酒屋一杯喜

营业中

休息中

Sakaya Ippaiki

4.5

4.5

225 食记

味道

环境

服务

卫生

抵食

|

6009

天后

$201-400

日本菜拉面寿司/刺身居酒屋

203

1

5

北海道海膽蝦片

3 已推介

sleepbeauty

等级4

654

0

天后新開居酒屋食物款式幾多喎！有齊串燒、刺身壽司、鍋物、拉麵烏冬炒飯、燒物、天婦羅等料理，仲有好多款日本酒，好岩大家放工黎chill chill！餐廳店面都幾大，唔會太迫夾。重點係平日都開到凌晨1點，可以同朋友慢慢傾了。逢星期五六9pm-11pm好似仲有live music！▪️爆血之作一肝入魂拼盤 $188/5串超邪惡嘅串燒拼盤！分別有鵝肝、牛膏、牛肝、羊膏、雞肝~ 一上枱已經聞到個陣油香，肥仔特別鍾意平時好少見嘅牛膏羊膏，外層焦脆一咬爆油。雞肝都唔錯，綿滑重肝味。不過唔建議怕肥怕油膩嘅人士嗌▪️煙燻鯖魚禾草燒 $298師傅先用日本稻草明火燒烤鯖魚，再放入煙燻木箱以桃木煙燻熟。鯖魚好軟滑，有少少半生熟嘅口感，魚味同煙燻香同樣突出，都算我食過數一數二好食嘅鯖魚▪️北海道海膽蝦片 $288/2件蝦片新鮮炸起，好香脆！馬糞海膽軟滑帶海水味，呢個combo好難唔好食，唯獨貴左少少▪️半熟赤鯥配海膽魚眼晶醬汁壽司 $98/件好特別嘅一款壽司！醬汁用左海膽同魚眼特製而成，赤鯥則昆布醃製7小時再以低溫慢煮做成半生熟，質地帶點彈性，魚味十足，醬汁較平時更有骨膠原嘅感覺，可惜海膽味偏淡▪️紫蘇雞皮蝦 $68/

更多

天后新開居酒屋食物款式幾多喎！有齊串燒、刺身壽司、鍋物、拉麵烏冬炒飯、燒物、天婦羅等料理，仲有好多款日本酒，好岩大家放工黎chill chill！

餐廳店面都幾大，唔會太迫夾。重點係平日都開到凌晨1點，可以同朋友慢慢傾了。逢星期五六9pm-11pm好似仲有live music！

▪️爆血之作一肝入魂拼盤 $188/5串

一肝入魂拼盤

超邪惡嘅串燒拼盤！分別有鵝肝、牛膏、牛肝、羊膏、雞肝~ 一上枱已經聞到個陣油香，肥仔特別鍾意平時好少見嘅牛膏羊膏，外層焦脆一咬爆油。雞肝都唔錯，綿滑重肝味。不過唔建議怕肥怕油膩嘅人士嗌

▪️煙燻鯖魚禾草燒 $298

煙燻鯖魚禾草燒

師傅先用日本稻草明火燒烤鯖魚，再放入煙燻木箱以桃木煙燻熟。鯖魚好軟滑，有少少半生熟嘅口感，魚味同煙燻香同樣突出，都算我食過數一數二好食嘅鯖魚

▪️北海道海膽蝦片 $288/2件

北海道海膽蝦片

蝦片新鮮炸起，好香脆！馬糞海膽軟滑帶海水味，呢個combo好難唔好食，唯獨貴左少少

▪️半熟赤鯥配海膽魚眼晶醬汁壽司 $98/件

半熟赤鯥配海膽魚眼晶醬汁壽司

好特別嘅一款壽司！醬汁用左海膽同魚眼特製而成，赤鯥則昆布醃製7小時再以低溫慢煮做成半生熟，質地帶點彈性，魚味十足，醬汁較平時更有骨膠原嘅感覺，可惜海膽味偏淡

▪️紫蘇雞皮蝦 $68/串

紫蘇雞皮蝦

外層嘅三黃雞皮燒得好脆，一食滿口雞油焦香，入面嘅海蝦微彈，加左紫蘇葉感覺上無咁膩。

▪️黑豚沖繩苦瓜炒蛋 $78

黑豚沖繩苦瓜炒蛋

苦瓜爽脆苦而不澀，豚肉極肥，超重油脂香。加上蛋味濃郁嘅曉蛋，簡單得黎好食！

▪️味噌博多牛腸鍋 $168

味噌博多牛腸鍋

日本牛小腸肥美軟彈，一啲都唔韌。湯底加入九州、西京味噌混合而成，唔會太鹹，重口味人士就覺得可以再濃啲啦~

▪️白松露油薯仔蛋沙律 $78

白松露油薯仔蛋沙律

日本新薯軟淋重薯味，面頭灑滿咖喱粉，香得黎唔會太辣，帶淡淡白松露香。

🍶Garyubai Sparking wine

Garyubai Sparking wine

平時好少飲Sparkling sake，估唔到有bubbles、medium dry嘅清酒，同油香澎湃嘅串燒又幾夾，一減油膩感之餘，sake嘅甜味亦會更突出。

整體嚟講，好岩放工黎chill chill！食物款式多幾岩送酒，有兩三道都幾有驚喜 (煙燻鯖魚禾草燒、紫蘇雞皮蝦、黑豚沖繩苦瓜炒蛋) 不過價錢偏貴

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

推介美食

食神大媽 Foodie Auntie

等级4

733

0

‼️❤️ 記得CLICK我PROFILE關注我呀 ❤️‼️.🏮 E͎l͎e͎v͎a͎t͎i͎n͎g͎ ͎J͎a͎p͎a͎n͎e͎s͎e͎ ͎I͎z͎a͎k͎a͎y͎a͎ ͎D͎i͎n͎i͎n͎g͎ ͎t͎o͎ ͎P͎e͎r͎f͎e͎c͎t͎i͎o͎n͎ @ 🌟 IPPAIKI SAKAYA《👽食神大媽嘆居酒屋》.💁‍♀️ 圖片展示美食為：白松露油吞拿魚薯仔沙律 HKD 78北海道海膽蝦片 HKD 188赤鯥 HKD 100草燒鯖魚 HKD 298紫蘇雞皮蝦卷 HKD 68雞腿 HKD 58雞胸 HKD 58安格斯牛柳 HKD 78汁燒銀鱈魚 HKD 88紐西蘭羊架 HKD 98天婦羅蝦 HKD 148黑豚菠菜卷 HKD 78黑豚沖繩苦瓜炒蛋 HKD 78味噌大根牛舌煮 HKD 98焦糖吐司 HKD 48燒菠蘿 HKD 38KEG DRAFT SAKE HKD 78巨峰葡萄梳打 HKD 48.🏮 大媽最近同朋友仔一齊去左呢間新開嘅高質居酒屋，外表低調但招牌紅噹噹好搶眼，氣氛超好！主打高質、時令、日本直送嘅食材。新開冇幾耐，已經非常好生意，強烈提醒大家記得要訂位呀！.🥗 打頭陣先試香氣四溢嘅「白松露油吞拿魚薯仔沙律」，松露油嘅香氣好濃郁，熟吞拿魚魚茸配日本新薯，份量十足，個價錢好抵食！.🦐

更多

‼️❤️ 記得CLICK我PROFILE關注我呀 ❤️‼️
.
🏮 E͎l͎e͎v͎a͎t͎i͎n͎g͎ ͎J͎a͎p͎a͎n͎e͎s͎e͎ ͎I͎z͎a͎k͎a͎y͎a͎ ͎D͎i͎n͎i͎n͎g͎ ͎t͎o͎ ͎P͎e͎r͎f͎e͎c͎t͎i͎o͎n͎ @ 🌟 IPPAIKI SAKAYA《👽食神大媽嘆居酒屋》
.
💁‍♀️ 圖片展示美食為：
白松露油吞拿魚薯仔沙律 HKD 78
北海道海膽蝦片 HKD 188
赤鯥 HKD 100
草燒鯖魚 HKD 298
紫蘇雞皮蝦卷 HKD 68
雞腿 HKD 58
雞胸 HKD 58
安格斯牛柳 HKD 78
汁燒銀鱈魚 HKD 88
紐西蘭羊架 HKD 98
天婦羅蝦 HKD 148
黑豚菠菜卷 HKD 78
黑豚沖繩苦瓜炒蛋 HKD 78
味噌大根牛舌煮 HKD 98
焦糖吐司 HKD 48
燒菠蘿 HKD 38
KEG DRAFT SAKE HKD 78
巨峰葡萄梳打 HKD 48
.
🏮 大媽最近同朋友仔一齊去左呢間新開嘅高質居酒屋，外表低調但招牌紅噹噹好搶眼，氣氛超好！主打高質、時令、日本直送嘅食材。新開冇幾耐，已經非常好生意，強烈提醒大家記得要訂位呀！

.
🥗 打頭陣先試香氣四溢嘅「白松露油吞拿魚薯仔沙律」，松露油嘅香氣好濃郁，熟吞拿魚魚茸配日本新薯，份量十足，個價錢好抵食！

白松露油吞拿魚薯仔沙律

.
🦐 接住係特色美食「北海道海膽蝦片」，用料矜貴又美味！選用馬糞海膽超鮮甜，魚子精華配上即叫即炸蝦片，再撒上少少岩鹽，口感好脆又好鮮美，非常特別，值得一試！

北海道海膽蝦片

.
👁 另一款好特別嘅特色美食係「赤鯥壽司」，製作好認真。先用昆布包住赤鯥魚醃製7個鐘，再以低溫慢煮至半生熟提升鮮味。最後用櫻花木配上特製醬汁燒表面，保留咗海膽嘅鮮味同魚眼嘅濃郁，滿滿嘅骨膠原，一啖咬落去，鮮味大爆發！

.
🔥 店員推介嘅主打菜式「煙燻鯖魚禾草燒」，由LESLIE 師傅，起面前即場用日本稻草明火燒鯖魚，火候十足！烤完再放入煙燻木箱用桃木煙燻。上碟嘅鯖魚新鮮得嚇人，鮮嫩多汁，入口即溶，體驗非常特別！

煙燻鯖魚禾草燒

煙燻鯖魚禾草燒

.
🐔 起居酒屋點可以唔食串燒呢？第一款必食嘅招牌就係「紫蘇雞皮蝦卷」，用新鮮嘅三黃雞皮同海蝦包住紫蘇葉，創意十足！燒得好香脆，口感鮮美多汁！呢個價錢實在，絕對超值！
.
🍡 緊接住就係好多款唔同部位嘅串燒，每一件串燒擺喺面前嘅時候都係冒煙架，零缺點，火候簡直係完美！
「雞腿」煎得香口多汁，肉質嫩滑，充滿鮮味。
「雞胸」煮得好嫩滑，肉質細緻，滋味鮮美。
「安格斯牛柳」燒得外脆內嫩，肉質鮮美多汁。
「汁燒銀鱈魚」嘅汁燒醬汁香甜濃郁，魚肉好鮮嫩。
「紐西蘭羊架」厚身同時保持多汁，肉質鮮嫩，醬汁帶出羊肉嘅獨特美味！

.
🍤 嘆完美味串燒，再黎其他居酒屋傳統美食。呢款「天婦羅蝦」炸得恰到好處，有足足五隻大蝦，蝦肉彈牙爽口！
.
🐷 呢款「黑豚菠菜卷」包住豐富嘅黑豚肉同鮮嫩嘅菠菜，卷得好靚仔！味道鮮美，口感豐富，份量十足好健康！
.
🫑 仲有「黑豚沖繩苦瓜炒蛋」，黑豚肉質鮮甜，沖繩苦瓜出名爽脆唔過苦，炒蛋口感細緻，地道之選！
.
👅 仲有「味噌大根牛舌煮」，牛舌份量十足，煮得好軟熟，完全唔韌，大根吸收咗好多味噌湯汁超級入味，好暖胃好滿足。

.
🍞 接近尾聲，食份甜甜嘅「焦糖吐司」，一上檯已經香氣四溢，超級香脆好味！

.
🍍 最後就係人見人愛嘅「燒菠蘿」外層糖漿焦香，菠蘿多汁清甜，帶有微微焦糖口感作結，清一清味蕾，為成餐飯畫上一個完美嘅句號。

.
🍶 起呢度用餐，一定要試呢度嘅「KEG DRAFT SAKE」！生清酒由產地直送，完整保留每一滴酒嘅新鮮度，清醇爽口，香氣十足，最適合搭配各種美食！
.
🍇 另外要揸車所以揀左「巨峰葡萄梳打」，清爽宜人，葡萄風味濃郁，氣泡細緻，消暑精選！

.
😚 大媽可以講，呢度款款食物都非常之優質，真係樣樣都好足料好味，絕對係居酒屋之中嘅高質選擇呀！有格調，有實力；用餐氣氛一流，大家可以好悠閒咁一路嘆美酒美食一路傾下計，不過記得記得記得要BOOK位啊！❤️
.
📍 天后清風街1A-1B號美城花園大廈地下KL6號舖
📲 +(852)6828-8986
.
‼️❤️ 記得CLICK我PROFILE關注我呀 ❤️‼️
.
💯 最真實的美食點評 ❤️ 歡迎報料 ❤️
.
꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂
.

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

人均消费

$1100 (晚餐)

推介美食

shan820913

等级4

210

0

表弟即將移民, 趁佢臨飛前同佢食farewell dinner。帶咗佢去公司附近新開嘅居酒屋, 果然味道有驚喜。供應多款和食、刺身壽司、卷物、天婦羅、串燒、燒物等等…裝修平和簡約, 反而令氣氛更貼近日本地道居酒屋。而且餐廳亦供應多款清酒, 啱哂同三五知己chill住嘆。【白松露油吞拿魚薯仔沙律】HK$78粒粒綿密日本薯仔粒, 加入吞拿魚蓉, 灑上白松露油同埋咖哩粉, 味道層次豐富, 每啖散發陣陣咖哩香氣。【香箱蟹刺身】HK$198即拆蟹肉鮮甜有肉汁, 一梳梳盡顯份量, 伴有甘香濃郁蟹膏同埋經湯汁熬煮過嘅蟹籽, 啖啖綿密多汁, 鮮甜濃郁又有層次, 超推介!!【香煎鵝肝吐司】HK$118煎至金黃嘅鵝肝近乎入口即溶, 味道濃郁, 配上脆多士, 面層放上酸甜多汁蘋果蓉, 完美平衡到鵝肝嘅油膩。【月見海膽杯】HK$138日本飯底, 放上吞拿魚蓉、疊上好幾粒海膽, 再將鵪鶉蛋汁整個攪拌至平均, 令質感很黏, 用脆紫菜包住食, 外脆內軟。【北海道海膽蝦片】HK$288蝦片即炸脆卜卜而不油, 放上了馬糞海膽, 以魚籽醬點驟兼調味, 令入口即溶海膽更提鮮, 跟香脆蝦片交融, 超正!【半熟赤鯥配海膽魚眼晶

更多

表弟即將移民, 趁佢臨飛前同佢食farewell dinner。帶咗佢去公司附近新開嘅居酒屋, 果然味道有驚喜。
供應多款和食、刺身壽司、卷物、天婦羅、串燒、燒物等等…

裝修平和簡約, 反而令氣氛更貼近日本地道居酒屋。而且餐廳亦供應多款清酒, 啱哂同三五知己chill住嘆。

【白松露油吞拿魚薯仔沙律】HK$78
粒粒綿密日本薯仔粒, 加入吞拿魚蓉, 灑上白松露油同埋咖哩粉, 味道層次豐富, 每啖散發陣陣咖哩香氣。

白松露油吞拿魚薯仔沙律

【香箱蟹刺身】HK$198
即拆蟹肉鮮甜有肉汁, 一梳梳盡顯份量, 伴有甘香濃郁蟹膏同埋經湯汁熬煮過嘅蟹籽, 啖啖綿密多汁, 鮮甜濃郁又有層次, 超推介!!

香箱蟹刺身

【香煎鵝肝吐司】HK$118
煎至金黃嘅鵝肝近乎入口即溶, 味道濃郁, 配上脆多士, 面層放上酸甜多汁蘋果蓉, 完美平衡到鵝肝嘅油膩。

香煎鵝肝吐司

【月見海膽杯】HK$138
日本飯底, 放上吞拿魚蓉、疊上好幾粒海膽, 再將鵪鶉蛋汁整個攪拌至平均, 令質感很黏, 用脆紫菜包住食, 外脆內軟。

月見海膽杯

【北海道海膽蝦片】HK$288
蝦片即炸脆卜卜而不油, 放上了馬糞海膽, 以魚籽醬點驟兼調味,
令入口即溶海膽更提鮮, 跟香脆蝦片交融, 超正!

北海道海膽蝦片

【半熟赤鯥配海膽魚眼晶體醬汁壽司】HK$98/件
賣相看似普通壽司一樣, 但原來經過繁複處理。
赤鯥魚被昆布包住醃製7小時, 再低溫慢煮方法做成半生熟, 之後以櫻花木烤表面, 令鮮味更突出, 又食到豐富骨膠原。
【三文魚腩壽司】HK$40/件
三文魚腩很有魚油香, 滑中帶微爽。
【海膽壽司】HK$180/件
疊疊海膽份量很足, 冰凍海膽入口即溶, 口感creamy, 海膽濃郁鮮味突出。

【煙燻鯖魚禾草燒】HK$288
即席以稻草明火燒烤, 將鯖魚先烤, 再放入煙燻木箱再燻, 未食已滿足視覺; 魚皮微焦, 鯖魚魚肉細嫩柔滑又多汁, 係坊間極罕有可以食到燒鯖魚有鮮味同嫩滑!

煙燻鯖魚禾草燒

【牛腸鍋】HK$168
湯底混合了九州、西京味噌, 美味濃郁, 牛腸爽彈, 日本豆腐表面煎至金黃, 配上盡吸湯汁嘅韭菜、芽菜、高麗菜, 配飯更一流!

【紫蘇雞皮蝦卷】HK$68/串
雞皮燒得金黃香脆, 加咗少少鹽調味, 包住了紫蘇葉同埋海蝦, 紫蘇葉平衡了雞皮餘下嘅膩, 海蝦鮮甜彈牙, 清香惹味, 值得推介!
【厚切牛舌】HK$58
牛舌爽彈多汁, 表面加咗少少黑椒, 惹味非常~

【七里香】HK$62
為雞pat pat, 每粒燒得香脆, 迫走了多餘油份, 食落香口又唔覺油膩。

【雞軟骨】HK$28
口感爽脆, 加咗少少鹽, 送酒一流。
【鹽燒白鱔】HK$68
白鱔皮烤得脆, 魚質爽彈多汁, 落咗少少鹽提鮮。

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

用餐日期

2023-07-31

用餐途径

堂食

人均消费

$500 (晚餐)

推介美食