！）鐘意飲Hoegaarden既朋友要留意，6點前或9點半後有得買一送一架！我同朋友最後叫左一jar sangria～($138）好大jar，我地加埋應該飲左五六杯但都仲有少少飲唔晒！炸雞方面我地叫左個無骨雙重滋味炸雞（$188）好大碟，兩個女仔食一碟已經夠蒜香醬油炸雞其實都幾好食，炸雞唔膩唔油。不過如果味道可以再濃小小咁就好喇～初雪炸雞鐘意芝士既朋友必點！芝士粉好多且芝士味重，好好食！雖然咁多粉但唔會令人有種好乾既感覺，必點！我地走既時候發現原來出面已經排晒隊，唔鐘意等既朋友記得早小小過黎食喇！

同朋友行街經過見到炸雞內戰 主題套餐咁就入去食下喇先黎一個炸雞內戰 主題套餐再加多個芝加哥*韓國雞肉芝士pizza,另外仲有幾杯蘇打等開餐Chicken Salad-有好多新鮮蔬菜,另外仲有好多雞肉粒,都唔錯既水果茶-入面有好多種生果再配合茶都幾好,鮮油膩前菜-泡菜加酸蘿蔔炸雞內戰 主題套餐-主角黎喇.兩邊都辣辣地但個辣法係完全唔同既左面咖哩味,右面係香辣口味,入左口之後個後勁都幾利害但好爽中間就有芝士薯條豬肉蘇打-飲品都OK解辣一流芝加哥*韓國雞肉芝士pizza係重芝士呀,鍾意芝士既朋友就真係岩晒喇

星期五約咗朋友到Nene Chicken 食晚飯， 懷著期待嘅心情去試呢間炸雞。 知道佢都有幾間連鎖店，今次就嚟到旺角朗豪坊呢一間！ 因為星期五所以輪候時間都比較長， 幸好我朋友早到去排隊， 店員安排咗我哋搭枱，所以好快就有得食啦！ 我哋兩個女仔叫咗兩杯嘢飲， 一杯係青蘋果Soda， 另一杯係柚子Soda， 賣相好得意，$48一杯價錢唔算貴，都幾好味！ 跟住我哋叫咗雙重滋味炸雞 (無骨)， 入邊有韓式甜辣炸雞 & 初雪炸雞兩款， 初雪炸雞做得唔錯， 外皮好鬆脆， 仲有陣陣嘅芝士香味，入面既雞肉非常嫩滑， 另一款甜辣無骨炸雞， 味道不算很辣，反而感覺甜甜酸酸食落好開胃。總括嚟講餐廳食物質素唔錯， 但係嗰日咁啱坐嗰個位冷氣機漏水， 我哋一路食後面一路漏水有點兒唔方便， 而店員服務態度方面都可以， 下次想食炸雞嘅時候我都會再嚟NeNe Chicken。

因為韓劇的關係，香港真的多了很多炸雞店，而朋友則因爲Running Man而認識這炸雞店！前菜是加了沙律醬的粟米和醃蘿蔔來炸雞店當然要食炸雞，我們點了招牌炸雞，即是原味炸雞，選了無骨的，雖然貴$8，但就是想有啖啖肉的感覺！炸雞很大碟，雖然店員說即叫即整的炸雞要等約二十分鐘，但點了後約十分鐘之內便上菜。雞沒有預計般的熱，但皮的調味很好，炸漿很脆，雞肉不會很乾其實不沾醬已很夠味，更能食到雞的原汁原味。魚糕串清湯我們只點了一個小的，已很大鍋，清湯是蔬菜菇類的味，因為加了些乾辣辣而有淡淡的辣味，味道偏淡。最有驚喜的是手抓飯，我們點了原味，所有材料如魚子、青瓜、蟹柳及紫菜等切碎了鋪在飯上，而飯是有味飯，並混入了泡菜。原則上是要用手把飯和配料伴好再滾做球形的飯來吃的，所以提供了即棄手套。但我們結果覺得太煩就直接用匙羮食！因為每一口飯也有大量的配料和紫菜，出奇的好食！由於每道菜的份量也不少，結果當然是要打包。外賣盒收費$1一個😊

記得上年去韓國時，民宿幫我地叫炸雞外賣，就係推介左呢間劉在錫炸雞比我地。呢日同旅伴聚舊，就去返呢間係旺角既Nene Chicken懷念一下當時的味道！前菜唔少得既醃蘿蔔同奶油粟米，醃蘿蔔唔太酸，甜甜地易入口。蔘雞湯 ($118) *鮑魚另加$15/隻係韓國既時候，未食過人蔘雞，而且又唔太熱氣食辣野，所以叫左個蔘雞湯滋補一下！雞肉超級冧同入味，一叉起就已經扯到啲肉，應該係燉左好耐，但又唔會燉到啲雞肉無曬鮮味。雞肉裏面亦足哂料，有栗子、人蔘、紅棗、冬菇同唔少得既糯米飯！所以個湯底超級濃郁，重點係無油！用雞湯撈埋軟綿綿嘅糯米飯食，食到個身好㷫烚烚！另外，我地仲豪氣地加左隻鮮鮑添！鮮鮑雖然縮左水，但非常彈牙。初雪炸雞 ($168)本身打算叫烤雞的，但當日烤爐壞左，於是叫左呢款個名好有意境的炸雞。初雪其實就係蜜糖牛油味粉，似足風靡一時的蜂蜜牛油薯片既味道。所以炸雞上都有幾塊厚身的薯片，甜甜的，非常香口。炸雞叫左全身，雞件全部都有肉，食落粉漿唔厚，雞肉嫩。香桃燒酒 ($58)呢款燒酒比起係韓國飲到既酒精濃度低好多，唔會飲落嗆喉！仲有又甜又香既水蜜桃果味，非常夠凍，易入口。一支可以幾個人share，