Steak Bar (已結業)

今晚呢餐幾抵食，一份二人餐$499，有一客吉列牛扒、BBQ醬燒豬仔骨（+$38轉黑毛安格斯西冷牛扒）我哋轉左西冷牛扒😋、一客石燒牛舌、一份小食拼盤（蜜糖蒜香雞翼、日式章魚小丸子、紫心芋泥丸、餃子）同埋兩杯嘢飲。個餐仲有沙律同埋落咗飯素嘅飯跟埋，所以都真係幾多嘢食。先講吉列牛扒，肉質屬於淋好容易咬，而且將塊牛肉再煎一次特別香，因為通常吉列牛都係將塊牛扒炸到兩三成左右，然後再俾個爐你煎熟，當然煎到幾熟就睇你自己鍾意啦。至於黑唔安格斯西冷牛扒，塊牛扒有筋，有少少難咬😅以牛舌呢就係薄牛舌，煎熟咗都仲好淋，算幾好食。小食拼盤我開頭睇到嘅時候冇乜期待，點知佢又唔係差喎算係幾好。飲品我哋叫咗荔枝梳打，呢杯就差啲啦，冇乜味，好似飲冰水😂

安格斯西冷牛扒$258 set 👍👍👍👍炸吉列牛扒$188 set 👍👍👍🐮西冷牛味香啲，肉質腍啲🐄而吉列係過癮啲。因為有爐可現場燒。上一碟話有3成熟(我覺得連3成熟都無)，之後可按個人喜好，再煎熟啲。＜其實炸吉列這款，牛味欠奉，肉質都很普通，所以價錢最平啦＞所以如果2個人嚟，叫兩款唔同嘅，又可以燒，又可以試多款口味。🍚碗飯好香，上面灑滿紫菜芝麻，好香，好食。。🥗個沙律個汁好清新好香，我好鍾意👍

友人在港島返工，相約放工見面，剛好在openrice見到呢間人氣牛扒店就過去試一試。餐廳不大，可座位卻不擁擠，坐得舒服，侍應殷勤介紹食物，我們很快就落單。見到呢款無酒精紅酒頗感興趣，湊巧今天沒有供應點心紙設計 我點了板腱牛扒，店員特別推介呢款肉質嫩滑，加上少許牛筋嘴嚼，五成熟既肉質正好入口，加上少許海鹽或者秘制醬汁再提升不少。友人點了安格斯牛扒，呢款肉質混合脂肪較多，食落油香味鮮，同樣五成熟既肉質剛好我都忍唔住偷食兩塊至於配上既沙律同樣清新，珍珠米飯加上芝麻紫菜令人想多添兩碗。紅酒單寧適中，果香四溢，配上牛扒也不錯。轉眼埋單發現門外人龍，睇黎下次都要早d到

le間舖頭既牛真係頂瓜瓜👍同男朋友叫左安格斯西冷牛扒（5成熟）同埋吉列炸和牛扒吉列炸和牛扒既和牛好易入口 有口感得黎又少筋 個吉列炸皮好香脆 係即叫即炸既口感😍和牛係靚但係都要正確既燒烤手法先會食到le道菜既真正味道～ 切記：一定要將和牛燒至全熟先好食😎廚師幫我煮到西冷牛扒 5成熟🥰 係真正既5成熟！ 冇overcooked😍 好少餐廳做到le樣野😳西冷牛扒既肉同脂肪係黃金比例 唔會有好油膩既感覺 d肉好軟 又冇咩筋🥰 好易入口牛扒又厚又大份 連大食既我都差d食唔晒加埋飯既配搭 令到成道菜式冇咁單調

週六的中午到登龍街覓食，被招牌上的Steak字吸引，決定一嚐一頓日式牛扒料理就座後待應詳細地為我們介紹菜單，共有八個套餐可供選擇，要是不吃牛可以點羊架或魚柳我要了一份安格斯西冷牛扒，牛扒油脂香滑、肉質幼嫩！另一客澳洲穀飼肉眼扒肉質柔軟多汁，佈滿均勻的雪花紋脂肪！套餐還包括前菜、沙律及飯。前菜胡麻豆腐入口滑溜溜，帶有濃郁豆香。沙律口感爽脆清新！白飯灑了一層飯素，配上牛扒，頓時變得惹味非常。就這樣捧著滿滿的肚子離開

話說有人睇到偶像嘅facebook去咗呢間Steak Bar度鋸扒之後又要跟住嚟食好西,所以肥胖兵團再次出動,原來就喺銅鑼灣俗稱拉麵街裡頭嘅其中一家小店,睇嚟平時真係睇漏眼大家認住門口呢隻有對角嘅牛就唔會嚟錯地方㗎喇。睇一睇份餐牌,呢度嘅牛set大致上都分為六款,無論厚切薄切西冷吉列都有,一起身嘅第一餐我就唔想食吉列咁熱氣,於是乎我就揀咗呢set安格斯西冷牛扒啦。安格斯西冷牛扒($258蚊)：好多人都知道西冷牛扒係屬於一隻牛嘅腰脊部份,擁有較強嘅肉味同埋嫩滑嘅口感,相比起其他部位脂肪含量亦都較高,所以識揀一定揀食西冷啦。Steak Bar將呢塊牛扒煎到我要求嘅五成熟之後肉質非常有彈性又有嚼勁,有口感之餘牛肉味相當濃郁,脂肪比例均勻,連平時一向唔食肥肉嘅我今次連肥膏都一齊吞落肚,因為真係又滑又香啱啱好,一啲都唔覺得肥膩,口感非常豐富,絕對將西冷嘅美味發揮到淋漓盡致。阿肥跟風嗌嘅呢份頂級板腱牛扒($215蚊)：睇餐牌上面介紹仲話係每日限量㗎!~250克嘅牛扒非常有厚度,賣相高檔精緻。阿肥怕生所以叫咗七成熟,最令人驚喜嘅地方係煎至七成之熟咬開後仍然啖啖肉汁,非常juicy,可以配搭日本蒜鹽或

假日銅鑼灣覓食好去處銅鑼灣唔少好野食，今日經過登龍街，係門口睇完menu 後試左呢間。望門口只知食牛為主，睇左餐牌後發覺還有其他選擇，不過我和先生都係為牛而來。我四點去到，所以人唔多，兩個人仲俾左四人枱我。侍應服務非常好，介紹每一種食物，又話俾我地知邊隻牛淋d，邊隻牛有肉味。不過我係為吉列牛而選呢間餐廳，因為係日本見過，但食唔到，所以好想試一試。吉烈牛只炸熟表面（約兩至三成熟），所以有兩種食法，可以半生熟或輕輕煎熟。我發覺半生熟或煎到全熟係最好味。半生熟吃的時候牛肉軟淋，外面有層炸脆的麵包糠，外脆內軟。煎至全熟的牛肉則軟熟多汁。可以點醬汁或鹽。不得不讚在我煎剩一塊時，爐火🔥熄滅了，本來諗住照食，但侍應竟然見到我個火熄左，仲主動幫我換新爐，真係非常貼心。安格斯西冷牛扒點了七成熟。我先生很喜歡這塊西冷牛扒，因為油脂分佈只集中在一邊，其餘都是肉而且沒有筋。牛扒肉味香濃，不用點任何醬汁及鹽便已經夠味。兩個餐都配上白飯，麻醬豆腐和沙律🥗。白飯上灑上滿滿的飯素，我覺得牛肉已經好夠味，不用飯素也可吃一碗飯。但我先生卻很喜歡飯素拌飯，可見各人口味不同。日式沙律新鮮可口，醬汁酸酸甜甜，好開胃。全餐飯我都

當Steak Bar係中環開業時, 我已經幫襯過一次啦~~知道佢搬左黎銅鑼灣... 心思思又想黎食多次😂(重點其實係上次食唔到吉烈牛... 所以一直心掛掛 !___!)店仔比中環店大呢~ 但都係唔算多位...所以我地晚上6:30黎竟然都已經坐滿晒!!仲有!! 某d款可能好早賣晒!: ( 所以愈早黎食愈好款式唔算多, 不過今次多左小食揀 !!每一個套餐都配前菜, 沙律同白飯前菜係麻醬凍豆腐:: 細細的一件, 好滑溜沙律係開胃的柚子醋醬汁~ 醬汁同沙律菜既比例剛好🥗 ~白飯熱辣辣之餘仲充滿咸香的飯素!! 就咁空口食都令人覺得滋味🤤我地4人, 本來想叫晒餐牌上既4款牛! 但估唔到石燒薄切牛肉已經賣晒喇T___T(我地落單個陣未到7點...)所以先叫左另外3款牛, 試晒再決定追加邊一款!安格斯西冷牛扒 $248 (5成熟)非常重既牛香味🐮肉質軟嫩但同時亦較多筋個人黎講最喜愛呢一款, 就是喜歡濃郁的牛味🥩p.s. 每款牛肉都附上3種調味料架:: 分別係日本蒜鹽, 燒汁同柚子醋頂級板腱牛扒 $215呢款係限量供應的! 一上枱已覺驚喜因為出街食好少見咁厚身的牛扒呀😍我地揀左5成熟 一切落去已經fee

今晚可以早一點放工，相約兩老來到這裡享用晚飯，因家中老頭子雖然年紀大，但還是吃肉獸一名呢!食物種類不算多，因店方主打牛肉，故我們也沒有考慮太多，點了兩set牛肉來試試!安格斯西冷牛扒 ($258) 份量大且厚身，看上去十分誘人! 微微煎焦的外皮十分香口，點了五成熟的牛扒保持著粉嫰的顏色，外層薄薄的一層油脂包覆著，口感鬆軟之餘亦有嚼口，肉汁依然豐富，點上富有蒜香的鹽更香口惹味! 每個套餐都跟有沙律，芝麻豆腐和飯，飯更是用上珍珠米，必定夠飽呢!吉列炸牛扒 ($188) 附上一個塗了牛油的鐡板細爐，可以把牛扒放上去煎。本身是半生熟的肉可以即吃，或按個人喜好再放上鐡板輕煎；牛扒的外層經炸過後口感香脆，內裡肉質十分鬆化軟綿，牛油滲入肉內更使肉汁豐富，真的很推介! 最後點了一支Apple Cider ($45)解解渴，這頓晚飯很滿足，兩老亦表示很滿意!

銅鑼灣閒閒地食個牛扒都真係好貴⋯⋯登龍街不嬲都出名多嘢食，不過同時間亦都出名貴。之前仲食緊lobster and burger，估唔到轉左工一年，事過境遷，竟然變咗間牛扒餐廳🍴初初都有卻步，但望真啲個餐牌，其實價錢相當實惠所以就衝左入去食。因為見到有白飯嘅原故，所以冇叫到小食，只係叫咗兩個主餐。Set C 頂級板腱牛扒～限量版其實另外點咗安格斯牛扒，安格斯牛扒比較諗身小小，但我鍾意食呢個多啲因為佢甜啲。肉質講唔上入口即溶，但五成熟來說，非常易咬，肉質鮮甜。切一小塊沾上右下角的海鹽，正唔記得咗提添沙律都非常新鮮！如果有更多炸蒜片會更開心Set B 安格斯西冷牛扒安格斯牛肉肥瘦適中，份量配上白飯非常夠飽！不過今次略嫌熟咗少少。特別想講呢個飯同味素其實幾好食，仲有個凍豆腐都好滑。你間餐廳好受歡迎，其實就唔係坐得好耐，不過環境幾舒服！最緊要就算有人食炸牛排，但唔會有一大浸油煙味！俾個字！今晚好滿足，依家轉攻老虎🐯堂！

之前食過係中環嘅steak bar一直都好想再食 原來而家搬左去銅鑼灣更加方便之餘 食物質素又有冇變呢？今次叫左個石燒薄切牛肉 ($178)雖然係薄切 但係牛味依然好濃郁可以自己控制幾多成熟👍🏻之後叫左個安格斯西冷牛扒 ($248)點上少量海鹽 加塊蒜片 簡直完美der~最欣賞佢嘅飯 有飯素係上面🙂________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

呢間牛扒屋都開咗一段時間。 我係牛扒控。所以一直都想試。今日咁岩有朋友一齊想食牛扒， 所以就一於試一試啦。訂咗七點半。侍應話千祈唔好遲到。枱只係留5分鐘。 要人齊先入得。7:25準時到達。要企都七點半先入得。原因係入邊已經滿座。唔怪得知侍應咁緊張啲時間啦。我係西冷控。一定係點西冷㗎啦。友人就點左頂級板腱牛扒。1.西冷牛扒還可以啦。 都有一啲牛肉味。味道叫做可以接受。2.板腱牛扒呢個我就麻麻哋喇。林左少少。肉味唔夠。店內環境尚算乾淨。不過始終鋪位會比較細。唔好期望坐得太舒服。叫做可以一試啦