壽司豐 (已結業)

朋友話請我食 Omakase 佢揀咗尖沙咀Sushi Yutaka 壽司豐 Lunch Time 嘅 Omakase 有3款價錢, 揀咗中價位 $780 師傅會先了解客人有無唔鍾意/敏感嘅食物，然後就開始準備．     ▲ 前菜：茶碗蒸 & 冬瓜蟹肉 茶碗蒸：一點都唔馬虎又香又滑，仲有塊新鮮魚肉． 冬瓜蟹肉：冬瓜蒸得夠淋，加上鮮甜蟹肉，一鹹一淡味道非常配搭．   自家製嘅柚子蘿蔔同薑片，溫和嘅酸味少了刺鼻的感覺．  ▲ 刺身：  爽口嘅鱆紅魚刺身灑上海膽粉同紫蘇花碎，好精緻． 就算磨咗粉海膽味依然濃郁，配柚子酸汁，不過原味最鮮甜     較爽口脂肪少嘅九州真鯛魚同火灸伊佐木魚 2款拖羅，分別有魚鮫位同最肥美嘅腩位，無筋入口即熔，口腔即時充斥著甘甜濃郁嘅魚油．     之後師傅就去準備壽司環節，一共5款壽司，由淡至濃味 新鮮帶子，用直切法，一梳梳嘅口感更特別． 灸燒右口魚邊＋右口魚邊刺身，一冷一熱不同質感． 醬漬吞拿魚，魚油比例較少但魚味濃郁，完全沒有筋． 白色昆布鋪喺燒鯖魚上面，比較特別鯖魚肉質有咬口同時較濃味 碎拖羅上鋪滿一層鮮甜嘅海膽，用手接住大大啖咬，大滿足好有幸福感．   ▲

Monday Blues，不過好彩都擠到少少時間出離食返餐好先繼續搏殺。今次地點係位於尖沙咀漆咸圍單字一個豐既日式餐廳。幾個月前黎過一次，印象好好。餐廳係日式壽司吧，有張大大壽司枱，客人圍住師傅工作空間坐，每兩個位用易拉架同膠板隔住，可以睇住師傅手握壽司，我鍾意。Lunch Menu 有六款定食選擇，分別有板長Omakase，特選壽司十貫配稻庭烏冬或冷素麵，日替定食，和牛丼，豚肉生薑燒，同燒魚，餐牌同我上次黎有唔同。定食包前菜，茶碗蒸，吸物，咖啡或甜品，價錢由$280到$980，視乎選擇，另收加一。菜單講明所有菜式均以日本直送白神山水烹調。今次我決定試下呢度既板長Omakase，包時令刺身，壽司及熟食，價錢分兩個，分別係$780同$980。第一次食呢度嘅Omakase，我揀左入門嘅$780試吓先。茶碗蒸及前菜（跟餐）前菜（跟餐）前菜係胡麻醬菠菜豆腐，香滑凍凍哋嘅豆腐配翠綠嫩口菠菜，好清新。茶碗蒸（跟餐）茶碗蒸蒸蛋好滑，配料有新鮮脆冬菇，明顯冇落鹽。之後師傅就放左幾塊自家製柚子蘿蔔，酸薑片同wasabi喺我既壽司碟度。師傅介紹柚子蘿蔔係自家製。柚子蘿蔔非常爽脆酸味味，夏天食好開胃。酸薑片

今日同男朋友慶祝週年紀念，初嚐廚師發辦，我期待左好耐架啦😆呢間午市都有廚師發辦，我就叫左中間個個錦．上。呢間全部都係吧檯座位，可以望到壽司師傅點整，勁有日本既感覺。銀杏係前菜，用鹽炒過。刺身：帶子、象拔蚌、赤貝、左口魚、拖羅、牡丹蝦。我最鍾意帶子、象拔蚌同牡丹蝦，鮮甜肥美。壽司：鯖魚、赤身、拖羅、香蔥拖羅蓉。全部都好好食，入口即溶，特別係拖羅❤️❤️壽司飯係用白地神山既水整架，好高級。紫菜包海膽壽司，滿口海膽，好滿足😋鵝肝多士配牛奶草莓汁，多士好脆，鵝肝好香。和牛湯慢煮左九個鐘，好入味。全部食材都係當日最新鮮既魚生，服務一流，物有所值😚😚😚推介俾大家，黎慶祝任何開心事都好岩架😍