甜點

营业中

休息中

純粹在附近，隨便找間餐廳吃午餐，本來對餐廳沒有期望，竟然有意想不到的驚喜。見到餐牌上有意粉和薄餅，猜質素一般。樓上咖啡店的意粉十次有九次都太腍，薄餅亦只是冷藏出品，實在不敢冒險。於是點了最穩陣的多士，但男友竟然選了卡邦尼意粉。既然他抱住大無畏的精神，就即管一試。卡邦尼煙肉忌廉意粉一如預期，所謂的卡邦尼只是普通忌廉。沒想到口感竟是al dente，第一啖已十分驚喜。忌廉濃厚度恰到好處，以乾身而不油膩的煙肉調味，還有大量新鮮的蘑菇，配料豐富，味道亦出色。芝士焗蘑菇軍艦配合蟹柳沙律雖然軍艦真夠大，但芝士和蘑菇都只是釀在在下半塊麵包上，而且合起來太大，結果只吃了下半塊。釀滿芝士，蘑菇亦很多，落足料但奇怪地味很淡。麵包烘得很脆，吃下去很鬆，吃完亦不太飽肚，正合我們留肚吃甜品。沙律內有蟹柳、粟米、椰果和車厘茄一粒，沒甚特別。木瓜奶以新鮮木瓜打成，沒有多餘的糖，甜味自然，甜度適中。厚稠度剛好，木瓜味突出，反而不太吃到奶味。韓國金桔蜜不太特別，只有淡淡的桔味，又不算很淡，起碼不會過甜。芋圓豆花黑珍珠加＄8加了個黃布甸，全因為見到餐牌最後一頁佔了三分一版的黃布甸甜椰大特寫。上面介紹黃布甸，採用新鮮雞蛋及

今晚可以同老公食完晚飯後周圍行下，大食嘅我梗係行行下又肚餓啦，心思思想食下野，但老公又唔太想食咸野..我偏偏就唔想糖甜品，於是就諗到甜點啦。我叫左個芝士煙肉軍艦配蟹柳沙律：我認我真係好似食極唔夠咁，上次我又係比軍艦吸引住，不過個次係食芝士火腿，今次係煙肉。好多芝士係入面，煙肉都算多，加埋個法包黎食係一流，唯獨係個蟹柳沙律出左水...有d唔係咁好....我記得上次芝士火腿時佢入面有奇怪嘅千島汁同生菜一塊，唔知點解今次冇左，唔通係我記錯？跟我份軍艦會有飲品送，我揀左凍朱古力（難得凍飲唔洗加錢），但呢杯朱古力就甜左少少，等到d冰溶左少少溝淡左就剛剛好啦。我老公又叫返呢個士多啤梨脆方磚：因為佢係即整所以要等一陣，但可以食到好野又點會介意等個一陣呢？上到黎d包磚果然仲係熱嘅，又夠脆，再加上有蜜糖係面甜甜地好正、上面有球cookies and cream 雪糕加埋熱嘅磚食就好特別。食埋有少少酸味嘅士多啤梨可以中和返甜度。呢度仲有自助免費花茶飲，雖然係唔洗錢但質素都唔差，不過係唔夠熱姐。

同老公，我妹行完悅來就諗住食下糖水，就行到黎呢間試下，店舖小小，所以要等一陣先有位，一入到去就見到度寫住英式花茶任飲，係桃味嘅，好香嘅桃味但飲落就冇甜味嘅。我妹叫左個雪糕小丸子，雪糕係自己揀味嘅，我妹揀左cookies and cream ,芒果都算甜，小丸子偏硬，入面仲有西米露，仲有好多芒果汁。士多啤梨脆磚：都係cookies and cream嘅味，都幾多士多啤梨，個磚好脆，要等十分分鐘因爲係即整 所以先咁脆。個軍艦嘅法包有少少淋身，但個千島醬唔多夾，入面仲有芝士同芝士粉 個煙火腿係似m記嘅煙肉蛋漢堡，仲有2塊蕃茄同生菜。個沙律就有2條蟹柳，一粒車厘茄，粟米同生菜，仲特別係有椰果，呢樣就唔多夾啦。但一樣係用千島醬。埋單132蚊都唔算貴。不過有d員工就黑面，令人失望。