天草漁場 (已結業)

復活節期間的九州之旅曾經踏足熊本，原本計劃到訪熊本城外圍，但酒店職員告知，整個熊本城範圍仍然完全封閉進行維修，只有入口一帶的遊客街商舖維持營業；結果，打消了遊覽熊本城的興緻。酒店職員說，市政府甚至沒有說明熊本城何時才能重新開放，又估計維修時間以年計算。冇得參觀熊本城，唯有只去探訪熊本熊 Kumamon。之後當然要品嚐熊本美食，也是這次熊本市之旅認識到原來熊本縣也有一個相當出名的漁港天草市，從熊本市出發車程也要二個多小時，實在太遠，只有作罷。上個周六，想回味一番「鮨吟」（見另一篇食評《大滿足的二人世界》），但這次試了午市套餐，同樣都是12件壽司，價錢還不及晚市《雲》的一半。當然，《雲》多了刺身、湯、小吃，也採用更高級的食材；但兩者質素實在不相伯仲 ⋯⋯ 至少筆者有限的味覺分辨不出。與壽司師傅攀談下，原來「鮨吟」老闆最近開了一間走爐端燒居酒屋路線的「天草漁場」；一如名字，餐廳與「天草漁業協同組合」合作，主打天草漁港及天草市養殖場所出產的各款魚鮮、以及天草市的其他物産如天草大王雞。既然去不了天草，就在「天草漁場」補償。餐廳位於渣甸坊尾一㨂落成只有三兩個月的商業大廈，雖然暫時只有「天草漁場」一

某日同事突然講起天草大王(一隻特大品種雞) 就上網睇睇香港邊度有得食，結果就黎到呢度食lunch。Lunch menu 唔算多選擇，而且好幾款都係得個丼名，無明確講明係有咩食～不過鋪頭入面既服務員都好好，細心解釋。同事們就揀左天草大王既親子丼～天草大王雞本身肉質非常實淨，聽講因為佢地既運動量比較大，所以大家食之前有心理準備😆但聽同事講返佢今次食，啲肉比起佢之前係日本天草食過既肉無咁實，所以還可以。我就揀左個厚燒牛舌丼牛舌真係好厚而且份量都算多，中間既菠菜係幾健康既，不過味道有點唔夾。飯既份量比較少(大確正常碗既一半)，但個人覺得份量啱啱好，因為成個set 其實有好多其他野食～飯上面有微辣芝麻醬，同牛舌一定夾～平時出去食呢類套餐未必每款小碟都啱食，但我今次真係食清晒！最上面果碗係黑松露蒸蛋，一打開就聞到好香！下面果碗小食都係牛舌，但肉質同我碗飯入面果種完全唔同，好淋又開胃。最值得推介係右下角呢碗湯！真係我人生入面飲過最濃最入味既麵豉湯！ 其實我唔絕對肯定佢係麵豉湯😂，但我飲到有啲麵豉味～成個湯有好濃好濃既海鮮味，一入口就感覺到果份誠意！我本身對蝦敏感，飲完之後都有少少反應😂咁應該真係真材

天草位於熊本縣嘅西南方，四圍都係大海，所以海洋資源特別豐富。呢間餐廳由天草漁市場、天草市政府官員及資深嘅師傅合作創立，希望令更多人認識天草呢個地方，店內大部份嘅食材都係嚟自當地。今日走嚟試吓個lunch，一嚟到就見到馬家開飯喺度拍攝中，店員話所以啲食物會慢啲上菜黑松露茶碗蒸雖然只係黑松露醬，但絕無石油氣味道，勁香濃好味！鮪魚煙木丼 ($278)用腦天、魚腩、魚背、脂肪層筋及魚碎砌出超靚嘅魚生飯，喺上菜前再用煙薰槍打入蘋果木煙進行煙薰，所以上菜時係用一個蓋蓋住㗎，一打開有濃烈嘅煙薰味，不過就唔係好聞到蘋果香。但每一件魚生都超級肥美，件件嫩滑鮮甜入口即溶，其中魚背嘅一邊係生，另一邊係燒熟咗，同一塊魚上面有咁大對比，一生一熟口感激好！原來係用咗當地零污染嘅天空吞拿魚，食得放心又開心厚燒牛舌丼 ($178)等咗好耐先有得食，厚到不得了嘅牛舌燒得外脆內軟多肉汁，好有口感但一啲都唔韌！落咗少少辣汁，更加滋味，超級好食！甜品係柚子雪葩，另一款唔記得係乜野，不過柚子雪葩就好清甜好味門口旁邊仲有好多來自天草嘅零食小食。呢度食物質素OK，lunch set好抵食喎！