周記點心

营业中

休息中

周記開業將近10年，既要保留「一盅兩件」，又要加入創新元素，將飲食型態改變以貼近時代。周記變型成為「點心+茶餐廳」，煎炸類的食物較為出色，並且值得一試。(1) 奶黃流心西多士熱騰騰的奶皇餡灌入港式西多士。一切開就有滿滿的金黃流沙溢出，甜鹹恰到好處，口感綿滑。雖然有其他口味可供挑選，但個人認為奶黃味是位列第一。因為奶皇餡料加上西多士，才是點心與茶餐廳之美食融合。(2) 馳名芝麻蝦多士比起西式到會的蝦多士，它的蝦肉餡有份量得多。而且餡料跟中式點心的「魚肚釀蝦滑」如出一轍，再沾上白芝麻粒，口感豐富。(3) XO醬蘿蔔糕灑滿櫻花蝦、芽菜、以及韭黃，材料十足。(4) 春鬼得意腸即是腸粉包裹春卷，粉漿頗厚，入口略為油膩。餘下點心都中規中矩（鴛鴦燒賣／鵪鶉蛋燒賣／咖喱土魷／豉蒜蒸排骨）。店內裝潢、食具，甚至茶茗也有改善的空間。是日豬豬帶了馬拉朋友來港遊玩，喝樽仔奶茶都津津有味（沒有點馬拉糕ψ(｀∇´)ψ）。所以，具有香港特色，招徠遊客都尚有吸引之處。

男友本來就很愛吃西多士，這個週末還未想到有什麼活動的時候就在網上找找香港有名的西多士。 然後我們就來到了周記來個下午茶！奶皇流心西多士表面看似平平無奇，兩塊麵包充滿著蛋汁同時被煎的非常香脆。 一切開，奶皇流心一湧而上，真的是超級流心的效果！ 偏硬的多士配上奶皇流心變得軟軟易入口的，而奶皇也不會太甜，帶點鹹蛋粒粒，挺不錯的！來到周記當然要試試她的招牌菜 — 芝麻蝦多士！ 蝦多士整個超厚身超有份量的，蝦跟多士的比例大概就是3:1！看到表面佈滿了煎香了的芝麻，香氣撲鼻！ 一口咬下去就吃到既實在又彈牙的蝦肉，再加上充滿牛油香又香脆的多士，整個配搭也太好吃了吧！我們還點了瓶樽裝原味奶茶和普通熱奶茶。果然樽裝的比較香濃和質地較滑溜，哈哈！

講起西多士！一定會諗起茶餐廳~麵包夾住花生醬 搽上牛油同淋上糖漿！係細個經常會食嘅下午茶！但係自從知道左西多士勁爆卡路里一直都少食為妙！但係論西多士！一直都有聽過周記點心！依到係一間茶餐廳同點心Cross over嘅食店！將傳統點心配合一啲新奇嘅茶餐廳菜式！而今次咁岩去開西環！就一於一嚐聞名已久嘅流心西多！第一份嚟嘅係奶黃流心西多！切左一刀之後 入面嘅奶黃就即刻急不及待地湧哂出嚟！我都快快手影左張相就即刻開動了！西多士夠香脆 而奶黃味亦好濃郁仲食到粒粒蛋黃！跟住食到咁上下 就到芝麻蝦多士啦！總共有4件蝦多士每件都釀入非常飽滿嘅蝦膠！而一面係沾滿哂芝麻 所以食落十分香口！多士又係炸得好夠脆 蝦嘅部分都食得好滿足！總括嚟講周記嘅多士係十分有驚喜！係下午茶嘅好選擇希望下次再試下其他口味嘅流心西多同埋點心！

居然記得拍片唔記得影低佢爆餡嗰一幕😭奶黃流心西多(HD38)真係勁好味😭d流心勁香蛋黃味而且麵包仲要脆卜卜 真係好正😍😍😍-蝦多士🦐(HKD38)一樣係炸到脆卜卜🤤d餡同芝麻仲要勁多🤤🤤👍🏻-鴛鴦燒賣（HKD26）有黑松露同埋蟹籽黑松露醬都比得唔少😂燒賣真係好大粒👍🏻🤤不過入面最主要都要肥豬肉 蝦反而真係少😓-原味樽裝奶茶(HKD18)奶茶味道偏淡茶味都唔算濃味道反而偏甜整體黎講...唔會有第二次🤦🏻‍♀️😂😂🌟Rate: 7.5/10

西環出名多野食，但太難選擇，最終見到這間有好多人排隊，店外貼上流心西多士，好吸引啦奶黃流晒出來啦，外皮西多好脆，好香蝦肉溶入多士內炸，外皮貼滿香口的香芝麻，好好味啊腸粉包住春卷，沾上豉油，外軟內脆蝦餃熱騰騰出爐，好鮮美兩款燒賣好特別外皮薄薄，包裹蝦和菜馬拉糕，好吃，不同酒樓的馬拉糕，這個有爽口感覺，不似糕點XO醬炒蘿蔔糕，有少少辣奶茶都好飲

睇Openrice 介紹水街“周記點心“好多like, 咪去試下，今天星期日，一行三人，去到下午1點幾，已有十數人在等位，大約等了20分鐘，就有位。餐廳環境ok, 地方不大，所以座位不 寬敞，整潔度ok。點了招牌芝麻蝦多士，奶黄流心西多士，香脆不油膩，蝦膠和奶黃流心份量都幾不少，蝦膠鮮甜爽口，好美味。 奶黃流心配咸蛋黃，不太甜又帶咸蛋香，味道不錯， 奶黄流心分量不少，都幾膩， 最好幾個人share，可以試多款點心。 蝦餃， 京川燒茄子， xo醬炒蘿蔔糕 都不錯，但鵪鶉蛋燒賣就一般。埋單$170，價錢相宜，茶餐廳模式， 人流不絕，所以食完就要走。下次再去，會選非繁忙時間，可以慢慢歎

周末沒有特別活動, 跟老公走到西環試下新野~在open rice見到呢間周記咁多笑哈哈, D野食又夠哂邪惡, 決定黎試一試佢先!我地星期6大概2pm黎到, 門口都已經有唔少人等位,好好彩都唔算等太耐, 大約20分鐘就有2人位到我地.雖然已經2點幾, 不過我地其實未食lunch的,所以都叫得比較多野食1. 蝦多士 (下午茶餐$40連熱飲)2.  XO醬炒腸粉 ($36)3. 蝦餃 ($26)4. 鴛鴦燒賣 ($26)5. 流心奶黃西多士 (下午茶餐$33連熱飲)蝦多士 呢個即炸出黎熱辣辣非常正, 入面蝦滑份量非常足料, 又夠彃牙, 出面D芝麻夠多而且炸完好香口!! $40有4件大大件真係好抵食同好好食!!!蝦餃 & 鴛鴦燒賣  呢2個點心我地都覺得不過不失, 可能本身我地偏向中意食有菇味的燒賣, 而呢個就無落冬菇, 所以我地只係覺得普通了一點.流心奶黃西多士 - 呢個一黎到ge時候個多士好似好平靜咁, 點知一切開佢, 哇!!! D流心嘭嘭聲咁流＿個多士食落去好鬆脆, 流心奶黃又好味又夠特別, 真心覺得值得一試!XO醬炒腸粉 呢個又係超乎我地意料之外咁好食!!! 我老公就比較著重腸粉的味道

西環街坊又再一次出動，去咗位於水街嘅周記！周記之前實在火紅，招牌流沙西多，蝦多士都係叫人想一嗌再嗌.. 上星期日家庭聚後就相約朋友終於嚟咗食個下午茶喇~ 門面大大隻字寫住周記 (呢張補影,佢拉緊閘喇已經..)週末時間好多人排隊，有時街坊想食下都怕怕..我同朋友去之前已決定好食咩，就係佢嘅奶黃流沙西多士($33) +蝦多士($40)下午茶餐。由於流沙西多制作需時，蝦多士已率先上場。蝦多士其實我地一開始對佢沒甚期望，點知好意外！好好味呀～多士炸得好脆，蝦肉好飽滿，又好juicy，唯一我覺得不足係太多芝麻喇…蓋晒啲蝦味..不過整髒評分依然係高嘅。好喇，差不多食到一半之際，流沙西多士終於奉上~ 趁佢熱辣辣嘅時候，我地即刻切開，濃濃流沙立即出~ 好似er 康對紫微嘅愛咁~溢出来了~好香蛋黃味，但去到最尾我已覺得太膩了..呢個組合我覺得有點heavy，女仔即使2個share都會飽到不得了… 

講左幾廿年，終於食到喇！奶黃呢家野真心抵抗唔到～雖然都有一下掙扎過嗌芋頭，但都係敵不過奶黃😍・切開，流出黎果下真心治癒既，奶黃唔算甜，個包炸得好脆好好味～一個人K左半個。・再來咸點——春風得意腸💃🏻聽個名都知正野，話說佢係用腸粉皮包住蝦春卷！煙靭軟滑的外皮包住脆皮的春卷，又係忍唔住要食多幾舊🙊・後面籠燒賣有兩粒是黑松露來的，雖然味道唔濃但可以去打下卡😂

之前看過很多關於周記奶黃流沙西多士的介紹，終於有機會光顧周記。星期日下午1時40分左右到達，要等位是意料之內的，幸好排隊的人不算太多，先看看門外的大餐牌，想想要吃些甚麼。鴛鴦燒賣($24)是推介食品之一，鴛鴦分別是黑松露和蟹籽，賣相不錯，味道也不錯。蝦子餅每次吃點心必點的陳皮牛肉球($18)，下面放了我喜歡的山竹，是傳統的做法。除了奶黃流心西多士外，芝麻蝦多士是周記的另一招牌菜，初時怕熱氣和吃得麵包太多而打算放棄蝦多士，但最後還是兩款都點了。芝麻蝦多士($26)那層厚厚的蝦膠十分彈牙，有淡淡的芝麻味，雖然是炸的但不太油膩，唯一要批評的是上桌時已經放涼了一點點，再熱一點的話應該會更加好吃。主角奶黃流心西多士($22)上桌了，金黃色的外表很好看，中間脹卜卜的，裡面一定放了不少奶黃流沙。中間切一刀，中間的奶黃流沙便湧出來了，奶黃流沙裡有一粒粒的鹹蛋黃，非常好吃。下次再來的話，要留待鹹點到齊時才叫奶黃流心西多士。