嚐越 (已結業)

辦理完要事後，決定跟兒子在附近吃晚飯，由於肚子有少少肚餓的關係，決定跟兒子去淺嚐越南食物，盡享親子樂！先在開飯這個程式尋找10點後關門的餐廳，在德福商場內選擇不多，終於吃了這個！餐廳環境很好的環境，坐著卡位，就是一片一望無際的景觀，很是吸引人！食物方面點了1）原個菠蘿咖哩海鮮炒飯 $1082）香茅豬排撈檬 $653）網絲蝦卷$28先來了那個菠蘿海鮮炒飯，果然是整個菠蘿上，很是吸晴，海鮮主要方面只有兩隻大蝦，且平放在飯上面，吃到底就沒有海鮮了。這是一個稍為失色的地方。但綜觀來說，味道也是不錯的。 最後也是可以刮一些菠蘿肉來吃！其後來了香茅豬排撈檬，也很大碟的，絕對是一個好選擇。加上吃越南必用的撈檬甜酸汁，主要是價錢吸引，整體來說跟其他地方差不多。最後來了限時優惠網絲蝦卷，這個是我吃過最好吃的。主要是因為四個字「皮薄餡靚」，晶瑩通透的皮配合絕對新鮮的蝦是一個絕對好的配合，加上了甜酸醬，超值價！未來要繼續跟住兒子的衫尾吃飯哦

阿囡今晚話想出街食，於是我地兩公婆就去咗阿囡公司附近嘅德福商場邊行邊睇吓有咩好食 行行吓阿囡就到，於是我地就齊齊睇吓有咩啱食，就後就揀咗呢間餐廳 入到去坐低後就見到呢個牌，咁有半價就梗係要試試，於是就叫咗半隻嚟試吓 送嚟時個樣都幾靚，份量唔算少，食落皮脆肉嫩，咬落仲有鮮甜嘅肉汁，滑溜之餘亦好入味，廚師調味及廚藝確係有一定水準，另外南乳醬汁亦十分美味，不會太咸外更帶點甜，我最為喜愛，單食或送飯食都係一流 讚！阿囡亦叫左水晶軟殼蟹米卷，味道咸香得宜，軟殼蟹炸得香脆可口，米卷軟糯清香，加上甜甜酸酸的醬汁下，尤覺滋味無窮 老公就揀咗咖哩麵包蝦，有成幾隻大蝦，仲有青椒、紅椒同翠肉瓜，麵包更吸收晒啲咖喱汁，輕咬蝦肉又爽又彈又滑，而蔬菜也很爽口，食起來層次豐足又夠飽，啱晒鍾意海鮮又鍾意食麵包嘅老公大人 之後阿囡仲叫咗個原個菠蘿咖哩海鮮炒飯，呢個飯份量十足，有成6至7碗飯咁多，入面仲有帶子、鮮蝦、蟹肉、菠蘿、紮肉、提子乾同鮮菠蘿粒，食落鮮香十足，而且仲有2大隻勁爽口大蝦，真係幾好食 一輪食食之後就被我地大食一家掃清光，呢餐幾好食，又坐得舒服，唔錯唔錯

病左成個星期，食藥食到口到苦埋，趁住好番D梗係同朋友食餐好喇!!!朋友十分細心，帶我食越南野，酸酸地開胃D!點菜時見到餐廳做緊優惠，南乳吊燒雞半價，原價$160半隻宜家$80就食到，梗係唔執輸叫半隻試下喇!!雖然係得半隻既份量，但份量十足!!!好抵食!!!吊燒雞皮脆肉嫩，入口食到雞皮脆卜卜"爽爽聲"，十分新鮮，忍唔住食哂D雞皮!!! 再點上甜甜地既南乳醬，更加惹味無窮!必食之選!!! 原個菠蘿裝滿炒飯，每粒飯都均勻沾上咖哩，金黃剔透，面頭仲有豐富既海鮮，如:大蝦、帶子、魷魚等，單係賣相已經十分吸引!!值得一提既係海鮮十分新鮮，一D腥味都無! 炒飯炒得夠乾身而且鍋氣十足，咖哩味香濃，但又唔會好辣，又唔會遮左海鮮既鮮味同菠蘿既果香。岩哂唔食得辣既朋友仔!!薄薄既米紙包住軟殼蟹、檬粉、青瓜、生菜、甘筍絲，用料同層次豐富，入口口感極佳!主角既軟殼蟹炸粉唔會好厚，十分香脆!再點上越式酸甜醬汁，油膩感覺更加大大減去!!!整體黎講，餐廳食物既水準十分高，價錢又大眾化，值得一試再試!!!

畢業後已經有好耐無見過d同學，於是近日終於的起心肝去約佢地出黎食飯，我地就揀左就腳又多野食揀既九龍灣徳福商場去開餐，行左一陣就去左新開既嚐越~以前既嚐越較細，燈光又較暗，而現在既嚐越就搬左去隔離，更大之餘仲好光猛，裝修設計行簡約路線，感覺好乾淨！坐低後我地就叫到成枱都係食物，咁開心就梗係要相機食先喇~~前菜我地揀左水晶軟殼蟹米紙卷，口感清新開胃，軟殼蟹炸得金香美味，沾上越式魚露下，口感就更是鮮味醒神，食在口中尤感滿足，好味道~~再黎就係朋友w好想食既咖哩麵包蝦，黎到時貌相不俗，蝦好大隻之餘，更是彈牙入味，加上份量頗多，而且又唔辣，外層麵包更是烘得軟香爽脆，以麵包沾取咖喱汁夾上鮮蝦食用下，尤是美味無窮，食得我們都紛紛讚好！跟住出場就有炒得剛剛好又唔老既馬拉盞炒嫩菜，菜身爽口，唔會太咸，甚是野味~最愛食飯既A朋友就叫左個原個菠蘿咖哩海鮮炒飯，飯底炒得香口唔乾身，咖哩帶香而唔辣，加上鮮蝦及其他海鮮和肉鬆下，就倍感鮮味，份量亦頗多，都算唔錯！而身為食肉獸的我就揀左香茅炭燒豬頸肉， 份量雖然唔算好多，不過都好入味，邊皮位置燒得微焦，很是香口，加上沾上甜甜酸酸的泰式醬汁下，更是滋味無窮！經過一輪大

愛到九龍灣睇戲，入場前到附近找美食，已成指定動作，今趟就嚐嚐「嚐越」。椒鹽軟殼蟹--($98)雖然賣相不怎麼樣，但炸至金黃酥脆，外酥內嫩，蟹香與蛋黃味，吃多兩口，令人很想配杯啤酒。馬拉盞通菜--($68)微辣，通菜新鮮翠綠，馬拉盞味道尚可，不錯但不算特別。原個菠蘿咖哩海鮮炒飯--($98)原個菠蘿上枱，賣相非常有趣！存在感很強的大蝦，彈牙鮮甜，還有帶子、魷魚等海鮮，材料豐富。炒飯本身乾身香口，粒粒分明，咖哩味特出而不搶戲，加入菠蘿肉一起炒，菠蘿的酸甜令炒飯的油膩感減少，值得推介的一道炒飯。咖哩麵包蝦--($108)用農夫包載著咖哩蝦，賣相別緻，咖哩味很香，味道完全進入肥美的大蝦中，香濃的咖哩沾上包來吃也不錯。唯咖哩汁可以辣多一點會更好。鮮芒果沙冰--($38)芒果味香，不酸，很怕有些沙冰太凍，變得不好入口，這個就溫度剛好適中。總結：簡約乾淨的環境，食物質素也不錯，下次想吃越南菜會想到這間