火水爐冰室火鍋

营业中

休息中

提起大眾懷念的舊時代，必定是香港充滿特色的50-60年代，無論玩具、家庭用品、時裝、地標及食物也甚巨標誌性，例如人力車、祝君安好毛巾、白飯魚鞋、公仔紙及《老夫子》漫畫等⋯⋯而今次與朋友品嚐之餐廳正是用了該時代其中一件代表性物件而命名正所為打邊爐最緊要係個爐！以60年代為主題的火鍋店以「火水爐」命名確實最貼切不過，港式霓虹燈、黑白色格仔地磚及舊式戲院裝潢作門面，好奇心驅使朋友與我進入試試 沿著樓梯步行至上一層都陳列著仿懷舊戲院海報，樓上一整層都風味十足，加入了多個懷舊元素例如康樂棋牆身、彷綠色鐵窗戶、木紋接枱及當時流行之橘橙色，彷如置身如咸豐時代，唯一不同當然是環境舒適，空調充足，所有用具及設施都整潔乾淨共有三款花膠放題套餐，同樣也可任飲任食部分食料，亦附有美國珍寶肥牛及黑毛豬肉片，分別在於可多選安格斯牛、牛小排或兩者皆有。湯底最多有六款選擇，我倆也覺特濃花生沙嗲甚為吸引，決定來個安格斯花膠火鍋配特濃花生沙嗲湯底！點食材紙共一張二頁，除標示價錢之配料要收價外，其他均可任點任添，雖然款式不多但種類不缺有肉類、海鮮、丸類、粉類、蔬菜及餃子等，總算五臟俱全等待湯底大架光臨期間，總是自製醬料之時

友人決定地點同我食生日食，食我最中意既雞煲。入到去無人食，已經有伏味。選擇左麻辣花膠雞煲，任飲任食安格斯牛火鍋。個雞煲一黎度，已經唔對路，d汁唔係傑身果款，無麻辣香味，紅油浸雞甘。食落去果然完全無麻的感覺！我叫左中辣。。。不太辣，真係全程只食到辣油既味。超！級！失！望！只有我地一台客都可以整成甘，大概大家食完一次中左伏都不再幫襯吧！跟住叫野飲，所謂任飲只包可樂，七喜，忌廉。因我不能喝汽水的，向店員要求一杯清水，結果店員不提供，叫我點其他需要加錢的飲品。最後只好加錢點了鳥龍茶。其他火鍋料不用說，普通到不用說。真的希望大家望望附圖中的點菜紙，再自己思考下$238/位，值唔值呢個價先黎幫襯。唔信既，自己黎感受下！因為我同友人都係睇完其他人既好評食評，而中伏而來的。很難忘的生日飯，238/位+沒有清水提供+紅油浸雞煲+普通火鍋料。

今日同埋一大班朋友食鷄煲打邊爐，知道旺角有間火水爐冰室火鍋唔錯即刻就Book 定位，因爲要等齊人收工，所以我地差不多9點先入座。餐廳裝修很懷舊！好有八九十年代的香港Feel~好有特色！今次我地叫左安格斯海鮮任食套餐！每人$258（任食）。店員送上炸魚蛋和炸燒賣小食，可以等我地食住先，跟住就上花膠湯雞煲（我地無叫麻辣，所以個湯係唔辣的），湯料的花膠十分足料，最少沒人都分分到一件，花膠嫩滑軟腍，加上雞件熬製成日湯味道十分濃郁！而且感受唔到味精的味道。我地每人飲左兩碗湯，重點係飲完覺得好補生，而且完全唔會覺得口渴。食完個雞煲店員就會收起，然後拎個新一鍋湯底等我地打邊爐，今次我地叫左沙爹湯底。沙爹湯底味道好濃烈，一放底個鍋我地已經感受到。海鮮拼盤：裏面材料多多，包括有有墨魚滑，蝦，蠔，脆鯇同鱔片。全部都好新鮮，其中蝦肉分量夠多又爽口彈牙。任食的火鍋配料除了炸魚皮，蔬菜，餃類之外，最重點係有安格斯牛任食！！！安格斯牛真係超正，肉質鬆軟不得止，牛味更是很重。食到最後餐廳居然仲會送雜果涼粉紅豆冰！！真係好滿足。因爲個花膠湯雞煲太正la~所以我一定會再去食。我地食到11點幾的時候已經無咩人，所以影到餐

落住雨又特別想打邊爐，旺角成街都係台式邊爐，我地決定今晚要支持本土派！邊爐門口夠哂吸睛，一睇就知行懷舊路線啦！內裡都係大排檔feel不過值得一贊係有五部以上既強勁冷氣，一上到去唔會覺得好大陣味！食完之後個身都冇乜點吸味！店員先上醬料，有我最最最鐘意既麻醬同炸蒜加分！我地點左258呢個set，超多野食好抵好期待！仲送多個餐前小食，新鮮熱辣炸起，又幾正喎，細細粒魚蛋加埋佢既秘製豉油辣油，好地道又開胃！電話訂座仲送呢個？！哇我覺得呢間真係好dum本，呢個送既秘製鮑魚麻辣雞煲真係不得了（雖然佢問我要咩辣時我話唔辣，但係都仲係覺得好辣）一打開蓋店員幫我地撈勻啲汁去鮑魚度，之後另一個店員走埋黎問我地食左鮑魚未，仲幫我地搵返佢地出黎好細心！個味正到不得了，我平日唔鐘意食雞煲都覺得果陣花椒油味香到不得了，我辣到噴火都要食！隻鮑魚細細隻一啖擺落口，好彈牙！（9/10）食到咁上下店員幫我地裝起食淨既雞煲，然後上左呢個清熱解毒既冬瓜蓮子百合湯，飲一啖係有金華火腿味，其實就即係冬瓜盅囉清甜解膩，用呢個湯底就會食到原材料既味道！下次要試下招牌沙嗲湯底先！！呢碟一上就望到色澤肥瘦均衡係靚黑毛豬片！食落真係好有咬口

行街和出外食飯是每週定指動作一次的。今晚約了ERB同學在旺角揾食，行經煙廠街畀一個富有舊式戲院風格嘅餐廳門面吸引住, 再睇睇原來係食火鍋嘅, 價錢尚算就入去幫襯。集冰室和火鍋店於一身的懷舊食館有傳統既摺枱、橙紅色既櫈、方形地磚。服務員引領我們上樓，一個個舊式嘅火水爐排列得齊整做裝飾。60年代嘅地磚再加香港既背景，真係有種回到舊時既香港!火鍋258套餐呢個係半任食套餐，除左雞同海鮮拼盤外，其他都可以加潻和汽水任飲。首先是一碟前菜小食 以為係啲咩花生、酸菜, 原來係魚蛋 + 懷舊炸魚球，都幾得意。招牌鮑魚麻辣雞煲 (定座敬送) 我們揀選了小辣，雞煲上枱後要再煮5分鐘先可享用。雞件醃得濃味.. 雞件肉夠鮮嫩, 鮑魚亦無令人失望;而且雞煲份量真係好大,食完已經覺得有少少飽啦！ 芫茜皮蛋鍋時令海鮮拼盤 (鮮蝦， 廣島蠔，脆肉鯇和花甲)D海鮮新鮮度唔錯，蝦較大和花甲好肥美。安格斯牛任食打邊爐必點美國安格斯牛!牛味香濃。黑毛豬豬肉片食落騷味唔算重。生菜皇帝菜娃娃菜甜品最後送上甜品：紅豆雜果涼粉～。

整間食店由樓下入口位，到裡面大廳佈置都非常有7,80年代舊香港情懷。雖然不是真的用火水爐打邊爐，但由樓下戲院售票處，到樓梯牆上手繪電影海報，再到樓上一大排火水爐裝飾牆，每張檯後面都有不同舊香港主題佈置，例如大押，夜總會，唐樓等，都充分體現香港人的集體回憶。店主超有心思，客人都歡愉地一邊打邊爐，一邊拍照留念。這裡的火鍋如訂座可送招牌鮑魚麻辣雞煲，套裝包括前菜小食炸燒賣及陳皮魚蛋，再來雞煲用5分鐘煮開，雞煲麻辣不俗，略偏咸，夠惹味。到火鍋時會轉火鍋盤，火鍋本身已包安格斯牛，西班牙黑毛豬及海鮮拼盤，拼盤包括生蠔，大蜆，蝦，魚片等，再加其他料任叫，汽水任飲，算叫做有個靚景打卡打邊爐吧！