邁爵斯 (福華街)

营业中

休息中

話就話呢個係一間café，但佢的成名作反而係個意粉。原因之一就係佢個CP值，是關一碟價值$35的意粉本身已經是非常貼地的價錢，而個份量竟然係平時的兩倍左右，兩個女仔食都係非常足夠。雖然佢個味道談唔上係高質，只是一個正正常常的意粉，但當你睇番個價錢同份量就會覺得真係好抵食。同埋佢每份意粉都係即叫即整，送到台面個時碟碟都係熱辣辣咁出緊煙 !如果大家下次兩個人黎食，我會建議叫一碟意粉SHARE，再加一個小食同兩杯飲品，咁樣唔會浪費食物之餘，又可以試下佢其他的食物。

印象中已經係第三次幫襯呢間餐廳，主要因為食物真係大件夾抵食。論服務，其實真係無乜。大部分員工態度感覺都唔係好熱情，甚至可以話係冷漠，如果可以改善下會更好。當日觀察所得，只有一位男店員（可能係老闆？）對客態度睇得出係上心啲，其他女店員多數係唔出聲。-卡邦尼亞意粉 $39卡邦尼亞醬汁幾濃，稠糊程度頗高。意粉基本上都索晒醬汁，唔會有啲零舍乾身咗。以份量咁多嘅意粉而言，做到呢點係幾難得。配上大量煙肉，鹹香得宜。-海苔芥末蝦沙律牛角酥配薯角 $53芥末醬好開胃，配搭蛋沙律同彈牙蝦肉味道頗夾。牛角酥依然烘得好酥脆，麵包香口。淋上蜂蜜嘅薯角甜蜜香脆，終於識欣賞呢種又鹹又甜嘅美妙之處。-熱香芋鮮奶 $24香芋味似係雪糕個種芋頭味，香味都幾強。

之前已經同朋友食過一次之前食已經覺得勁抵食但好怕食唔哂 會好浪費😢😢所以今次同兩個朋友 share兩碟！睇到個Menu真係覺得平到傻咗🤪🤪意粉都只係三十幾$40所以決定同朋友叫一個意粉同埋一個包，仲有各自叫嘢飲😛普通嘅卡邦尼意粉但係碟意粉成座山咁高真係要三個朋友一齊食先食得晒😂😂😂仲有好大浸蒜蓉味，鍾意食蒜蓉嘅朋友記得要叫啦🤤呢個真係要大大推介！水牛芝士牛角酥熱辣辣食啲薯角真係好正好似食薯仔牛柳粒嗰種醬汁咁佢有加蜜糖落去炸，好鬆脆，就算凍咗都仲幾好食！不過個牛角酥就普通咗啲，可能我哋食嘅時候已經凍咗就覺得一般，芝士味唔算太重🧐🧐但係佢啲薯角真係好多，又係要三個人一齊先食得晒🤣🤣🤣最後又係每人叫咗杯嘢飲佢嘅份量應該大過500 CC蜜桃有啲甜，不過佢真係有果肉㗎！我朋友個杯就有茶膽，真材實料！加埋蜜桃都覺得幾夾㗎🥰🥰———整體來講三個人食，份量十分之夠，仲要每個人只係50幾蚊，抵到爛！糧尾嘅朋友可以嚟試一試不過真係要衡量下係咪食得晒先叫，因為佢啲份量真係幾大🧐🧐希望大家唔好浪費啦！

這間接近太子，地段有點偏僻，但大件夾抵食，吸引不少人光顧。雖然不少人排隊，不過都唔使等好耐，為減少人手，大部分都是自助的，包括，到櫃檯落單、取餐具、水和醬料等。卡邦尼亞意粉 - 超大份，是平常西餐廳的2-3倍，煙肉滿滿的，但汁就比平常的稀，不夠稠。芝士薯波 - 普通薯波內有不流心的車打芝士，有點失望。趣味薯角 - 有驚喜！薯角包上一層糖䊢，甜甜的，超好食，份量又多。意粉份量足夠share，但若然人數不多，建議選牛角包餐或墨西哥餅餐。

朋友話想食意粉，於是同佢黎試下哩間傳聞中又平又正既邁爵斯。環境不錯的，座位唔少。水呀芝士粉呀都係self served，整體環境幾好。朋友話哩間店d意粉好大份，於是我地決定嗌一個卡邦尼亞意粉+一個炸魚手指，要唔係真係驚兩個女仔食唔曬(/ω＼)卡邦尼亞意粉（$38）一見到個意粉真係好suprise，原本以為$38叫做細細碟，性價比高極都唔會夠普通size。想不到竟然咁大份！突然明白點解朋友話唔可以叫兩個意粉了，性價比真係高到好驚喜。佢d醬係足夠既，又唔會話以為平就好稀或者好少。而且煙肉果d都好足夠！佢真係幾好食，而且又平！炸魚手指就冇影到相，但佢相比之下性價比冇咁高。不過都叫做唔錯既。總括而言，哩間邁爵斯d意粉又大碟又抵食，Cp值超高！有機會一定會返去試下其他意粉！

久聞呢間餐廳嘅大名，一直未有機會試，今日專程試下香辣海鮮意粉 $47 - 醬汁有蕃茄味，偏甜，不過食唔出辣味。海鮮以蜆肉同魷魚為主，雖然收得呢個價錢預咗係急凍貨，但食落冇雪味又有少少咬勁，值得讚賞。意粉偏淋，但整體味道不錯卡邦尼亞意粉 $39 - 意粉嘅份量堆到成座山咁，而且係al dente。可惜個醬唔夠奶油香，只算一般白汁，食食下凍咗加上有啲膩，食唔曬趣味炸薯角 $22 - 薯角新鮮炸好，上面淋咗糖膠。食落有撲鼻嘅薯仔香，隨後係糖膠嘅甜，同薯角裡面滿滿嘅薯蓉混和，好惹味餐牌上有好幾個系列嘅飲品，望落幾吸引，所以我哋各自嗌咗一杯凍焦糖咖啡 $29 - 焦糖味近乎零，有淡淡咖啡香，但飲到尾好淡，味道算係三杯裡面比較正常藍莓乳酪 $26 - 藍莓味比較正常，其餘部分同芒果乳酪差唔多芒果乳酪 $26 - 乳酪酸味欠奉，芒果味有啲人工，飲到尾中段啲冰開始融就變咗一杯被水溝到好稀嘅奶食物方面味道不錯，而且確實係大份抵食，以上嘅野三個女仔都食唔曬，但飲品就有啲令人失望

本來以為又平又大份，應該味道就一般。所以冇太大期望。反而係咁，所以有驚喜。但就係要等半個鐘至一個鐘先有位。先叫左碟卡邦尼亞意粉（$38),比平時cafe的份量多出1-2倍。但唔會太多意粉而好少汁好乾。反而每條都有沾到汁，意粉配搭煙肉的咸度就好適中。再叫一個香草吞拿魚螺絲粉配沙津菜（$38)。不過呢碟原來係凍食，螺絲粉撈左沙津醬加蛋白。最頂有少少吞拿魚。其實味道都幾好食，味道夠，配埋沙津醬都無得輸。只不過係凍，就麻麻地。除左份量都係好大之外，佢仲有沙津菜。又唔會食到好膩。我地3個人，所以叫左兩個意粉另外加3個小食。已經係非常非常之滿足。如果係細食嘅你地，就千祈唔好自己叫一個意粉.小食分別有脆炸粗直薯條（$15),呢個價錢黎講，份量真係多過出面1倍。但都係熱辣辣上碟，對於薯條愛好者黎講。好好食，夠熱之餘，入面好重薯味。.另外叫左脆炸魚手指（$25)有5舊。呢個就比較失色。因為好重魚的腥味，入面d肉比較霉。雪藏味亦重。呢個可以唔試。.最後仲有一個脆炸芝心薯波（$28)有8件。呢個波波外脆，入面有少少薯蓉，但就冇咩芝士味。因為我好中意蘸醬，除左茄汁可以自己拎之外。我就問下店員會唔會有沙津醬，可

呢一間係出曬名"價錢平""大大份" 周圍都有佢既廣告推介即刻同朋友去試下 當然7點幾 門口有幾個錶位 岩曬揸車人士可以黎好好彩我地黎到咁岩有位 泊好車諗住去拎飛門口冇任何指示點解拎飛 點樣排隊~佢地好忙 唔好意思都要問一問見有個員工行黎門口 同佢講聲4個人 佢望一望我 跟住同我講等陣丫!!過左5分鐘 因為佢地好忙 唔夠擔走去問佢係咪要拎飛 我地等~等多2-3分鐘 突然見有個人入去拎住張飛行返出黎 已經知死火!!我忍!!行入去拎飛 個職員態度好差 仲有D反白眼咁問我幾多位?我答完4位佢就寫張紙俾我!!我同朋友係出面等左好耐好耐 已經聽到有唔小人經過門口話呢間野職員態度好串 又等得耐因為平 因為好大碟 都忍!!已經等左2個鐘 有個朋友仲話只要唔係冇得食都算數~果然講完唔夠5分鐘 有個女職員走出黎同我地講 你地4位我真係俾唔到位你佢話佢地冇限人食野時間 所以有好多人食完野坐係到吹水唔走 佢都冇計同我地講唔好意思 叫我地下次先在黎!!!!我朋友唔甘心 叫佢叫d人換一換位就有啦點知佢睇唔睇一下就話盡左力 真係冇位!!我朋友直接入去叫人轉 人地即刻好好人換位因為真係等左好耐 唔希望連食既機會都冇!

今日卡肥哥哥嘈住要落街食野，熊大又咁岩放早話過黎揾熊妹，咁就決定試下附近呢間平價街坊cafe。位於太子福榮街頭，左右主要係維修車房，cafe頓時鶴立雞群。3點幾都好多人，已經唔係lunch時段，抵食嘛。意粉一般$35-$45，牛角酥$36-$49，小食$18-$28，價錢真係好吸引，叫意粉或牛角酥仲包熱紅茶一杯，真係好抵。卡肥鐘意蒜蓉，唸都唔唸就睇中左香蒜白酒蜆肉炒意粉，$35。意粉好大碟，真係好大碟，配料都唔少，蒜蓉味好香，蜆肉份量都好多，同蒜蓉好夾，可以僻走腥味。咁大碟意粉，啖啖都有意粉同蜆肉，真係夠哂街坊，讚👍🏻！熊妹就唔係好想食咁大份正餐，所以叫左個吞拿魚蛋沙律牛角酥，$39。牛角酥焗熱左無得輸，牛油的香味加千層酥皮的鬆化，再配上熊妹喜愛的吞拿魚蛋沙律，yummy! 下次可以試下芝士火腿，應該配熱辣辣的牛角酥更加夾。點牛角酥可配沙律或薯角，唔健康的卡肥緊係揀薯角。份量好多，熱辣辣炸出，咬開都會冒出煙來，好有誠意。熊大遠道而來，又未食晏，肚餓透了，即刻點個意粉。卡邦尼亞意粉，$38。慣常的大大碟，好多芝士白汁，配料有煮過的煙肉同磨菇，唔太妑膩，啖啖意粉撈上滿滿的白汁，好夠味。咁平