太元樓

营业中

休息中

成日行過今次第二次團年要入一入~ 不過班伙記亂咗少少~ 現場聽到有人 book 咗位話一定要房伙記話一定有, 點之黎到帶佢坐大廳, 即刻現場一面走一面 x 爆佢~ 😂😂😂可能個底有析醋啦, 估唔到前菜都超受歡迎~栗米魚肚羹~ 一般快餐水準冇特別~賽磅蟹~ 真係有蟹肉嘅賽磅蟹~ 味道唔錯但係唔食蟹嘅朋友小心呀~奶油津白~ 有奶油味~ 不過冇乜其他味啫~百頁小棠菜~ 個百頁有豆味幾好食~招牌松子魚~ 甜酸味夠~ 炸完條魚肉都好滑~砂鍋雲吞雞（隻）~ 好大鍋~ 冇 4/5 個人真係唔好叫~ 隻雞好好食又滑又多肉~ 不過雲吞好普通冇蝦~

家人請我去旅行，我當然要請返屋企人食餐飯。經過北角電氣道見到一間新開嘅中菜廳，新張優惠乳鴿只係$2x一隻，非常吸引。家人都話幾抵，決定試試佢。一坐低就有花生過吓口癮。有別一般餐廳花生，太元樓既花生浸係醬油到，幾特別。從餐單可以睇得出餐廳嘅食物包羅萬有，淨係冷盤都超過20款。既然有新張優惠，我哋當然唔執輸，叫咗兩隻乳鴿。乳鴿皮脆，肉亦算嫩，唔油膩。$2x嚟講真係超值。水晶肴肉係鎮光著名頭盤，要花既功夫應該非常多，賣相如水晶般夠曬吸引，味道還好，伴以薑絲別有一番風味。我屋企人有時會食素食，所以特意叫左脆皮素鵝，腐皮炸到幾脆，但完全唔覺得膩，非常健康。太元招牌海鮮炒飯炒到非常乾身，粒粒分明，而且好足料，入面有蟹籽、蝦、蛋等等。小籠包$38有4隻十分便宜，而且皮薄多汁，小弟高度推薦大家。太元樓既奶油津白比其他餐廳更加creamy，每一啖都非常多汁，簡直想飲埋剩低既奶油汁。另外分量大，$68嘅價錢亦算公道。紅燒獅子頭送飯真係一流，可惜已經叫咗炒飯。肉丸煮得非常軟稔，有少少入口即化既囗感，旁邊嘅大白菜亦鮮甜。砂鍋雲吞雞只係叫咗1/4隻，但已經好大份。雞件嫩滑，菜夠晒爽口，雲吞大大粒，湯底亦非常鮮甜

這間位於北角、新開張的太元樓，幾乎每個星期五和週末都爆滿，所幸我及早訂位，晚上七時到達，經已坐無虛席。先來朋友最愛的冷盤水晶肴肉（$78），啫喱彈牙肉質爽口，口感新鮮，不像普通食肆擺放很久的冷盤。而且味道清新，不會死咸。抵到爛的妙齡乳鴿（$28）雖然只有四小件，價錢真係超吸引，加上師傅冇因為係特價小菜就放軟手腳，炸得皮脆肉嫩，又不會太多油，味道咸香。又一抵到爛之選的小籠包（$38）。這裏的小籠包質素拍得住上海的佳家湯包，真係皮薄餡靚，又多湯汁，個人感覺比某米芝蓮更好。香軟小米糕（$42）應該係比較傳統嘅小海小點，我同朋友都冇食過，味道類似港式馬拉糕，不過冇咁甜，帶點米味的清香，好軟身，不會蒸到濕哂，不錯。奶油津白（$68）個人覺得麻麻，唔夠火腿咸香，不過朋友們幾鍾意。奶油味好濃。上海年糕（$78）就一致覺得係正常水準，略嫌唔夠入味，但好煙靭。有碟唔記得影相嘅黃金蝦（$108）最正嘅先忘記影相，咸蛋黃汁超香濃，掛到汁，味道唔會太咸。重點係啲蝦炸得超香脆，但入面嘅肉剛好熟，我估唔到食黃金蝦都可以外脆內軟朋友連殼啪埋添呀！其實朋友連我3人，冇人食紅棗，但老闆推介加上出面冇見過，所以叫左黎食。