焱丸水產 (已結業)

今晚又約左朋友去日式居酒屋大快朵頤, 揀喺銅鑼灣可以方便到大家主要做磯燒海鮮既焱丸水產, 門面都好日式架上面塊布既可以裝飾舖頭, 又可以擋到冷氣, 一舉兩得呀👍👍左口魚刺身 - $158一坐低就當然要食番個鮮魚刺身先啦, 有咁多片既左口魚都只係$158咋, 塊塊都切得薄之餘厚度都算平均, 而且感覺好新鮮鹽檸檬燒酎 - $48有正野食點少得飲番杯野丫, 見到drink list 有燒酎, 有多款生果味架, 見到有鹽檸檬好似幾新鮮咁, 咸中帶點酸, 好易入口👍赤貝 - $68繼續食刺身, 即開赤貝, 肉質鮮甜又爽👍焱丸號壽司 - $158就咁睇真係睇唔出係壽司黎😂刺身大到已經覆蓋晒件壽司飯, 海膽完全冇腥臭味👍吞拿魚蓉同樣出色👍炸蓮藕片 - $35炸得非常香脆, 口感似薯片, 送酒一流👍烏賊磯燒 - $75食完生冷野係時候食磯燒喇, 職員會細心地反覆燒幾次, 中途會加入醬汁等佢入味d 同埋唔會乾爭爭👍最後幫你剪好埋上碟🤤芝士魚蛋 - $35估唔到呢款芝士魚蛋又幾抵食喎, 燒溶左裡面既芝士, 變左熱辣辣既流心芝士👍香噴噴又惹味😋

焱丸水產是銅鑼灣一間中價位日本水產店，其濱燒水產不單止高質，而且比不少日式水產店都便宜抵食，所以即使平日都晚晚滿座，一定要預訂才有得吃。媽媽見到我的美食相片，一直想來焱丸試試，今次就趁星仔回鄉，兩母女撐枱腳。＊＊＊＊＊＊＊＊＊＊＊＊＊＊＊＊焱丸店面不大，但佈置有濃重的日本風，因為食客多，所以桌與桌的距離都比較近。菜單只有單點項目，選擇超級豐富，主要分為沙律、佐酒小吃、刺身、壽司、濱燒、炸物、鍋物、飯麵、甜品和飲料。左: 梅乾Highball($58)梅乾Highball酒味頗烈，帶少許梅乾酸味，喜歡果味重的女士應該不太適合。右: 菠蘿燒酎($58)菠蘿燒酎酒味都重，但因為有淡淡菠蘿甜味，比梅乾Highball較易入口。麻醬番茄豆腐沙律($58)沙律內有生菜、豆腐、番茄和粟米片，麻醬是另上，可按個人喜好加在沙律內。生菜很爽脆，番茄清新多汁，豆腐亦很滑，加上麻醬帶點酸香很好吃。刺身都是單點，我們點了幾款試試，由上至下左至右分別是左口魚、油甘魚、甜蝦和活雲丹。左口魚刺身($158)左口魚切得很薄，呈半透明，味道清鮮，食時蘸上另上的醋汁魚味更突出。這兩塊是左口魚裙邊，是整條左口魚最肥美的部份，

幾年前去過日本既水產店一直念念不忘女友話香港都有間同樣高質素既水產店果然真係去似去左日本咁一樣咁高水準==============================三文魚牛油果酢漬($80)三文魚同沙律菜都好新鮮前者係食到三文魚特有既魚香同魚脂味沙律菜咬落去好爽口而且同牛油果既配搭都好好最鍾意佢加左Ｄ唔會太酸，味道岩岩好既醋，令到成個沙律好開胃世界級既刺身，當中包括秋刀魚($228)、左口魚刺身($158)、甜蝦刺身($68)秋刀魚($228)極力推薦！！！！！！！！！！！！！！呢個係特別菜單入面既秋刀魚應該係要岩時令先至有可以見到師傅既刀功幾咁靚秋刀魚非常新鮮啖啖都可以食到好香既魚味魚血味係口入面不斷爆發更重要係唔會腥，反而係會香證明魚真係好新鮮左口魚刺身($158)又係好新鮮既刺身食落口係好爽口而且仲有淡淡既魚香另外要留意既係刺身本身就淡味Ｄ，所以要係食秋刀魚甜蝦刺身($68)每隻蝦都好鮮甜，口感又唔會一ＰＡＴ野咁食完之後鮮蝦味係口腔入面停留好耐三文魚中卷($88)仍然係好新鮮既三文魚最鍾意佢上面放左少少好香既黑松露能夠帶出三文魚既鮮味之餘又唔會搶左成個味令成個味道再更有層次牛油炒野

朋友生日慶生, 帶佢黎到裝修似足日本磯燒店的焱丸, 食餐勁的!好多BANNER同裝飾係店內, 每張檯都有一個磯燒爐.檯上仲有圖片話你知用邊一隻醬汁.先來個前菜 - 芝士魚旦! 四方形的蛋旦中包住芝士, 店員會係你面前燒香, 再剪成三角形, 芝士仲流心架! 好香好軟滑!焱丸海鮮沙律 - 放滿了不同刺身係沙律上, 三文魚, 吞拿魚, 蝦, 油甘, 北寄貝等等, 沙律菜亦非常新鮮, 配埋柚子汁有點酸酸的, 好開胃!刺身拼盤 - 我們點了是日刺身的原條池魚, 左口魚刺身 及 帆立貝刺身.原條池魚有2個做法, 厚身的起肉切件, 其他做池魚碎再拌入大蔥碎和薑碎等, 用紫菜包住食.池魚非常厚肉!左口魚刺身切成薄片, 一樣清甜的, 帆立貝刺身好大粒, 好甜!雲丹海苔芋天婦羅 - 雲丹即係海膽, 是手卷包了紫蘇葉及海膽再炸的, 口感幾得意, 外脆內軟的! 仲有少少野菜天婦羅, 完全唔油膩! 三文魚中卷 - 外面包滿了三文魚, 入面有牛油果, 蟹柳等等, 但超好味, 一口一件, 又有爆魚子的口感, 真係好正, 唔識形容!!!!帶子磯燒 + 白蛤磯燒 - 2隻帶子超級厚肉!!! 白蛤又十分大隻!!!白蛤有專

打工仔都好期待星期五，我都唔例外，而且仲會整日都好鬆容，特別係夜晚個餐，點可以唔食好啲獎勵下自己。於是做下功課，著手搵咗近公司嘅日式料理店去放鬆下。成日經過，睇見門口Menu似乎係好主打燒海鮮嘅店家。是日六點多嘅時份，人流唔算好多，所以基本上唔洗等侍就入坐。睇Menu飲品時，侍應推薦咗兩杯飲品：白桃梳打、柚子啤酒，因為都幾罕見，於是都柯打咗。唔飲酒精嘅我自然係飲白桃梳打，口味有少少似心心糖味，但係清清甜甜，味道調配得宜，幾好飲。其後前菜沙律＞刺身壽司＞小食＞燒海鮮＞鍋物嘅次序陸續上菜。個人幾鐘意呢到嘅刺身，首次咁正式地食池魚、左口魚刺身，侍應細心地為我地介始食法。先用紫菜墊底，夾一片池魚再係上邊放少量池魚肉，夾些少薑及蔥粒，包埋一齊食，口感滿分。意外地池魚一啲都唔腥，而係池魚獨有嘅味道；特別係拌池魚肉稍調過味，更加增添咗幾分風味，推薦。而左口魚新鮮而且重魚味，另外配一個醬油供點蘸，有啲柚子醋味，但配搭起左口魚又幾夾。其間壽司盛合到，一共十一款壽司，包括海膽、帆立貝、三文魚腩、三文魚籽、油甘魚、鯛魚、劍魚、比目魚、熟蝦、吞拿魚同青瓜軍艦。由於款式都係每款各一，所以食壽司盛合好考驗情義。海

嚟過銅鑼灣店幾次，位處內街人在鵝頸橋底，依樹幾方便，最喜歡係依樹既氣氛和格局。今日可以準時收工，嚟到18:45，未算多人大廳主要係order檯，同有幾個面壁座位有兩間半開放式房，暫時也未試過坐五月既氣溫酷熱，坐底即刻要叫杯凍飲降溫兼食少少涼菜菠蘿燒酎$58淡淡菠蘿味，都幾容易入口，不過可以濃味多些梅酒(加冰) $48雖然加咗冰，但梅味依然香濃 !芝麻塩醬椰菜$30非一般嘅芝麻醬，原來唔係平常所見嘅淺啡色芝麻醬，係鹹鹹香香既黑芝麻醬，第一次食，雖然味道無平時芝麻醬咁濃，但依個比我有好清新既感覺 炸蓮藕片$35佐酒小吃，蓮藕勁薄，炸得好透三款刺身都係較淡身，但全都鮮甜美味新鮮限定（menu無依款，係飛機空運返嚟，睇黑板仔就會知道當日有咩正野 !）原條飛魚刺身$228，一望魚眼就知好新鮮厚切既飛魚刺身左口魚刺身$158象拔蚌刺身$158鐵火卷 $52刺身壽司食得七七八八，店員就開始傳上燒既海鮮大蝦鬼殻磯燒 （$58/隻）這兒既磯燒一向都有店員代勞，我們只需要欣賞和專心吃便可大蝦夠大隻，仲有膏，肉質夠彈牙，又啖啖肉柳葉魚（5本）哈哈，原來即係多春魚好考服務員嘅功力，燒時要好溫柔體貼，否則腸穿肚

我好鍾意食日本菜, 鍾意日本菜賣相精緻, 好食又夠新鮮講到新鮮, 搜集左資料知道有間日本餐廳好正, 可以即燒生猛海產, 一於帶老公去食, 止下癮, 因為有排都未去到日本旅行就係呢間焱丸水產, 尖沙咀同銅鑼灣都有分店, 但我地揀左黎銅鑼灣, 因為要順便去SOGO thankful week入到去, 餐廳格局好有日本風估唔到都幾多人, 好彩我地黎到都仲有位隔離枱係日本人, 佢地同侍應溝通毫無問題, 因為有侍應識講流利日本, 好PRO~每枱都放左個浜燒既爐具坐低後, 研究下Menu食咩好,  選擇好多, 圖文並茂, 好易睇, 令人睇得好舒服除左一早諗好要食浜燒外, 亦揀好左其他食咩要左個焱丸海鮮沙律, 材料豐富, 比我想像中既多沙律包括魚生, 三文魚, 吞拿魚, 北寄貝等, 混入沙律菜, 口感清新但發現沙律無醬汁調配, 另外自己點魚生醬油食, 沙律要盡快食, 因為多沙律菜, 會比較容易出水原本揀好左要咩刺身, 侍應推介左口魚刺身, 係而家時令魚, 既然時間咁夾, 就試下佢, 順便要埋甜蝦刺身 左口魚刺身精瑩通透, 肉質柔軟, 帶少少爽口, 無雪味, 左口魚本身味道較淡, 但都食到絲絲甜味,

香港的浜燒店選擇不是很多，這家是少數之一；早已想試試，但尖沙嘴店很旺場，得知最近在銅鑼灣開了新店，當即前來一試。舖子也不難找，由銅鑼灣站C出口，直行到謝斐道沿著灣仔方向行，就在謝斐道和堅拿道東交界，一蘭旁邊。很地道的裝修風格，彷如置身日本浜燒店的感覺。店舖比想像中要大，如人多還有一張長枱可供選擇，（圖右手邊）還有一個很威嚴的武士在坐陣一個個大魚缸養着各種水產，水中的溫度長期維持在12～13度之間，令其更能保持新鮮。花咲蟹（北海道）松葉蟹（鳥取）各式各樣的貝類，扇貝，螺，看完餐牌，選擇了以下的食物：呑拿魚、油甘魚和左口魚刺身赤身吞拿味道偏淡，不知是否未能充分解凍，中心部分還帶有小小冰花，有點影響了口感；厚切的油甘魚豐膄甘甜薄切的左口魚晶瑩剔透魚味較清淡，與酸汁同吃；不會蓋過原身的味道之餘，更能提鮮。一旁的左口裙邊更是爽口味美酒釀螢烏賊醃制過的螢光魷魚鹹香肥美，咬下去還帶點甘苦之味；蘸上薑蓉同吃，是一味非常好的下酒菜。牛油炒野菜牛油味不是太突出，尤幸野菜新鮮爽口。魚子焗薯蓉香辣的明太子配上焗得軟腍的薯仔，是一口一口的吃過不停。麻醬蕃茄豆腐沙律蕃茄質感爽口，豆腐滑口得來帶硬，加入麻醬，今原本