FAMA (已結業)

本身想去大西北嘅靚靚Cafe 但係落雨室外好難搞咁唯有轉場 搵吓搵吓 見到FAMA呢間餐廳 室內！就唔洗怕影唔到靚相 我朋友搵餐廳真係好出色💛榛子朱古力朋友叫嘅 佢話整得幾好 試咗一啖 唔係好甜 都幾好飲嘅😉💛英國蜜桃茶無落糖 但好搞笑地落咗半個罐頭蜜桃 幾好飲嘅🤣💛呃Like全日早餐嚟到都係想呃Like啫 呢味啱哂我 需要叫😏肥妹仔表示堆草可唔可以落多少少醬料？💛進擊炸魚漢堡配薯條呢個唔係講笑 炸魚一大塊 長過我手掌加手指 超抵食粗薯都係重點 點解可以咁好食㗎薯條

夜晚嚟工業區搵食，係遠離塵囂嘅好渠道，但諗都冇諗過冇雷公咁遠嘅大埔工業區都有樓上餐廳，地方幾大，自助形式，仲有board game玩𠻹見呢度嘅人好多都嗌包點，大胃就嗌吓佢地嘅牛漢堡漢堡扒激厚，又夠juicy，芝士黐住菠蘿，剛好中和膩感全日早餐點呃like法？上面包咗咁多款嘢食，又三文魚又牛角包又黑松露炒蛋又番茄又盛，樣樣都幾足料吓㗎跟餐有麵包同羅宋湯送，麵包大大隻仲烘到暖笠笠，搽牛油即溶羅宋湯甜酸平衡，又夠暖胃見menu用Mirror啲歌詞介紹小食，睇嚟老細係鏡粉大胃揀咗西多士，拼雪糕真係唔常見而且超厚身，切落花生醬味湧出嚟佢地嘅梳打雖然色彩繽紛，又好IGable但其實一啲都唔死甜，拿捏得宜

位於大埔工業區嘅打卡cafe🍽️， 工業區嘅嘢食不嬲都主打平靚正， 平日比較少人😉，當時仲要係開舖冇耐就已經入咗去食，呢間都已經係小編食過嘅第二次，質素本身已經好好，而且好多學生哥會走去食👍， 吾好以為呃like嘅全日早餐就吾會飽啊，以早餐嘅份量嚟講可以話係啱啱好，仲有小編最愛嘅牛角包，而家好少地方會有啦， 而且地方寬敞 位置任君選擇😆 大家快啲嚟嘗試下啦，炸魚漢堡都做得好出色，大大塊魚柳😆

最近主力去買外賣食比較多 一黎怕人多 二黎怕疫情 今日放假 揀左依間位於工廠大廈既一間Cafe 內裡環境非常好 但我只望一望就走 因為我買外賣外賣左呃Like全日早餐 料又多 賣相又好睇 真係可以用黎呃Like 價錢大眾化 食材好新鮮 而且樣樣食物都好好味 特別係個牛角包 真係好好食 好酥脆 黑松露炒蛋都好正 不過少左DD姐另外叫左杯即磨咖啡 好好飲 不過下次如果奶糖分開會更好 但咖啡好香 下次有機會可以再試多D佢地唔同種類既飲品整體來講環境好大 適合一班人黎聚會 下次再試吓堂食先

第一次去係同朋友傾旅行行程, 覺得wifi麻麻地暢順, 野食正常啦😅第二次去係搞聖誕party, 野食好味加上款式算多, 仲有board games玩, 係個開party既好地方🥳今次第三次去食brunch, 食物真係唔錯😃<呃like全日早餐>標準餐👐🏻個樣唔算好呃like但係食物水準係到既~ 牛角包夠脆, 黑松露炒蛋都幾好味👍🏻<脆炸軟殼蟹洋蔥圈竹炭漢堡>洋蔥圈同薯條正正常常就唔多講啦😉個漢堡真係好味! 包好鬆軟, 上碟仲熱既~ 軟殼蟹好大舊, 夠脆之餘仲夠味, 覺得算係暫時食過數一數二好味既軟殼蟹🦀<FAMA牛漢堡配薯條>個包好juicy🤤牛漢堡唔會唔好食既! 跟餐有野飲, 叫左杯榛子朱古力🌰都淡味得幾快, 因為本身唔係好濃, 冰開始溶就冇味了🙉仲有湯, 普通羅宋湯, 都幾足料既🙌🏻------------------------------總括黎講, 食物都唔錯👍🏻不過野飲真係有待改善, 加埋之前試過既都唔係幾講得出邊杯好飲......🤧環境好適合食完坐下hea一日, 有野玩/有電視睇/坐得舒服🌝如果一大班人, 都幾推薦呢個地方!

好少踏足大埔去踩完單車之後有啲肚餓聽朋友介紹大埔有間隱藏文青Cafe店舖位於工廠區一上到去環境好大好舒服我哋三個人叫咗幾樣嘢食以往一般嘅Cafe啲食物份量都好少但係呢一間真係大份兼抵食 味道都好好首先我哋叫咗一個呃Like全日早餐$98裏面有茄汁焗豆，牛角包，漢堡扒，煙三文魚，沙律菜，黑松露炒同埋薯餅 黑松露炒蛋都幾香黑松露味而其他嘢食都不過不失然後嗌左個忌廉蟹肉飯立貝意粉$68呢個真係必食好重忌廉味亦都好重蟹肉味已飯啦背嘅份量都唔少都起碼有五六隻 好掋食另外我叫咗一個港女打卡必備嘅飲品玫瑰碟豆花梳打(跟餐加15蚊)飲落去係玫瑰蜂蜜嘅味道 亦都好重玫瑰味影相好靚

呢排真係多左好多工廈有好野食，難得放假，就搵間試下。大埔都係一個勁多好野食既地方，所以今次就搵左呢間係大埔工業區既FAMA, 好在距離大埔墟好近，不至於行到滿頭大汗。上到去發現地方極度寬敞，係自助形式，即係去到自己去counter買野食，跟著就拎住個呼叫器，自己搵位等食。餐具，調味料都係要自己拎，用餐完之後自己分類放返入盆，夠晒環保。好鍾意佢呢幅畫牆😙坐窗口位都唔錯，有山景睇，夠晒chill😌早餐怪既我，都係忍唔住叫左個呃like全日早餐（其實漢堡都好想試😋）加爆谷焦糖咖啡佢都係用木板做器皿就已經好吸引，早餐都算豐富，有唔同既肉（雞腸，煙三文魚，漢堡扒）製品，仲有我至愛既焗豆同蕃茄😍,這價錢不能太有要求，味道算是ok。呢杯爆谷焦糖咖啡影相一流😂好令，味道也可以，不算過甜，但若啡味再重一點點就更好。若是再黎大埔區，都算係一個食brunch既好地方黎既😃下次食漢堡😆

今天復活節連續四天假期，因為大雨天氣不佳令大嶼山遊取消，從而找到大埔FAMA這個地方。看到上網有些網上雜誌介紹而且價錢合理就去試試！地點是大埔太平工業邨，是工業大廈格局，所以不要介意門面，畢竟年輕人有心做好cafe都需要選地址。味道: 低鹽低糖，份量很大份環境: 自助模型，回收分類，舒適遊戲外借: $100按金可以租借小遊戲價錢: 合理難得有心人經營，亦一不少小workshop租借場地做藝術🎨工作坊，是個很不錯的地方！

FAMA呢間工廈餐廳聽就聽得多喇，不過一路都未有機會試有次就同另一半黎感受下有幾特別一出𨋢就見到個指示，夠清晰一入到去感覺就覺得好大！而家已經好難得會見到有咁大間既餐廳入面有個小角落可以坐，仲有裝飾去叫野食先，發覺Ｄ餐既名都幾特別喎叫完野食之後就搵個位坐低等野食ＲＥＡＤＹ環境真係一流，右邊望出去係山呀～～呢間餐廳係自助形式，自己拎野食，有需要可以拎餐具，食完再自己回收餐具＃呃Like全日早餐呢個名改得好呀，真係夠哂呃Like配埋後面個background，田園味出哂黎份量十足！食落真係超級飽我鍾意個牛角包，好香！＃忌廉菠菜雜菌意大利飯呢個意大利飯味道一流，好多菇，個飯又夠creamy～仲有個粟米湯添「見到你笑，我就想偷笑」搞笑喎！

呢間係工業大廈入面嘅餐廳，真係要朋友介紹先會識得黎。令人尷尬嘅菜名，背後都隱藏着帶點文青嘅用心。朋友叫咗「我最初面紅」嘅醬烤豬肋骨，醃得好入味，而且係成排豬肋骨咁上碟，睇落去就已經大滿足。但係薯條就有啲似翻炸過，好乾身。另外嘅「呃like全日早餐」，每一part都有用心選材，味道係水準之上。而飲品方面，爆谷朱古力屬於推介飲品，大大杯朱古力再加上cream同爆谷，真係值回票價。但係爆谷鮮奶咖啡就真係麻麻哋！雖然好大杯，但係唔見主角爆谷，而飲落去亦冇爆谷味，咖啡味亦都失咗蹤。整體來講，嘢食水準都算唔錯，而且係工業大廈入面環境非常清靜，好啱慢慢坐低望住山景同朋友傾下計。