胡爐 (已結業)

一入到餐廳好快就坐低左喇。 落完單好快就有個醬料架黎到，拎完醬料， 卜卜蜆肉和蟹肉鍋就上菜喇。侍應叔叔加上燒酒快炒，仲溫馨提醒小妹可以錄影同埋唔好靠太近個火鍋！加入魚湯後，卜卜蜆同蟹肉既香甜味道就飄出黎喇，即刻一人一碗鮮甜好味既湯。湯頭黎講飲落都幾清甜！小妹都會推介俾大家！話明魚蝦蟹，就咁一個魚湯邊夠霸氣架！ 當然唔少得鱔魚片啦~ 聖子同埋鮑魚有promotion ，一於黎個海鮮大餐啦。整體黎講係一間唔錯既餐廳，價錢加埋火焰炒海鮮show都要做合理既。不過小妹就貪心d，如果隻蟹可以大隻D就會更好喇！最難忘既除左成晚不停咁拆肉拆到手軟之外，應該就係鱔魚片同埋手工餃子喇！希望下次再黎隻蟹會大d啦  

卜卜蜆鮮蟹魚湯鍋有時火鍋如果唔想食太油既湯底，海鮮鍋其實係一個好選擇，又有鮮味，又唔會油。今日叫既卜卜蜆鮮蟹魚湯鍋就真係岩曬了，鍋底本身己經有蟹，有蜆，店員黎到加入酒將佢爆香，超香，仲有搶火既一刻蟹同蜆既鮮味都出曬黎，由於只係用酒爆一爆就加入魚湯，所以一D都唔油。然後等一陣焗一焗，就可以享用魚湯了。立即整一碗鮮蟹蜆魚湯。 配料方面，今日真係幾得幾豪下。真係有消費卷先咁豪架咋店員推介今日$88, 一set 原隻活鮑魚+蟶子王,真係貨真價實，鮑魚真係好新鮮，真係活鮑魚。蟶子亦好大隻，裡面冇沙，真係唔係正藏貨。 手切安格斯肥牛重牛味，入口即溶，而且唔硬，火鍋真係要配靚牛先得。而且油份岩岩好，唔太肥唔太瘦，每一片都好均勻 Xo鮑魚蝦餃王 and 香菇韭王帶子餃一向都好鐘意試下唔同火鍋店既特色餃。兩款都好正。韭王帶子餃，平日韭王多配蝦，但今次配帶子，裡面又真3有兩粒帶子，味配合得幾好。Xo鮑魚蝦餃，Xo味重，所以食左韭黃餃先既，XO好出味，然後裡面蝦既份量都好大，可以唔洗沾火鍋醬料都一樣好食。 自家制響鈴新鮮炸出黎，吸曬D汁，超正，而且唔會覺得好油

疫情下，好耐都冇去打邊爐。今日同老公都放假，可以食早啲避開人群，所以即刻選擇咗打邊爐。餐廳揀咗位於百樂中心上樓嘅胡爐，我哋 18:00 到達，餐廳仲未有人。裝修以木色為主，餐廳成L字形，有獨立房間可供選擇，環境尚算舒適，有木既屏風做分隔同裝飾。每位計: 醬料$28 茶芥$8 有8款醬料可供客人自行選擇。餐前小食 $28   餐前小食有麻辣黑木耳，都幾開胃。湯底選擇咗 卜卜蜆鮮蟹魚湯鍋    $298餐廳職員會喺客人面前煮滾湯底，有點火環節，未食之前先有視覺享受。先將卜卜蜆同蟹炒過，再加入少許酒，點火再炒。之後放芫茜同高湯滾一滾。之後先慢慢享用卜卜蜆蟹湯，非常清甜，飲咗兩大碗湯，大大隻蜆肉鮮甜，非常新鮮。餐廳今日有特價推介:  一 人份量，有一隻鮑魚同一隻蟶子  $88鮑魚大大隻，爽口有咬口，聖子鮮甜。台灣鴨血  $78 鴨血份量十足，煮熟後唔會散開，口感滑滑好味。黑松露墨魚丸  $52 (半份)  鮮蝦豆苗餃       $58 (半份)                    黑松露墨魚丸爽口彈牙，黑松露味濃，推介之一。餃皮薄，鮮蝦彈牙爽口，味道唔錯。自家制炸響鈴   $68 鮮炸響鈴

事隔幾個月我哋又掛住呢度既野食咁啱朋友join我同男朋友一齊食飯見到三個人 咁樣可以叫多幾樣野試吓 就book咗枱打邊爐上次試過椰子鮮雞鍋今次我哋就叫咗卜卜蜆鮮蟹魚湯鍋同樣地佢都會有一個侍應嚟幫你加酒點火令到個鍋裏面嘅海鮮更加鮮味侍應更加會提醒我哋先飲咗幾碗湯先再慢慢開始打邊爐咁樣先會試到個湯底嘅鮮味個湯勁大陣蟹膏味 非常之鮮甜我哋每人都飲咗兩碗 飲到個湯差唔多冇晒要佢加湯先打到邊爐要讚一讚佢嘅卜卜蜆同蟹都非常新鮮卜卜蜆亦非常乾淨 無沙朋友堅持打邊爐一定要食手切肥牛所以我哋叫咗一個細嘅黎到個份量都唔少架3個人食極都仲有 佢嘅雪花分布非常平均 而且好有牛味然後我哋再叫咗個手打芝心牛丸同手工魚皮餃芝心牛丸非常彈牙 而魚皮餃呢都唔錯但佢價錢有啲貴下次都未必會再叫啦佢細份嘅得四舊 CP值唔高不如留肚食其他好過仲有就係紫菜響鈴聽聞呢個係招牌菜 即叫即炸嘅當然要試吓啦黎到既時候侍應叫我地先試吓唔浸湯嘅咁樣試吓佢本身個味 佢唔浸湯食呢係非常之香嘅 熱辣辣吹卜卜冇諗過響鈴同紫菜係可以咁夾嘅浸完湯發現佢嘅味變到唔一樣食到到湯嘅鮮味之餘亦都有紫菜味好得意 果然係招牌菜食到差唔多八九成飽啦侍應見我哋仲飲緊啤