表叔火鍋

营业中

休息中

手切肥牛新鮮美味，雪花看了像和牛看見了已經決定下次會再來，吃了後一片接一片的停不下來，又有新鮮雞腸，雞雜，牛骨髓，廣島蠔，貴花蚌等，全部價廉物美，脆鯇骨腩十分香脆，絕不欺場，唯一有點失望的是炸魚皮及響鈴略為失色，不過其他食物也是水準之上湯底也超多選擇，今次試了杏汁豬肺，非常不錯豬肺份量也十分多，也顧不得膽固醇大火拚了😂啤酒也有很多選擇，價格平民，地方也舒適整潔，重要的洗手間雖然小小的，但是很乾淨，

今日同幾個朋友去左打邊爐，呢間鋪搭小巴好多時都會見到，上網seaech完見到都唔錯呢。環境唔係有好靚既裝修，始終我地主要打邊爐，如果裝修越靚，野食價錢相對都貴。啲枱凳都唔會放到好迫，都有足夠既位置。先黎左渣竹蔗水，夠哂凍同清甜。叫左胡椒豬肚雞做湯底。飲左兩碗湯先，好香胡椒味，飲好暖胃。手切肥牛，煮完之後望落好似好韌同嚡，點知食落好淋同好牛味！廣島蠔，一碟都有成8~9隻，食落唔會有雪藏味，唔錯！即炸魚皮，唔洗放入湯都可以就咁食，非常鬆脆。即炸響鈴，放落湯幾下再食，唔單止索哂湯，而且佢本身都好鬆化。手打四寶丸，真係好彈牙，咬落去嗰時差啲走出黎。

同朋友仔聚會最好就係烚下烚下！今次同舊同學一起去到近旺角豪華戲院附近的表叔火鍋到打邊爐。未齊人時，我們叫左份刺身拼盤，$268已經有四款刺身，非常抵食及新鮮！三文魚厚切有口感、赤貝彈牙、甜蝦夠晒鮮甜、水母非常爽口！CP值咁高，難怪差唔多每枱都叫返盤。餐廳有多款招牌湯底，今次我們就叫了胡椒豬肚雞鍋。配半隻鮮雞都只係$138。將所有配料放入胡椒湯內，大滾就可以先飲新鮮的胡椒豬肚雞湯。雞湯唔係好油，而且胡椒味都算幾重，係夏天飲得太多凍野，用黎驅寒真係唔錯。食火鍋我特別鍾意食手打丸！手打丸的彈牙感係其他半熟的雪藏丸完全無得比！餐廳的手打四寶丸有齊墨魚丸、蝦丸、豬肉丸及鯪魚丸！無論邊款丸的口感都非常彈牙，相比下，我會特別鍾意食夠晒鮮味的蝦丸。朋友仔特別Order了一份廣島蠔，一份大約有8隻到，每隻的Size都唔算細，而且漲卜卜。烚熟後唔會太細隻，而且味道鮮而唔腥，$88都幾抵食。相比滑豆腐，我覺得蜂巢凍豆腐更適合打邊爐食！由其食呢D靚湯底的火鍋，呢D會「吸湯」的豆腐，可以讓大家食盡火鍋的精華！鳳城水餃係餐廳新鮮包起的，唔係一般酒家用雪藏的水餃。食落豬肉好Juicy，加埋爽口的木耳絲，味道及口感都