美中·鴨子 (已結業)

星期五晚一行四人用餐用餐前約一小時先用food gulu攞飛因為知道輪候人流較多電話取飛如不超過5個號碼便可安排補飛入座前店員會先問需唔需要留鴨因為即叫即燒 而且數量有限半隻鴨片出來的份量其實不多 4個人分大概每人只可吃約2-3件專程來吃鴨的我們把心一橫索性叫一隻入座後店員會告知片皮鴨等候時間需45分鐘提醒我們先叫其他食物食住先皆因用餐時間只有90分鐘我地落單後先發現我們張枱沒有提供水示意店員提供4杯水 店員則表示有各種果汁飲料可點我們表示要清水 店員則回答他們的水只是過瀘水我們感到萬分無奈 難道店務䌓忙就可明目張膽地降低服務水平?-小籠包 皮薄多汁 驚喜地好吃-胡椒包 外皮夠熱夠脆 胡椒味重而辣 味道不錯-小排骨有部份肉較硬和粗糙 什至咬不爛亦有一部份肉質較冧 這個一般-等了大概一小時後 片皮鴨終於上枱了可能大家都吃了其他食物 有點飽足感鴨肉其實新鮮軟熟 不過脂肪較多 亦唔夠熱 可能期望太高 味道不特別好吃什至我認為北京樓的片皮鴨更勝一籌-其實另外有叫一個翡翠苗 普通上湯時菜味道一般 忘記了拍照呢。-總括來說 美中鴨子可以一試 服務較差 可能平日會好一點 因五六日較忙味道不錯 但不至

因為母親節去左旅行，所以返黎先補返，加埋5月之星一齊食～大大小小13人，知道沒有訂定服務，所以約了6:00到，好彩唔使等。原來全店只有一張12人大枱，如果比人坐左，就有排等了。片皮鴨黎美中鴨子無理由唔食片皮鴨味道不過不失，反而要讚一讚個薄皮，做得好薄，又唔硬，份量又多～平時出面食通常唔夠包，要另外再叫，今次多到小朋友可以淨食薄皮～雞絲粉皮我既至愛，去親上海舖一定點。呢個味道唔錯，但第一次雞絲粉皮有辣油，我唔食得辣，所以只食左少少醋糖排骨唔錯小籠包 - 皮薄多汁～好好味普寧豆腐 - 有少少嗅豆腐的味道，我本身鐘意食嗅豆腐，所以我覺得好味小朋友就食左下面脆脆籃～話好好食鍋貼 - 正正常常咁啦炸蠔 （我冇食到，賣相不錯）生炒骨 - 叫比小朋友食，我試左2粒，味道偏酸玫瑰雪魚 - 好似80幾定90幾蚊，價錢偏貴，好細件。有少少玫瑰香味，雪魚好肥美，整體唔錯另外仲有叫胡椒包、上海粗炒～甜品 - 炸雪糕有幾款口味既雪糕揀，面有些脆脆同腰果，好夾又有口感提一提之前電話問左要收$100切餅費，可能我地買美心蛋糕，佢地又係美心集團，所以冇收切餅費。我覺得可以打去問既時候講比人知。

同男朋友講咗好耐嘅美中。鴨子 終於去食左啦-都知道夜晚食一定多人到傻咗大排長龍所以我哋決定早啲食本身諗住六點就去食 最後大概六點半去到好彩一早就拎咗飛去到只係需要等10分鐘就坐低左所以早啲拎定飛先係非常非常非常非常重要的-雖然今日天氣有啲凍但係坐喺出邊露天座位都唔錯因為有個暖爐係隔離 而嗰個位都唔係好食風室內唔會話好暗 每張枱都有一盞會變色既細燈 但影相方面就會顏色怪怪-首先當然要嗌咗個鴨鴨先啦因為要等㗎即燒即片 坐隔離枱嘅老人家第一轉就坐低左 好似等左成個鐘都未有啊另外仲嗌咗兩位酸辣湯一個豆卷一個醬油拌面同埋小籠包-首先嚟嘅豆卷都好好 每一舊都係bite size酸辣湯就好夠辣味 酸味可以再濃少少 但我已經覺得好滿足好滿意醬油拌麵我唔太欣賞 因為我對拌麵冇咩好感但係男朋友食晒成碗小籠包就皮略厚但係肉汁鮮甜 正啊我嗰籠小籠包有個敗筆 就係有兩個小籠包黐住左 搞到夾嘅時候有一個爆左 嗚-到主菜北京填鴨 其實講真係真係好正嘅鴨肉好厚實 皮又脆 包鴨塊皮好薄唯一嘅就係要等比較耐但為左good food 再等都值得-飲品方面可以叫佢比水 而我哋就叫咗一壺玫瑰普洱茶 好香玫瑰花香🌹 仲係粉粉紅紅

曾經同屋企人黎過呢間經常人山人海的餐廳食，但無奈上次職員落漏單無呢到的招牌菜片皮鴨，今次就提議同舊同學黎食。由於有同學仔唔食豬，所以我們叫多左幾個羊同鴨的菜式。呢碗羊肉湯麵就係其中之一了。羊肉入味唔羶又夠淋，幾好食。小葱蝦仁炒飯的飯粒夠乾身，加埋蛋同葱一齊炒好香 不過多蝦的份量少了點。蟲草花炒翡翠苗，D菜苗炒完仲係好嫩好綠。小籠包係朋友仔的最愛，皮唔太厚，而且D湯會爆汁架，入面的豬肉都非常Juicy。小羊腿用椒鹽整到香香的，用麵包夾埋葱同海鮮醬又幾好食喎！雲呑湯分左8碗都夠飲，雲呑Juicy加上鴨肉嫩滑，飲完會再想添！主角片皮鴨到了！鴨皮燒得又香又脆，仲要唔多肥膏！鴨肉唔乾，軟軟襯埋香葱同海鮮醬，口感幾豐富！朋友們食完主食仲未夠喉，所以叫左三款甜品share。豆沙窩餅外面夠脆，紅豆餡又夠香又夠熱。炒雪糕會有唔同味道的雪糕比大家選擇。朋友仔仲好鍾意上面的糖絲！另外，多們更叫左一份朱古力心太軟，不過蛋糕焗耐左少少，朱古力流心唔會一切就爆出黎。

位於海港城3樓的美中鴨子，每次經過都人頭湧湧，門外經常排有等位的人群⋯羊群心理之下，真係咁值得排？真係咁好食？好，決定親身一試究竟！！美中鴨子門面設計的確有點吸引，菜色設計有點北京又有點上海，又不缺有點西式少少的感覺。門外有自助取票機，取票後可一邊行商場一邊等座位，結果，都要等一個半小時多先有位可入座。店內設計簡單舒適，地方寬敞企理，餐牌也很乾淨，第一印象很好吧！餐具也設計得頗有心思！環境分很高，但食物質素也很重要，侍應生人數好似都唔少，但好似硬係睇不到客人一樣，要招好耐手先至被發現，但總算係有禮貌嘅。另外，要客人主動要求要水先會遞上，基本上，客人一入座即遞上水及餐牌是常識吧！重頭戲來了，點了一杯鮮榨西柚汁及一杯石榴汁，西柚帶酸係絕對正常嘅一回事，石榴汁帶極酸...都係第一次飲，仲以為自己飲緊鮮檸檬汁！酸嘅程度應該比檸檬還要酸吧？每飲一啖都令喉嚨痛苦萬分！究竟呢杯係乜東東？結果搵左侍應查詢，點知得到個回覆係：石榴汁係酸嘅。因為香港嘅石榴係酸嘅，而大陸嘅石榴係甜嘅。得到呢個答案，真係唔知好嬲定好笑，係咪代表香港嘅石榴矜貴啲，酸都照用，而大陸嘅石榴就cheap啲所以唔用？咁點解唔揀用台灣嘅

同事知道我喜歡食川菜同上海菜，經佢介紹，今晚黎食美中鴨子，原來呢度都係佢嘅食堂之一。今晚6點半黎到，非常多人，聽說不設訂座。餐廳環境寬闊舒適，場內不乏內地遊客，我們被安排坐卡位，整夜沒有嘈雜感。水杯有鴨子餐具也不乏鴨子影蹤，連筷子托也是鴨子型，可是筷子有點難取出。雞絲粉皮有啲微微辣，芝麻味較少，同平常食的味道少許唔同。担担麵，香濃惹味小籠包正常。當然唔可以唔叫鴨半份北京烤鴨，份量多，有9件以上。鴨皮烤得未夠香脆，餅皮有啲厚，北京樓的會更好水煮牛肉，牛肉份量非常多，食極唔完。內有小量粗薯粉條及萵苣。但整體味道不夠香辣。大匙羹設計很方便。最後點了一個豆沙窩餅，又熱又脆，豆沙餡多而不甜。 3人埋單連加一660, 飽到反肚。

排左一個鐘左右入到去、落單時服務員態度已經差、我地十個人左右，叫完野個服務完話少唔夠、我朋友就話咁要叫咩、佢就話炒飯又冇、菜又冇、大佬我地已經叫左兩隻鴨，坐低一陣落晒單都冇杯水、隔左一陣先問飲唔飲酒飲料個啲、我話飲水黑面、態度重申好差、食既野就唔提講真冇特別、係個鴨可以、蟹柑58一隻、50蚊碗湯羹好似生粉水咁、其他野都麻麻、個糖醋骨原本係前菜後來食埋個片皮鴨先來、食剩好多野、叫佢打包就話一蚊一個盒要幾多個、明明3個盒夠就求其話起碼五六個裝、啲咁差既服務、絕不會去第二次！

話說有朋友返黎，所以帶左佢地食中餐。聽講美心集團旗下有間中菜館出名食鴨，就一於帶佢地試下。1. 馬蘭頭百頁素千卷呢度菜幾fresh，不過食一兩塊就會覺得夠喉。建議可以點其他更開胃既前菜。當然如果你本身鍾意食菜呢個就係你既perfect match！2. 雞絲粉皮配料都足夠，食落感覺不錯。3. 小籠包食中菜點少得小籠包！呢個菜式唔差，湯汁都算惹味。如果想專食小籠包，大家可以參考我另外一篇食評 ：）4. 上海雲吞鴨湯好足料！三個人食每人起碼分到四碗。雲吞大大粒，鴨肉吸晒湯汁精華，咬落去真係回味無窮！橫掂都黎到一場，不妨試下呢個招牌菜式！5. 烤北京填鴨主角出場！店員即叫即製，因此等候時間較長。透過玻璃窗，大家可以看到準備烤鴨的過程。皮脆肉嫩的鴨子配上特製醬汁、爽脆青瓜...食完一塊又一塊。少人一齊食既話...建議點半隻：咁樣咪可以試多啲其他菜式咯。6. 楊枝甘露雪糕好味，但份量太少。7. 桂花拉糕清甜美味，為一頓精采盛宴劃上完美句號！

又一美心集團餐廳，事實上都係我常去嘅餐廳之一，特別係星期一至四（你懂的😆）餐廳通常到晚飯時間就會非常之咁多人... 好彩可以用Apps早少少㩒飛～ 比較consistent 嘅我通常試過一間餐廳邊啲好食就會下次都係叫番果啲～ 今次都唔例外😊首先一定要食小籠包啦～我最愛的炸蟹鉗及玫瑰鱈魚又係必叫的～主食係嫩雞煨麵及紅油抄手～ 最後有人唔夠喉要加個牛肉餡餅～沒有叫甜品，因為根據以往經驗，個人覺得唔駛喺呢度食😆以美心集團黎講算係咁啦～

美中，鴨子 朋友提議食美心中菜 因為有AE卡可享有75折 見美中.鴨子亦on the list 當然要試下啦 知道美中鴨子無得訂位 而且每次經過必定大排長籠 所以專登提早去到 大約六點幾去到 立即就可以安排入座 美中，鴨子係以年輕、簡約為主題亦可以從其裝潢見到 有別於其他美心中菜 餐具擺此亦見心思 食物選擇頗多 價錢亦是一貫美心中菜的價位黎到美中，鴨子 當然要叫鴨啦 和朋友點了半隻鴨（預留等既時間需要30-45分鐘） 一個涼菜糖醋排骨一籠小籠包兩個牛肉餡餅 涼菜糖醋排骨 排骨還是溫的 不過味道是很正宗上海味道 很入味酸酸甜甜很開胃 小籠包 一客六隻 小籠包皮薄湯汁好多 但可惜感覺餡落水落得太多 肉變太細太滑 有一種不知道在食什麼的感覺 比起其他美心中菜 小籠包略為遜色 牛肉餡餅（至少兩個）  餡餅煎得金黃但不夠熱 餅皮厚度適中 一咬開尚有少少肉汁 餡料味道不錯 餡餅整體不俗 半隻鴨等了很久 鴨子終於到了 鴨子賣相不俗份量亦不少 鴨皮亦算脆，油脂甘香，但肉有點太厚 加上鴨子偏瘦 所以肉質有點太硬 而醬汁比平時食到的杰身 但味道不錯 溫馨提示 兩個人可以點少一點菜式 而亦可以選擇清淡一點

為朋友慶祝生日 選擇了美中鴨子事前已經聯絡過餐廳 由於是美心集團旗下的 所以美心或東海堂的蛋糕不用收切餅費 而其他餅店的蛋糕則收取$100切餅費 My Order:半隻烤北京填鴨 ($158)小籠包 ($60)上海粗炒 ($58)茶樹菇上湯翡翠苗 ($88)香橙熱情果梳打 ($36)還有杯飲料 可是忘了名稱=P半隻烤北京填鴨 美中鴨子 主角當然是鴨 在門外等位時已經欣賞到店員快速地將肉和骨分開北京填鴨的皮和肉是分開 皮的表面很光滑油"笠笠"的 會反光般haha很有罪惡感之餘又很閃亮 先取一塊餅皮>一片肉>一片皮>青瓜>京蔥>海鮮醬一口吃掉 鴨皮的油分會先爆出來 再嘗到暖暖的肉 又有青瓜京蔥的口感自己覺得多加一點海鮮醬會更美味 美中不足的是 餅皮太韌和厚 很難咬開! 其實在門外等位時 已經看到店員取出一包包雪藏餅皮放微波爐叮 可能是雪藏的關係 大大扣了分..小籠包一籠六個 每個小籠包都可倒出約半勺的肉湯 肉很大 好吃^^上海粗炒麻油味很重 份量有點小茶樹菇上湯翡翠苗很健康的一道菜 翡翠苗的份量很多 是個滿不錯的小菜最後要感謝的是我們買的蛋糕不是美心

家庭飯聚，媽媽指明要吃鴨子，於是選了海港城內的美中鴨子。 美中鴨子是美心集團旗下的，以中菜、鴨菜為主打，故名為「美中鴨子」，偽日本人也。不設訂位，眼巴巴看着餐廳滿座，待家人到齊後，又要再等上半個小時，還要選坐戶外，才能提前入座。 美中鴨子以年輕、簡約為主題，餐具經過一番設計，到處都是鴨子的影子。選坐戶外的關係，可享無敵海景，美中不足是燈光昏暗，情調是過了火了，不是家庭聚餐的好選擇。  厚重的餐牌，選擇是挺多元化的，除了主打北京填鴨外，也有京川滬菜式，價位跟美心系列相約。服務方面是強差人意，點菜、上菜、結帳都是慢吞吞的，而且錯漏不少。  北京填鴨($298)選了填鴨二食，全鴨的份量，配上青瓜、京蔥、甜麵醬。鴨片偏肥之餘外皮不夠脆身，也欠缺鴨香。荷葉餅不算太薄，面層有點點芝麻，算是正宗。而所謂的二食是一碗鴨湯，雖然美心標榜不放味精，但這碗鴨湯實在是味精感重，令人失望的一道。 香糟溜魚片($168)家人不吃辣，選了這種香糟鹵菜。魚片沒有泡過油，口感挺嫩滑，只是那香糟偏甜，酒香怪怪的，實在是吃不慣。  田園蟲草花炒翡翠苗($98)翡翠苗蟲草花炒得清爽脆嫩，只是份量與餐牌不符，翡翠苗不是便宜之物

同事聚會一行六人，無得訂位，可能早到唔算等左好耐，有同事食過幾次，放工唔想諗野所以同事推介食乜就食乜。喇喇臨落完單，傾下偈，欣賞下周圍，暗暗地都幾有情調（雖然係中餐😆），啲餐具都好靚，配合埋射燈，閃閃發光～ 最中意鴨仔筷子托^_^首先係前菜鴨湯，好夠味，正！雞絲粉皮，正常水準！醉雞唔夠醉。小籠包，正常水準！水煮魚好味，夠惹味，再辣啲更好，但呢個辣度係老少都食到的辣！魚塊好滑，以為好少魚，但食下食下都幾多，如果粉皮多啲就仲好，索左汁好正，比魚塊再辣啲主角片皮鴨！鴨味濃，皮又脆，甜醬夠濃，薄餅皮煙煙韌韌，perfect! 呢餐的份量對女孩子黎講非常夠飽！但男孩子應該可以食多兩道菜用埋信用卡優惠，非常抵食！

周圍都係鴨仔裝飾好得意又同餐廳主題一致。坐得舒服，不過燈光不均勻，一些位置好暗，一些位置好刺眼，影響觀感。服務生會主動添水，不錯。與其他餐廳一樣為了提高翻桌率會非常主動收枱。食物總體很不錯。

大少生日，而佢又鍾意食呢間餐廳，所以一收工就出去拎飛等位。七點拎飛，一等就等到七點四十分，諗住平日星期三唔使咁耐，點知都真係要等咁耐，而且條人心龍只有繼續長無短。我就第一次去食，一坐低就見到d餐具，好可愛，尤其係筷子托，整套餐具好有餐廳特色！小籠包先上，其實都清楚見到Ｄ湯係入面，皮都算簿，小心夾起一啖放落口，肉嫩鮮甜，唯獨就係蒸得唔夠熱，唔知關唔關天氣事呢﹖終於到今晚主角（當時大少先係真正既主角啦！），呢間餐廳係sell鴨，呢個片皮鴨無得唔試，皮簿唔黏手，都易入口，加一片皮一片鴨肉，加埋醬、蔥同青瓜，口感頓時增加，不過如果皮可以再脆少少就好，而且覺得人太多，根本廚房蒸唔切，枱枱都order，所以上枱時皮就唔夠熱，加上天氣凍，就更加快凍。不過味道係ＯＫ既，有機會都會再去一試！