台站 (已結業)

台式小店，店內只有一個收銀櫃，頭頂有2個顯示菜單的屏幕，旁邊的一側位置提供立食，但位置不大，目測只可站立2-3位客人，大多人應該已外賣為主。今次外套點了一個古早魯肉飯和一個台式肉鬆蛋捲餅，先講蛋餅，本人喜歡吃台灣的蛋餅，旅行時幾乎是每天必吃的餐點。這次的蛋餅：蛋餅皮不算很薄，口感較煙韌有咬口，肉鬆很多多到有點乾，但這也是肉鬆的特點，內裡有芝士，但被肉鬆蓋過，只吃到很淡芝士味，蛋不厚，是正常蛋餅中的煎蛋。魯肉飯：由於外賣，魯肉會與飯分開包裝，飯的分量很多，一定多於平常一碗。配上半顆滷蛋，滷蛋有點似加了日式味淋醃製。而魯肉有咬口，不是軟的那種，有數粒軟骨，魯肉汁過稀，但味道可以，魯肉分量剛好夠拌飯。整體以價錢與質素來說，不錯可以說抵食

行過D2 place Two見到呢間黃到發光既黃店 成間舖都係連儂牆～上openrice 見到 肉鬆蛋捲餅係熱門推介 緊係要試一試 另外再叫左個元祖台灣腸先講個捲餅 唔知點解一開就有勁多條毛係個捲餅既內內外外 食慾都冇埋 最後食左冇毛既部分 但係肉鬆+捲餅呢個組合食完有啲口乾 下次唔會再叫 反而我朋友食左醬汁肥牛捲餠話好好食 比魯肉飯更出色另外就到個元祖腸 佢有原味同黑椒味 我呢個係黑椒味 一開比個樣嚇一嚇 不過食落去係好好味 外脆內有肉汁 有咬口 值得一試最後要提一提既係 舖面成日冇店員係到 要等好耐先有店員行出黎落單 希望可以改善下

前排黎過荔枝角食野介紹過一啲餐廳，今次再黎荔枝角就揀左呢個台式小店台站。台站舖位細細，一係立食，一係就外賣買走拎番屋企食。今日黎到台站，見價錢唔貴就叫左好幾樣野: 肉燥飯配雞扒，酥炸魷魚鬚，酥炸芝麻雞翼，鹽酥雞，肉鬆蛋捲餅，皮蛋豆腐同埋紅油抄手。我地買左外買番去食，埋單百幾蚊左右。番到去打開先食幾樣炸野，小驚喜係買完返到屋企都20分鐘以上既時間，啲炸野都重係咁脆，唔會淋哂。鹽酥雞一盒廿幾蚊，係我等外賣既時候係最多人叫既，果然唔會令人生主，鬆脆可口，size啱啱好放入口，雞肉十足。炸魷魚鬚同樣炸粉唔厚，食落脆口美味。炸芝麻雞翼係值得一提既菜式，一打開盒雞翼有一種好奇怪既咪傳出黎，係有啲似九份既臭豆腐味，我相信未必個個人接受到，不過如果鍾意食，你應該會喜歡。肉鬆蛋捲餅幾好味，足料又有蛋味。紅油抄手細細粒，我覺得可以再重味啲。最後肉燥飯可以揀配4樣野，我就揀左雞扒，以20幾蚊一盒飯黎計，都算係好實惠。

經過見到黃店，同朋友都覺得一定要幫襯下，一入去就見到貼住好多手足寫嘅Memo，好warm，好有愛同埋真係好抵食呀！$29就食到一個飯，而且係大大盒㗎。我同朋友每人都叫咗一個飯。我就叫左個懷舊滷肉飯配豬軟骨，帶翻屋企嘅時候，就算未打開都已經聞到好香。一打開，真係好大盒，啲飯淋滿晒滷肉汁，所以食落唔會dry！同埋啲豬軟骨切開咗細細塊，食落都好方便，真係好細心呀！另外，我朋友話，呢個古早魯肉飯係色香味俱全！哈哈！我即刻試左佢兩啖，覺得滷肉嘅份量都幾多又抵食，而且粒粒都係肥瘦適中，食落唔會覺得肥膩，連我本身唔中意食任何肥肉嘅人都覺得幾好。正呀！我地仲叫左個小食一齊share黎食tim 呀！就係呢個台式肉鬆蛋捲餅啦！一打開，就見到好多肉鬆，入面仲有芝士、雞蛋。全部都係我鍾意食嘅餡料，推薦比大家試下。

呢間小店只設有企位食下小食，主打外賣生意，方便係附近返工嘅人買早餐同午餐🥡，仲可以係小小連儂牆上留個言支持香港人💪🏼💗台式肉鬆蛋捲餅($25)餅皮較硬身好似墨西哥卷🌮唔夠平時咁濕潤煙韌，勝在唔會過厚而且煎得唔油膩。內裡夾住超多肉鬆，食落微甜鹹香。蛋皮煎至太陽蛋嘅熟度，冇咗半流心效果，不過蛋味都夠濃。可惜整體太乾身，如果加番芝士同少少沙律醬就好🤔💗黑白花枝丸($18)花枝丸炸得脹卜卜，食到中間有粒粒墨魚，咬落超爽口🦑兩款其實味道差唔多，只係黑色加咗墨汁。不過白色更彈牙。灑上滿滿椒鹽粉，味道香酥鹹香🧂💗懷舊肉燥飯配雞扒($29)用上珍珠米飯，唔會煮到淋pat pat🍛份量都算多，肉燥同雞扒已經佔咗半盒飯。偏瘦嘅免治豬肉，肉質唔算好鞋🐷仲有好多冬菇粒增加口感🍄炆得算入味不會死鹹，滷水汁亦足夠，可惜花椒八角味略為重手。雞件夠厚實，炸粉夠薄，所以食落唔油膩而且香脆，可惜肉質太乾，仲要一d味都冇，好似完全冇醃過咁，好彩冇雪味🐥💗袐制糖心蛋($7)用花雕酒浸透🥃食落微甜有蛋味。蛋白啱啱熟呈啫喱狀，蛋黃完全流心。蛋汁用嚟撈飯就最正🐣

同男朋友行過見到呢間係新開既 就黎左試一試！佢好似food court咁～ 好多間唔同既店鋪比你選擇！ 揀完就可以係一入去個到比錢，之後就自己搵位坐 等叫號碼攞餐啦～古早魯肉飯 $29呢個非常抵食 $29就有一盒 飯既份量亦唔少 個汁可以撈曬成碗飯！惹味蔥油拌麵 $25呢個可能唔太岩我口味🤔 普普通通的醬油撈麵～台式肉鬆蛋捲餅 $25這個不錯👌🏼 好似墨西哥卷既皮配肉鬆再配上蛋幾夾～秘製溏心蛋 $7好大陣花雕酒既味道～ 如果遲小小食 裏面亦都夠溏心。風味鹽酥雞 $28鹽酥雞好好食 佢係一粒粒 方便入口 雞肉亦夠嫰滑！

在為學生補習的課堂之間，需要匆匆地吃一頓中午飯，但希望能吃些好的獎勵自己。於是，我來到在荔枝角地鐵站附近的台站，站著吃，在匆忙中享受一頓好的台式料理。店舖空間不大，但是站著吃不佔位，還是有足夠的空間吃一頓的。你也可以選擇叫外送，找更舒適的位置享受美食。我點了惹味蔥油拌麵、台式肉鬆蛋餅卷和黑白花枝丸。蔥油拌麵分量看起來雖少，但份量足夠。麵條不太硬不太軟，配上蔥油真的十分惹味和開胃。別看圖片覺得黑白花枝丸只是普通的花枝丸而已，口感良好，配上一些粉更好吃！最喜歡台式肉鬆蛋餅卷，蛋餅有一點乾，但配上裡面的蛋汁、芝士和肉鬆，口感豐富，味道絕配，絕對值得一試！在物價昂貴的香港，難得能吃上一頓又飽足又實惠的一頓，為我在補習課之前獲得好的力量。

放工嚟到荔枝角，梗係搵食啦，想食台灣嘢，一定係去程班長，不過疫情嚴峻，所以唔知幾時開返，確係唔知令人點算，不過原來街邊開咗檔台灣嘢，更有年青氣息，可以試吓一解台灣思愁入到嚟，反而香港味濃，咁多香港人嘅心聲，睇到都覺得祝福滿滿，大胃之母都忍唔住寫返張疫症關係，可以pick up歸家鹽酥雞出奇地嫩，調味又夠味又唔會過鹹呢盒飯性價比何其高，卅蚊都唔使，食到大胃之母㗩㗩聲捲餅大大份又足料有蛋有芝士邊有得輸呀，太滿足喇食呢間真係好過去對面飲湯啦，係咪？

因為係D2 PLACE有市集, 所以荔枝角有好多好多人 !!夜晚一收工就去左, 順便食晚餐, 行下街~一出站就見到一間餐廳---「台站」大排長龍,見到係黃店當然要支持支持!!雖然店裡面只得一張長檯, 但因為餐廳主要做外賣, 食物好輕巧 , 而且大家都會互相禮讓, 感覺好好~ 我地叫既食物都算多: 1.古早味鹵肉飯/ 蔥油拌麵($29/$25)味道唔會濃味, 就算鹵肉飯有好多肥豬肉, 拌麵落左油, 食多幾啖都唔覺heavy~ 鹵肉都幾焾, 夠多肥肉哈哈!! 而蔥油拌麵唔會太油, 麵質幾彈, 填飽肚之選~2.台式肉鬆蛋捲餅($25) 個人認為捲餅係所有野食裡面最好食既。本身就咁薄餅都已經好食, 加埋肉鬆同蛋, 拎捲餅更香, 増添左口感。薄餅煎得岩岩好, 小小脆又保留左煙韌口感, 不錯!3.花雕雞卷($18)酒味不濃, 只有淡淡酒香, 食落酒味會慢慢散發出黎, 平時唔飲酒既我都接受得到! 雞卷幾焾, 有小小似食豬手, 重點係完全無骨啖啖肉!!

出開去喺荔枝角附近，被一間D2 place對面一間台式小店吸引——台站。 店舖細小，以外賣為主，不過設有立食位。黎到店舖才差不多十二點，人流唔算太多，不過keep住有人幫襯。👉🏻叫左懷舊肉燥飯配豬軟骨、花雕雞卷、台式肉鬆蛋捲餅🤎懷舊肉燥飯配豬頸肉（$29） ，豬頸肉軟腍，燜得好入味，肉燥撈飯夠晒開胃，雖然外賣，但飯依然夠熱。🤎花雕雞卷（$18），煮醉雞酒味不可以太濃烈、如果唔係就會有苦澀味。係凍食，份量唔多只有四件，但四件都充滿醉雞味。🤎台式肉鬆蛋捲餅（$25），呢個好特別，係：蛋、肉鬆、薄餅嘅小食，三樣嘢味道好夾，可能係自己鍾意食肉鬆嘅緣故吧。店舖只有一位服務員，但都好快手，由落單到可以拎外賣，大概只花了5分鐘左右完成。

落車返公司既路上經過呢間新開一排既舖，今日決定試試呢間野CP高唔高。主要都係做外賣，旁邊有一條吧檯可以企喺到食，因為有同事都話想食，所以我係買外賣。啲相影到啲野食好似幾好味！煎餃子，拎到返公司都仲暖暖地，皮邊唔硬，咬落仲有肉汁，幾好味。惹味蔥油伴麵配黑白花枝丸，花枝丸夠彈牙，蔥油麵好夠味又唔太油膩，麵質軟硬適中。台式肉鬆蛋捲餅，甚少地方有得食，見到有即叫。餅底煎到好香口，包住肉鬆同半生熟蛋，少少咸但又甜甜地，好好味！咸牛肉蛋三文治，麵包有烘過，咸牛肉好香唔太咸，夾雜住蛋味配得好好！

路經見到應該開張不太久的台店，都唔少人幫襯，我又去支持下！店舖以外賣形式為主，亦設有立食位。食物款式都唔少，有三文治、飯、小食。台式肉鬆蛋捲餅🌯呢個好食！😋推介！除了肉鬆及蛋，內裡還有芝士，整個捲餅的食物配搭一流，捲餅軟脆分明，一定要襯熱食！👍🏻櫻花蝦烏醋燒茄子🍆甜醋味特出，有點像冷盤，開胃之選。酥炸芝麻雞翼🐥好香呀！即炸好正！肉又嫩，雞翼迷要食！😋經典生煎包🥠菜肉饀料，中規中矩。支持誠意小店！食物質素唔錯，可以encore呀！😎