良辰吉時 (已結業)

本身經過係想試下佢杯髒髒茶架 點知無得賣 唯有試下杯啵爆黑糖厚鮮奶😌拎上手個黑糖珍珠超熱😍 面頭有一層燒香過既黑糖 飲落好香口 飲落珍珠口感不錯 夠煙韌 但係的確有d過甜 甜味蓋過左奶味 不過都唔算太差既 反而係價錢偏貴😆

近日天氣轉涼，以往由排隊直到拿到飲品都要需時20分鐘，現今5分鐘就可以完成。良辰吉時帶着台灣藝人的店舖光環，這次就點了招牌作‘‘啵爆黑糖厚鮮奶’’，店舖的黑糖珍珠比坊間一般的茶飲店更甜，且不能減糖減冰，但無可否認它的珍珠非常有嚼勁，平時喜歡吃珍珠或喜歡有咬口的人應該都會感覺不錯。不過，份量小，價錢確實稍貴！另外，身為抹茶控的我其實一直心思思想點抹茶類飲品，也許下次應該要試一下它的抹茶珍珠或者火龍果珍珠，希望會為我帶來驚喜！

一直都好想試由台灣綜藝節目主持納豆開設的台式飲品專門店，今日早放工又好好彩無咩人排隊（平時多人到見到都唔想排🙈)，所以就趁呢個大好機會試下佢個 其實呢間除咗黑糖珍珠厚鮮奶出名，仲特別主打自選4色珍珠，包括白玉原味、抹茶、火龍果同芝麻，話全部都自家制同無人工色素。下次要試試佢講番個先個質地都算濃厚，帶微微焦糖香喺厚鮮奶上面。黑糖珍珠係新鮮整暖笠笠咁，尚算煙韌但偏林。不過整體既味道稍為甜咗小小，可能因為黑糖同厚鮮奶既比例未係最好。$36既呢杯飲品性價比不過不失啦

難得嚟到荃灣區接阿肥收工食晚飯,專登留番小小位俾自己冇食到十成飽然後打開open rice搵呢間良辰美景嘅地址出嚟叫佢帶我行過嚟,佢仲問我：「閂咗門未㗎?」我話：「未呀！open rice寫住佢收十一點！」嘩......喺荃灣住就好啦,出面普遍嘅台式飲品店都冇收咁夜。因為之前喺IG見到好多人都介紹呢間台式飲品店,我都要試吓佢哋嘅黑糖珍珠奶茶究竟係咩料子先～估唔到咁夜過到嚟都仍然有小小人堆喺度買緊,人氣果然高企呢度啲嘢飲名寧舍趣怪我嘅目標就係呢杯叫做「啵爆黑糖厚鮮奶」,究竟點解叫啵爆呢?哈哈......買完飛等咗幾分鐘就有得飲喇第一下拎上手覺得底部好熱,証明真係百分百現煮嘅黑糖珍珠,珍珠嘅份量超多,幾乎佔咗半個杯咁嘅高度,啖啖啜入口都一定會有食到,珍珠嘅質感煙韌之餘亦都夠腍,另外裡面嘅黑糖味重得有啲過份,甜度猶如焦糖一樣咁,不過飲得出入面真係有一啲粒粒粉狀嘅糖粒,就算已經完全攪勻都一樣可以飲到,我覺得呢個亦都係呢間店嘅特色之一,鍾唔鍾意就真係個人喜好嘅問題喇。除此之外店舖亦都係用日本明治鮮牛奶沖製厚鮮奶,所以奶味定必香濃,厚鮮奶打到起泡咁入口增添層次,呢一方面值得讚賞唯一挑剔嘅就係$36

星期一既晏晝慕名而來，終於可以試試佢既 ‘啵爆黑糖厚鮮奶’，唔係好駛排隊喎，幾好丫。對於想要既野一向唔睇價錢，買兩杯要收我$72大元，確實呆了一下，但抱住‘如果係好野貴一d都值’ 我對杯飲品充滿期待⋯⋯再等多大約5-6分鐘， ‘啵爆黑糖厚鮮奶’終於到手，可惜，兩杯嘅其中一杯已經冇哂黑糖紋掛杯，另外果杯就只剩少量紋，攞起手唔夠15秒，連紋都冇埋喇， so sad~味道尚可既，黑糖珍珠又夠咬口，不過已經夠晒失望，$36/杯 但製作馬虎真係唔抵，飲其他好過啦。

※本文以用餐當日的環境、服務和食物質素為準，口味亦因人而異，文章只作參考之用。-台式飲品過江龍來勢洶洶，開完一間又一間，除左老虎堂外；由台灣藝人「納豆」所開設既「良辰吉時」，都係香港連開兩間分店！（荃灣及元朗）仲記得佢地個花紋紙杯真係影相一流。仲記得荃灣店新開張又排到癲左咁滯，大熱天時，願意一杯飲品等成個鐘以上既人一定唔會係小妹。事隔唔使一個月長龍已消散，小妹當日平日六點去到，只有約十個人排隊，但足足等左成15-20分鐘先到我落單，裡面人手充足（成7-8個店員），條隊卻郁得好慢，令我一度懷疑長龍既原因只係因為收錢收得慢！餐牌上飲品款式選擇多，不過睇過唔少評論，奶茶似奶水，珍珠又無味，所以男人想叫多杯有味珍珠黎飲都被我否決左！最終都係要左杯餐牌上無，但廣告牌上有既「啵爆黑糖厚鮮奶」，杯黑糖奶價錢仲貴過老虎堂，到底值唔值呢？啵爆黑糖厚鮮奶 $36標旁用100%日本明治鮮奶，無得調冰或糖，拎上手個黑糖底好熱下。唔明有好多人都話點解黑糖珍珠係熱既，連埋珍珠新鮮煮出黎梗係熱啦，去台灣飲都係熱架（用普通糖漿圍邊同煮定既珍珠咪唔熱囉！）上面仲有層厚奶霜同灑上脆脆黑糖，奶霜搭配下飲落奶味比較醇厚（第一

和友人們去荃灣吃飯，見到這間由台灣藝人納豆開的「良辰吉時」手搖飲料店竟然在荃灣也有分店，見很多人在排隊，心思思想試試，但同時又擔心中伏，因為之前親自試一芳和春風撞奶等都中哂伏，上網睇呢間嘢又好壞參半，最後決定集體飲一杯（係，好衛生又環保♻️😂）lets try try ma😝😝 我地點左杯啵爆黑糖厚鮮奶，成$36/杯一點都唔便宜，依家開飲品店真係好好賺，排隊排左10分鐘，😅網上很多人說很甜，我們想調較甜度店員卻說fix死左不能調較，巧驚驚😵大概又等左10分鐘，在不抱很高期望情況下拿到手了，拎上手有啲微暖，應該係煮好嘅黑糖珍珠，攪拌一下之後溫度就變得啱啱好啦！一啖飲落去有幾好飲喎，d奶又真係幾有奶味喎，唔似得某撞奶店啲奶好似水一樣無味，重點珍珠係非常之軟林，不會太硬身卻又有𡁻頭，食落唔算好甜，愈𡁻啲黑糖味就會出，成杯嘢飲落好順，係我鍾意嘅口感和味道😋👍同行的友人們都覺得這杯黑糖珍珠厚鮮奶不錯哦！不只是我說哦，哈哈👍👍👍 飲到不伏的東西已很好彩😋！可惜世界上太多伏東西😢______________________________店名: 良辰吉時 (荃灣)環境：7/10服務：7/10 價錢：6

濃厚啵爆黑糖厚鮮奶$36呢間由台灣藝人開ge飲品店殺到黎荃灣區身為荃灣區居民當然要搶先試啦去到門口已經發覺長長人龍亦點咗最多人手上拎ge.......珍珠新鮮熱辣，有𡁻口。黑糖味突出，間中仲會咬到少少黑糖碎，不過甜度固定無得揀，所以味道會太甜。奶感濃厚，不過奶味會俾黑糖味遮蓋。未飲過ge 值得一試 但唔會再飲了（太甜啦）

舊年年底去台中旅遊，就已經一街都係黑糖飲料，有幾間當時好多人打卡，原本書籤左納豆的店良辰吉時想試，依著開門時間到店，但竟然未開…嬲嬲地唔等，事隔半年喺荃灣開店，黎緊喺元朗亦有。最初開都有好長人龍，基於唔係必定要試，唔想花時間排隊，以免同期望有落差。之前睇過無數踩到落地底嘅評語，不過都要試過先知啱唔啱自己。是日陪另一半喺附近睇完醫生，即管行過黎睇下，可能因為係平日再加上落狗屎，完全冇其他客人，輕鬆試到餐牌分原茶、鮮果飲、鮮奶、果昔、奶茶等，定價$15-36，分中/大杯裝。大部分可選甜度、冰度。配料有芋頭、多款口味珍珠。黑糖鮮奶未有於餐牌上顯示，唔明用意，甜冰固定。啵爆黑糖厚鮮奶 $36以黑糖產品以言，暫時試過最貴係呢杯，先唔敢味道，定價肯定進取，難怪有咁多人排個幾兩粒鐘後會表示唔值。飲品到手時非常熱，黑糖佈滿杯邊，算係幾完整，仲好似故意整污糟埋杯蓋般。面頭有一層黑糖奶霜、黑糖粉，按建議先飲呢層，其實冇咩特別。雖然係明治鮮奶，但唔覺得特別濃，可能因為呢度用嘅碎冰，融化較快，令奶冇咁濃郁，仲一路食珍珠一路食到冰碎黑糖合格，即使直接飲我都唔覺得甜到嘔，當然啦，接唔接受都係主觀感受，皆因我係螞蟻

呢排興起飲黑糖珍珠奶茶，呢間良辰吉時聽講要排一個鐘，放假即刻黎試下。去到見到排隊人數唔多，只有十幾個人係前面，拎左餐牌...我望左好耐都唔見有黑糖珍珠奶茶個名，都搵唔到佢賣幾錢一杯，但係周圍既人都拎住呢杯野，我就上網搵下佢個名，原來佢叫"啵爆黑糖厚鮮奶"。排左3個字就買到啵爆黑糖厚鮮奶$36杯野飲最面層有泡沫，珍珠有用黑珍煮過，咬開珍珠會有濃濃黑糖味，而且有足夠既黑糖溝埋d 都好夠味，不過珍珠淋左小小，價錢有小小貴，但我都覺得好好飲。可能有人會覺得太甜，但我覺得呢樣野好睇個人口味，都係要試左先知岩唔岩飲。

最近個個都潮聖各地既黑糖珍珠奶茶，我都唔執輸，咁岩見到有人龍排緊，即刻衝去排隊，呢間就係「良辰吉時」啦。門面橙色好易吸引到人，好易望到。飲品種類都非常之多選擇。啵爆黑糖厚鮮奶 $36而最近hit爆既一定係呢杯黑糖啦！幾乎個個都叫呢杯野飲，我都要潮聖一下！好彩唔洗等傳聞既一個鐘，我諗20分鐘就有了。職員好貼心教你點樣飲先為之正確，首先要打開小蓋飲左最面頭既厚鮮奶，飲完之後插返枝飲筒攪一攪佢即可。反而最令我吸引既係佢既鮮奶，係幾好飲既，甜甜地，總之就有奶既味道。而佢既黑糖珍珠就比較甜左啲啲，飲完會覺得成個口都好甜，會想食返啲咸野中和一下。整體來說，要等一個鐘就真係唔值得啦！佢其實比其他既台式飲料更普通！

台灣藝人納豆開既，係香港同「老x堂」同期開既大熱台飲店，但絕對唔會再黎！一定要睇我經歷排隊比錢排左30分鐘到比錢既時候落order點「啵爆黑糖厚鮮奶」同「火龍果珍珠鮮奶茶」，店員告知火龍果珍珠賣哂，話要等半個鐘，好，既然一場黎到，我選擇等，點知就係惡夢既開始啵爆黑糖厚鮮奶 $36由於「火龍果珍珠鮮奶茶」要等，所以比左呢杯先。呢杯黑糖比完錢都係等多10分鐘，呢個時間係ok。用上日本明治牛乳，上面有一層鮮奶打成既厚cream，口感幾creamy，但奶味唔重，試完層奶，搞匀先飲，但得個甜字，珍珠過焾，甚至係痴牙，基本上係死甜 火龍果珍珠鮮奶茶    $26重頭戲！當等左40分鐘都仲未有既時候，行埋去問店員，點知......店員話：「仲要半個鐘」我：「下？你地店員頭先話半個鐘，我已經等左40分鐘，仲要等多半個鐘？」店員：「係呀～或者你會唔會轉其他珍珠呀？」咁都得？？？咁點解你開頭話半個鐘？即係呃顧客？都等左咁耐，我選擇相信佢比多30分鐘佢，於是呢？30分鐘又過去，仲未有，又行去問店員，第三次問，店員：「要再等15分鐘」，真係火都黎！我：「開頭半個鐘，之後又話要等多半個鐘，仲未得？？？你講呢15