鮨三川 (已結業)

食材新鮮，好味Lunch time 分左兩段時間分別係1200-1400/1400-1600兩個中先到岩岩好食哂Weekdays黎講，頭段時間都差唔多full哂我哋揀咗一個12件壽司set同刺身set刺身來講珍寶赤蝦最正師傅會預先將啲膏刮晒出嚟擺好盤之後再將呢個post返上面淨係擺盆都好可愛好多膏👍🏻壽司我就最鍾意中陀螺同海膽海膽掛住食唔記得咗影😂最後來一碗熱烏冬作結尾女仔來講其實都幾飽今日午餐係一個非常之唔錯嘅omakase體驗😋

一月同屋企人食完之後，因為太好味而決定再同屋企人再訪。餐牌同上次一樣都係有買款，今次一行七人都揀$398嘅Lunch set，有12件手握壽司、沙律、茶碗蒸、濃湯烏冬、甜品。第一個po都係先食哂壽司，最後先講返茶碗蒸、沙律同甜品。環境分兩個房，都係有張壽司吧檯，令人可以近距離欣賞師傅功架。師傅每一件壽司都會講解，店員都好友善兼成日添茶，好完美嘅用餐體驗。鱸魚由淡味魚開始，鱸魚味道好易入口，肉質軟嫩，掃上一層梅醬令人好開胃。真鯛魚皮稍稍用熱水灼過令口感更爽脆，肉質有微微油香，好鮮味，配上辣椒蘿蔔蓉令味道更豐富。帆立貝同一月時造型有啲唔同，不過同樣灑上少許竹炭鹽。一食即有鮮味湧出，陣陣的海水味於口腔縈繞不散。深海池魚一望就睇到好厚肉又有油份，果然油份足且質感爽脆，仲滲出鮮甜味道，面層的柚子胡椒同時帶來一份清新感。伊佐木又稱為「雞魚」。肥美甘香，口感柔軟。師傅更微微燒一燒魚皮，添加一份香口，牡丹蝦同上次一樣，師傅先將蝦膏取出，然後再放於牡丹蝦上。非常之鮮甜且蝦味濃郁，質感好黏口，蝦膏又濃又香，捨不得一口吞下，要慢慢細嘗。鯖魚魚肉帶亮亮的油份，完全無腥味，肉質細膩。蔥拖羅軍艦脆脆的紫菜包著蔥拖

用餐時間：普通星期二1400-1600呢度有幾個lunch sets揀，不過最受歡迎就一定係十二貫壽司。餐廳裝修都好有日式格調。首先有沙律+茶碗蒸。沙律(評分:5/5) : 柚子醋份量啱啱好，而且蔬菜新鮮，所以係比較高質既沙律。茶碗蒸 (4/5) : 茶碗蒸入面配左啲黑松露係幾好食，不過食食下食左粒苦苦地既蓮子，我就唔係好鍾意，所以扣左少少分。由於今次係我第一次食omakase，所以唔係好熟啲高級既日式食材。今次就只係講下啲印象深刻啲既壽司。呢粒帆立貝拍打完之後會收縮，證明佢好新鮮。最後入口嗰陣都真係好食既。牡丹蝦本身已經好鮮甜，配埋燒過既蝦膏之後，超級好食。入口即溶，好似食緊和牛。三文魚籽好新鮮，而且份量超多，放落口之後成口魚油味。海膽好新鮮，一啲苦味怪味都無，而且份量都唔錯。湯底普通，不過烏冬口感唔錯。食完咁多好野之後用一個我鍾意食既甜品做結尾。最後埋單連加一係$876，兩個人平均每人$438。係人都知omakase係貴㗎啦，所以呢餐唔洗$500都食到咁多好野真係唔錯。今餐無一樣野係伏既，全部刺身魚都好新鮮，一啲腥味都無。總括黎講，以一餐omakase黎講，呢間既性價比係幾好。

先戴頭盔：小薯我係極初階廚師發辦入門 純分享喜悅 非食評٩(ˊᗜˋ*)و今次第一次去港島區食Omakase原因就係位於銅鑼灣既鮨三川午市廚師發辦價位相宜今次食既係´•ᴥ•`壽司十二貫($398)蒸蛋沙律等就唔多講挑選左幾款印象最深刻既壽司同大家分享‪(⌯˃̶᷄ ⁻̫ ˂̶᷄⌯)‬大拖羅作為拖羅發燒友簡單就是美大拖羅夠厚入口冇筋 油脂十足♡̆̈柚子胡椒深海池魚想highlight既係柚子胡椒對池魚味絕對有加乘增加左味道層次我並唔特別喜歡柚子但呢款胡椒絕對吊出左池魚鮮味蝦膏牡丹蝦唔少廚師發辦都會咁做法所以介紹呢款純粹因為對蝦膏既喜愛♡̆̈北海道海膽(白蒜塩)同拖羅一樣原材料新鮮唔太食到白蒜塩味但因為海膽本身新鮮唔腥份量亦唔吝嗇紫菜亦夠曬脆作為結尾十分完滿( ´͈ ᵕ `͈ )濃湯烏冬一般Omakase 會配麵豉湯但鮨三川較特別之處係配烏冬較適合平時怕食唔飽既朋友質素亦並唔馬虎烏冬粗幼不一應該係手打湯底亦有濃郁魚味 我飲曬♡̆̈芝麻雪糕當日選擇為芝麻雪糕/咖啡甜品控當然簡芝麻雪糕每次食Omakase 既雪糕都好好食今次亦唔例外同樣並唔特別好芝麻但佢食到芝麻香味之餘甜度適中食完真係有d唔捨得( o̴̶̷᷄ ·̫ o̴̶̷̥᷅ )餐廳接待

@kan.teen#良心 壽司💛今次係銅鑼灣試左呢間Omakase🥰地理位置好好之外 仲好抵食🍣以呢個價錢黎講 用上盛嘅食材 幾高質🇯🇵.Lunch Set：鮨 $398手握壽司12貫🍣、沙律、茶碗蒸🍳、濃湯烏冬🍜&甜品🍨.以下落黎會推介 令我最深刻嘅六貫🍣：-👅牡丹蝦🍣覺得係set當中最最最好食🥰牡丹蝦🦐鮮甜且口感creamy師傅再將蝦頭入面嘅蝦膏拎岀黎燒燒完之後🔥蝦膏鹹香味更重更香濃呢個配搭 個蝦膏簡直就係畫龍點睛🐉.-👅北海道馬糞海膽🍣我係勁鍾意食海膽㗎❤️新鮮嘅馬糞海膽當然令人垂涎三尺🤤色澤鮮艷🧡口感細膩 奶滑 綿密呢個完全無腥同藥水味不過未去到超鮮甜～.-👅左口魚邊🍣油脂感極重 入口即化 激邪惡😂用火槍燒過🔥迫曬啲油脂岀黎不過有少少嘅蘿蔔蓉平衡翻油膩當中帶點小清新🥕.-👅醬油漬吞拿魚🍣呢個係赤身🐟較輕盈無負擔💧浸過醬油 好入味同時唔會過鹹無筋👍🏻係軟綿綿 嫩嫩嘅口感☁️.-👅三文魚子🍣海洋嘅鮮甜味🌊每粒都18歲卜卜脆而且好飽滿 一咬開 真係口爆了🙈💦呢舊食完真係意猶未盡.-👅梳子魚🍣又稱竹籤魚 呢舊為我嘅味蕾加添刺激🔥配上日本芽蔥 口味較辣🌶魚嘅肉質地厚實有咬口🐠仲有少少炭香味