一品燒 (已結業)

途經油麻地，驚覺附近多了不少串燒店，酷愛串燒的我當然入內品嚐。當時還未到宵夜時候，所以人客不算多，不用等候便即可入座。室內環境：整潔乾淨，播放著泰文音樂較有特色。餐牌：尚算多選擇，這是其中一面。食物質素：由於是即叫即燒，所以需要等候，調味料不會過濃蓋過食物本身味道，整體不俗，對得起這個價錢。招牌蒜蓉燒茄子 HK$36是原條茄子！份量十足！雖然只是用蒜蓉燒，但已經非常香口惹味。值得一讚的是蒜蓉份量適中，並沒有蓋過茄子本身的甜味。原條火箭魷魚 HK$78魷魚配以燒汁燒，簡單卻吃出最原始的美味！一上桌時已香氣撲鼻，面燒得香脆，卻不會過於乾身仍保留到彈牙口感，層次豐富，特別是吃魷魚鬚的時候，還吃到點點炭燒香味。推介！燒羊架 HK$68羊架沒有太大羶味，而且燒得不乾身，肉很嫩滑多汁，香草味濃，略嫌份量較少唔夠候。芝士燒扇貝（4隻）HK$44本人酷愛芝士，你看！真！是拉出芝士來！扇貝新鮮，混合芝士口感彈牙。燒牛舌 HK$28很軟身，微辣同時亦保留到牛舌味道，十分惹味脆皮雞皮 HK$24吃得出雞皮是先炸過，所以很脆很香口。牛柳粒串 HK$32味道不錯醬燒雞翼 HK$36較輕炭燒味，多了一份醬汁口感j

在早幾日最凍的時候，和友人去了旺角一間串燒店吃些暖暖的取暖~餐廳位置不算偏僻，但因爲不是大街，所以比較安靜少人，因此當天7點到達的時候，店鋪内也空無一人~ 大概也是因爲天氣超級冷，大家都不願意外出了吧XDD天氣冷的時候，不知怎得肚子也會特別餓~！所以一口氣也點了蠻多的串燒~先來的是餃子雞翼($36)這個真的一般般呢~ 可能是天氣冷的關係，不消一會兒已經冷了~所以感覺上皮燒得不脆~ 而且雞翼的肉質也偏向過軟呢！但是雞翼内釀的餡料味道是不錯的~ 但整體來説也沒什麽大驚喜！接著便是燒牛舌（$28）這個還不錯~ 牛舌尚有肉汁而且也很爽脆~ 不會過韌！燒白鱔（$38）雖然價錢上來説衹有這麽小串是有點兒小貴，但是真的好吃！而且來到的時候真的是超級熱辣辣！加上燒得真是皮脆肉嫩多肉汁~味道真的要比賣相來得好呢~~接下來到的是原條火箭燒魷魚（$78）~聽説這個算是店鋪的招牌~當然要點來試試看啦~ 味道是真的不錯啦！魷魚很爽脆，一點也不韌~而且有得自行加孜然粉or辣粉，我們加了很多，味道就更加惹味了這個也是另一個我很喜歡的~ 蒜蓉燒茄子($36)本來就喜歡吃茄子，所以真的很喜歡這個！因爲蒜蓉的香氣真的超重

如果沒有記錯雜誌的介紹，一品燒是幾位八十後年青人開的店，經營串燒店門欖不高，最重要是來貨及有心，耐心地慢慢燒，依自己口味調味，不可能不好吃！位於旺角較為人流少的二線街道，相信是租金所限，其實不失為創業之選，所謂有麝自然香，如果口啤好，以年青人居多的旺角遊人，多走幾步又有何難！店內沒有甚麼裝潢，用上暖色的木桌椅子，白底之牆壁上就以食物圖片作點綴。出菜位在推介板下牆壁的一角。每天有廚師推介，海鮮價！設有電視屏幕，獨食者不悶，有球賽亦不會失，是晩正播放著翡翠高清台之動物紀錄片，講述牠們獵食方法，正在吃串燒肉的我倆，看得有趣之餘，別有一番感受！鄰近油麻地街市，入貨無難度，尤其是海鮮，小店亦以平民海鮮小物作主打。揉合港式及川式製法，桌上備以孜然粉及辣椒粉。今日竟然沒有啤酒供應，吃燒物似有所失，欠了絶配，只好乖乖飲王老吉。串燒餐牌貴精不貴多，但基本選擇及花巧的亦有，喜歡的都已列出，又何需花多眼亂！首次光顧，邏輯上於必食推介內選擇。原條招牌蒜蓉燒茄子 (3.5/5)先來一道燒野菜醒醒胃，樣子平庸的茄子被張開肚子，灑上大量蒜蓉及少量紅辣椒調味，確實升了呢，嗅到蒜蓉之香及燒烤之焦惹，已經垂涎欲滴。燒功不

Li間係旺角既串燒店雖然鋪面唔算好突出，裝潢一d都唔豪華，平時行路經過都未必會留意到。但個次同朋友去食，就發覺佢地燒既野食質素好唔錯！芝士焗生蠔(4隻) $72Li到既生蠔有得揀蒜蓉燒又或者係芝士焗，Li個時候我內在既芝士怪因子又發作啦哈哈！佢地用左車打芝士黎焗，份量仲一d都唔姑寒，成隻蠔都被溶化左既芝士蓋住賣相好吸引！不過我就覺得芝士味偏淡左少少唔夠出，但蠔就好肥美，而且燒得唔錯食落仲有好多汁ga！特選蒜蓉聖子皇 $48(時價)大大隻聖子皇唔係到到有得食，我食個陣仲要賣緊$48 隻咋！聖子真係幾大下，食落啖啖肉，燒得岩岩好，肉質嫩口彈牙！用左蒜蓉黎燒，仲有點微辣好惹味。蒜蓉燒茄子 $36唔好以為三十幾蚊食茄子唔抵啊，Li隻茄子真係好大條！絕對可以俾兩個人Share黎食。茄子肉好淋，好濃蒜香，味道唔錯，中意食辣既可以額外加D辣粉黎食會更加滋味！不過茄子肉有d難起，要同朋友互相幫助先夾到黎食啦！原條火箭魷魚 $78大大條火箭魷魚黎到個陣我都嚇一嚇，兩個人Share既話大家都要有返咁上下食量先食得哂啦！魷魚仲係彈牙又厚肉，點埋醬汁黎食味道都唔錯。唯一係魷魚外皮略嫌燒得過火左d，太燶食落帶苦

通常食串燒都係企街邊或者坐街邊食第一次入鋪頭食,又是另一番風味招牌蒜蓉燒茄子最愛就是吃茄子茄子一來到時,感覺好大片,形狀似魚燒到成條好腍上面鋪滿蒜蓉,好惹味原條火箭魷魚原條上,一見到時真的好震撼魷魚燒得很香口,不過略嫌燒得有點硬但味道不錯,算幾惹味原條燒鰻魚很久沒吃過,鰻魚原條燒,再加上醬汁,唔太硬幾好味燒挪威鯖魚鯖魚肉質算嫩,皮燒得脆脆,淋上少少檸檬汁增加清新感芝士燒扇貝扇貝實際size較細,芝士味未算好濃一品特選蟶子皇蟶子燒得幾惹味,幾爽口不過調味有啲重手,未算太食得出鮮味新鮮花甲皇花甲上放上大量蒜蓉,所以味道好濃但略嫌蒜蓉太多,似乎有啲蓋過左花甲本身既鮮味

天氣轉涼，又到左食燒烤、串燒既日子！我同朋友被一品燒既巨型魷魚吸引而黎，睇落超正！晚上七點去到，小店入面約五成滿，坐低左之後，人潮開始出現！好彩我地早d到！見到店員帶其他客人上一層，先知道原來樓上仲有位。一睇Menu, 見到燒烤食物分為燒海鮮、燒肉、燒丸、同埋燒野菜四類，我同朋友第一時間揀海鮮。原條火箭魷魚 ($78) 巨型魷魚🐙上枱時，比佢個份量嚇親🌟，真係幾巨型！ 魷魚燒得剛好，所以爽口彈牙又唔會韌😋。重點係小店用咗秘製醬汁同落咗孜然粉一齊燒，所以食起上黎非常惹味👍，越食越辣，絕對可以刺激味蕾，如果唔食辣嘅朋友可以落單時註明走辣啊。芝士燒扇貝 ($44 4隻) 鮮味嘅扇貝被燒得香香，再灑上芝士燒至金黃，熱溶芝士擴散至整隻扇貝，芝味香濃😋😋😋。扇貝頗為鮮甜，配上濃郁芝士，一人食哂4隻都無問題，而且價錢都好合理！一品特選蒜蓉蟶子皇 ($48 )大大隻既蟶子皇上面加左蒜蓉同孜然粉一齊燒，惹味得黎仍然食到蟶子既鮮味，不過蟶子入面有少少沙未處理乾淨。蒜蓉燒茄子 ($36) 其實我自己唔係太好茄子，但係見到旁邊枱枱都有叫呢個茄子，又忍唔住想食埋一份。開邊茄子份量好大，上面有好多好多蒜蓉，一送上

旺角.. 旺角..有名你叫，當然愈夜愈旺。正當我想去搵宵夜食，就發現左有間較新嘅串燒店係長少街，而且仲有好多海鮮比你揀原來佢星期日到四會由夜晚6點開到零晨2點，而星期五六就開到清晨6點，絕對岩哂一班夜鬼。見到台台客都有Order，相信應該幾正，而且仲要係原條上！黎到時，成條茄子都鋪滿蒜蓉，所以好香又入味。另外茄子皮雖然燒到又燶又黑，但茄子依然Juicy不過美中不足係較為多油，控制反少啲會比較健康同無咁膩。依個原條火箭魷魚都唔例外，送到時候，我地都嘩左一聲，因為真係好大條，我地3個人食完，都已經有少少飽飽地魷魚比較厚但肉質爽口，而且用秘製醬汁燒，味道唔錯。加少少辣粉，會更加惹味！但略嫌魷魚鬚燒得較燶。蟶子皇都幾大隻，而且燒得岩岩好，燒到爽口彈牙，本身已經有蒜蓉、辣椒同蔥花調味，再加啲孜然粉，會更加正！蠔係我今餐中最中意嘅，非常新鮮，多汁而且嫩滑，配少少蒜蓉已經好夠味，但絕對無搶走蠔本身嘅鮮味，真係好想食多幾隻黃立倉介十字燒，等秘製醬汁流入魚肉，所以入味之餘又多肉汁。同時魚皮又燒脆到干身，但最正係肉質仲係好嫩滑。不過$88一條，就好似貴左少少喇整體黎講，海鮮都好新鲜，不過有啲價錢畸為貴左少

口痕想食串燒，見到呢間未試過，決定試下未嗌野食之前先嗌野飲解解渴，好耐無飲過呢隻檸檬茶！一品招牌蒜蓉燒茄子($36)一開始仲以為上錯左，因為佢個樣極似一條魚，望真d先知原來真係茄子！呢個茄子相當惹味，帶有蒜香得黎不失茄子先，燒得岩岩好，帶點辣，個皮就唔食得啦，燒到好硬好燶架原條火箭魷魚($78)呢條魷魚相當大，2個人基本食唔哂，夠香口，魷魚亦夠稔，帶d辣好正，但d「蘇蘇」就有d苦，無咩點食到蒜蓉燒扇貝($40/4隻)其實呢間既調味大部份都差唔多，不過呢個扇貝亦做得唔錯軟牛舌($28)，3塊架咋食完就無啦，呢個絕對可以encore呀好香口！

天突然下起大雨, 打亂我的計劃, 唯有見步行步。老公抱住B女在這家「一品燒」門前避雨, 天意...我行錯路又突然傾盆大雨...今晚改到「一品燒」食串燒。在旺角這不夜天, 這類串燒店越夜越多人, 因此7點鐘店內沒有其他客人。店子不太大只有四、五張枱, 但有我至愛的電視。生怕四川燒太辣太重口味, 所以叫師傅走辣調味輕點。原條火箭魷魚$78這個招牌菜呈上時, 嘩嘩嘩! 魷魚又大條而且已經預先切好，賣相不錯有些似杜拜人工島的外型。魷魚爽口彈牙, 燒得香口美味。對小B女來說, 魷魚太厚身不易咀嚼, 但是魷魚惹味因此B女也盡其能力慢慢品嚐。蒜蓉燒茄子$36全條茄子開邊燒, 茄子完全被蒜蓉覆蓋, 初初呈上猜不到這個是茄子。燒茄子恰到好處, 茄子皮已燒黑但內裡的茄子肉依然有水份。一絲絲的茄子肉散發蒜蓉的香味 ,令平凡的茄子變得不平凡。略嫌茄子屬長瘦型不太厚身, 兩人share有點不夠喉。蒜蓉牛油金菇$36錫紙包住金菇, 一打開熱氣湧出。雖然金菇舖滿蒜蓉, 但咬下去蒜蓉不算太重味, 可能被牛油的香味中和了。金菇juicy, 加上蒜蓉、青䓤及牛油帶出金菇的鮮。蒜蓉聖子皇$48這個聖子味道鮮甜, 肉質爽口得

去年在珠海拱北食過燒茄子後大為驚人，從此就愛上了。無奈一直未在香港找到可相比的水準，今日終於俾我搵到差唔多既水準！是次肥少帶我黎食串燒，happy happy~~孜然粉 辛辣粉可自行添加原條茄子，睇落較薄身，以為無咩肉。表面用蒜、孜然粉及辛辣粉調味，十分香。夾起一串串既肉，既香又微辣，係覺得咸味差一點，可能我食開重口味。此茄子達到珠海那一條水準大概9成！原條火箭魷魚 好大的一條，只須要$78.-實際好抵。都是以孜然粉及辛辣粉調味，燒得剛剛好，魷魚肉彈牙。食燒野就當然要飲返罐王老吉下下火啦！菜心燒到好正，表面又有d辛辣粉及鹽，菜心表面略咸，咬下水份十足，中和了表面的咸味。更食到菜心的香味及清甜，實在上品，推介！一品芝士燒蠔 芝士味不會過重，蠔肉燒得剛好，不會縮小，入口仍食到蠔的鮮味。蒜蓉燒青口表面有勁多蒜蓉，非常香，但青口燒得過火，頗韌。燒鯖魚只須$38 燒得十分香，外皮香脆，不會燒得過火。魚肉仍是嫩滑有汁，不用加檸檬汁也很美味。燒牛舌十分柔軟，既香濃又惹味。燒羊架唔會好騷，燒到6成熟，肉質柔軟又有汁。整體黎講，質素十分高！另外想食真正既串燒必須學會等待，因真係燒俾你既就一定要等先有得食

是咁的，今晚同朋友行完街想搵地方吹下水飲下野，行過長沙街見到呢間串燒鋪唔使等位又有冷氣就同朋友入去坐之後點左幾樣食開串燒都會叫o既野，亦都有叫D出面食串燒好少見o既首先，之前係第2度都有食過o既茄子，味道唔錯，夠辣，蒜蓉味好香，茄子有茄子味 之後再黎分別係芝士生蠔同蒜蓉扇貝，2份都好好食，最緊要2份都係$4x就有4隻，好抵食最有驚喜o既係原條火箭魷魚，好彩有聽侍應推介，唔係就後悔啦。顧名思義，佢真係成條魷魚上，燒得好香，又滑又嫩，醬汁味道岩岩好，推薦‼️2個人食飽又飲左D酒都係三百蚊多D, 下次會再黎幫襯。