黃記煌三汁燜鍋 (已結業)

平時食開間樓上米線今日專登落翻2層食呢間黃記煌去到仲早，所以人唔多。呢到嘅食法係食完鍋再盪食 (即係打邊爐)太肚餓坐低就即刻嗌咗個辣嘅牛氣衝天燜鍋~店員仲好細心Double Confirm 真係食得辣先好叫辣，我作為嚐辣一族梗係唔驚！D野食未到，可以先食住竹炭花生醫下肚，不過好快就有嘢食啦！先黎夫妻肺片同尖椒皮蛋，初頭只係想叫一個前菜，但見第二款半價就試埋。肺片非常爽口，而且好入味；皮蛋嘅蒜好香，加埋個油底食超正。無幾耐店員捧左個紅色嘅缸，再將入面嘅野倒落去個鍋到整熟。加埋醬汁同芫茜(正啊喂)，煮多陣個牛氣衝天燜鍋就食得！食落都咪話唔辣，不過真心越辣越過癮！牛氣衝天燜鍋有牛肺片、牛柏葉、牛腱同牛肚。當中我就最鍾意食牛柏葉，D辣汁索曬入柏葉，食落啖啖都係個惹味嘅辣汁，牛肚都非常唔錯，彈牙唔痴口！食到咁上下就加湯食燙料。打邊爐點少得肥牛！我地叫左個美國安格斯頂級肥牛，食落好有牛味又唔老，仲有湯底嘅辣滲入牛肉入面；炸魚皮好脆，唔會好似一D火鍋店一早擺到淋曬先上檯；其他配料包括午餐肉，非常鬆軟、蘿蔔就入味、魚皮餃皮薄、鵝腸彈牙、手工松露墨魚丸真重黑松露味，鍾意松露就唔好錯過！仲有我最喜歡食嘅炸

臨時臨急今日5點先決定嚟呢度食，用OpenRice book到最快8:30pm先有位，不過我哋早到左，都有好多位喎其實。其實呢間餐廳喺大陸已經火咗好耐，聞說而家國內分店少咗，之前喺灣仔嗰間我都試過嘅，味道唔及大陸啲店，開左冇耐又摺咗。今次喺尖沙咀再開就試下啦。我哋叫咗呢個麻辣三黃雞鍋，店員一舖啲雞嘅時候,望到雞分量唔少，而且多數係雞脾，俾我上次喺珠海食嘅多同大件👍🏻等個鍋嘅其間，兩個小菜嚟喇麻辣土豆絲，啲薯絲好入味，雖然係少麻少辣，但個汁好好味夫妻去食晚點可以少咗呢碟夫妻肺片呢。啲調味係唔錯嘅，但佢雪得耐食落有啲實，擺耐咗軟返就好好多。主角～雞煲。我地揀麻辣小辣，對於我嚟講愈食愈辣。個汁同大陸嘅一樣好惹味，值得讚係佢比好多雞脾肉，又唔會斬到好碎👍🏻啱啱滾起食得時啲肉好嫩滑。配菜仲有洋蔥同好多蕃薯西芹。其實兩個人食都幾飽。我地加咗呢碟牛小排，啲脂肪唔算太多，食落好香牛味，就算淥耐啲都唔鞋喎😋嗰碟牛栢葉雖然好大碟，但我未食過咁冧嘅牛栢葉，一啲都唔爽😕鴨血同薯粉都唔錯，鴨血唔夠台灣嗰啲火鍋咁滑，有少少調味。個鍋係一加湯就淡晒，一啲都唔辣。最可惜呢度冇大陸嗰隻扯麵啦，唔係一定會叫。

尖沙咀打邊邊太多.. 朋友想食特色邊爐.. 一上就見到黃記煌招牌.. 裝飾並不算太特別.. 但平日去人少少傾計都無咁嘈嘛.. 一坐低驚現許留山Menu.. 就覺得奇怪問左侍應原來係同一公司關係.. 同埋原來大陸都有好多間.. 果然無黎錯.. 炭燒花生: 我本身唔多鐘意食nuts類架.. 不過見侍應都推介呢款炭燒花生就點都試試.. 好香口的確幾好味.. 送酒食一流.. 我地未上菜都吃光光咯..夫妻肺片: 少少辣幾爽口.. 做前菜一流.. 牛肚切得好幼身.. 又入味.. 一啖剛剛好.. 而另外牛片就普通點.. 自選燘鍋: 我地點左魚柳，廣島蠔，墨魚仔，牛柳粒4款材料.. 份量都幾多建議3-4個人一齊食較好.. 可以試多啲邊爐料.. 等左幾分鐘.. 一鑊熟左就可以食.. 不過我地奇怪每樣熟嘅都唔一樣時間咁煮耐左咪無咁好食咯.. 好彩我地揀得嘅都係快熟.. 煮熟左嘅蠔就細隻好多無咁滿足.. 墨魚仔都係.. 食落都新鮮同彈牙.. 魚柳燘得夠稔.. 焗過就更入味.. 而牛柳粒肉汁鮮甜.. 再加上秘製醬汁.. 的確與別不同.. 不過牛柳粒一煮耐左就開始"un" 所先要夾起先會好啲.. 而且下面都仲有

琴日同朋友行街果陣過馬路果時望到咁大個banner寫住黃記煌御膳名餚，仲傾緊晚餐食咩好果陣..我地就決定試新野，之後大約7點左右我地就上左呢間新店試試喇！到底咩係"三汁燜鍋"? 起初以為一般打邊爐咁...經過店員耐心講解...原來個燜鍋係無水烹調..只係靠10款不同嘅蔬菜底料本身嘅水份將所有材料燜煮，真係100%原汁原味！我地叫左兩款燜鍋: 牛蛙燜鍋 同 海鮮大軍燜鍋店員會親自埋檯為每檯客人燜煮燜鍋...服務非常貼心。店員1邊講解，我地1邊食住Ｄ涼菜期待個燜鍋快Ｄ燜煮好～夫妻肺片，辣味適中涼拌鮑片海蜇頭，鮑片鮮甜，海蜇頭爽口十足店員先放上底油，再先放10款蔬菜底料~再鋪上主料(牛蛙)..全部都係腿部! 啖啖肉! 另一邊嘅海鮮大軍燜鍋都鋪好海鮮等待數分鐘燜煮一下..再加上拌好的醬汁..加埋芫茜燜多１陣就食得喇～食得喇！嘩～牛蛙脾好好食～肉質勁滑！醬汁入晒味整個燜鍋成到一半左右，店員就幫我地加入高湯，落涮菜黎食喇～因為燜鍋份量都好足料，我地加多幾款涮菜都已經好夠飽！手工牛肉芝士丸，好彈牙！食時入面芝士會流出黎，小心熱親個嘴珍寶活扇貝，好大隻又新鮮～牛魔煌拼盤，份量十足，牛味濃郁！整體黎講，