蘇山雞飯

营业中

休息中

蘇山雞飯 (太子)📍太子彌敦道759-761號藍馬之城地下2-3號舖-太子行完街見到有呢間雞飯店門口好多人，所以就去左趁熱鬧😂 ， 果然發現新大陸，排隊係有原因架！-🦞星洲龍蝦叻沙摻摻 $128湯底唔算杰，但椰香味濃有驚喜。配料豐富，龍蝦大隻有膏，仲有埋蟹鉗添！出色！-🧈🍞跟餐配 鮮油咖央多士驚艷之作，牛油厚切仲有鮮奶油香，即叫即整，夠最熱，一啖咬落去奶油當下溶化，必試！-🐷Susan 豬手飯 $83骨膠原豐富！豬手滷得好淋又入味，飯底落左醬油，好香又惹味！-🐷順化碳燒豬肉串 + $20碳燒味好香，豬肉串肥瘦適中-🥬參巴醬通菜 + $20通菜惹味又嫩滑-🧉冰凍椰青 + $28最降火解渴嘅飲品！-🥥椰奶 + $12係兒時回憶呀！😂😂😂😂-🍵手作蛋白杏仁茶 $38絕對唔係粉沖嘅杏仁茶，杏仁味重又香，最緊要係滾熱辣架！

最近見到有blogger介紹啲間新加坡菜「蘇山雞飯」，友人表示好想食，所以就選擇咗放工過嚟食個晚餐。餐廳雖然係茶餐廳格局，但裝修都非常精緻，好明顯有精心設設過。我哋7點到，餐廳有9成滿座，入座後更見門口要排隊，可見啲間餐廳非常受歡迎，客似雲來！雖然知佢海南雞出名，不過午餐先食完所以想試其他招牌菜。先叫咗個「星洲龍蝦叻沙摻摻 」$128，叻沙湯底比較流質，唔係好濃稠果種，但一入口有驚喜，味道原來係超級濃郁，惹味而不太咸，有層次，湯底應該用了非常多料頭去熬製。龍蝦有半隻+一隻鉗，肉質比較結實，有龍蝦鮮味，似係新鮮龍蝦。而跟餐配個「鮮油咖央多士」更加係一食上癮，厚厚香濃軟滑嘅牛油配上咖央，多士又鬆脆，冇得輸🤤之後再叫咗個「Susan 豬手飯」 $83（配油飯+$5），豬手極Q彈，黃椒醬辣辣哋仲好食。油飯亦非常香，推薦👍🏻跟餐+$20 可以多個小食，我哋就㨂咗「順化碳燒豬肉串」和 「參巴醬通菜」，兩樣都勁正，豬肉串味道夠香，而通菜鮮嫩無渣，好食！飲品點咗冰凍椰青 + $28 和 椰奶 + $12，兩樣都好味最後甜品點咗「手作蛋白杏仁茶」 $38，熱辣辣出晒煙，啱晒冬天。杏仁茶係自己打磨，味道香

呢間餐廳主打東南亞菜式，店主更係大廚出身，廚齡達廿年👨🏻‍🍳💗招牌海南雞飯配雞雜冬瓜湯 ($85)三黃雞先以日本花菇同瑤柱水煮熟，過冷河後再以祕製滷水浸煮20分鐘，最後起骨切件。雞皮金黃爽滑，皮肉間帶油脂，肉質幼嫩細滑，蘸上薑蓉、辣醬或黑醬油🐥；油飯特意選用泰國米，預先以香茅、斑蘭葉、黃薑、紅蔥頭等炒香，再加入椰奶調味，飯粒飽滿煙韌，吸收配料香味🍚雞雜冬瓜湯清淡鮮甜，有少量雞胗同雞肝🍲💗獅城芽菜走地雞飯配輕怡白胡椒排骨茶($95)海南島文昌雞皮下脂肪少，雞皮富彈性，肉質較結實纖細，雞味特別鮮香濃郁🐓怡保芽菜清甜爽口，吸收哂雞油同醬汁精華🎍肉骨茶以新加坡白胡椒炒香熬成，湯頭鮮醇香濃，胡椒味重但唔搶鼻。排骨燉至軟嫩鬆化，另外加入蔥花同豆卜🍖💗Susan 雞翼 (+$28/ 3隻)雞全翼以五香南乳醃製，炸至皮脆內嫩，肉汁豐富，味道香濃惹味🐔💗參巴醬通菜 (+$20)通菜翠嫩爽脆，參巴醬微辣辛香，帶蝦米粒🥬💗脆炸鳳尾蝦春卷($32/ 4件)米網春卷鬆脆可口，包住原隻蝦、紅蘿蔔絲同肉碎🍤💗鮮油咖央多士 ($28)多士烘得焦黃香脆，咖央醬幼滑香甜，充滿椰香同班蘭香，夾入兩大塊半融牛油，非常邪惡🥪💗

蘇山雞飯星洲龍蝦叻沙摻摻($128)配鮮油咖央多湯底食落好溫和，椰奶味好香，微微酸辣🥥摻摻仲有配豆卜、魚片、蛋旦、龍蝦、芽菜、通菜，好足料，而且整體入哂味好正🦞鮮油咖央熱辣辣好正，鮮油好厚切，麵包溫度啱啱好溶化佢，配埋甜甜嘅咖央🍞參巴醬通菜(+$20)參巴醬姐係蝦醬食落少少辣，重口得黎好香，同通菜好夾🥬招牌海南雞飯($85)配雞雜冬瓜湯海南雞份量唔少，皮肉都好滑嫩，有骨但食落都係啖啖肉咁🐥配咗三款醬，甜豉油好稠夠濃味🫶🏻配咗油飯，質感粒粒分明，食落唔會覺得太硬同油膩🍚 值得一讚係雞雜冬瓜湯，超級足料而且夠味，鹹香得黎又唔會太重口同冇腥味🍲輕怡拼盆(+$35)輕怡拼盆有春卷、魚蛋、滷蛋、雞翼尖，春卷食落好脆口😋其他不過不失，正常發揮，感覺配雞醬會更加夾✅套餐包咗一杯熱鮮檸薏米，飲落微甜同有檸檬fresh🍋冬天飲暖笠笠，唔錯🔥雪糕薄荷咖啡(+$12)雪糕唔算好香，但勝咗甜甜地溝埋落咖啡☕️冇得輸，飲到一半啲薄荷味開始滲出黎，中意薄荷嘅朋友不妨一試🌿