茶墨 (已結業)

朋友係IG見到The one有間打卡好正嘅飲品店，就行街嗰陣特登上去睇下。下午茶時間都算幾多人，好不容易有位坐。除左打卡必備嘅水墨風飲品、一般茶、奶昔等等，仲有蛋糕同Gelato食，好似都幾豐富咁。本來想試下紫薯鐵觀音沙冰，但咁岩無晒紫薯，我們又唔想等太耐。一向唔飲得鮮奶茶嘅我突然發現所有奶類飲品都可以轉豆奶，於是就點左麻糬芝麻烏龍鮮奶茶（轉豆奶）同抹茶蛋糕。麻糬芝麻烏龍鮮奶茶（轉豆奶／少冰，$39）用芝麻醬畫杯，就好似攞住杯水墨畫咁。轉左豆奶味道唔濃，烏龍茶味都香，但主要都係芝麻味比較重，好似飲緊有茶味嘅芝麻糊。芝麻醬好濃厚，一定要搖勻或者攪勻再飲，唔係就會好難吸下面彈牙煙韌嘅麻糬，我地最後要打開蓋慢慢食。岩燒蜂蜜抹茶蛋糕（飲品追加+$48）店員有幫手整熱個蛋糕，雖然睇落唔大但都幾飽。抹茶味唔算濃，蜂蜜味比較重，表面少少鹹。香甜綿密，係乾身左少少，適合配茶一齊食。

成日經過The One呢間《茶墨》，呢日終於試到！整間店嘅style都好簡單平實，提供茶飲、蛋糕、雪糕，仲有開放式座位。呢到最好嘅嘢係飲品有得配麻糬，唔鍾意珍珠嘅朋友可以一試！飲品賣相非常靚，好似藝術品咁🎨。本身想叫杯水墨風嘅飲品打下卡，可惜得四杯水墨風嘅飲品，啲味道配搭唔係好啱胃口🙈最後叫咗兩杯嘢飲同加咗個蛋糕～麻糬抹茶鮮奶 ($39)呢個抹茶味好香濃，濃味到係我一攞上手已經聞到陣抹茶味🍵非常好嘅一點係佢飲落去無抹茶粉渣👍麻糬Q軟彈牙，超好咬，啱晒mochi迷❤️平時麻糬無乜味，但唔知係咪因為浸咗喺杯嘢到好耐，飲嘅時候好似連佢都有少少抹茶味😛鮮奶錫蘭紅茶 ($34)本身係叫黑糖珍珠鮮奶錫蘭紅茶嘅，但店員姐姐應該落錯單🤣打卡就無咁靚，不過就唔使咁甜咁膩囉🤪錫蘭紅茶茶味香濃，有淡淡嘅清新香氣。配上鮮奶，飲落口好順滑👍岩燒蜂蜜抹茶蛋糕 (飲品追加 +$48)叫嘢飲可以加錢加配甜品。見圖片好靚，就叫咗呢個。不過真實同圖片始終會有啲出入嘅🤣同埋大家記住要趁熱食🔥！店員事先幫我哋整熱咗，但我哋外賣隔咗好耐先食，結果硬晒，唔鬆軟☹️味道嚟講，抹茶味幾香，唔算濃；蜂蜜味都有；另外仲有少少鹹味。-

又係一間一早bookmark 左比較特別既飲品店 呢到既飲品最特別既地方係以水墨畫作主題🖊 poster上面寫住「視茶如墨 視杯如紙」好有意境😚我地當然要試呢到既signature 麻糬 芝麻烏龍鮮奶茶啦👅 呢杯飲品既造型真係滿分 杯上既黑芝麻掛杯真係好有水墨畫既感覺 飲落甜度岩岩好 黑芝麻味好香好出眾 加上麻糬口感煙韌有口感😋另外我地仲試左杯新出既抹茶雪糕奶昔🍵 用上抹茶Gelato 超冰涼解喝 夏天飲真係一流 用雪糕做既奶昔飲到最後一啖都仲係好香濃既抹茶味🤤除左飲品之外 呢度仲有雪糕同蛋糕賣 買飲品可以加錢配 所以我哋仲試左一個岩燒蜂蜜抹茶蛋糕🍰 點餐後店員會幫你將蛋糕加熱 所以食既時候蛋糕外層微脆更香 蛋糕入面保持鬆軟 抹茶味岩岩好 岩哂做飯後甜品🌟

🔅🔅🔅夏日炎炎正好飲番杯剛好在The one經過發現一間好有特色且有創意飲品店🔥🔸除左有特色飲品外仲有蛋糕和意式雪糕岩晒剛好吃完晚飯既我😆🔹<黑 - 麻糬芝麻烏龍鮮奶茶> 賣相極似大藝術家畫風即席揮毫的石墨書畫其實採用了黑芝麻烏龍茶混合鮮奶茶味香濃奶香突出😍芝麻很驚喜的超級香似飲得到的芝麻湖一樣底部還有口感Q彈的麻糬🤩🔸<柳橙冰搖綠茶> 這種搭配真的第一次飲新鮮柳橙酸甜味剛好加上清涼的綠茶底口感很清爽冰涼😃而且消滯一流👍🏻🔹<岩燒蜂蜜抹茶蛋糕> 份量兩人吃剛剛好表層是燒溶的蜂蜜醬蛋糕主要材料是綠茶粉海綿蛋糕的質感超級鬆軟甜甜蜂蜜中和左綠茶的苦澀😋🔸<總結>如果飲得太多芝士茶覺膩了黑芝麻烏龍茶可以是另一選擇🔅🔅🔅

食完晚餐想搵地方坐低飲杯野，經過The One 的「茶墨」，見環境幾靚，雖然坐商場中的座位，但開揚得來又唔會被行人望住，主要白色牆身配木系枱櫈，光鮮簡潔的裝潢，讓人感覺舒服。我地點左兩杯飲品見有雪糕/蛋糕等甜品，正考慮點時，見而家做緊優惠，加錢有選雪糕/蛋糕甜品，就即刻點多個蛋糕。超級靚，杯水墨畫咁既飲品，別有一番詩意，放埋茶飲係隔離都好襯，而蛋糕都用水墨花紋的碟來裝著，未食已經好令人期待。黑 - 麻糬芝麻烏龍鮮奶茶 $39，建議甜度50%，飲落唔會太甜，加上芝麻香味，同帶烏龍茶茶香，味道平均亦易令人接受。用鮮奶溝烏龍茶比平時的奶茶更滑，但味道唔會過濃，加上有煙韌的麻糬增加口感，好似飲緊中式芝麻湯丸糖水。焦糖芝士 濃香鐵觀音茶 $35，先入口是帶有焦糖香甜味的芝士奶蓋，咸中帶甜又綿又滑，比一般奶蓋多份焦糖香，好特別。再來是鐵觀音茶，味道清香輕盈，而且我地揀左建議甜度0%，無糖所以更飲到鐵觀音茶味，飲完不膩的好選擇。岩鹽蜂蜜抹茶蛋糕 +$48，店員會加熱再給客人，可以食到暖暖的蛋糕，見蜂蜜都微焦溶化。蛋糕好厚身，超級鬆軟有彈性，所以口感極好，而且抹茶味濃郁，唔會太甜，配岩鹽提味的蜂蜜味

今日同男友喺尖沙咀the one 睇完戲，喺商場見到間以《潑墨·茶》為主題嘅餐廳，好似幾特別咁，我哋就坐低試下啦。餐廳主要以外賣為主，旁邊有幾張檯可以比客人堂食。店舖裝修都走簡約風😋，舒舒服服。飲品分為五大類別：墨、茶🍵、果🍎🍊、乳🥛、健。【墨】以芝麻、黑糖、焦糖等材料做到潑墨嘅效果，亦都係店舖嘅主打【茶】有四種茶嘅口味，包括：鐵觀音、紅茶、茉莉花茶、烏龍茶【果】有兩種唔同口味嘅水果茶，柳橙同蘋果。【乳】以鮮奶為主嘅飲品【健】養生保健茶有3種，啱晒想健康嘅你店舖以潑墨為題，所以梗係要試番杯【墨】啦，我哋揀咗杯凍嘅黑-麻糬芝麻烏龍鮮奶茶，同埋一杯熱嘅【乳】麻糬玄米抹茶鮮奶。客人仲可以選擇要北海道牛乳或者素食牛乳同埋都可以自己揀甜度同冰量，絕對唔駛怕太甜啦😆。黑-麻糬芝麻烏龍鮮奶茶：成杯好似水墨畫咁，好似好藝術咁！香濃嘅芝麻味伴埋烏龍鮮奶茶，味道唔錯，一邊飲仲可以咬下煙韌嘅麻糬粒粒添。麻糬玄米抹茶鮮奶：夜晚飲番杯熱鮮奶，人都好瞓啲，抹茶味道突出，配合淡淡的玄米茶香味，絕對係一個唔錯嘅配搭，麻糬粒粒又有嚼勁，正呀😙😙！買正價飲品仲可以用優惠價追加甜品。我哋揀咗個岩燒蜂蜜抹茶蛋糕，蜂蜜蛋糕好鬆

忙碌工作完，最期待的周末又來臨了，是一個與閨蜜聚聚閒聊、逛街shopping的好時光。今天的目的地是尖沙咀，早到咗但又落雨，就走入商場內，順道找個地方歇腳和吃點輕食。打開OpenRice搜尋，見到四樓有一間頗多好評的香港本地品牌茶飲店－『茶墨』，店舖位於扶手電梯旁，位置當眼，非常好找，還設有多個堂食位，但今天人客頗多，好不容易才找到座位坐下。原來此店除了茶飲外，還有蛋糕、雪糕供應，到櫃枱下單後，收銀姐姐給了一個電子機，餐點弄好後會震動提醒取餐，不用站著等，很貼心。我點了一杯招牌打卡必備的《麻糬芝麻烏龍鮮奶茶》、《岩燒蜂蜜抹茶蛋糕》和一個是日推介嘅《芝麻味意式雪糕球》，一於來個大滿足。 《麻糬芝麻烏龍鮮奶茶》飲品賣相十分吸引，用黑色嘅芝麻醬和白色嘅鮮奶相撞而弄成水墨畫般，呈現出中國風的藝術感，吸睛指數極高，怪不得登上推介榜首。外表滿分，再試內涵，呷一口，烏龍茶香先湧現，茶味清淡，搖勻後再試，芝麻味香濃，拌和鮮奶，口感更滑溜，估唔到味道又幾match，而杯底麻糬細細粒，Q彈有咬口，容易吸啜。飲品可以自選點度與冰量，預設是50%，但我不太嗜甜，所以點了少冰、少甜（25%），覺得甜度非常適合，