幸屋

营业中

休息中

放工之後想搵雞高質拉麵店可以考慮灣仔呢一間，裝修好有日式拉麵屋嘅特色，主打拉麵同埋丼，價錢非常合理，仲可以加配小食同埋飲品添🥳和風餃子 🥟 佢有兩款餃子揀，和風餃子同埋自家製餃子，覺得和風比較惹味啲，因為佢加咗啲醬汁比較開胃，餃子皮薄餡正，熱辣辣煎出嚟好好食😋和風炸雞 🐥 和風口味仲有炸雞添，一樣都係有特製醬汁調味，所以食落好開胃👍蒲燒鰻魚丼🍚 傳統日式主食一定要試佢嘅鰻魚飯，呢度整得好出色，鰻魚燒得好香口，唔錯😌櫻花蝦味増拉麺 🍜 黎拉麵屋當然要試埋佢嘅拉麵啦，佢都有好多選擇揀，試咗呢個櫻花蝦味嘅，真係好多櫻花蝦🤭 拉麵軟硬度適中，湯底香濃，係一個唔錯嘅選擇😊

港島區食店林立，而且犀利在就算係橫街小巷嘅餐廳，都有臥虎藏龍嘅高手存在。上個星期，我有個前輩帶我去食飯，佢帶咗我去一間位於灣仔小巷入面嘅拉麵店。呢間舖頭的確係好低調，低調度你好有可能行過咗都唔知。前輩嗌好咗嘢食之後，我哋傾咗一陣計，好快食物就上枱喇。首先上菜嘅係「蟹籽沙律」。呢個沙律一啲都唔馬虎，你睇吓，係滿滿嘅沙律醬同蟹籽呀！之後上枱嘅係「和風炸雞」，外脆內嫩，仲有啲肉汁漏出嚟添，而且炸漿唔會太厚，睇嚟師傅嘅功力都有返咁上下。跟住上菜就係我嘅「廣島蠔沾麵」，沾麵係日本拉麵嘅一種，特點係湯汁同麵條會分開，將麵條蘸湯汁食用。一般嚟講，沾麵嘅湯底比較濃稠，似汁多過似湯。呢度嘅沾麵都係一樣，將比較結實而富有彈性嘅麵條放入去濃味嘅湯汁入面，一拉上嚟所有湯汁都掛曬喺麵條上面。麵條避免咗浸得太耐而變軟，同時濃厚嘅湯汁又帶嚟強烈嘅味覺衝擊，簡直係完美。千祈唔好漏咗啲廣島蠔，隻隻都好肥美，隻隻都蠔味濃郁。而前輩食嘅就係「蒲燒鰻魚丼」你睇下啲鰻魚幾咁厚身，前輩話呢度啲鰻魚味道偏重，但係同時又夠肥美，非常難得。最後一定要多謝前輩帶我嚟呢度食呀！

餐廳：幸屋地點：灣仔機利臣街菜式：日式拉麵餐牌：拉麵，沾麵，丼飯，小食，沙律，飲品等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。冷豆腐 $32冷豆腐一客四片，超級滑溜，入口凍冰冰，面頭加上青瓜絲，加上蔥花，白芝麻粒同木魚花。伴有清香冷麵汁，夠味又唔會太濃。炎夏小食之選。和風炸雞 $45和風炸雞一客三件，伴有沙律醬。熱辣辣上枱，炸得皮脆肉嫩，係雞脾肉呀，入面都好多汁，點沙律醬食更滑溜又可以降溫。櫻花蝦味噌拉麵 $88櫻花蝦味噌拉麵湯底色水呈橙色，好有蝦香味，又唔會太鹹。拉麵我揀左幼麵，口感唔錯，蛋香十足。配料有半肥瘦厚叉燒一片同薄叉燒一片，原隻流汁糖心蛋，同好多櫻花蝦仔，令碗麵蝦香更濃。厚叉燒好腍又入味，薄叉燒好大片。蔬菜有黑木耳、椰菜、紫菜同蔥花，帶黎唔同口感。面頭再灑上白芝麻粒。我自己加枱上面蒜蓉，令個湯更好味！日本黑豚丼 $83日本黑豚丼有炙燒日本黑豚六片，上面灑上蔥花同白芝麻粒。黑豚食落爽口而且醬汁甜甜地好惹味，好有炙燒香味。配有一隻糖心蛋一開二，蛋黃撈飯正！仲有少量梛菜。飯量好多，個汁送飯一流，而且都好夠汁餸飯，食到底都有汁。辣芽菜好鍾意食

暑假出現喺灣仔嘅次數應該係一年內最高。書展、動漫展、美食展，一浪接一浪。行完展覽，補充體力是常識吧！🤪💪🏻幸屋離會展有啲距離，建議坐電車到機利臣街站落🚃，或者直接會展搭一個站🚇到金鐘步行4-5分鐘。機利臣街擺花檔較多，一般好少經過。唔係熟人推介，都唔知有間拉麵店隱藏係小巷入面。🔍店面雖不大，但勝在樓底高，空間感唔會太壓迫。👍🏻牆身貼滿不同拉麵宣傳海報，有普通矮枱同高枱，環境企理。✨食物種類有拉麵、沾麵、丼飯、小食。另有不同套餐提供，適合不同食量嘅客人，夠多元化。🎏＊－。－。－。－。－。－。－。－。－。－＊🔘 #蝦汁帆立貝沾麵 $128 沾汁以石鍋上，十分滾燙，溫度滿分。蝦汁濃厚順口，鹹度適中，真材實料嘅味道。兩粒帆立貝好大隻，鮮味彈牙。滿滿櫻花蝦鋪滿肥美嘅豚角煮上，令蝦味更突出。青蔥、木耳、椰菜等配料夠多，份量足料。附送一隻溏心蛋，好滋味。麵條溫度（冷/熱）及軟硬度可因個人口味選擇。夏天我推介冷麵條，同熱辣辣沾汁可形成對比。粗身麵條，較烏冬幼少少，又粗過拉麵。口感微微煙韌，正常掛汁程度。🔘 #黑蒜濃厚山藥豚骨拉麵 $88 湯底無想像中烏黑，蒜香撲鼻，味道一樣濃郁。加上山藥唔係常見嘅拉麵

落大雨既天氣都阻止唔到我想食拉麵既欲望，今日收工去左幸屋食麵。幸屋位於灣仔街市附近既排擋後面，未黎過可能要揾揾。入到拉麵舖入面，就發現別有洞天，裏面高樓底，裝修非常之日式拉麵舖feel。幸屋既菜單好似新印製，不過同樣有幾款拉麵，沾麵，丼飯，同埋小食，沙律，同飲料等。你仲可以揀拉麵既粗幼同硬度，湯既濃度，香油多少，辣度，連叉燒，葱同椰菜分量都有得揀。鰹魚出汁冷撈麵 $88鰹魚出汁冷撈麵係新野，即試。先黎個個鰹魚出汁，果然鰹魚味濃，但係又唔會太鹹，好清新。麵條係幼身麵，蛋味好香，又唔會太腍，麵本身我覺得唔洗沾汁都夠好味，因為好多配料，撈埋麵一齊食正。配料有熱叉燒兩舊，燶濃地，質感都唔錯，半肥瘦，唔會太硬。居然有好多肉碎，鹹香有風味。仲有明太子，一隻香滑日本溫泉蛋，脆口黑木耳，少少菜苗，洋蔥，蔥花，木魚碎，扁荀，一塊紫菜，最後灑上白芝麻粒。我最鍾意呢度既拉麵材料非常豐富，食落有多重味道，好有誠意。蝦汁帆立貝沾麵 $128今晚唔叫特濃味噌廣島蠔沾麵，叫左蝦汁帆立貝沾麵。帆立貝兩大隻，真係啖啖肉。居然有半肥瘦叉燒一大舊，仲有好多櫻花蝦仔，櫻花蝦仔加落個湯令個湯蝦味升級。另外有軟稔糖心蛋一隻開二。

今日星期六，入座已經座繁虛席。佢地既沾麵係真係必食。今日叫了一份蝦汁沾麵。蝦汁帆立貝沾麵在上菜之前，可以決定要凍沾麵底熱。選擇了凍沾麵，因為凍更加可以食到麵既彈牙及質感。這個蝦汁真係好正。食得出佢既濃郁，好重既蝦香味，而又不是用大量味精做出黎，而係真材實料既蝦汁，所以食落好香，而又吾會口乾。材料方面，襯帆立貝好大粒 仲連埋帶子裙邊一齊。佢亦加左大量櫻花蝦，令蝦味再濃點。赤武士辛味拉麵這個拉麵既辣味又香又濃，可以選擇辛既程度。今日揀了二辛，辣味好香。每份都配有唐心蛋等拉麵配料。佢麵可以揀粗幼，香油以至湯底濃度麵都可以揀。可以按自己需要要調製。和風炸雞新鮮炸雞令人覺得好好食，加上佢上面既醬汁，每一件都好大件。自家製豆腐炸豆腐配有這個醬油，個豆腐裡面好滑，外面既脆皮好脆。個粉不會好厚，食到豆腐香。

拉麵小店價錢公道但有驚喜，連鎖食得多，但其實高手臥虎藏龍呢。今日食特濃味噌廣島蠔沾麵海老蝦味噌拉麵先講一講個沾麵，廣島蠔共有三隻，都好鮮味，沾麵可以揀冷或熱食，今次揀了熱上，沾麵個汁好鮮味，不是一味的死咸，而係相當有層次，會係一種你食了一口，就想食第二口，第三口，好想繼續品嚐既感覺。蠔都真係新鮮 拉麵方面 個湯底除左加了櫻花蝦，本身好好濃蝦味。 味道並吾係死咸，或食完好口渴，反而係好濃厚，好香。麵吾選粗麵或。 幼。 麵，叉燒可選要肩肉定腩肉，都幾按個人喜好而定。蛋仲要係原隻。小食方面今日都揀了一款和風餃子餃子連個底皮上齊上，加上木魚，沙律醬所以第一下咬落去係脆既。然後先係餃子，一共有6件。$38係抵另外小食係和風炸雞，即時炸起，相當脆，好食。