U@Cafe (已結業)

之前朋友推介依度嘅甜品都幾好味，所以見今日放假經過，就決定入黎試吓。除咗甜品之外，原來餐廳都有一啲麵包類嘅產品。首先我叫咗一個檸檬撻。除咗檸檬撻愛仲有脆脆條食，脆脆條都鬆軟香口。不過我最鍾意都係檸檬撻，撻皮我最愛嘅曲奇皮😋 ，鬆脆不易散開。檸檬吉士唔會太甜亦都唔會太酸，食落去感覺好清新。朋友就叫咗依個柚子肉鬆味火焰吐司。足足有三層咁多。火焰同事都跟咗脆脆條，但係就玉桂味。相信如果同職員講，可以要求脆脆條想要咩味🤣每一層麵包之間，都鋪滿咗好多肉鬆，好足料，超正🤤 吐司都焗到好香口。另外我哋都嗌左嘢飲，我就飲咗凍焦糖瑪奇朵，而朋友就飲咗凍柚子蜜。我杯焦糖瑪奇朵真係幾好飲！咖啡味濃郁，奶味冇過重，甜度都啱啱好，唔會輸蝕比出邊一般咖啡舖。

今日放假陪姨甥女去佐敦買野,買完野想搵個地方hea下.見到U@Café門口既岩燒火焰吐司照片, 姨甥女話想食,我地就去試下.環境好舒服,老闆娘又好Nice,為我地推介食物. 我地叫左岩燒火焰吐司套餐,椰子熱情果蛋糕, 咖啡布甸, Mocha,洋甘菊花茶.岩燒火焰吐司-吐司用丹麥方包上層鋪滿芝士&柚子蜜,中間夾有肉鬆,好特別既配搭,柚子既清新加上肉鬆,芝士既鹹香,味道好夾,層次好豐富.吐司烤到外脆內軟.真係好好味.椰子熱情果蛋糕-賣相好吸引,椰子味好濃郁,熱情果味又好突出,酸酸甜甜好好味.咖啡布甸-甜度適中,咖啡味香濃.Mocha-咖啡同朱古力配搭得啱啱好,奶泡好綿密,好滑.服務好,環境又舒服,真係hea &傾偈既好地方.

今日去開佐敦個頭，食完午餐唔太飽想食個下午茶，去左呢間叫U@Cafe既地舖cafe，上次試過呢度既岩燒火焰吐司，阿爾卑斯山蛋糕，米芝蓮意大利芝士咖啡蛋糕，同野飲，感覺都唔錯。餐牌同之前一樣，有岩燒火焰吐司，星級蛋糕套餐同野飲等等。野飲有咖啡，朱古力，茶同果茶。岩燒火焰吐司上次食過岩燒火焰吐司覺得好正，今次要encore！岩燒火焰吐司賣相唔錯，有三塊吐司叠起，都好大份，用一隻好可愛既貓貓碟上枱。面頭係柚子皮同柚子醬，燒得外皮香脆，一切開，發現原來中間有肉鬆，香甜嘅柚子醬配鹹香肉鬆真係好夾，又鹹又甜，好滋味！隨碟附送四條玉桂味脆脆條，雖然滿是糖粉，但係唔會過甜。吐司可配飲品，配咖啡$60，而配茶就$56。朱古力開心果餅係多款蛋糕款式當中叫左呢個朱古力開心果餅，係新口味，正價$52。朱古力球體造型原來係朱古力外皮包住雲呢拿慕絲，中間仲有朱古力同開心果慕絲，蛋糕頂有金箔。下底就係一大層朱古力脆米餅底。味道方面主要係朱古力慕絲味道，如果朱古力脆米餅底可以更香脆就更好。隨碟附送四條原味脆脆條。凍柚子蜂蜜，凍朱古力凍柚子蜂蜜正價$32，凍朱古力正價$38。兩杯都大大杯。凍朱古力香滑奶味重，凍柚子蜂蜜

岩燒火焰吐司 (+ 咖啡 套餐價$60)係呢度既必食推介，佢既特色就係超級厚。出面厚多士最多都係二層，但呢度竟然比夠三層你。由於即叫即整既關係，吐司唔會太乾，一切聽啲聲就知道超脆。佢面層鋪滿左柚子蜜同芝士，而中層就係肉鬆，底層又變翻芝士，層次分味，而且吐司外層脆香，內層鬆軟，一個吐司多種享受。伯爵茶味燉蛋蛋糕 (+咖啡 套餐價 $118)佢呢度嘅蛋糕唔算好甜，淡淡的伯爵茶味配上蛋白既味道比較少有，呢個蛋糕質感比較淋，我個人就喜歡硬啲既，旁邊仲有脆脆條玉桂味有糖粒係面甜甜地又脆幾好味，而且用貓貓做主題。Latte (cold)Latte 既咖啡味好濃，入口之後回甘轉甜，香氣從舌頭上持續一二分鐘。而且我覺得佢既價錢唔算貴，因為只有新鮮咖啡先做到呢種餘韻。Chocolate (cold)呢度嘅朱古力飲品濃郁而且甘甘地，唔同平時出邊飲嗰啲，唔會飲到流，不過就會想甜啲更好。另外值得一提既係呢度仲有啲手作曲奇，牛角包等既產品可以買翻屋企食，牛角包只係賣$8一大個，抵食之選。仲有個大電視可以睇埋啲樓盤，好少有

今日個午餐太輕盈，想食個下午茶，經過佐敦呢間U@Cafe就即管試試。呢間係一間地舖cafe，得幾張枱，座位唔多。餐牌有岩燒火焰吐司，星級蛋糕套餐，特色軟包三文治，米芝蓮意大利芝士咖啡蛋糕同野飲。野飲有咖啡，朱古力，茶同果茶。我地叫左唔同野食試試。岩燒火焰吐司岩燒火焰吐司配咖啡$60，而配茶就$56。岩燒火焰吐司賣相唔錯，都好大份，好香柚子味！吐司有三塊，燒得外皮香脆而入面滿佈香甜柚子醬，上面仲加左唔少柚子皮。原來中間有肉鬆，鹹香肉鬆中和一吓香甜嘅柚子醬，味道唔會過甜！隨碟附送四條香脆嘅脆脆條，雖然滿布糖粉，但係完全唔甜。脆脆條有得賣。阿爾卑斯山 $52係眾蛋糕款式當中叫左呢個叫阿爾卑斯山既蛋糕，有覆盆子，希臘乳酪同朱古力。造型幾精緻，蛋糕頂有金箔，外面圍住白朱古力！入面原來有幾層，有覆盆子外皮包住希臘乳酪同覆盆子慕斯等等，一d都唔heavy，而質感好滑。隨碟附送四塊曲奇，包括兩塊蜜瓜味，一塊西瓜味同一塊原味。曲奇都幾鬆化，蜜瓜味特別香。曲奇都有得賣。凍朱古力，凍柚子蜂蜜凍朱古力正價$38，凍柚子蜂蜜正價$32。兩杯都大大杯。凍朱古力香滑唔過甜，凍柚子蜂蜜係清甜嘅柚子味，唔算太甜。米芝蓮

去佐敦探朋友,事前沒有特別做功課。經過見到呢間U@Cafe蛋糕非常吸引,一於入去試試。蛋糕貌相足以媲美酒店出品。一問之下原來小店的蛋糕都是由工場製,而該工場亦是很多高級餐廳的供應商。個人對朱古力甜品有情意結,叫咗個富士山朱古力蛋糕套餐。一黎到擺盤已經好有驚喜!!原來小店老闆係貓奴,所有碟都特別設計訂製! 好可愛啊!!!由於餐廳新開,店員更特別同我地''加餸'' 送咗D曲寄同埋糖脆麵包比我地一試之下我想講 小店真係好有水準朱古力富士山- 朱古力味道濃郁,慕絲非常細滑!!! 真係唔太捨得和友人分享 飲品我同朋友都揀咗 梅子花醋茶,酸酸甜甜岩晒咁炎熱的天氣!!主食店員哥哥知道我地鍾意甜野,亦推薦我地岩燒火焰吐司有成三層厚多士,夠晒份量一試之下原來每一層厚多士均抺上柚子醬,中間夾著超滿的肉鬆。好邪惡,但美食當前唔理得咁多真係滿驚喜的一餐,希望大家都多多支持小店。除了蛋糕,小店內仲有曲寄禮盒,麵包得出售。