名人私房菜 (已搬遷) 新店位置

自從時代轉變 科技日新月異，越來越少開電視來撈電視汁吃飯。 還有電視tbb的愛回家系列已變了愛回家之八時入席，這晚夜跟3位友人，來到了有真正「愛回家」感覺的私房菜，一起八時入席！私房菜必須預先訂抬，以及要四人以上才能接受訂位，就像「愛回家」晚飯劇情，每次總是有場一家人坐滿圓抬吃飯，餸菜舖滿抬的場景！這裡消費大約$310 一位 ，如無特別要求，老闆會安排當晚菜式。 這店就腳易找，位於一個住宅式大廈內，感覺就像隱世廚神隱藏 深藏不露的地方！ 名人私房菜就在其中一個單位，有兩房一廳，大廳未見阿嫲。 而我們被安排到其中一間房內，吃飯時關閉門，除了給人在家的感覺，包房吃飯很有私密感，就是高談闊論亦無不可，房並不大，只有一張圓抬，再多空間也沒有，畢竟寸金尺土，相對親切感又加分了！人齊，洗手，起筷，大家吃飯！是日有一湯，六道菜，一甜品及每位附送白飯一碗及汽水一罐。先來了一款家常老火湯： 大白菜豬肺湯此款湯水工序繁複，豬肺重覆清洗啤水，因稍一差池，豬肺肉分分鐘味道會很腥。 將所以湯渣用碟上，清楚可見豬肺紋理清晰，透粉嫩白，絕對是新鮮材料！ 湯味道很清甜潤喉，感覺和順，就是喝老火湯才有的「血

出街食飯來來去去都係西餐、日本菜、打邊爐。有時候想返璞歸真，所以揀左私房菜。私房菜位於尖沙咀的一棟大廈內，唔易搵。入面有大廳同三間房。今日坐大廳。5個人揀左$310套餐包一罐汽水。先來大白菜豬肺湯，每人一碗，再加一碟湯渣。味道清甜落足料，無味精。菜乾好好味。涼拌手撕雞賣相好夏日，上面加左芒果，下面有粉皮同手撕雞。分量好大碟，每人食咗好多。芒果酸酸甜甜，手撕雞鹹鹹地，加埋粉皮一齊食，口感清新。荷葉蒜蓉蒸蝦飯非常大碟，蝦開邊用蒜蓉蒸熟，好入味。荷葉飯都有少少蒜蓉味，好香。鮑汁花膠扣鵝掌聽個名就知呢個菜好多骨膠原，鵝掌用鮑汁炆都好淋。旁邊嘅大冬菇都好好味。生菜吸收哂飽汁，送飯一流。金銀蒜粉絲蒸扇貝扇貝好大粒，厚身而且鮮甜，有咬口。粉絲吸收晒蒜蓉味。炸蟹鉗外皮炸到金黃色，點上甜酸醬食好開胃。小朋友最鍾意食。蝦干肉碎炒通菜通菜炒得好有鑊氣。好多蝦干。芒果布甸鯉魚造型，夏天最鍾意食芒果布甸加花奶，以前細個成日食。$310免加一，一大班人黎食最happy。

又來到姊妹團每月一聚的時間。臨近暑假，個個都要減肥嚴禁油膩菜式，又不約而同想念家的味道，眾人商議後敲定了在尖沙咀的名人私房菜私房菜的賣點就是可與餐廳一起商討菜式，以最為迎合大家的喜好來調整今晚就交比大廚發板啦！名人私房菜位於尖沙咀漢口道，漢光大廈三樓。私房菜多出現在這種商住大廈格局。眾人甫坐下，先以大白菜豬肺湯打頭陣。湯料足，帶有濃郁的肉味，明顯沒有加入任何味精，有住家的味道色彩繽紛，除了例牌的雞絲、粉皮和蘿蔔絲外，還加入了切條芒果，加添甜香，口感豐富雞肉肉質嫩口，粉皮爽口彈牙，再加埋芒果減膩配菜，酸酸甜甜開胃一流蒸籠先放置荷葉，然後把蒜蓉蝦放在飯面上蒸熟，米飯完全吸引了蝦的精華，蒜香惹味得來不會搶過蝦的鮮甜，吃後齒頰留香Oversize 炸蟹鉗，外層炸得金黃鬆脆，入口蟹味超濃，沾少許泰式辣醬減少膩感炸蟹鉗大大粒有排食金銀蒜粉絲蒸扇貝，扇貝新鮮，肥美又嫩彈，一口嚐盡油香扇貝香蔥蒜香，食多幾隻都無問題甫上枱已香噴噴，花膠炆得入味又夠淋，東菇非常香甜，越食越好味蝦干和肉碎永遠是通菜的最佳拍檔，一齊炒又香又惹味，滋味沒法檔最後以一客芒果布甸作完結。正所謂中國人最鐘意講意頭，為迎合大家，餐廳索

私房菜愈黎愈多，係尖沙咀想靜靜地同朋友食下飯傾下計，食下小菜真係好難，但私房菜就做到啦！5個人都可以有間房仔自己食飯👏🏽👏🏽👏🏽爽！雖然好住家，但食既野就唔係一般家庭會自己係屋企煮啦！大白菜豬肺湯，手工好繁複，又要啤水又要整返出黎，重重覆覆咁整幾次，諗起都煩！呢個整得好乾淨，好清新，仲有湯渣可以食，白雪雪👏🏽👏🏽👏🏽再黎個涼拌，味道與別不同，新鮮洋蔥，少少辛辣，好刺激味覺，但芒果好甜可以中和返！糖醋松子魚，又一個屋企唔會整既餸，條魚起肉又炸咁，又一工序繁複之作！炸到脆卜卜，但魚肉依然唔乾，糖醋味道岩岩好，仲用蘋果粒增加口感！仲有個胡椒蝦，連九層塔都炸得香香脆脆，蝦就大大隻，仲可以連殻食，胡椒味好香好惹味！

帶爸媽去食飯，佢地都係比較實際，不太鐘意花巧，所以決定帶佢地食私房菜。有足料大白菜豬肺湯，老火湯夠晒甜，主婦媽媽都話幾滿意。有個冷盤手撕雞，賣相好吸引，特別之處係加左芒果，酸酸甜甜，夏天食佢岩晒，已要求爸媽番屋企去試整。蒸扇貝，粉絲吸咗扇貝嘅鮮味，正。跟住有蒸海星班，煮得岩岩好，魚肉嫩滑，重有好多蔥，好香，魚汁撈飯一流。之後上既係避風塘炒蟹，適量辣椒，蒜蓉炸得夠乾身，蟹夠晒大隻又多肉，海鮮最重要係新鮮，呢隻蟹肉都幾甜，唔錯。海蝦用豉油汁煮，好惹味，但爸媽認為可以再重味啲，我個人覺得已經好夠味。魚形芒果布甸，唔太甜，幾好，唔食花奶既要預早講定，爸爸今次有得睇冇得食。一家人食飽飽後，大家都覺得可以再encore。