洋食商店 (喜遇)

营业中

休息中

係社交平台見到之前黎過嘅日式餐廳推出左壽喜燒，當然要黎食下，叫左招牌鍋料理二人餐，包左壽喜燒、兩款小食、燉飯同綜合拼盤。岩手縣和牛+頂級美國極黑牛頸脊壽喜燒 $548同高級壽喜燒店一樣會有人幫煮肉，唔駛怕overcooked店員會介紹肉嘅品種，岩手縣和牛油脂較高，入口牛肉滑嫩。牛頸脊就較濃香味食完牛店員會幫手煮埋蔬菜，包括豆腐、洋蔥、本菇、娃娃菜。壽喜燒汁夠濃郁，唔駛煮好耐已經好入味。黑松露燉飯食到差唔多店員會用一d洋蔥同菇轉埋黑松露燉飯。好似risotto 咁煮到收晒汁，黑松露吸晒壽喜燒汁，口感creamy , 味道超濃郁明太子玉子燒玉子燒面鋪滿明太子醬和蟹子，蛋香同明太子味道平均 ，不會過鹹和牛可樂波配黑松露醬可樂餅變成一口粒粒波，口感外層香脆，內裡滿滿黑松露香氣刺身拼盤包括左甜蝦、三文魚、帶子、油甘魚，係等煮燉飯期間食刺身呢個安排好好。開心果草莓芭菲 $118新推出嘅甜品非常ig-able,整杯芭菲造型好似盆栽咁，底層有開心果餅碎，開心果cream, 開心果cream 面插有pocky 。仲有一球開心果雪糕同草莓雪糕。仲路唔少得經典牛奶妹朱古力裝飾。

經朋友推介之下，特登出到長沙灣黎洋食商店開餐😛佢係一間西日居酒屋，食物種類選擇都幾多，今次我地嗌左招牌鍋物料理二人餐($498)，個SET包括有鍋料理、刺身拼盤、小食兩款、燉飯無論由門外到店內，都睇得出好悉心裝飾嘅日式風格，環境幾有氣氛幾好FEEL🥰刺身拼盤：有甜蝦、三文魚、帶子、油甘魚等數款刺身，食材新鮮鮮甜，唔會有雪藏味😉鍋料理：呢到職員會即場幫手料理，唔使怕煮得過熟浪費左D食材😄我地揀左岩手縣和牛&頂級美國極黑牛頸脊壽喜燒黑松露燉飯(+$50)，可以一次過品嘗晒2款牛肉😎岩手縣和牛同極黑牛頸脊肉質鮮嫩，入口即化，配埋壽喜燒嘅甜美醬汁，再沾上濃郁嘅蛋液黎食，非常滿足🤩日式蔬菜拼盤：煮完牛肉之後，就到蔬菜拼盤，有蟹味菇、冬菇、豆腐、娃娃菜、洋蔥、京蔥等，蔬菜吸左壽喜燒汁嘅味道，滋味無比😋燉飯：接落黎再煮埋黑松露燉飯，將本身碗湯飯煮得陸續收水，變成醬汁狀態之後就食得，聞落去本身已經勁香，入口濃郁嘅松露香同燉飯嘅鮮味真係完美結合，令人回味無窮😋小食可以揀兩款，我地揀左爆谷雞同和牛可樂波配黑松露醬爆谷雞：份量比想像中多，外脆內嫩，鹹香味十足，仲有3種醬可以點配黎食，食落去一啖接一啖，停唔到