龍點心 (Eastcore)

营业中

休息中

上一次食龍點心嘅時候係下午，今次決定夜晚食龍點心，菜式都係差唔多。- 龍燒賣 上一次食既龍燒賣有蕃茄海鮮燒賣，今次轉左龍蝦汁墨魚燒賣，其他味道保持不變，包括原味、麻辣牛肉，龍蝦汁墨魚同滷水鵪鶉蛋。外皮夠薄，味道最有驚喜仍然係龍蝦汁墨魚，一咬就咇汁，味道鮮甜。- 龍餃子 龍餃子同龍燒賣一樣有四款唔同味道，包括酸菜魚鳳眼餃、松露野菌晶瑩餃、蟹粉菠菜香蝦餃同荀尖蝦餃皇。每一款蝦餃都好正，尤其係松露野菌晶瑩餃，松露味真係好香濃。- 普通擔擔麵擔擔麵唔算太辣，麵條幾掛汁，不過我覺得唔夠香。- 濃湯浸翠肉瓜秀珍菇餐廳健康之選，翠肉瓜好爽脆，秀珍菇好大粒。- 口水汁龍利魚腸粉腸粉好大份，估唔到龍利魚同腸粉味道咁夾，兩者口感都好滑溜，配上麻辣口水汁，味道有驚喜🤩- 大澳蝦醬鮮魷卷一見到外皮就知道幾脆口，入面塞滿軟腍既鮮魷，蝦醬鹹香十足，伴隨蝦既香甜味，並非一味死鹹😋總括而言，點心依然創意十足，其他菜式都保持水準，真係食極唔厭🤤

推薦指數： 🌕🌕🌕🌖🌑—————————————————————📍HK 觀塘/灣仔 - 點心龍 🐲好耐無飲茶 🫖 今次仲要放工夜晚去當dinner，性價比高 around $3x-$5x 有找！ 每款點心都好潮、有新意 😂 一定有款「騎呢怪點心」啱你口味 ♪☻︎ 鰻魚荷葉飯 $78 ｜8/10 ［狸貓推薦👍🏻］比預期好味好多～ 初頭見搭配奇怪以為會伏，但荷葉飯堅有料到 🪷 入面好多豬肉，糯米飯軟硬適中，唔會太油膩/食到好滯！唯一覺得鰻魚有啲硬… 🐟 整體大分好夠飽！☻︎ 一口豆腐 $50 ｜8/10好多粒 🤍 作為「椒鹽炸豆腐」愛好者、一粒接住一粒食唔停！豆腐心好熱🔥 食個陣小心☻︎ 南北杏菜膽燉豬肺 $48 ｜7/10好有料到 🐷 約莫有4嚿豬肺 + 2 嚿煲湯豬肉 ～ 味道入口清甜，飲落無味精！ 但唔食慣內臟嘅我都係覺得豬肺腥腥哋 ( ･᷄ὢ･᷅ )☻︎ 龍餃子 $46 ｜7/10 ［打卡之選📸️］一籠有晒咁多款，啱晒貪心乜都想試嘅人 😌✨蟹粉菠菜香蝦餃✨酸菜魚鳳眼餃✨松露野菌晶瑩餃✨筍尖蝦餃☻ 口水汁龍利魚腸粉（辣）$42｜6/10三大件腸粉，份量頗多～ 可惜粉皮略厚，同埋龍利柳都係軟身嘅口感

慶祝鋪頭開張活動，每位客人都可以甜品，包括桂花糕同紅豆餅，但唔知活動做到幾時，想試要趁早，因為見menu 冇得叫呢兩款甜品。桂花糕既玫瑰造型好靚，上下漸層清晰，入口清甜。紅豆餅外層有啲似香蕉糕，一咬紅豆饀爆出。🔸口水汁龍利魚腸粉 $42 ‼️推薦‼️呢個配搭真係第一次見! 口水汁初入口有種甜味，最後辣味湧出，唔會太辣，但幾滋味。龍利魚同腸粉都好滑，入口淋滋滋，配底下爽脆既青瓜絲，口感豐富。🔸馬拉小籠包 $42小籠包咬落爆汁係基本，但今次爆既係肉骨茶，似褔建派做法，偏向藥材味，食落肉汁唔肥膩，感覺好養生。🔸酸菜魚鳳眼餃 $40外皮煙韌，表面有個小魚塊，酸菜味道唔算好出，但加左花椒，辣度十足，好惹味。🔸龍燒賣 $42只係燒賣都有8款選擇，貪心啲龍燒賣，可以試到4款口味，包括:麻辣牛肉: 似辣既生竹牛肉球，肉質軟滑滷水鵪鶉蛋: 滷過既鵪鶉蛋夠入味，出面多數都唔會滷><龍蝦汁墨魚: 墨魚燒賣彈牙，一咬會爆汁，食時要小心熱原味燒賣: 經典燒賣味道，入面包左豬肉同冬菇🔸長腳蟹肉燒賣 $68一籠得兩粒，價錢比較貴，但見幾特別就叫左，而且比普通燒賣大粒。蒸完後，師傳會鋪上新鮮蟹肉同蟹籽係表

行開創紀之城，工業區附近，見到有間新餐廳有得食點心，就嚟試吓：-食咗：▪️一龍大滿足 $58 ｜想一次過試多幾款點心，人唔多當然無理由各款叫一籠🫢所以多數都會食點心拼盤。呢個拼盤一籠有6款點心，包括筍尖蝦餃皇、酸菜魚鳳眼餃、松露野菌晶瑩餃、蟹粉菠菜香蝦餃、糯米燒賣、碗豆桃子。每款點心味道創新，睇完個名同賣相都唔太知佢係咩嚟，直接放入口食啦🤣▪️一口鹹水角 $32✨有別於一般鹹水角嘅形狀，以一串兩粒嘅形式串起綠色、橙色外皮嘅鹹水角，好似魚蛋咁🤣賣相夠吸睛，好有趣。個餡食落好似同平時食開嘅差唔多，睇返英文名先知係茄子同豬肉。▪️口水汁龍利魚腸粉 $42 ✨｜腸粉多數都係包蝦米、叉燒，從未食過腸粉入面有魚，仲要加辣？本住試伏心態去揀🤣🤣食咗先知係有驚喜嘅腸粉！口水汁唔算好麻辣，類似譚仔麻辣豬耳嘅汁咁，唔太食得辣嘅人都食得好滋味。軟腍腍無骨龍利魚被滑溜腸粉包住，加埋辣汁，好惹味。上面三款味道都比較創新，另外傳統嘢就試咗：▪️懷舊燒賣 $36▪️鳳爪拼金錢肚 $36▪️黑金流沙包 $32▫️茶位$8/位

今日男朋友接放工，佢無端端話想食點心，夜晚真係好難搵到。不過最近係觀塘新開咗間新潮點心店，裝修幾靚幾colorful，可以就去試下喇！#一龍大滿足 $58招牌菜梗係要試吓啦！一籠有6粒唔同款式嘅點心，包括：筍尖蝦餃皇、酸菜魚鳳眼餃、松露惹菌晶瑩餃、蟹粉菠菜香蝦餃、糯米燒賣、豌豆桃子。當中味道全部都好好特別，唔係周圍都食得到，但係有配搭得好好食，推介！#龍燒賣 $38一籠有4粒唔同嘅燒賣，包括：懷舊燒賣、麻辣牛肉燒賣、蕃茄海鮮燒賣、龍蝦汁墨魚燒賣，每款都好食，而且大大粒好足料，蝦仁好大隻同彈牙，認真一讚！#一口鹹水角 $322粒雖然唔同顏色，不過都係同一樣味，我自己覺得唔夠熱，如果熱辣辣仲好食！#口水汁龍利魚腸粉 $42食落有驚喜！口水汁好惹味，會追住黎食嘅感覺，而且龍利魚好滑，加埋腸粉皮仲滑，可以食辣嘅話一定要試！#炸饅頭豬柳漢堡 $42係新潮點心Fusion菜式嘅其中一款！超級鍾意食炸饅頭點煉奶嘅我，覺得食落都幾新鮮！同埋廚房即叫即整，上菜係新鮮滾熱辣，非常好脆口！#鳳尾蝦多士一樣係即叫即整新鮮熱辣，不過略嫌油咗少少！Overall黎講，好有驚喜！除咗普通點心之外，都加咗好多心思去創

之前去食NUTMAD嘅時候，發現旁邊呢間新式點心舖「龍點心」都幾多人等位，所以就已經決定咗再嚟觀塘嘅時候要試一試佢～😛佢哋裝修風格比較新潮，用咗橙紅色+湖水綠做主色，再配埋啲有香港傳統特色嘅鐵閘花紋同瓷磚，真係幾有特色同幾打卡😆 仲配合返佢哋menu上面嘅fusion點心，傳統得嚟又有啲新意～ 不過整體價錢都偏貴㗎～茶芥每位$8，但茶好似只有兩款可以揀：鐵觀音/菊普～今次同朋友2個人食，所以試到嘅款式比較少，有機會嘅話都想再試埋其他點心😋•🥢 龍燒賣 $38鍾意食燒賣又貪心嘅我，第一時間揀咗呢個，一次過試到4款口味嘅燒賣，以下由最好食嘅開始講🤣～ 懷舊燒賣(右上)：蝦肉同豬肉比例啱啱好，蝦肉彈牙👍🏼麻辣牛肉燒賣 (左下)：聞落都幾麻，但食落好香，帶微辣，幾惹味😋龍蝦汁墨魚燒賣(左上)：呢款食唔到龍蝦汁😬 食到墨魚味為主，所以似食緊燒賣皮包墨魚丸🤣番茄海鮮燒賣 (右下)：燒賣嘅上面有一小片帶子～呢款個番茄味有啲假，似番茄味薯片嘅嗰種番茄味😂 (可以一試，但好似都係食返傳統燒賣開心啲🤣)•🥢 蟹粉菠菜香蝦餃 $56呢個諗返真係幾貴，連埋加一嘅話，除返開每隻餃要$20🥲 蝦餃皮係綠色嘅，可能

꧁龍點心꧂話說上次二顧草蘆 nutmad 新店失敗飢寒風雨交加下惟有去對面嘅點心店食又竟然俾我誤打誤撞發掘到好西(⁎⁍̴̛ᴗ⁍̴̛⁎)呢間新派點心有幾多創新小點做得精緻又好味大家可以sᴀᴠᴇ定等啊婆可以飲茶見sᴏᴏɴ仔時去食番一盅兩件༄༄༄༄༄༄༄༄༄༄༄༄༄༄༄༄❥ 黑金流沙包 $𝟯𝟮～❁❀推介❁❀～一摵開就見到超流心嘅流沙湧出黎(⁎⁍̴̛ᴗ⁍̴̛⁎)既有奶黃嘅甜又有蛋黃鹹香 味道平衡得好好 而且個包夠軟身同濕潤平時怕肥同膩嘅我都忍唔住自己食哂成個♡´･ᴗ･`♡個人覺得佢同新興有得ꜰɪɢʜᴛ (住過ʜᴋᴜ ʜᴀʟʟ嘅實識😉)❥ 口水汁龍利魚腸粉 $𝟰𝟮第一次食用魚做餡嘅腸粉 腸粉皮夠滑 不過因為龍利魚肉質較腍 夾埋落去成個口感無用牛肉/叉燒/蝦肉咁有ᴄᴏɴᴛʀᴀsᴛ但係口水汁好正！夠麻夠辣有花生！配埋爽脆青瓜一齊食就ᴘᴇʀꜰᴇᴄᴛ❥ 龍燒賣 $𝟯𝟴(懷舊燒賣,麻辣牛肉燒賣,蕃茄海鮮燒賣,龍蝦汁墨魚燒賣)飲茶唔係唔食燒賣下話呢度有六款唔同燒賣 想試多啲唔同款式就嗌左呢個龍燒賣味道同描述相符 麻辣牛肉好麻但係係牛肉球嗰種味 我麻麻蕃茄海鮮酸酸甜甜幾特別龍蝦汁墨魚夠爽口彈牙❥ 大澳蝦醬鮮魷卷 $𝟰𝟴一上菜

呢間點心專門店主打新式點心，價錢唔算平，下午茶有八折，試左九款點心，整體覺得配搭新穎，食物味道唔錯但又唔算特別深刻想Encore。龍蝦汁墨魚燒賣 $42 面層係彈牙墨魚膠，底層燒賣真係有流心龍蝦汁，幾香濃。麻辣牛肉燒賣 $36普通牛肉燒賣，麻辣味唔係好出。滷水鵪鶉蛋燒賣 $36同平時食開既鵪鶉蛋燒賣差唔多，滷唔滷水都差唔多。比較特別係粒燒賣有蝦肉，唔係普通豬肉燒賣。酸菜魚鳳眼餃 $36食到酸菜魚個味同魚肉，但唔算好突出。馬拉小籠包 $36個小籠包肉骨茶味幾濃，我幾鍾意。鳳爪拼金錢肚 $36唔知點解擺埋一齊，大概是味道相近，每樣三件，金錢肚爽口，鳳爪正常，墊底唔係花生而係紅腰豆幾特別。口水汁龍利魚腸粉$42腸粉夠大件夠滑，龍利魚亦係滑溜，口水汁惹味香辣，味道口感都夾，好味。蕃茄蛋春卷 $32蕃茄炒蛋加入春卷都幾清新，脆口之中有香濃蛋味。豌豆桃子 $32綠色壽包，個餡係豌豆蓉，唔係好多餡所以食落無咩味。

最近疫情又加重，夜晚不可以堂食，打包幾個點心回家同老公一齊食，價錢不算太便宜，但唔洗加一，份量很足，勝在新鮮熱辣，真材實料，三份點心兩人完全可以食飽，仲留左個流沙包第二日食，翻熱之後依然好好味！黑金流沙包 $32黑金色賣相十足，奶黃非常流心，好香又唔會太甜！仲有份起沙嘅口感，值得一試一口咸水角 $32外型得意，一串串食得好方便，外脆內黏，餡料係炒香的豬肉碎，好食～口水汁龍利魚腸粉 $42腸粉皮好味，厚薄適中，入面有足料的龍利魚，鮮甜滑嫩，都幾特別，醬汁有小小辣，入面仲有黃瓜，多咗份清爽！