妹記大排檔

营业中

休息中

有朋友外國翻黎，當然要食大排檔，食翻啲佢係外國食唔到嘅味道，所以帶咗佢食妹記。自己以前久唔久一大班人都會去食。有大排檔風味之餘，環境又闊落舒服。今次3個人，冇訂到枱，18:15左右入座，咁啱有最後一張細枱(如果唔係就要搭枱)。真係太旺場關係所以8點要交枱。戰鬥碗啤酒先黎枝啤酒，一人一碗啤啤佢先。原隻脆皮炸豬手每次黎妹記都必叫炸豬手，份量十足，起晒肉切晒片。唯一佢個皮比較厚，所以炸完會有小小硬，但對我黎講依然係食唔停口。椒鹽豆腐炸野黎講，佢比較遜色，因為佢個外皮有啲厚，而且啲炸蒜同椒鹽味都唔夠出，下次未必會叫呢樣。咸魚茸飛天通菜煲正正常常嘅炒飛天通菜，好食，份量都多，但略嫌少少油。沙嗲金菇粉絲牛肉煲味道好濃，撈食飯一流，牛肉份量算多亦好淋。到8點埋單嘅時候已經全場爆滿，出面仲坐滿晒等入座嘅人。如果黎食，除非6點黎到，唔係嘅話就一定要訂位。另外值得讚嘅位係上菜速度好快，環境闊落，熱鬧起上黎好有氣氛，好適合一大班人聚餐。

一班朋友聚會除咗可以打邊爐之外，最啱就係食大排檔㗎啦，可以叫勁多野食一齊開心share！今次就來到旺角呢間妹記大排檔～安格斯牛柳粒💰HK$158牛柳粒肉味香濃，而且鮮嫩多汁，配搭蜜糖，甜甜哋更惹味，略嫌薯仔粒唔夠脆口～金沙大蝦球💰HK$128內裡嘅蝦球爽口彈牙，但外層炸粉好厚，剩係得炸粉嘅表面先有淡淡嘅咸蛋黃味，少粉失望～椒鹽八爪魚嘴💰HK$85炸粉同樣都係好厚，而且食落唔夠椒鹽味，好失望～原隻脆皮炸豬手💰HK$208份量超多，外層嘅豬皮超香脆，豬手肉仲係好解嫩，味道有驚喜～豉椒炒蜆💰HK$98蜆肉好大粒，而且食唔到有沙，唔錯唔錯～飛天通菜煲💰HK$88叫咗咁多肉，梗係要食返碟菜，食飛天通菜煲就夠哂惹味～食物水準好似比以前差咗少少🤏🏻，另外餐廳冷氣好大，啲野食好快就吹到凍晒～

weekday去，本身話限食2小時，最後都無下一輪客人，所以無趕我地走，可以慢慢繼續吹水飲啤酒。鵝無咩特別豬手有幾舊的皮比較硬，不過整體Ｄ肉係juicy蝝餅&墨魚咀穩陣黃金蝦球個皮做得麻麻菜比較咸，但撈啖飯就ＯＫ牛柳粒好食，牛係有肉味８個人食８個餸，好飽但埋單價錢合理。人多去呢種餐廳傾計食飯唔錯～埋單無apple pay，但alipay得。

鬧市想搵間舒適 適合同朋友傾下計嘅大排檔並不容易好彩比我地發現左呢間係商廈裡面嘅樓上大排檔～以後黎旺角又多個選擇 唔洗來來去去都係日本嘢韓國嘢呀嘛🤣🤣🤣.🐈.𝙎𝙪𝙢𝙢𝙖𝙧𝙮環境比傳統大排檔來的乾淨整潔 價錢實惠 份量足 抵食又好食 難怪咁多人幫襯😋💰.🐈.🌟原隻脆皮炸豬手 - $198好大份量 啖啖肉😋味道係好食嘅 不過偏咸 食唔到太多舊.🌟煎蠔餅🦪 - $68外層香脆 瀝油處理唔錯 底部唔會浸到成個 曬蠔仔粒粒飽滿 鮮甜嫩滑.🌟西蘭花炒帶子🥦 - $98🌟妹記小炒皇 - $78呢兩款就味道正常 冇咩特別comment

🎐疫症蔓延得愈來愈厲害，聽專家呼籲都係留守家中避免集體活動，所以好多飯局都取消了，好多食肆都無辦法，中段都會落場慳點成本同預備正餐時段食物。📌本身熊妹同四個妹子相約好食《妹記大排檔》，下午5️⃣點黎到，撞正落場時間⛔️，唯有出去行下等5點半🕠再返來。📌成為第一批客人，太好了，少啲人少啲感染機會😷。📌大排檔食物就不外乎鍋氣小炒🔥，撚手小菜。大路菜式一定有，賓妹表示有幾款招牌菜同新菜式都想試下。原隻脆皮炸豬手，$198📌賓妹話每次黎都必點的招牌菜。真係好大一隻豬手🍖，脆皮炸得好脆好脆，卜卜脆，豬手肉嫩，無乜肥膏，啖啖肉，咸咸地再點埋跟上的甜酸醬，非常惹味，果然係招牌菜。咁大一隻真係要多人食先食得哂。金沙魚皮，$68新菜式喎，魚皮當小食又得，當餸又得。魚皮好脆口，感覺都幾熱氣。💥金沙就即係鹹蛋黃，其實就幾粉下，無咩鹹蛋黃味，就係一pat鹹蛋黃油浸住咁，遜色左少少。椒鹽九肚魚，$68📌又係賓妹必點系列，究竟有幾多野想食？同一般做法有啲唔同，一舊舊黃金炸物，粉漿炸得脆脆的，椒鹽味幾好味，不過內裡就無咩九肚魚肉，熊妹都係鐘意一般成舊滑滑有刺的九肚魚多啲。沙拉骨，$68📌賓妹叫左咁多款餸，熊妹唔執輸都要叫

其實嚟咗妹記食小菜都已經好多次佢哋人流好多次次嚟到一定要等位今日可能係平日所以等左一陣就入得基本上佢哋嘅招牌菜脆皮原隻炸豬手係一定要嗌由於得兩個人我哋都唔知道嗌啲乜嘢招牌餸好佢推介我哋嗌左黑椒薯仔牛柳粒另外加多個菜就要埋腐乳通菜基本上啲侍應好快手仲建議我哋上齊晒菜先好上白飯豬手嚟啦不過份量好似比我以前食嘅細份左但係未到一如既往嘅新鮮炸起皮卜卜脆但入邊嘅豬手肉都仲係好鮮嫩再點埋泰式甜酸醬送飯一流！基本上一個腐乳通菜最正嘅就係有鑊氣喺妹記食呢個菜炒得夠香腐乳嘅份量又啱啱好呢個係佢推介嘅薯仔牛柳粒我覺得牛柳粒炒得唔夠鑊氣除咗有太厚嘅鬆肉粉味之外佢炒得比較林相反啲薯仔就好好食不過嚟食小菜一定係人多着數啲因為可以嗌多唔同嘅餸去share

今日中午我們去咗旺角通菜街嘅「妹記大排檔」食中午飯！我們叫咗乾炒牛河炒得好夠鑊氣，牛肉嘅肉質好嫩滑，每條河粉都可以沾滿醬油嘅顏色！豉椒排骨炒麵嘅炒麵炸得都幾卜卜脆，排骨嘅肉質好爽滑！揚州炒飯炒到粒粒分明，材料嘅份量非常多，差唔多比飯仲要多！星洲炒米炒得好乾身，材料相當豐富！原隻脆皮炸豬手嘅豬皮燒得唔夠香脆，質感比較韌，感覺似白灼多過似燒豬手，但肉質都幾鬆軟，而且都幾大隻！蒜香骨嘅肉質比較硬實，好難咬開，但蒜香嘅味道都幾惹味！跟餐附送嘅紅蘿蔔老黃瓜豬骨湯嘅材料相當足料，味道好清甜！