Nara Thai Cuisine (新城市廣場一期)

营业中

休息中

約左朋友喺沙田食飯，咁啱又想食泰國菜，於是就揀左呢間過江龍Nara Thai。揀餐廳黎講。除左食物質素之外，環境舒適都好重要，坐得舒服真係會由本身好食變得更好食。 今次order左大蝦柚子沙律、泰式生蝦、黃咖喱軟殼蟹同埋明爐黃梨肉碎蒸烏頭。因為唔特別肚餓，所以都無叫太多野食。 先黎一個大蝦柚子沙律，大蝦爽口，柚子清甜，真係好醒胃。然後就係食泰國菜幾乎必叫叫泰式生蝦，無咩想發表，好食。黃咖喱軟殼蟹嘅咖喱真係好黃，配合剛剛炸起嘅軟殼蟹，熱辣辣好香口。（其實我地叫左薄餅要黎點咖喱汁，但係無影相）明爐烏頭同生蝦一樣都係泰國菜嘅signature之一，有明爐熱住條魚再加上酸酸地嘅湯汁，好惹味。

太耐無食泰國菜,所以上星期就已經喺openrice book定位。晚飯時間, 完全唔洗等,可以直入。坐低左之後,店員就會放低一份小食 ----- 蝦片。蝦片香脆得黎又帶少少辣,一路點餐一路食唔停口。首先點了一份大蝦柚子沙律。柚肉大大粒,意外地香甜,加上甜甜酸酸的醬汁,十分開胃。不過醬汁略為太甜,整體都唔錯。之後點了泰式椰子雞湯(走辣)。有著好香濃的椰漿味,飲起黎味道有多種層次,雞肉嫰滑,其他配料都好足夠,十分推薦。最後叫了一份蟹肉炒飯。蟹肉不錯,但炒飯底略為失色, 影響了我對成份炒飯的觀感。久唔久黎Nara食下泰菜,止下旅行癮都唔錯。

今日經過沙田嘅Nara 忍唔住入去叫外賣返屋企食，回味下泰國味道，而且外賣自取做緊85折優惠，超抵呀！泰式小食拼盤包括黃姜雞肉沙嗲串燒、春卷、香葉包雞、香脆魚露雞翼、香脆芝麻豬頸肉，一次過可以滿足曬所有願望～最鍾意佢哋嘅單骨雞翼，唔洗拆骨食起上嚟好方便，加上調味啱啱好，香料味十足，好惹味呀～我哋仲追加一份泰式脆春卷，平時食嘅春卷多數以蝦為主，而今次呢款係素食之選，唔單止唔油膩，仲好香脆㗎～而大蝦柚子沙律清爽開胃，份量足夠3-4個人食，沙律汁係分開裝㗎，拎到返屋企都唔怕影響口感。同場仲有主菜大蝦冬陰功、青咖喱雞同搭配咖喱嘅首選-印度薄餅， 有菇菌、大蝦同大量香料嘅冬陰功，飲返啖都成個人都暖返曬～泰式炒通菜，雖然就有少少辣，不過好惹味，食完都想再食！食泰國嘢仲有必點嘅係泰式炒金邊粉呀，一打開就見到蛋網包住金邊粉，金邊粉嘅口感好煙韌，材料豐富，食之前可以根據口味將辣椒粉、花生、糖撈落金邊粉度，如果想再辣少少嘅，仲可以再加辣椒粉。

今日下晝過開嚟沙田做嘢，早少少過嚟新城市廣場試下間新派泰國餐廳 Nara Thai Cuisine。如果冇book位，次次經過都見大排長龍冇去食。佢喺曼谷連續10年被 Thailand Tatlet 雜誌選為泰國最佳食府👏。喺門口已經見到裝修好靚，入到去主打木系用料，仲有幾把木吊扇同埋一啲泰國裝飾品同花藝擺設，非常之有泰國風味。🥢 蝦片 (💰$15)一坐低侍應就會送上一點餐前小食蝦片，加入左黑椒嘅蝦片有少少辛辣，非常香脆。🥢 泰式生蝦 (💰$138)叫嘅時候覺得有少少貴，但因為唔係間間泰國餐廳都有生蝦食，所以都嗌啦。送到上嚟原來咁大碟，而且隻隻蝦都好新鮮好爽甜。加埋蒜片，辣椒，同埋個醬汁，酸酸辣辣夠晒鮮味。CP值一流！🥢 大蝦柚子沙律 (💰$108)哈哈哈，有三隻大蝦加埋大小剛好嘅柚子（有好多舖頭整到碎濕濕，冇口感），仲有酸酸甜甜嘅醬汁， 幾醒胃。🥢 芒果軟殼蟹米紙卷 (💰$118)原隻軟殼蟹做咗六件米紙卷，炸得香脆之餘入邊仲夠晒料（菜、芫荽、芒果、香料）。睇張圖都見到蟹肉非常多，唔係得條毛。外層米紙厚度剛剛好，唔會一夾就爛，口感煙韌。加埋個泰式醬汁，層次口感一流。🥢 泰式豬肉炒河粉

係沙田新城市行街又諗唔到食乜🤔，見到Nara Thai Cuisine (之前係海港城食過lady Nara) 就不如就食泰國野啦😝環境：8/10泰式Modern裝修，啡色為主調燈光昏暗，同事安排咗梳化位，氛圍好relax，好似食完要做返個Thai massage 💆🏼‍♀️🤣食物：8/101️⃣芒果軟殻蟹米紙卷 $118必食推介🌟每件米紙卷都爆晒餡😍除咗卷入邊仲有半隻軟殼蟹放係上面，啖啖肉又唔會炸到好乾身😌encore🥰2️⃣大蝦柚子沙律 $108有3-4隻大蝦🍤爽口新鮮😋值得讚係全部都係柚子，一梳梳肉好滿足😍（因為有d柚子沙律係好多沙律菜加幾粒柚子🤭）3️⃣菠蘿肉鬆海鮮炒飯 $128泰國餐廳指定菜式之一，大大隻大頭蝦😍飯炒到粒粒分明，加埋腰果有咬口，如果有埋魷魚就更好😝4️⃣泰式奶茶雪糕伴8式配料 $58好睇好玩好食仲要好抵，有齊泰色甜品珍多冰配料，紅豆，海底椰，大樹菠蘿🍍…同泰式奶茶雪糕好重茶味又唔會死甜！必食！（有椰子雪糕揀添）🥥5️⃣椰子沙冰 / 菠蘿薑汁沙冰$58天氣咁熱一坐到一人一杯沙冰先，新鮮生果打起唔係個d糖漿甜味，好解渴☺️💰性價比：7/10 （$250-$300）有齊頭盤主菜甜品飲品，人

屋企前兩日冇飯食，唯有買外賣，經過Nara見外賣有9折👏🏻👏🏻即刻覺得好抵，諗都冇諗就決定買佢啦🤣！今次都係第一次試，平時星期六日經過次次都好多人排隊🤦🏻‍♀️。店內裝修帶有泰式feel，感覺舒服！店員仲好有禮貌呢！大蝦柚子沙律（HK$108) 😍😍食泰國野都會必選這款，Nara依款柚子沙律好好食，又fresh又甜，大蝦好爽好彈牙👍🏻👍🏻黃咖喱軟殼蟹（HK$198) 比其他款式嘅咖喱貴，但我覺得值得一試，佢地外賣好細心地將咖喱同軟殼蟹分開，唔會浸到d 軟殼蟹淋哂😌！黃咖喱唔會話勁辣，甜味同辣味岩岩好，有椰汁香味，同埋軟殼蟹都幾多，食落仲脆脆地，好正！泰式金邊粉（HK$128)外賣黎講，仲keep住個賣相真係加哂分🫶🏻金邊粉唔會炒到好油，睇落好似好少，但兩個人食都好夠，加入青檸汁酸酸的好開胃，大蝦同沙律一樣又爽又彈牙！泰式魚餅 （HK$58/3件）微辣，偏咸咗少少，但魚餅彈牙，唔錯！

18.06.2022 星期六Nara Thai Cuisine (新城市廣場)今日要到沙田，於是看看有甚麼好吃推介之選，平時較喜歡吃西餐，但今日見這間泰式餐廳Nara Thai Cuisine很出名，據說這一間在曼谷連續10年被當地雜誌Thailand Tatlet 票選為泰國最佳食府，於是訂枱試試。去到餐廳門外，被餐廳的內外觀驚喜，想不到泰式餐廳裝修如此新穎高雅，以灰色為主，配以高貴的花卉盆景作裝飾，地方很寬敞，二人大沙發，配上墊子更舒適。午餐用網上落單，分前菜、湯品、肉類、咖哩、海鮮、泰式飯類/麵類、蔬菜、素食之選、甜品等蝦片一上枱就有蝦片，盛惠十五元，香口少少脆泰式生蝦八隻生蝦，以苦瓜拌碟加上辣蝦汁，非常野味好吃，泰菜至愛菜式之一大蝦柚子沙律大蝦三大隻，柚子非常多，兩三片生菜，加上蝦籽汁，酸甜鹹味也齊全，對我來說偏酸一點，加多些生菜更佳。香蒜炒雜菜菜心、西蘭花、椰菜、粟米仔多款蔬菜，炒得美味，又不太油膩環境幽雅，座位又特別舒適，很適合一家人或三、兩知己談天，食物質素佳，賣相很漂亮，服務也很稱心，有機會大家也可試試。

與朋友到沙田行街, 朋友已預早選擇了此間餐廳, 所以我們中午12點正便到達,餐廳裝修很有泰國風情, 環境舒適.炸蝦片 (用$15) - 坐低後, 侍應就遞上炸蝦片, 蝦片看似平平無奇, 原來味道好濃郁惹味, 而且炸得很香脆, 好吃到停不到口.因為是星期六, 所以沒有set lunch, 我們單點了以下三款菜式 :大蝦柚子沙律($88) - 醬汁咸酸, 配上柚子味道清爽, 略嫌蝦沒有蝦味.香脆蝦餅 ($58 / 3件) - 蝦餅炸得很脆, 肉很厚身彈牙, 食得出有蝦的鮮味.泰式牛肉船麵 ($138) - 這款也是朋友指定必點, 算是為了這個船麵要來這間餐廳吃, 果然湯頭濃郁, 而且有很多材料-包括牛丸、牛筋、牛肉、牛展及牛柏葉等, 粉條亦很滑. 總括來說, 食物不錯, 環境舒適, 服務正常.

2020年5月29日Nara 位於沙田新城市廣場5樓507號舖，餐廳位置之前係Ruby Tuesday 。Nara Thai Cuisine 全香港只有一間分店，喺泰國亦都非常出名。於2018年進駐香港。當晚等位都等左大約半個鐘，因為我地好多人，叫左好多款野食，首先黎個大蝦柚子沙律和泰式生蝦。之後到主菜，泰式肉碎煎蛋飯(可以走辣)丶泰式炒金邊粉丶泰式椰子雞湯(可以走辣)丶黃咖喱軟殼蟹丶泰式炒通菜丶泰式牛肉船麵，仲有幾款小食，黃薑雞肉沙嗲丶香脆蝦餅。全部都質素高，置身泰國一樣，去唔到旅行，嚟呢度食返餐泰國菜頂住當先。泰式牛肉船麵真係好辣🌶，辣到差d窒息😅。

是日妹妹生日，家中的掌勺大廚說要罷工，商量之下便來這家仍在試業、打著「十年泰國最佳食府」招牌的Nara朝聖。一個禮拜前路過發現新城市開新餐廳，沒想到今天就能嘗個鮮。因為是週末擔心人多，姐妹倆先去排隊等候，天佑我倆沒多久就有位了，可惜因為人還沒來齊不夠半數不能入席。所以其實那半小時的等候時間有20分鐘都花在等家人上不過門口接待的姐姐very nice, 說只要人來了一半有桌就能立馬給我安排！能給客人做出如此保證的不用說就是好餐廳啊於是家人到齊後也就很快進去了【門面與室內設計】這店走低調奢華路線，設計簡單，環境舒服大方，有著令人放鬆的氛圍。室內環境闊落，一點都不擁擠。餐具採用紫色這高貴的顏色，跟餐廳的主色棕色相映，真的很名符其實的低調奢華XD水是恆溫的，如果有需要可以讓侍應為你倒暖水。【溫馨提示】由於小妹較能吃辣，故對於辣度輕重的評論請自行斟酌～在等的時候就已經決定好要吃什麼。既是妹妹的慶生飯，有5個人，也就放開來點，考慮到有人不吃辣，所以基本都沒有點辣的來吃。【免費小吃】這蝦片不會給人很油膩的感覺，看著乾澀，咬下去卻比那些零食蝦片要有厚實感，而且有些胡椒味，香脆可口。作為前菜，為後面的菜

我很怕又很懶去排隊，每逢有新餐廳開業時我總是沒心機早早去排隊，要等熱潮過了才有幸去吃。Nara打著泰國過江龍的旗號，還說是連續十年被當地雜誌定為泰國最佳食府。非常幸運地這次人氣新餐廳的香港第一店竟然是開在沙田，住在沙田的我便很難拒絕去試。 商場有個app可以遙距領籌，相約了放工的友人八時正，我約六點半領籌，星期五晚上的四人桌果真要等差不多個半鐘，留意人數要有一半或以上才能入座。餐牌簡單的只有兩頁，額外還有一頁是飲料，差不多一半都是推薦菜式，價錢不算貴。我們還在猶豫點甚麼的時候，店員很快放下了餐前小食。不過這蝦餅真的非常腍，完全不脆。下單後不消十分鐘已可以吃，上菜速度奇快，食物還是熱燙燙的。噢當然沙律就除外，不是熱燙燙的哈哈。名字是大蝦柚子沙律，除了大蝦和柚子外還真的無他，連青瓜絲或生菜片都沒有。 不過用料很好，柚子甜而帶微酸，但一點也不澀，非常開胃。大蝦肉質爽脆，配上特製的花生沙律醬汁十分好吃。最有名的船麵，果然也名不虛傳。牛𦟌真的腍滑得不得了，軟膠與瘦肉相間，口感很好，牛肉味濃。 還有生西冷牛肉片和豬肉丸，以及特別的炸豬皮，配料非常豐富。金邊粉煮得剛好熟透不糊掉，味道靠的是由豬血、牛