明發小食

营业中

休息中

今日下晝時間去咗一間深水埗小食店，分別點咗生菜魚肉，煎韭菜餃，巴斯克芝士蛋糕，豆腐花。好多人推介呢度嘅巴斯克芝士蛋糕，即刻過嚟試吓！不過原來粉面套餐係唔包括煎餃，想嚟嘅人呢就要睇清楚餐牌🤟🏻煎餃呢就冇套餐嘅要單點，單點價錢就貴少少啦，唔包嘢飲嘅，嘢飲都係要散叫🫣總而言之今餐埋單$87算係不枉此行，如果過開嚟深水埗都可以過嚟試🫶🏻必食推介一定係巴斯克芝士蛋糕🍰🫶🏻冇得輸呀👍🏻（溫馨提示想中嘅維他奶係我自備㗎😝）食既嘅途中做發現咗一樣嘢，老闆娘好鍾意同啲熟客傾偈，老闆娘態度都好Nice，就算搬咗幾次舖，好多熟客都覺得搵返過嚟食！純粹係個員工態度真係麻麻地，希望老闆娘正視吓啦，如果唔係就會好影響第一次黎嘅客人嘅第一感覺😛

之前已經和友人到過「明發小食」，一行二人都被餐廳的食物質素所驚艷。今次筆者就再同另一位朋友過來，二訪這間街坊食店！同樣試了懷舊豬油渣麵，麵條帶少許煙韌感。豬油渣份量蠻多的，朋友話味道好香口，而且感覺未算好油膩，所以明知邪惡都會忍不住一直吃。一食令筆者愛上的煎餃子！點了鴛鴦口味，分別是韭菜和椰菜。前者味道會濃烈一點，外皮煎至金黃，入口香脆。內餡可以說是爆汁，一咬就有肉汁溢出，所以要小心進食。餡料比例多菜少肉，夠健康；而且還加入了馬蹄粒，令口感度增加。這一件蛋糕絕對是他們的意外驚喜。蛋糕入口幼滑creamy，有點入口即溶之感，芝士味道更是香濃。$25的定價可謂抵食！酸甜度適中的檸檬汁，解渴消暑。

呢間餃子店不簡單～除咗有餃子之外 竟然仲有甜品食？！😍位於深水埗嘅明發茶室 係四十年老字號 堪稱基隆街開荒牛而且唔止精於餃子 老闆娘仲好擅長整巴斯克芝士蛋糕於是就決定公諸同好 喺鋪頭長期供應 「歎杯咖啡 食件cake」不只是cafe嘅專利 喺呢度都一樣得😍我哋嗌咗淨蝦子雲吞（$36）、淨湯鴛鴦餃（$40/10隻）、香煎鴛鴦餃（$25/4隻）、自家製豆腐花（$11）鴛鴦餃分別係椰菜同韭菜餃 餃子皮薄餡靚 食到每款餃都有5種材料——椰菜/韭菜、冬菇、馬蹄、豬肉同菜鋪 口感同味道都好豐富煎餃亦皮脆而不過份油膩 我哋怕熱氣就只嗌4隻試下順帶一提 呢度啲菜脯真係幾辣架🔥🔥鍾意食辣嘅朋友唔好錯過🤣至於蝦子雲吞 雖然平時食開嘅雲吞都會食到粒粒鮮蝦 但呢款就冇 取而代之就有好多蝦籽 食落都好惹味 幾特別😍豆腐花加咗少少薑汁 而且質感Q彈不散 好食😋最後當然唔少得巴斯克芝士蛋糕啦（$25/件）正好媽咪鍾意飲咖啡（跟餐+$6） 仲唔係平民價錢 cafe享受？蛋糕芝士味香濃 尖端質感creamy 末端厚實 幾高質👍🏻

呢間港式茶室，門面低調、平凡，唔入去食嘢真係唔知原來係一間有35年歷史的老字號，專做鈍手工傳統香港小食。以前可能周圍都有得食，而家就真係好少見有得食啦～🍲 魚肉菜碗仔翅 (HK$23/細)．叫咗3溝，即叫即煮，碗裡有超多料 — 爽口鯪魚肉、雞肉絲、粉絲和生菜．上湯濃稠，但比較清淡，建議加少許麻油、醋和胡椒粉，香好多㗎～🥟 香煎餃子 (HK$25/4隻)．叫咗鴛鴦餃，有2隻韮菜豬肉和2隻椰菜豬肉．脹卜卜的手工餃子，有勁多菜，也有肉，煎得外皮好脆，入口好多菜汁，不會好多油，好味😋🍹 鮮榨檸檬水 (HK$15)．酸得嚟好清新，好好飲喎！🍨 自家製豆腐花 (HK$11/熱)．口感軟滑、不易散，好香豆味．個薑汁糖水真係有薑味而不辣，微甜．建議叫店員落多啲薑汁糖水，咁樣仲好味過自己加黃糖呀😋🍰 巴斯克芝士蛋糕 (HK$25/件)．除咗港式小食，原來呢度有西式芝士蛋糕😍．中間軟身、奶滑、微流心質，芝士香濃帶有少許焦香．好彩細細一件咋，因為食完會覺得有啲漏

第一次嚟到深水埗嘅明發小食，緊係要試下佢哋嘅招牌菜啦。我哋點咗淨湯鴛鴦餃子，分別有韭菜餃同椰菜餃。餃子皮薄餡靚，椰菜餃入口爽甜，而韭菜餃加咗爽脆嘅馬蹄，中和咗韭菜濃烈嘅味道，平時好少食韭菜餃嘅我，都忍唔住要食多隻。如果鍾意有少少辣嘅，仲可以再加埋辣椒醬呀～之後出場嘅係懷舊豬油渣麵，聽到豬油渣麵，可能會覺得好油膩，其實經過低溫油炸之後，已經逼出咗啲豬油，剩低嘅就係碗上嘅豬油渣啦～入口嘅時候豬油渣香脆可口，唔會覺得好肥膩。而上海麵條口感煙韌，呢碗豬油渣麵份量都算多，可以叫埋其他食物 一齊happy share！另外仲叫咗一碗細嘅三溝，即係魚肉同碗仔翅加埋生菜，手打魚肉嘅份量好多，而且魚肉非常彈牙，加埋果皮、肉絲、蛋花、冬菇同粉絲，唔單止好足料仲好抵食。最後仲叫咗兩款甜品-自家製嘅豆腐花同埋巴斯克芝士蛋糕，兩款甜品各有特色。豆腐花嘅豆味濃郁，又香又滑。而巴斯克芝士蛋糕充滿芝士嘅香味，又唔會覺得好膩。今餐食到好飽呀，下次經深水埗可以再食！

週六和朋友到深水埗來一趟文青之旅。不過文青也是會餓的，所以開始前先醫一醫肚！「明發小食」店如其名，主打餃子、魚肉翅等地道風味小食，相信無人不愛吧？第一次食豬油渣麵！豬油渣就是豬隻脂肪，起初怕會非常肥膩而卻步，後來店員好客地介紹豬油渣已經過油炸等步驟迫出大部分油份，因此入口未會太膩，口感就偏軟腍。而麵條就帶煙韌感。大碗size可以和朋友happy share！碗仔翅稠身，有大量肉絲、粉絲。魚肉份量很多，據悉是由店舖員工親手打出，鯪魚味突出，口感十分彈牙。餃子飽滿，以鐵板煎香後，外皮呈金黃色，入口脆卜卜，香口惹味。內餡比例多菜少肉，咬開有少許爆汁效果，椰菜和韮菜2款口味各有特色。最特別是混入了馬蹄粒，口感添加了一分爽口，層次更豐富。豆腐花是店舖自家製，一片一片的舀在碗中。入口非常滑溜，豆味濃郁，再配上適量黃糖佐送，夠香又夠甜。想不到可以在這裡吃到芝士蛋糕，而且又是他們的自家出品，實在佩服。「明發」的巴斯克芝士蛋糕雖然沒有流心效果，但質感滑身軟棉，每一口都充滿著焦香和cream cheese的香味。店員表示檸檬汁是每日新鮮榨出。清新解渴，甜酸度也調校得剛好。