浜燒太郎 (已結業)

和風凱撒沙律($62)，先上頭盤開胃菜，西班牙火腿切成薄薄一片，鹹香味十足，拌埋蔬菜一齊食岩岩好中和返味道。地獄拉麵($98)，雖說係地獄，但辣度類似坊間既中辣，所以其實唔使怕比個名嚇退左，對於我唔食得辣黎講只食食物，湯底飲左四份一係無問題，叉燒好腍，厚肉，仲有4片，流心蛋又正又滑。稻草烤安格斯牛扒($168)，牛扒已貼心咁切開成一塊塊，內裏呈鮮嫩粉紅，目測煮至7成熟係最好既黃金比例，牛扒好腍，有幾塊還連帶住牛脂，牛味更濃郁。帶子魷魚燒($58)，內裏餡料除左有帶子和魷魚之外，仲有好多紫薑，未必人人接受到紫薑既味道，但我就幾鐘意食。油甘魚刺身($92)，共6片厚切刺身，顏色鮮艷唔暗淡，新鮮肥美，口感爽口。牡丹蝦刺身($58)，筷子相比起蝦肉幼身得多，可見蝦夠大隻，而且黏性十足，證明新鮮。

近呢兩年將軍澳有越來越多既新食肆，由細到大都住係將軍澳既我都可以講得上係食遍將軍澳，難得今日慶祝朋友買樓成功就係附近食番餐入伙飯啦。他剛入住就已經說【浜燒太郎】不錯了。【浜燒太郎】開係將軍澳既翩滙坊地下，行入去可能需要多一點時間，大概地鐵站10-15分鐘路程左右吧，其實位置就比較近一點海濱長廊，所以周圍既環境都會舒適點。【浜燒太郎】係一間充滿日式感覺既餐廳，無論係七彩繽紛既布旗或是頂上懸掛既小燈籠，都充斥着日系風情，除左2人及4人座桌之外，浜燒仲設有4間榻榻米房間。而我就係坐左其中一間啦。食品既選擇非常豐富，「基本既壽司、刺身、丼、串燒、拉麵，另外仲有唔同既小食，即燒海產」，望到都覺得興奮。🔹油甘魚刺生 $92先叫個刺生開開胃先啦，油甘魚本身就係我既最愛，魚肉味到重，自身已經帶小小鹹味，加小小芥辣已經好perfect，而且仲係厚切油甘魚腩，腩位既魚油分佈更加明顯，口感當然非一般咁好食啦。🔹稻草烤醬油三文魚刺身 $98另一款刺身就利害了，稻草烤醬油三文魚刺身，超推介，係我食過既燒三文魚最喜歡既味道，同樣厚切既三文魚刺身加上醬油烤熟，看似簡單，但無論口感同味道都相當一流，肉厚滿足，調味適當